|
2004 年 5 月 4 日 星期二 【晴】
今日12點幾起身呀~~
起身反而唔係玩電腦… 我彈鋼琴呀~!!!
好叻女~ 彈左好耐~ 好想彈到d歌好好聽好好聽!!!
彈左陣就寫下日記啦~ 都好耐冇update過個日記喇~!
但係我日日都有mark返d main point落microsoft word度架~!! 唔係我邊記得咁多~
不過都係寫左唔係好多咋~~ 記住先啦~!
之後玩電腦玩到夜晚啦~~
都係因為唔想溫書所以去睇電視 睇埋皆大歡喜我先肯溫書呀~!
但係都溫唔得幾多…
1課《齊桓晉文之事章》都未溫完!!
26課溫得1課都冇..... 講俾人聽都冇人信我呀~!
我真係好憎d人唔信我~ 唔信咁你又問我!? 我呃你有獎囉呀!?!!
食蕉喇食蕉喇!! 臨CE先黎搞d咁既野~
歡歡11點幾打黎話不如落樓下公園一齊溫書呀~!
好~~ 梗係好啦~! 我都知自己係屋企一定溫唔到架喇~~
而且我又咁晏先起身 落公園溫都幾好玩Y~~
歡歡屋企有佢家姐係度佢又溫唔到
佢都唔好得去邊~ 都係溫多我幾課咋~
好啦~! 為左我地既會考著想~! 我地落街啦~!
之後我地就去左OK買野食啦~
食完都12點幾lu 先坐係樓下有千秋個個公園度溫書~
都溫到d喎!! 起碼我已經溫完1課先啦~~
但係我一路溫就一路驚 因為覺得自己實溫唔晒囉~!!
又唔知睇本中文書好Y 定係睇精讀好~
之後我地又傾左陣傾又玩左陣 咁又去左d時間喇~
唔知幾點西航同盧吉吉又過埋黎一齊食野~ 食完都4,5點lu~~
我地2個先拿拿皮拎d書出黎煲....
煲鬼煲馬咩~! 我仲驚過頭先呀~~
考mock我都還溫左4課~
而家考會考我先溫得個1課!? 咪玩啦~~~
唯有勁快咁 "立" 下d課文 "立" 左幾課之後就返屋企喇~~
咁夜呃左西航同盧吉吉過黎真係好唔好意思呀~!
之後又唔送人走喎... 冇計啦~ 下次補返囉~!
歡歡都上左黎我屋企呀~
我地開始眼訓喇...
我死左係張梳化度 歡歡死左係我度~
唔好理喇~~ 訓一陣先算啦~!
唔係我驚我等間做卷個陣先黎訓.... 咁就大檸樂喇~!
>>May 8, 2004 at 9:53:40 PM GMT+8
2004 年 5 月 3 日 星期一 【晴】
今日訓到4點先起身呀… 鬼叫今朝先訓咩!!
起身之後覺得時間緊迫 原來後日就考中文喇!! 好似冇咩時間淨咁…
但係之後都同左許佩出銅鑼灣呀~~
出到去我地講埋晒d無聊野 但係又講到好好笑咁架喎~~
我地講野又講到勁大聲 好似成個銅鑼灣講野講得最大聲係我地咁呀~
所以我地勁驚一擰轉面會見到成班電視台d人set晒機映住我地~ 到時真係勁樣衰喇!!
我地又係度諗可能俾人錄低左而我地唔知
遲d去到阿爺屋企成班人睇電視播緊d咩搞笑節目
大家都係度笑個2條白痴仔 我地又笑埋一份~
但係唔知原來個2條友就係我地自己喎~!!
之後笑左好耐d人先話 : " 咦? 乜咁似你地2個既? "
跟住就有個鏡頭映到我地個樣 先知原來真係我地~~
哎呀~ 諗埋晒d無聊野~
但係我地真係笑左好耐好耐囉......... XDXDXD
之後我地又繼續傾啦~ 傾傾下我嗌左出黎呀~~
因為我隻腳攝左入d欄杆度kick實左呀~ 許佩笑左勁耐囉~~
跟住又有d內地人問我地路 我地d普通話答到真係好得人驚~!!
聽到自己講個d普通話好好笑 聽埋許佩個d我真係忍唔住笑左出黎呀~! 哈哈哈!!
不過好彩d人都聽得明我地講咩~~ 呵呵~
玩左陣去左個我地 "所謂既" 蘋果商場就返黎TKO喇~~
搭地鐵返黎個陣又成日發神經呀~!!
耐唔耐我就係度偷笑... 又傻笑~
搞到d人成日望住我地添~! 不過我一諗同佢地3唔識7就覺得冇所謂喇~
之後我地去左新都food court溫書~ 又係溫唔到既!
又去下買野飲又去下買野食咁~
11點幾我就返屋企lu~ 許佩就約左她的契爺食消夜~ Bye Bye～～
夜晚同阿廖ICQ
佢話好多男仔都中意d著裙既女仔架喎~ 問我諗唔諗住轉下形象~
UM............ 但係我個style不嬲都係咁架啦~
我自問都唔係個d咁女仔既女仔黎架~~
但係... 唔知呢? 我已經覺得而家既自己比以前女仔左架喇~
可能而家唔駛返學 少左係學校發癲啦~
同埋我覺得呢排我新識既朋友都會覺得我都幾女仔下架~~
唔知呢? 我始終都係中意sporty既look~~ hehe~
之後裝返web cam個程式 搵左好耐又裝左勁耐喎~!!
終於映到相喇~!! 好野好野~~
不過搞到4點先有得訓呀........ 又side晒d時間喇........
我個黑眼圈又黎同我打招呼喇．．．．．．
>>May 8, 2004 at 9:14:25 PM GMT+8
2004 年 5 月 2 日 星期日 【晴】
今日訓醒又對住部電腦 又彈下琴咁啦~~
好開心呀!! 彈返Give Thanks同Nora 's Dove (以前choir d歌)
覺得好好聽喎~!!! hehe........ 雖然彈得唔好~~
近排都彈多左琴呀 可能唔想溫書又唔想玩電腦啦~~
彈彈下琴有人禁門鐘
一打開門有個女仔問 : " 請問你屋企有冇d年輕d既女性呢? "
同佢講左幾句佢都好似聽唔到我講野咁 咁我咪開埋道鐵閘囉~
之後佢問我幾多歲 我當然話17啦~
佢問 : " 下? 即係今年就黎18呀?? "
仲話頭先以為我係個細路~
我 : " 係呀… 唔似咩? "
佢 : " 唔似呀~~ 話你中二、三我都信喎~ "
下… 唔係呀化~ 我矮姐~ 個樣邊有咁青春呀~~
跟住我地就係度傾計~
佢問我係咪會考溫緊書 我就話我玩緊電腦~
講講下唔知點解變左係我問佢野 唔係佢訪問我喎~~ 哈哈!
同個女仔講野都幾開心呀~ 佢話我個腦轉得好快呀!!~ 呵呵~
不過連佢都話我懶囉… 唔知點解連d岩岩識既人都咁覺得....
不過佢話同我傾計好開心呀~
話我講d野好搞笑 成日都聽到頂我唔順 想兜把星埋黎我度咁話喎~
哈哈! 我講野係咁架啦~~
佢仲幫我做左個分析
話我d皮膚算乾個類~ 都好白 叫我小心d會有斑喎~
仲有呀~~ 佢呀~~ 話我個樣似食煙個d喎!! 我邊忽似呀~~
仲話睇我個樣一定有拖拍…
我講冇佢又唔信喎~! 真係吹佢唔漲~
我地傾左都幾耐呀 咁佢就走左我就繼續彈琴lu~~
夜既落左歡歡屋企傾計~
傾左陣我就夠中去體育館門口拎收音機喇~ 黃沛聽幫我問左人借嘛~
之後我就換衫出去 一路行都一路低頭~ 搞到條頸好勀添~!
行行下一望原來已經行過左體育館喇~~ 咁就兜返去後面啦~!
再望多望見到抄屎同阿君(袁健君)佢地係後面望住我~
原來佢地一路都望住我架!!
仲係度笑!! 又唔叫住我!!! 衰人Y!
阿君又問我有冇卦住佢個d喎! 痴線啦~ 冇喎~~
之後拎埋收音機我就走lu~~ 唔該晒~
返到屋企同許佩用web cam玩MSN
之後搵埋阿ken一齊玩~
我覺得我地d對話好搞笑呀~ 成種係我地既溝通方式~
玩到3點幾佢地話訓喎… 咁就bye bye啦~
之後我玩多陣電腦就同西航講左陣電話~
差唔多搞到朝早咁滯喇.....
之後寫日記~ 寫寫寫寫到9點幾~~
想唔訓都唔得啦~! 訓覺~~
>>May 8, 2004 at 6:36:25 PM GMT+8
2004 年 5 月 1 日 星期六 【晴】
呢幾日都係係梳化訓呀~~
我唔想起唔到身囉… 係梳化訓易醒d架~!
2點幾起身hae到夜晚行左去寶林呀~
我好中意夜晚出街行個種感覺~
之後係寶林OK買左d零食行返返屋企撞到凌+豪(跆拳既黑帶師兄)喎~~~
佢問我做咩咁夜1個人行過黎又行返去喎… 話頭先見住我行過黎~
哈哈!~ 咁都見到...? 都唔知點答佢喇~
講左2句佢叫我早d返屋企就走左喇~~
返到黎都成點中lu~~ 我慢慢行Y嘛~
之後就玩電腦啦~~~ 唔知玩到幾點lu~
跟住就同西航講電話啦~~ 講講講~~
噢！又5點幾lu～～～
唔理喇.... 就咁訓左係梳化度算數喇~~
太差了~~ I 通頂again~~~
>>May 7, 2004 at 12:47:42 PM GMT+8
2004 年 4 月 30 日 星期五 【晴】
今日都12點幾起身呀~
之後歡歡問我可唔可以上黎我度
佢話佢家姐帶左個新bf黎喎所以要上黎避難喎~~
佢家姐仲問佢幾時走添~! 哈哈!~ 咁佢唔走唔得啦~~
之後我地約埋許佩就一齊去阿爺屋企溫書喇~~
好白痴呀!! 去到南豐個food court見到阿爺見緊飯
之後唔知點我拎左包紙巾出黎話我有男朋友 問佢要唔要個啦~
跟住阿爺話 : " 我要男朋友托呀? "
唔知點解我覺得好好笑呀~!!
因為我真係諗緊佢要個男朋友黎托~ 真係托起佢個男朋友呀即係!!
哈哈哈!!~ 笑左我地勁耐~~
我地上到去阿爺度傾左陣計就開始食野啦~~
我好口喝呀… 係咁拎阿爺d益力多黎飲! 真係冇大冇細~
不過阿爺話唔mind喎~~ 多謝~~
之後我地又狂食零食~ 我清左我同歡歡包童星點心麵呀~~
之後阿爺拎左盒百力滋出黎又俾我清埋咁滯!! 大部分都好似係我食咁囉…
真係有d唔好意思~ 不過好好味Y嘛~!!
最尾個條我專登唔食架~
因為我覺得邊個食左最尾個條就好似之前個d都係佢食晒咁囉~
哈哈!~ 留左俾許佩食~ d野食佢清架咋!!~~~
食完又冇心機溫書喎! 都睇唔入腦…
咁就係阿爺屋企彈琴啦~
佢部琴真係好彈過屋企個部呀~ 彈出黎都好似好聽d咁…
早知我就練多d去佢度彈啦~~
彈左陣又聽阿爺彈 之後我就入左房玩結他喇~~
我彈許佩唱~ 我又唔熟首歌 許佩又唔記得歌詞~
之後我地幾個睇影片~
阿爺睇左我地跳 "風" 個段片話o個個唔似我呀!!~ 差好遠咁話喎~~
咩姐… 人地肥左d之嘛~!!
許佩就係咁遮住阿爺對眼唔俾佢睇~
之後歡歡俾左Briney Spears個PV我地睇
嘩~~~ 索得佢Y! 我覺得個妝勁令呀~~
睇睇下阿爺遞起佢隻手話 : " 咦? 咩黎架~? "
我地3個一望即刻好齊咁向3個方向逃走呀~!!
我地見到隻綠綠地色既唔知咩係佢隻手度 我勁驚係甲由囉~~
佢話頭先以為許佩用手指整佢隻手咋…
妖妖妖~~~~~~~~~~~~ 走開呀~~~~~~~~~~~~~ 老鼠我就唔驚!~
之後佢拎左個電蚊拍出黎電暈左隻野囉~~
跟住我地睇電視 咁岩播緊 "六樓后座" 喎~~
我想睇多次呀! 橫掂都唔會溫書架啦~
好想睇返咩係 "青春" 呀~~
睇睇下無啦啦有人禁門鐘...
個陣已經12點幾喇~~ 仲會有邊個??
阿爺去開門~ 原來俾人投訴我地太嘈 叫我地細聲d呀~~
下.........?! Ｏ晒咀喎~
我地都唔係點嘈姐 頂多係d無聊位度大笑~!! 冇啦~~
可能係我地睇得太開心係度dum地 所以嘈到樓下呀~~
OH… 算啦算啦~~
之後我同歡歡就送許佩返寶林啦~
每逢我同歡歡一齊我地都會係送人返屋企個個架~~
如果得我1個 我都係多數會送埋d女仔返屋企架喎~~
唔知點解覺得自己同女仔玩就好似擔當左男仔個個角色咁添~!
返到屋企都2點幾lu~~
沖左個好豬服既涼之後就寫日記寫到朝早喇~~~
又算通左頂lu ! 忽～
>>May 7, 2004 at 6:43:50 AM GMT+8
2004 年 4 月 29 日 星期四 【晴】
今日2點起身啦~ 起完身就玩電腦又食到勁飽喎!~ 都幾辛苦下~
之後搞搞下就到夜晚返跆拳既時間喇~
不過都知自己實遲到 就叫暴暴返去先啦~
跟住自己飛車返跆拳~ 都係遲左半個中呀~~
今日勁少人返 不過都有野玩既~~ 踢下靶又渣下靶咁囉~~
點知我踢完靶行過度木門都咁好彩~慘中刺係隻手度!!~
大walk囉~~ 好彩藍帶師姐(?) 即係上個星期幫我貼膠布個個阿姨幫我整返條刺出黎咋~!
我的救命恩人哦~~~
臨尾咪操套拳囉~ 勁好笑!!
特別我地d紅帶 都冇人記得以前d野點操既~!!
我地討論過喇~ 不過就算唔識操都唔緊要!
只要臨尾個下嗌得大聲d 咁人地就以為你識操架喇~~
兇下人地都好Y嘛!! 哈哈~~
12點幾我諗住問火龍做咩唔返跆拳啦~
點知我開左佢個msg box之後停左停
見到佢send左句hihi俾我喎~ 又會咁橋既!
火龍叫我打俾佢 之後佢就打黎我度啦~~
佢話師傅同佢申話今日俾個黃帶串喎~ 咁我都知咩事啦~~
傾左陣電話佢問我有冇拖拍~ 又問我拍過拖未~
未喎...........................一x一" 想點Y~ 串我呀~~?~~~
跟住佢話如果我30歲前冇人要既話就佢要喎~~
咁我就話驚嫁唔出啦~ 佢話一定唔會~
我咪話 : " 如果我嫁唔出你切呀! " 佢話好~
跟住我就搭多句 : " 如果我廿歲前嫁唔出就你切~~ "
跟住佢就唔敢講野喇~ 哈哈!
廿歲?! 拖都唔知拍未啦~~
講左幾句之後就收左線喇~~
>>May 4, 2004 at 1:30:25 AM GMT+8
2004 年 4 月 28 日 星期三 【晴】
今日12點起身呀~
之後玩左陣電腦就同許佩去小童溫書啦~
今日好累呀.... 我都費事行去寶林喇… 搭296M算數!
去到小童溫左陣就出左銅鑼灣食飯喇~~~
出到去等埋西航就一齊去Barn啦~
hehe...... 見到盧吉吉同佢地個fd貝文喎~ (貝文個名好好聽>﹏<)
硬係覺得我地講d野好鬼搞笑~ 好似唔知想點咁!
食完之後我同許佩又白痴到係度玩食淨個d野~
我砌左個人樣出黎呀~! 我覺得都幾Q架~哈哈!
梗係~ 我砌架嘛!! 呵呵~
今日我好叻女呀~! 有男朋友仔(紙巾)~~
相信大家都有聽過我既格言：「有男朋友先至會帶紙巾」
我都好慷慨咁分左個男朋友俾許佩呀~~~
好彩我仲有3個~~~ 正!!!
跟住我地3個就去無印~ 睇左陣野去左皇室堡打機~~
不過個度冇咩野玩架… d拍拍機同郁手郁腳個d機都壞晒~
許佩又話唔玩喎! 咁我咪陪佢囉~~
之後我地去左隔離類似歡樂天地既野度玩掟波波~
玩左陣我地3個一齊落去等盧吉吉
咁岩個層係玩具反斗城喎!! 咁我地就入去睇野 西航就等吉吉喇~
我地企左好耐望個d電視廣告介紹d魔術道具~
好......正.........呀............ 好過癮~~
之後去睇babi用個d野~ 好似貼紙機呀...襟章機呀咁~
真係好正呀~!!! 許佩仲應成左我生日送呢系列既野俾我添~!! 好野~~多謝~~
不過我恨既唔係呢d~ 係成個玩具反斗城!!
真係想買左個玩具反斗城返屋企呀~!! 有冇人可能送俾我~??? 哈哈~!
之後行行下見到個唔知真定假既西人
有2個陳+麗咁高架!! 許佩話可能再多d添~!
我一見到個高人就即刻衝埋去Yeah左Yeah!!
真係好興奮架~~~ 高自己咁多!! 如果有相機我實映低佢呀~!!
之後我地上返樓上睇佢地打機~~
好似大家都玩得幾勁咁喎.... 好啦~! 獎品係美女1個!! (即係冇我份啦...)
好喇~~ 之後西航就返青衣~
我地就搭地鐵返將軍澳喇~ 而我同許佩就係去阿爺屋企既!
去到我都好勀喇..... 攤左係梳化度就訓著左~
溫唔到書呀..... 許佩又話唔知返唔返屋企喎!
如果唔返既我想訓覺先囉~~ 我諗住今晚可以早d訓架~
不過其實我想返多d~
因為阿爺聽朝7點幾要出門口... 我邊起到身姐~!
你踢我我都唔郁架啦~~ 分分鐘訓返係阿爺屋企門口都似!
咁不如我返屋企訓啦~~~
2點幾終於決定左走lu~~ 我就送埋許佩返寶林啦~
佢今日話驚喎... 叫我送埋佢上去~
好呀~ 橫掂我又唔係話太想返屋企~
送完佢之後我就慢慢行返屋企喇~~
冇計啦~ 對腳冇力~ 行唔得快呀.......
3點幾4點我終於noun到返屋企喇~!! 好野～～～(啪啪啪啪啪)
『能選擇要不要喜歡上一個人或愛上一個人嗎？
喜歡上了，愛上了，就是了。』
>>May 4, 2004 at 4:20:36 PM GMT+8
2004 年 4 月 27 日 星期二 【晴】
今朝訓訓下出左廳訓~
諗住尋晚2點訓今日會早d起身啦~
點知我5點先起身.............?!? 發咩神經呀~
起身之後hae左成日 真係好無聊架呢排~
夜晚10點幾勁唔想留係屋企呀~~ 總之想出去行下啦~
溫書又好 周圍逛又好 總之唔要係屋企!
咁我就執齊晒d野揹個大袋就出左去喇~~
首先行左去東港城啦 諗住去買返個襟章~
點知去到佢岩岩閂門喎…
咁我見咁早....仲有好多人係東港行黎行去
唔通我咁樣衰自己mout係度溫書咩~ 好似好折墮咁…
咁我就行去寶林啦~ 去到寶林打俾歡歡傾電話
傾傾下許佩又打黎 咁就同許佩傾啦~
一路傾一路行上翠林 因為寶林都唔知行d咩好喇~
而且可能我自己又想去翠林行下啦~
傾左好耐終於上到翠林喇~
唔知點解我行上翠林個條路個陣真係一d都唔驚架喎 就算係山邊冇人我都唔驚~
去到翠林周圍行左陣就係條黃色既天橋度停低左 跟住就同歡歡繼續傾計啦~~
個陣都11點幾lu~~ 佢又用手提傾喎! 但係佢係自己屋企...敗家啦~
傾到12點幾先發覺原來我手提得返1格電咋!! 唔得! 要留返呀一定~ 咁就收左線喇~~
咁夜....... 我都費事落返去啦~
橫掂我又未試過自己1個通頂~ 係翠林通都未試過添!
咁咪試下囉~~ 咩都試下Y嘛! 幾好玩呀~ 哈哈!
之後我就係翠林周圍兜啦~
行d自己未行過既路 直情連人影都唔多個既路都走去行~
但係我真係冇驚過d咩架喎…
淨係驚撞到差人叔叔問我拎身份證姐!! 我冇帶Y嘛~
等間佢帶我返差館call我阿媽黎咪大劑?! 我同佢講去同學屋企溫書架咋~
之後行行行 行到點幾中就係翠林個社區會堂附近搵左個地方溫書~
溫ECON呀!! 都溫到書喎係個度~
不過得閒又周圍望下.... 又望住本書發下呆.....又諗下其他野咁啦~
溫到2點幾 岩岩好1個中!
咁就打俾westhong喇....... 嘈醒左佢添~!
之後佢叫我搵個電話亭打俾佢 留返d電~
OK~~~ 但首先我要搵左個廁所先! 真係好急呀~~
之後去左OK個頭既廁所~
點知頭先個OK姨姨一行入黎 見到我之後佢疾左疾呀! 哈哈~
佢話俾我嚇親喎~~ 無啦啦有個人係度~
但係唔係應該我驚架咩??
之後去搵電話亭 搵左第4個電話亭先打到呀~!!!
翠林d公共設施真係@#$%^&*....................................
之後同westhong傾左好耐電話 傾傾下冇晒散銀喇又去唱錢啦~
一唱叫人唱十幾個$1俾我 個阿姨都睜大眼望住我~
哈哈! 擺明唱黎傾電話架啦~~
之後繼續傾 真係好多謝westhong犧牲左成晚俾我呀~~
阻住佢真係好唔好意思添~!!
不過我真係唔想返屋企... 好唔想! 半夜返去真係好唔爹唔吊囉~
傾傾下都天光lu~~ 巴士站好多司機都黎左喇~~ 咁我就行返屋企啦~
之後轉返用手提同西航傾~ 傾左陣就真係冇電喇~
返到屋企都7點幾.... 涼都冇沖就訓左喇~~
真係好累呀... @"@
>>May 3, 2004 at 10:15:30 PM GMT+8
2004 年 4 月 26 日 星期一 【乍寒還暖】
好野~~~
一訓訓到6點幾~~~ 等間考試實PK~~~
唔好理喇! 起身立多陣本TT書同d note就同暴暴搭車去令次伯考TT喇~~
鬼叫今日落雨咩…
係你就落大d落到黑雨 而家得個黃色暴雨算什麼意思!???
今日係第1日會考呀我~
見到自己學校d人就梗係圍埋傾計啦~
點知一問TT書d野 個個都背得出喎~!!
好得人驚呀… 咁我點算...........?!?
望下個seating plan仲見到我之後有好多no.架嘛~~
點知入到去先知我係最尾個個..................?>!?>
我no.179呀~~ 仲以為有no.180添~!!
死啦~ 坐最尾好大壓力架喎~~ 咁考得唔好都唔怪得我啦~~ (賴得就賴)
卷一d題目一望埋去都唔知答乜
但係望真d都可以老吹到 仲夠時間做得晒添~!
考完卷一鬆左好多呀個人!好似幾簡單咁~~ 不過d答案唔知岩唔岩囉~
考完出去同暴暴 + suki + 阿慧一路傾計一路睇左多書~
之後入返hall考卷二
PK囉… 我坐正個風口位 d冷氣爸ｂａ聲咁吹埋黎!
嘩~~~ 仲要吹足個幾中! 凍到我呢~~
著埋外套都頂唔順! 一路做卷一路縮埋一舊呀~~
仲要用件衫頂帽com住自己添~! 不過都仲係好凍 @╴@
早知我就帶埋頸巾黎啦~!!
所以卷二成績唔好都唔關我事架~~(再賴)
不過卷二我都老吹到喎~~~ 係唔夠point吹姐~
都算考得不錯 又夠時間做~~
好多人好早就走左喇 我諗佢地唔識做卦~~
好野~ 有人墊我底!
考完好開心呀~!! 咁就考完第1科~ 仲以為冇溫書實呆坐3個幾中添~!
之後返屋企食完飯 Iris佢地打黎問我出唔去旺角喎~
好呀! 出～～ 3點幾倒我地就齊哇哇咁出MK喇~~
今日有我, Iris, down down, 桂花, 邱邱, 周妍~
6條友係地鐵度玩IQ題
down down講左做ICQ題呀~~ 真係笑死我地!
我都唔明點解我地問IQ題都可以笑到扒晒地架~~
之後邱邱講多次挪亞方舟個笑話俾Iris聽
講到恐龍講左個好好笑既笑話個度我咪笑囉~ 個笑話講到呢度係要笑架嘛~
點知我一笑完佢地個個都係度笑 邱邱個d仲呢埋扮唔識我添~!
哈哈~ 因為都有好多唔識既人望住我呀… 我又真係笑得幾大聲下~
算啦~ 都唔識既~!
之後我地轉車 轉完車個企位同轉車前一樣架喎~!! 好搞笑~~
就係咁就笑到旺角喇我地~
去到旺角就分左2堆行啦~
down down同桂花就去左賣電話去睇度假屋~ 而我地d女仔就去睇衫衫~
咦咦咦～～ 佢地好衰架!
佢地唔俾我買有帽大大件 中間有扭 / 拉鏈個d衫呀~~
佢地話我有好多呢d款既衫喎 叫我唔好買咁多 要買其他款~
但係我真係好中意個d款Y嘛!!
衰人黎架! 仲要一齊拉我走~~~
之後我地都行到好累喇… 去左join桂花佢地租度假屋~
我地決定左會考完之後成班廿幾個一齊去南Y島camp呀~!!
好野好野!! 咁多人一定好好玩姐~!
間屋又令喎~~ 又夠大又有個天台~ Yes!
>>May 3, 2004 at 7:55:09 AM GMT+8
2004 年 4 月 25 日 星期日 【晴】
今日老媽子唔駛返工 又係度播佢個d舊歌啦~
聽到個d歌我真係勁唔想起身!!
就算起左身寧願睇電視都唔溫書~ 真係忽k~
下午溫左陣TT既都 睇左幾頁咁囉~
一溫書就勁想食野 咁就食左勁多立習野啦~
點知食完之後就眼訓喇… 因為唔想溫囉~~
咁就訓啦~! 哈哈~
訓到夜晚睇電視 3套電視劇我都睇晒呀~~~
睇完又話玩一陣電腦同沖埋涼就溫書~
點知一搞搞到12點幾先溫呀~~
溫到2點幾 溫下又發下夢咁~ 又諗下其他野啦~ 都溫多左十幾頁既~~
之後又hup眼訓喎!! 仲諗住通頂溫書架嘛~~
下午訓左咁多而家都仲眼訓?!
最後都係訓著左… 發左個惡夢呀…
見爸爸同隻鬼一齊 隻鬼仲要係媽咪個樣…
我同媽咪講佢又唔唔信我喎!!
隻鬼仲要望住我講 : " 你醒定d呀～ "
嗚… 好得人驚呀~~ 都唔知隻鬼係咪即係TT呀!
之後夢見今朝係8點幾 返完學之後既夜晚8點幾就自己行圖書館個面條路返屋企~
行行下先諗起朝早8點幾要考TT喎!!
但係而家已經夜晚 咁即係27號既朝早8點幾係聽朝啦~~~
好野好野!! ^0^ 仲有1晚時間溫書~~~
訓到4點幾westhong打黎話睇我溫書溫成點喎~~
我即刻問佢 : " 下? 一陣考拿?! "
下............. 唔係聽日先咩................../.\
低b架… 我諗我唔想溫書唔想到痴左線~
好彩westhong打黎嘈醒左我咋 唔係我實死呀! 實訓到第2朝~
不過之後望住本書我又訓返 都冇再溫過書喇~~
>>May 2, 2004 at 7:33:18 AM GMT+8
|
天使既身材!!! 魔鬼既面孔!!! ★☆
登登登登~~~
|
廣告 |
|
|
讀者留言 |
| 路人留言
|
 ::: JJ :::
<br>竟
>>August 31, 2010 at 4:01:52 PM GMT+8
加油
>>August 22, 2010 at 4:12:29 PM GMT+8
:::: 路人 ::::
<br
>>August 26, 2009 at 7:41:06 PM GMT+8
hi!我覺得你個backgrou
>>June 18, 2008 at 4:10:02 PM GMT+8
::::161810::::
<
>>June 19, 2007 at 4:54:48 AM GMT+8
::::許佩::::
<br>而
>>June 17, 2007 at 7:40:22 PM GMT+8
喂 你個fd失戀
<br>不如你
>>June 4, 2007 at 9:35:27 AM GMT+8
我都覺得死妹dance開心好多~
>>April 4, 2007 at 5:29:57 AM GMT+8
::::許佩::::
<br>梗
>>February 15, 2007 at 8:05:01 PM GMT+8
d相好精彩啵~~
>>February 5, 2007 at 6:28:26 AM GMT+8
:::: 161810 ::::
>>February 4, 2007 at 5:14:30 PM GMT+8
我都唔知咩係睇望
<br>我淨係
>>January 25, 2007 at 12:36:51 PM GMT+8
:::: 161810 ::::
>>January 25, 2007 at 4:13:57 AM GMT+8
144635 終於知你咩樣了
<
>>January 14, 2007 at 4:36:33 PM GMT+8
:::: 許佩 ::::
<br
>>January 11, 2007 at 2:59:02 PM GMT+8
:::: 161810 ::::
>>January 11, 2007 at 2:54:55 PM GMT+8
:::: 161810 ::::
>>January 11, 2007 at 2:53:19 PM GMT+8
你ｘａｎｇａ點去呀留比我啦唔該
>>January 2, 2007 at 7:38:31 PM GMT+8
細細細細細~~~~~~~~~~
>>January 2, 2007 at 7:27:01 AM GMT+8
冇呀 我過左個loney x'm
>>December 30, 2006 at 8:23:25 PM GMT+8
你好呀144635 我都知xan
>>December 20, 2006 at 6:33:44 PM GMT+8
我諗你估錯啦
<br>我唔識你識
>>December 19, 2006 at 7:33:34 AM GMT+8
::::蜜柑::::
<br>冇
>>November 30, 2006 at 6:22:28 PM GMT+8
::::泰::::
<br>唔知
>>November 30, 2006 at 6:21:03 PM GMT+8
::::許佩::::
<br>梗
>>November 30, 2006 at 6:19:52 PM GMT+8
::::珊::::
<br>um
>>November 30, 2006 at 6:17:52 PM GMT+8
::::出雲::::
<br>我
>>November 30, 2006 at 6:16:33 PM GMT+8
籍口
<br>
<br>好明顯你
>>November 21, 2006 at 7:29:34 AM GMT+8
板主，我覺得你真係好那happy
>>November 16, 2006 at 2:00:40 AM GMT+8
無聊上到唻~
<br>原來你仲未
>>November 15, 2006 at 6:20:12 PM GMT+8
你好牙...我係路過既/./.我
>>October 22, 2006 at 11:04:42 AM GMT+8
CW梗係大日子啦
<br>香港第
>>September 10, 2006 at 1:40:32 PM GMT+8
:::丸貓:::
<br>下~!
>>September 9, 2006 at 8:55:31 PM GMT+8
:::出雲:::
<br>CW好
>>September 9, 2006 at 8:50:29 PM GMT+8
:: Crazy ::
<br>
>>September 9, 2006 at 8:45:24 PM GMT+8
哈哈~~~路過架咋~~~
<br
>>September 8, 2006 at 8:34:58 PM GMT+8
聽講你真係玩cosplay wo
>>September 6, 2006 at 3:01:22 PM GMT+8
我一search showhap
>>August 30, 2006 at 12:46:59 AM GMT+8
++昌++
<br>哈哈!!~咩
>>August 12, 2006 at 9:19:33 PM GMT+8
++豐++
<br>呀下, 又係
>>August 12, 2006 at 9:18:17 PM GMT+8
++蔚蔚++
<br>哈!
<b
>>August 12, 2006 at 9:17:04 PM GMT+8
做乜咁慘成個月都冇生意?
<br
>>July 11, 2006 at 5:07:47 PM GMT+8
哈!!我諗你要搞一搞清楚乜叫日記
>>May 8, 2006 at 2:05:42 PM GMT+8
哈哈. 我就黎要通緝你喇大佬!~
>>May 8, 2006 at 9:14:30 AM GMT+8
++蔚++
<br>冇計啦~
<
>>April 19, 2006 at 5:50:51 PM GMT+8
估唔到你依家仲會比龜逗呀下～
>>April 5, 2006 at 9:43:20 AM GMT+8
++歡歡++
<br>本質係咁既
>>March 31, 2006 at 7:30:20 PM GMT+8
++豐豐++
<br>原來真係有
>>March 31, 2006 at 7:29:01 PM GMT+8
++寶寶++
<br>哎呀呀~
>>March 31, 2006 at 7:27:08 PM GMT+8
++呂廁++
<br>你未聽過C
>>March 31, 2006 at 7:26:10 PM GMT+8
|
|
今日12點幾起身呀~~
今日訓到4點先起身呀… 鬼叫今朝先訓咩!!
今日訓醒又對住部電腦 又彈下琴咁啦~~
今日12點起身呀~