|
2004 年 5 月 14 日 星期五 【晴】
今日訓到4點幾先起身 我明明個鬧中教12:45起身架…
我問媽咪點解唔叫我起身啦~
佢話叫過我好多次我都唔理佢~
妖~~~ 我點知姐!! 我真係咩都聽唔到Y嘛~
一擘大眼已經差唔多5點喇~!!!
我好中意訓得唔好 因為訓得唔好先會發夢~
我亦都好中意發夢 所以我已經成個月冇返入房訓喇~~
又諗住訓梳化可以醒訓d啦 有d咩e郁都可以即刻彈起身~
點知而家又係個天 "lum" 落黎我都唔知~!
難道要迫我訓地下....?!??
夜晚同歡歡一齊去左寶康打千秋 今晚個度勁多人喎~~
好樣衰呀~~ 次次我做完d勁瘀既野之後一定會俾人見到架~
哎呀~~~ 冇晒image喇~!! 冇喇冇喇~~~
打完千秋我地就走喇~
之後去左歡歡屋企沖涼 等佢沖埋我地就開冷氣齊齊歎~~ 哈哈!
佢家姐白痴到話不如3個人一齊向住個窗口大嗌
但係個陣已經2點幾喇喎~ 歡歡咁眼訓睬佢都傻啦~
但係我又訓唔著 望住個窗口發呆~
我望到下面好似有幾個人呀~
但係個幾舊野又唔郁 都唔知係咪人黎既~
所以我就叫歡歡數123 跟住我就開窗大嗌 : " 喂～～～ "
有回音架~~ 跟住即刻閂返埋個窗! 哈哈~
不過個幾舊野唔郁架~ 咁我諗應該唔係人啦~
所以同歡歡玩多陣就訓lu~~
>>May 16, 2004 at 9:21:36 PM GMT+8
2004 年 5 月 13 日 星期四 【晴】
今日發夢夢見自己踩單車返屋企
去到平時返屋企個條單車徑聽到有人嗌火祝喎~! 咁就睇下咩事啦~
見到個山坡度有個山洞 入面d火 "含含聲" 咁~!!
咁我就即刻打電話報警啦~
點知999竟然 " o都．o都．o都．o都．" 唔通喎…
咁我就醒左喇~
見到電視播緊 " 酒是故鄉醇 "
咁岩播緊火倉火祝個段喎~!
又係有人嗌 : " 火祝呀~ 火祝呀~ "
我車～～ 唔怪得知我發個咁奇怪既夢啦~
個山坡仔點會無啦啦有個大窿著緊火姐…
等我頭先仲幫佢報警添~! 超～～
好彩打唔通姐! 唔係俾人話我玩政府電話咪死?! 哈哈~
之後起身刷牙洗面 發覺條腰勁痛呀~!!
唔只條腰… 總之腰酸背痛啦~!
睇黎係尋日練舞之過~ 老喇… 跳兩跳就周身痛~
不過冇理呀~~ 睇左成日電視都繼續跳舞~
我已經成功KO左首Raspberry Juice喇~!! 練左唔跳好唔抵架嘛~ 係咪~!
而家諗落我都好想做dancer架…
知道自己邊個掂自然會中意個樣樣多d架啦~
夜晚又卦住玩電腦~
玩到天光我就捨得訓喇~~
又係梳化訓~ 真係開心! 哈哈~~
>>May 16, 2004 at 3:11:22 AM GMT+8
2004 年 5 月 12 日 星期三 【晴】
食屎喇~~~ 7點幾先起身 冇時間溫中4個d喇~~~
歡歡返左屋企冇耐我就出門口喇! 趕住去OK買咖啡飲提神呀~~
有冇用都好 買左先算~ 哈哈!
但係今日去馬錦明考 同OK都唔同路既~!
一頭一尾… 又要跑啦~
買左樽咖啡 都唔好味既~
行去試場個陣拎住本1B (中4下學期本ECON書) 極快速咁睇下入面講咩 勾返起d印象先~
我想睇個d野原來係1A架!!
入到馬錦明見到Joan, 郁香, 何+, Amy, 林怡, Monkey, 勁痕佢地成班已經到左
咁我梗係拿拿臨問佢地借左1A黎睇左睇啦~!!
d咩marginal diminished return (唔記得點串lu) 一定要背架嘛~~
唉… 考CE都溫得咁求其....
早知 "有早知冇乞衣" 呢個道理我就唔咁乞衣啦~
做做下卷一個陣我支筆竟然斷斷地墨喎! 可能寫左係d未乾既塗改液上面呀~~
搞到寫1個字都要劃多幾劃 side晒我d時間~!
我唔夠時間做呀～～ 坐底有廿幾分已經冇左lu~~
考完卷一落到樓下我地成班又坐返埋一張臺傾計 好似d三姑六婆咁~
大家卦住笑笑笑都唔溫多陣書 好衰呀~ 不過真係傾得好開心~!
原來頭先好多人都做唔晒呀~~ 我地咁多個得桂花同郁香做得晒~
梗係啦~! 因為唔識咪做得晒囉~! 哈哈~ 講下姐~~~
之後考埋卷二 都做得唔錯既~ 又係比想像中好囉~~ hehe~~
考完試打左俾好多人 因為好開心呀~!!
我再過多1個禮拜先要再考~ 所以興奮到周圍打俾人~!
打俾邱邱個陣佢叫我一齊去食飯喎~
玩咩~~ 我都返到屋企咯!
之後呆康同我講話頭先係新都聽到有人講我個名喎~~
仲話認到個班人有個係阿豆, 有個係周妍, 仲有個阿斌添~!
佢話聽到佢地話咩 : " 叫陳+麗佢又唔到 " 咁個d野
佢同傑傑一聽到佢地講我個名就笑左出黎喇~
HeY! 估唔到原來咁多人識我架~~ 哈哈!!
所以話~~ 講我壞話唔係講咁大聲呀~ 我有線人架~~ 哈哈!
下午我就訓覺啦 點都係休息下好~
發左個好開心既夢~ 卡卡卡!!~ XDXDXD
我中意發夢嘛~~ 好多時發完夢都好開心架!!
我不設實際的嘛~~ 哈哈!
今日考完科ECON 克服左全年冇聽書既問題~ 真係要啤一啤佢~~
我決定練埋SweetS首出道歌Love☆Raspberry Juice慶祝~!
!呢隻舞好似都唔易喎… 俾我跳到拱就發達囉~!!
之後練到出晒汗~ 仲好勀添~! 唔跳lu~~
不過好開心呀~!! 已經跟到SweetS lu~~ YEAH!!
" Give me your Love, your body. I like it! YeAh YeaH~ " 哈哈!~
正因為我今日既 "要歎世界" 心理 所以我想做咩就做咩~
沖左個勁豬服既涼就玩電腦喇~~ 真係好歎!
玩到6點先肯訓呀~ 無拘無束 好開心呀~~ ^0^
>>May 15, 2004 at 3:16:40 PM GMT+8
2004 年 5 月 11 日 星期二 【晴】
今日12點幾俾個電話嘈醒左 原來係菲菲呀~!!
大劑喇!!! 我約左佢12:00p.m係新都food court等架~!!!
我叫佢教返我ECON嘛 中5教個d我真係唔知頭唔知路架!
死啦~~ 叫佢教我野仲敢遲到! 死啦~
但係我真係有教鬧中架喎… 教左10點幾起身囉~!
哎呀～ 算啦~!! 即刻起身執野撲去新都背獲啦~~~
不過今日媽咪買左個M記早餐等我起身呀!! YeAh YeAh!~ 好感動~~
一路去新都一路KO個餐~
唔知點解覺得自己好似個趕住返工既上班一族添~!XP
去到都成點有多lu~~
佢話唔駛我補償喎… 要我內疚一世~
等我仲諗住用肉體還添~! 哈哈~ 慳返~~
之後我買左碗麵就係food court打等喇~~ 早知我頭先就唔食個M記早餐啦…
我諗住用最少既時間明晒macro講乜 連past paper都帶埋去架喇~!
點知一打開本野見到咁多字…
算喇~ 都係聽菲菲講算~
菲菲解釋左少少ECON既野俾我知
教左陣我地就開始傾計喇~~ 講埋晒d白痴野~
菲菲真係夠晒白痴架~ 同佢講野好好笑~! 真係超級好言不及義~~ 哈哈!
傾到4點倒佢要返官中練Oral我就送佢返學校喇~ 因為想同佢傾耐d囉~!
點知送到門口撞到Miss Ma.............?!?!
死喇死喇~~ 唔老黎喇~!! 聽日ECON抄梗都得喇!
之後我自己行返屋企 但係又唔想返去溫書喎~~
見咁熱就行左入圖書館啦~ 去睇埋晒d心理書~
真係奇蹟呀! 我竟然咁有興致睇書~ 都睇左好多本呀~!
睇到7點我先肯返屋企呀~!
原來係圖書館睇書都幾豬服架~ 又有冷氣歎呢~ 哈哈!
我第1次咁有心機係圖書館入面睇書咋~~
夜晚11點幾歡歡上左黎一齊溫書~
我地溫個陣勁食野呀~ 可能諗住咁樣就唔駛溫書住卦…
我專攻本ECON書~ 歡歡就專攻past paper~
歡歡話原來我今日帶去food court個本係solution黎架!! 我買左2年都唔知添~!
鬼咩~ 我都冇睇過本野!~
歡歡溫左陣拎左我屋企d舊雜誌黎睇 仲要睇左好耐添~!
睇黎佢都係好唔想溫書啦…
佢睇完d雜誌溫多陣書就訓覺喇~ 真係大膽!
我肯定佢未溫晒架囉~~ 溫左一半都唔知有冇~!
ECON我唔想死呀…
其實我覺得ECON好簡單架咋~ 只要肯睇下本書背下d野就識答~
所以我就繼續溫~
中4個d唔理住喇~ 個陣d成績都幾好 都有d印象架嘛!
況且我岩岩先知原來我手頭上冇1A個本書!! (中4上學期個本)
諗諗下先醒起之前考mock個陣我臨考之前借左俾阿雪睇條law 跟住就冇拎返喇~
噢噢噢!! 溫少本書~~ 好野 ^0^
不過中5個本我都未睇完~
因為好多課都係完全唔知佢講乜架!! 要慢慢睇返…
由於時間關係我都飛左好多 同埋淨係睇title囉~ 冇喇~
溫多陣我就訓喇~~ 要留返d精神聽日用~
早d起身睇返中4個d野咪仲好? 中4個d我掌握得好d架~~
經過今晚… 我發覺原來我真係好中意ECON~!!!
其實我想繼續溫落去架… 我想拎高分~
如果有多d時間我溫既話我一定會溫多d
同埋我好肯定唔好低分得去邊囉~~
可惜冇… 算啦…
點解我中5唔好好利用d時間去學ECON呢~ 真係幾中意ECON~~
>>May 14, 2004 at 10:24:50 PM GMT+8
2004 年 5 月 10 日 星期一 【晴】
仲諗住今朝早少少起身睇下d note添~! 點知又7點先起身…
今日仲要老遠去景嶺考添呀~!
架296M去唔去到康盛我都唔清楚添呀~~ 都唔記得左原來要去到咁遠考~~
之後約埋暴暴就一搭車去景嶺喇~
好彩~~ 2696M去到~~
不過唔知要幾耐先去到姐~! 唯有早d出門口啦~
跟住我地2條友就賴係勤力咁係部車上面刨中4既note喇~~
真係好好學架姐我地~!
呢科COMM真係好忽k架................
1份卷要考2.5hr真係p佢個k!! 實悶死我啦~~~
個試場又鬼死咁凍喎~! 我又坐最尾個行喇…
今次係尾2個個~ 點解我次次都係係後面既~~~
做做下卷見到前面好多臺都空了了 勁多人早走囉~
但係我已經冇乜點咪書架啦 仲想早走咁人渣?!
唔得~ 唯有放慢黎做啦… 真係悶到出汁架~~
好彩隔離玻璃窗可以望到個好令既草地 都有返d娛樂~~~
考完我同暴暴返左尚德掃去買零食 又買左幾十蚊喇~!!!
呢排我好似愛上左食零食呀~~
掃呀掃… 好過癮呀~! 哈哈~
不過食到個喉嚨好乾囉… 但係都繼續食! 犯賤呀~!
其實我已經好眼訓架喇 但係唔知點解返到黎我又唔想訓~
想玩囉… 當獎勵下自己考完份2個幾中既卷嘛~
夜晚同歡歡一齊去寶康打千秋
睇黎以後打千秋我都會去個度架喇~
鬼叫尚德個個千秋爛左1個咩!! 唔要呀~!
我地打左陣千秋大家都有d暈暈地又想嘔呀…
之後我地就周圍行~
行行下見到對情侶我地就諗住跟住佢地 睇下佢地下一站去邊啦~~
勁想佢地去公園呀!!
話唔定會見到d攬攬~~抱抱~~錫錫~~咀咀架嘛~~
點知佢地返屋企… 咁我地就去左寶翠search下睇下見唔見到另一對目標啦~~
答案係--- 冇...............................................................................T^T
其實我都已經好勀架喇… 行返屋企個陣簡直想死呀!
又冇車搭… 係冇錢搭車至真~ 都冇帶錢出去!
又唔可以唔返屋企… 我想休息Y嘛~
好可憐呀～～～～～～～～
>>May 13, 2004 at 10:05:46 PM GMT+8
2004 年 5 月 9 日 星期日 【晴】
今日7點幾先起身呀～
原來歡歡一早走左返屋企我都唔知添!
之後勁慢動作咁去沖涼 好似好老定咁~
但係沖完先feel到冇咩時間搞到要急步趕去鳴遠考CE!! 真係勁驚遲到呀~~~
仲要一路行一路睇本maths書!
立下其餘個d公式囉~ 溫唔晒Y嘛~ 早知頭先手腳快d啦~!!
去到見到萍萍 原來有時間淨喎..................一x一................
佢俾左d note我睇左陣就去考喇~
份長卷考得麻麻地啦 死又死唔晒咁囉~
之後我同萍萍同埋黑豬坐左係出面傾計 我就順便問埋黑豬數啦~
冇耐何+同Amy同埋何+個fd過埋黎
變左成班人一齊教我數添~!
但係愈講愈亂… 愈教愈唔明呀~~
算喇!! 我都係唔聽喇~! 等間連自己睇過個d式都亂晒就死!
傾下傾下又考卷二lu~~ 好彩都做得晒! GOOD!!～
之後同許佩同ken一齊食飯呀~ 睇到ken著西裝個樣~~ 哈哈!
食完我同許佩就去小童溫書喇~
小童勁豬服呀~!! 個度有冷氣~ 好開心! 哈哈~
去到我拎左本COMM書出黎溫 睇左陣就有d眼訓喇~
我係唔夠訓呀~ 咪扒係張臺度訓陣先囉~
點知一訓就訓左成3個中~!!!
3個中!?! 有冇呀~~
我淨係知道抄屎同阿斌都黎過 係度問我黎小童做乜喎~!
溫書囉~~ 唔通黎訓覺咩!!
不過我真係勁唔想起身架… 醒左又繼續訓返咁~
d冷氣好豬服嘛~~~ 好鬼涼呀~!! 出面咁熱我都唔想返去啦~
返到屋企又冇冷氣嘆~ 唔制~~
不過我真係唔知原來自己訓左咁耐囉~
就係咁我就訓到小童閂門喇~ (唔駛緊張... 今日6點閂)
真係有個決心聽日再黎!! 黎訓過呀~! 哈哈!~ 好豬服~
返到屋企又做埋晒d無聊野~ 覺得COMM好多野要溫要背.....
愈知道多野溫, 愈知道溫唔晒我就愈唔想溫~ 搞到點幾先開始溫書~
咁算啦~ side左d錢買2本COMM書返黎...
平時上堂又唔駛用~ 諗住考試可以睇返夠本啦~
而家淨係溫note都唔夠時間! 早知就唔鬼買呢2本野~
溫溫下我又走左去玩電腦喎~!
都冇心機溫喇.... 諗住睇晒中5教個d野就算數~!
但係太眼訓喇… 連中5個d野既note都睇唔晒!
算啦算啦~ 中4個d... 有d印象既~~~ 話晒之前都考過試嘛~
我寧願放棄COMM多過放棄訓覺~ 真係有d唔想去考呀~!!
溫到3點幾我就訓lu~~ 理得佢去死!
>>May 13, 2004 at 9:36:30 PM GMT+8
2004 年 5 月 8 日 星期六 【晴】
YO~~ 6點先訓呀我!!~
今日又唔想溫書呀~~
本身仲諗住星期六、日狂做數架添~!
嗚嗚…....... 而家電腦唔夠記憶體 開唔到ICQ呀~!!! >__< 咁唯有溫書啦~
夜晚11點倒先去歡歡度溫書~
落到去佢家姐問 : " 你覺得我男朋友個樣值幾多分呀? "
我就問 : " 你問新個個定舊個個呀~ "
跟住先知! 乃野!! 歡歡話唔可以俾佢家姐知我知道佢家姐d野架~~~ OH～
我同歡歡八目交投
你眼望我眼~ 又打下眼色咁~ 個樣勁搞笑囉~~
之後我地就狂係度兜~
佢家姐問 : " 你又知呢個新既? "
歡歡話 : " 佢見過2個唔同樣Y嘛~ "
佢家姐問 : " 係咩? (望住我) 你幾時見過呀~? "
我話 : " 下?! 唔記得喇… " (大汗")
佢問 : " 咁邊個好d呀? "
歡歡即刻話 : " 梗係新個個啦!~ "
其實我都未見過舊個個... 新個個咩樣我都唔記得啦~
唯有跟住歡歡話 : " 係囉~! 梗係新個個~!! "
講完我就tum低頭偷笑喇~
呼～～～好彩過到骨..............................................................~'.'~
不過諗諗下都係落公園 所以就換返拖鞋拎齊d野落樓下溫啦~~
落到去我地坐左係係噴水池度睇書~ 諗返起好多以前d白痴野~
下省1000字．．．．．．．．．．．
之後我地去左買零食 諗住一路溫書一路食啦~
點知一掃掃左四十幾蚊零食............>?!?!?!?
拎住成大袋野去公園都幾異相下~ 好似去野餐咁~ 哈哈~!
我地去到我地既 "老家" 仲要除埋拖鞋添~! 真係好似自己屋企一樣~~
好快我地就清晒d野食咁滯喇 但係書就冇乜點溫過...........=.="
之後又玩我地好中意玩既野~ 哈哈哈!! 笑死左~
冇耐有幾個男仔行過 望到我地係度睇緊書喎~
跟住就話 : " 嘩~! 係公園溫書呀? "
有幾出奇呀… 你未見過咩?! (變臉)咁又真係少見d既~
過左陣我地都真係溫下書喇~
又有幾個男仔過左黎我地呢邊傾計 嘈Q住晒~
走既話我地又要拎鞋拖~ 又要行近佢地~ 仲要經過佢地個邊走添~!
咁不如以不變應萬變啦… 唔好理佢地lu~
點知之後有個人行過黎問 : " 小姐，小姐 " (冇人理佢)
佢繼續講 : " 小姐，可唔可以做個朋友呀? " (都係冇人理佢)
好搞笑呀~!! 我地望都冇望過佢~~ 哈哈!
跟住佢個fd就行過黎話 : " 咪搞住人啦~ 人地唔理你呀~ 聽日會考呀~ 你就係度撩良家婦女~ "
我地2個都dup低左個頭係度笑呀~! 良家婦女...
不過當然冇俾佢地望到啦~!
等間佢地以為我地想識佢咪大煲?!
其實我急左好耐架喇 佢地阻住晒條路搞到我去唔到廁所!
所以佢地一走左我地就返屋企方便方便喇~
返到去都3點幾lu~ 歡歡上左黎我屋企一齊訓~
教好晒d鬧中就ready聽日努力考Maths!
不過我地都係未溫晒書…
我睇左5A個本書d公式咋.............. 乃野~
>>May 11, 2004 at 6:15:25 AM GMT+8
2004 年 5 月 7 日 星期五 【颱風】
今朝神咁早歡歡就打黎話落紅雨 仲話情況應該唔會再惡劣落去喎~~
咁即係要考試啦!!! >_< OH~ NO~~~
唔理喇! 好眼訓呀~ 俾我訓多陣先啦~
之後許佩打黎話轉黑雨唔駛考試喎~!! 好野好野~!!
我好開心架~~ 懶得出去考試呀… 好勀~
之後歡歡又打返黎同我講~ 阿青又打黎~ 我又打返俾萍萍同佢講~~
哈哈!!~ 一朝早就咁忙咁添~!
不過仲係訓緊係張梳化度唔捨得起身喎~~
見8點幾咁早我就訓多陣啦~ 點知一訓就訓到4點幾先起身!!
訓左大拿拿16個中呀~!! 我係咪有病呀~~
仲諗住今日早d起身溫Maths添~!
頭先發夢夢見自己又唔見電話喇~~ 仲要係唔見左呆康個部!!
第3次喇~ 不過今次係周妍整唔見架囉~ 哈哈!
再唔見我真係冇錢賠架~~ 好驚!
之後又係玩電腦 + 彈琴 + 睇電視啦~
冇溫過Maths呀… 有心溫架~ 冇動力溫囉~
夜晚唔想訓住又唔想溫書 咁就睇星座野啦~
我都知基督徒唔應該信呢d野 不過我覺得有時星座都幾準架~ 有時姐~
睇完d星座講自己既野 我覺得有d真係好準架~!!
有時仲講得幾岩添~! 睇下無仿既~~~ 冇人叫你盡信架嘛~
★女射手座：粗枝大葉的男人婆！
戀愛混蛋學分：粗心大意、兇不啦機、愛玩
如果你看到一個在公共場合笑得最大聲，最自得其樂，最不管別人怎麼看她的人，大概就是射手女莫屬了。
★星座之最★
最有肚量----射手 (大食!?)
最大而化之----牡羊+射手
最愛往外跑----射手
最喜歡刺激----射手+牡羊+雙子
最愛好和平----金牛+巨蟹+射手 (邱邱+周妍)
最不重視紀律----射手+水瓶
最不修邊幅----射手
最不會記恨----天秤+射手 (咦?許佩同我喎~)
最沒耐心----射手+獅子
最喜歡交朋友----射手+天秤 (又係我地)
最容易交到壞朋友----射手
最不會看臉色----射手
最會臨時抱佛腳----雙子+射手 (哈哈!我同歡歡)
最會突發奇想----雙子+射手+水瓶
最樂觀----射手
最禁的起玩笑----射手
最不重視精神層面----射手
最會傷人心----射手
動作最快----射手
最會丟三忘四----射手
最不會口是心非----射手
最不會煩惱----牡羊+射手
最多帥哥----射手 (點解我唔係男仔T^T)
最拿得起放得下----雙子+射手 (又係我地2個)
最誠實----射手
最易犯罪-射手+牡羊
最好賭----射手 (係咩.......................-.-)
最怕無聊----射手+雙子 (但係我地都好無聊架喎...)
最不會判斷是非----射手
最會運動----射手
最不愛用功----射手
最不懂人情世故----射手 (咁對唔住囉~)
最是花心情人----射手 (我到而家都仲食緊自己喎!!冇理由架!!)
最率性的直腸子----牡羊+射手 (多多得罪)
最會打混摸魚----射手
最直腸子----射手
最能接受試婚----射手
最有可能嘗試一夜情----射手
最是工作和生活一樣混----射手
不婚機率最高----射手
眼睛最漂亮----射手
最不喜歡被人管----射手
最童心未泯----射手
最喜歡遲到----射手
最有魅力----天蠍+射手 (唔多覺喎.........一3一)
最不喜歡上課----射手 (所以我上次走堂~哈哈!)
最喜歡流浪----射手
最幽默----雙子+射手 (Are we 最佳拍擋!?暴暴都好似係~)
最易犯桃花----射手
最懶惰----射手
最不喜歡受拘束----射手
神經最大條----射手 (咩神經先...)
>>May 10, 2004 at 4:10:55 PM GMT+8
2004 年 5 月 6 日 星期四 【晴】
今日考ENG呀~
起身個陣仲覺得頭痛 尋晚已經開始痛架喇~~ 可能唔夠訓啦…
去到宣基見到萍萍喎~ 即刻快快手問佢拎左粒頭痛藥黎啪啦~!
傾左陣計就上Hall考試喇~
一開始考作文又頭痛… 又眼訓…
不過份文都作得幾好既~~
交左卷之後突然之間發現!
咦咦咦?! 原來我個頭唔痛喇喎~~
真係要感謝神~ 感謝萍萍粒必理痛!!
考完卷一我同萍萍就落去樓下 同何+同埋何+個fd傾計啦~
萍萍話 : " 我地中國人黎架嘛, 中文囉唔到個D好樣衰架~! "
咁我就話 : " 咦? 我又唔係英國人, 咁英文唔合格都冇所謂啦~ "
跟住就一齊 : " 哈哈哈哈哈!!~ " 喇~~ 好搞笑~
之後考卷二 考完就即刻扒係度訓覺喇~
超眼訓呀… 真係好唔夠訓! 好辛苦~
考完覺得考得好過尋日呀~~
夜晚好想落街打千秋 但係沖完涼搵極都搵唔到副眼鏡喎!!
唔緊要啦~ 橫掂自己1個出去姐~ 又冇熟人~
唔帶都冇咩所謂啦~ 係睇野有d朦朦地姐~~
我係寶康打左陣千秋就見到有一對情侶黎玩~
個男仔一黎到就話 : " 睇下姐姐打得幾叻~! 學下人啦~~ "
跟住又係度姐姐前~ 姐姐後~
大佬!! 點睇佢2個都大過我啦下嘛~!!
臨尾佢仲係度講 我咪話 : " 好喇~ 唔好嗌老晒~ "
佢地又唔嬲喎~ 仲一齊係度笑添!
之後我見到有舊白色既野係天空度飛左飛右~
望左陣我就問佢地知唔知個舊白色野係咩啦~
點知佢地話係雀仔喎~~ 係一群雀仔冇方向地飛!
車～等我仲以為見到UFO添~!! fake晒~
過左陣佢地就同我講bye bye 2個就唔理我走左去漫步公園lu~
之後打左差唔多半個中先走呀~ 打到有d腳仔軟添~!
個pat pat又有d痛~ 又有少少眼訓呢~~
返到屋企沖埋涼就訓lu~~ 12點中咋!! 勁早~
因為聽日要多d精神考listening嘛~!
養足精神聽日考試!!!
>>May 10, 2004 at 3:02:26 PM GMT+8
2004 年 5 月 5 日 星期三 【晴】
訓左半個中倒我地2條友就死左起身喇~~
歡歡返返落屋企執野 我都要執下野啦~
本身仲諗住搵返份mock卷黎溫架~!! 好似好有用咁~
點知搵唔到第1,2頁既答案喎~!! 淨係得第3-5頁個份~
份問題紙我仲唔見埋添~!! 可～惡～也～ 溫手指呀???
仲要搵埋本補充練習睇作文既d用文格式~
PK啦~ 我唔記得左作文都要溫呀~!!
刷牙洗面食早餐! 搞到7點幾就拿拿臨拎住本補充練習出門口喇~!!
一路行一路睇 呢d就叫臨急抱佛腳喇~
點知落到樓下先醒起冇塗改液用喎!!
作文冇塗改液好核突架喎~!! 咁就即刻仆去OK同地利店睇下有冇啦~!
頂… 冇! 算～
咁岩地利店隔離有條天橋過去d中學個邊架喎~!! 好野~ 有捷徑~
點知我過到去個邊淨係望到宣基 但係望極都望唔到黃華湘呀~!!
唔好玩啦… 我之前真係記得好似見過 "黃華湘" 呢個名係尚德出現架喎~~
但係真係見唔到呀… 嚇餐死! 唔通唔係尚德?!
落左天橋我勁徬徨啦~ 又拎住本補充練習好不知所措咁係度轉黎轉去 好似個白痴婆呀…
又唔知幾點喎! 勁驚遲到囉~
之後打俾萍萍 好彩佢話黃華湘係宣基後面 咁我都安心d~~~
但係都係跑過去囉~! I don't know what time is it!
去到見到萍萍 + 勁痕 + Monkey
之後就同萍萍坐左係花園d搖搖"鄧"度
一路搖～ 一路溫書～ 真係好歎呀~~ 好寫意~ 哈哈!
冇耐就上去考試喇~~
卷一作到我痴線 都唔知自己作緊乜~!!
個腦好唔清醒呀~~ 用左好少修辭咋!! 實低分死啦~!!
總之我就覺得呢份卷好唔掂當啦~!!
考完卷一個個都懶醒咁勁快落晒樓下溫書
萍萍等埋我之後我地一齊坐左係個hall出面既chair度溫書~
d人落晒去 個度又靜又豬服… 真係覺得我地好聰明呀~!!!
但係都驚驚地會俾人鬧囉 真係得返我地2個係個度~
d老師行到出黎我地就諗 : " 走啦… 走啦… "
點知佢地真係走左呀~! 冇人理我地哈哈!~ 咁就繼續溫書啦~~
溫左陣就有人上返黎喇~
d人見到我地坐係度佢地又跟風喎~
超~~~ 你地咪坐囉~ 我入試場喇~
俾埋個位你坐又點話!~ 哈哈!~
之後就考卷二啦~
我做到第2個閱讀理解個陣hup眼訓呀~!!
又唔夠集中喎! side左好多時間~
所以做唔晒份卷呀~! 考完真係扒左係度!!
不過算啦~ 比我想像中好左架喇~
走個陣萍萍話份卷好難呀~!!
我話如果有溫書應該唔難得去邊~ 可惜我冇…
佢話佢有溫書都覺得好難喎~ 又唔識!
點知佢一講完就聽到隔離有個男仔話 : " 頭先份卷好易喎~ "
萍萍聽完即刻講左句粗口~! 哈哈!! 笑死~
返到屋企飯都冇食就玩電腦~
玩左陣真係好眼訓呀… 頂唔順喇~! 咁就訓左係梳化~
8點幾起身睇 "下一站彩虹" 好彩趕得切姐~~
見到d情節... 突然間又浮現返1個想法~
我會覺得... 如果第時個男朋友仔中意左第2個 咁我自己會唔會接受唔到打擊呢??
我中2個陣都已經有咁諗過架喇…
既然係咁… 不如唔好拍拖啦~! 咁咪唔駛驚會俾人飛囉~!
或者… 做朋友始終都好過做情侶啦~
話唔定到時我真係拍左拖會冇中意人咁開心呢~!
12點幾就同歡歡落左樓下買零食 跟住一齊去左寶康打千秋~
我地2個都訓左好耐 而家訓唔著啦嘛~
打打下有2個男仔問我地 : " 你地咁夜打千秋唔驚咩? "
我冇應佢地呀~ 淨係一路打千秋一路擰頭~
2秒之後就聽唔到佢地把聲lu~~
因為佢地頭先已經兜左去我地後面 咁佢地去左邊我就唔知啦~
我淨係諗緊佢地會唔會以為我地係鬼咋~ 哈哈!
原來頭先歡歡有答佢地話唔驚架喎~~
不過連我都聽唔到 唔怪得之佢地走啦~ 哈哈!
之後我地坐低左食著片~
食完周圍兜 兜到3點倒先返屋企呀~
好衰女呀~!! 會考仲夜媽媽出街玩~~ 仲連書都冇溫添~!
返到屋企寫左陣日記 寫到3點幾就訓覺喇~
費事聽日唔夠精神啦~~ 真係驚架~~
>>May 9, 2004 at 12:49:55 PM GMT+8
|
天使既身材!!! 魔鬼既面孔!!! ★☆
登登登登~~~
|
廣告 |
|
|
讀者留言 |
| 路人留言
|
 ::: JJ :::
<br>竟
>>August 31, 2010 at 4:01:52 PM GMT+8
加油
>>August 22, 2010 at 4:12:29 PM GMT+8
:::: 路人 ::::
<br
>>August 26, 2009 at 7:41:06 PM GMT+8
hi!我覺得你個backgrou
>>June 18, 2008 at 4:10:02 PM GMT+8
::::161810::::
<
>>June 19, 2007 at 4:54:48 AM GMT+8
::::許佩::::
<br>而
>>June 17, 2007 at 7:40:22 PM GMT+8
喂 你個fd失戀
<br>不如你
>>June 4, 2007 at 9:35:27 AM GMT+8
我都覺得死妹dance開心好多~
>>April 4, 2007 at 5:29:57 AM GMT+8
::::許佩::::
<br>梗
>>February 15, 2007 at 8:05:01 PM GMT+8
d相好精彩啵~~
>>February 5, 2007 at 6:28:26 AM GMT+8
:::: 161810 ::::
>>February 4, 2007 at 5:14:30 PM GMT+8
我都唔知咩係睇望
<br>我淨係
>>January 25, 2007 at 12:36:51 PM GMT+8
:::: 161810 ::::
>>January 25, 2007 at 4:13:57 AM GMT+8
144635 終於知你咩樣了
<
>>January 14, 2007 at 4:36:33 PM GMT+8
:::: 許佩 ::::
<br
>>January 11, 2007 at 2:59:02 PM GMT+8
:::: 161810 ::::
>>January 11, 2007 at 2:54:55 PM GMT+8
:::: 161810 ::::
>>January 11, 2007 at 2:53:19 PM GMT+8
你ｘａｎｇａ點去呀留比我啦唔該
>>January 2, 2007 at 7:38:31 PM GMT+8
細細細細細~~~~~~~~~~
>>January 2, 2007 at 7:27:01 AM GMT+8
冇呀 我過左個loney x'm
>>December 30, 2006 at 8:23:25 PM GMT+8
你好呀144635 我都知xan
>>December 20, 2006 at 6:33:44 PM GMT+8
我諗你估錯啦
<br>我唔識你識
>>December 19, 2006 at 7:33:34 AM GMT+8
::::蜜柑::::
<br>冇
>>November 30, 2006 at 6:22:28 PM GMT+8
::::泰::::
<br>唔知
>>November 30, 2006 at 6:21:03 PM GMT+8
::::許佩::::
<br>梗
>>November 30, 2006 at 6:19:52 PM GMT+8
::::珊::::
<br>um
>>November 30, 2006 at 6:17:52 PM GMT+8
::::出雲::::
<br>我
>>November 30, 2006 at 6:16:33 PM GMT+8
籍口
<br>
<br>好明顯你
>>November 21, 2006 at 7:29:34 AM GMT+8
板主，我覺得你真係好那happy
>>November 16, 2006 at 2:00:40 AM GMT+8
無聊上到唻~
<br>原來你仲未
>>November 15, 2006 at 6:20:12 PM GMT+8
你好牙...我係路過既/./.我
>>October 22, 2006 at 11:04:42 AM GMT+8
CW梗係大日子啦
<br>香港第
>>September 10, 2006 at 1:40:32 PM GMT+8
:::丸貓:::
<br>下~!
>>September 9, 2006 at 8:55:31 PM GMT+8
:::出雲:::
<br>CW好
>>September 9, 2006 at 8:50:29 PM GMT+8
:: Crazy ::
<br>
>>September 9, 2006 at 8:45:24 PM GMT+8
哈哈~~~路過架咋~~~
<br
>>September 8, 2006 at 8:34:58 PM GMT+8
聽講你真係玩cosplay wo
>>September 6, 2006 at 3:01:22 PM GMT+8
我一search showhap
>>August 30, 2006 at 12:46:59 AM GMT+8
++昌++
<br>哈哈!!~咩
>>August 12, 2006 at 9:19:33 PM GMT+8
++豐++
<br>呀下, 又係
>>August 12, 2006 at 9:18:17 PM GMT+8
++蔚蔚++
<br>哈!
<b
>>August 12, 2006 at 9:17:04 PM GMT+8
做乜咁慘成個月都冇生意?
<br
>>July 11, 2006 at 5:07:47 PM GMT+8
哈!!我諗你要搞一搞清楚乜叫日記
>>May 8, 2006 at 2:05:42 PM GMT+8
哈哈. 我就黎要通緝你喇大佬!~
>>May 8, 2006 at 9:14:30 AM GMT+8
++蔚++
<br>冇計啦~
<
>>April 19, 2006 at 5:50:51 PM GMT+8
估唔到你依家仲會比龜逗呀下～
>>April 5, 2006 at 9:43:20 AM GMT+8
++歡歡++
<br>本質係咁既
>>March 31, 2006 at 7:30:20 PM GMT+8
++豐豐++
<br>原來真係有
>>March 31, 2006 at 7:29:01 PM GMT+8
++寶寶++
<br>哎呀呀~
>>March 31, 2006 at 7:27:08 PM GMT+8
++呂廁++
<br>你未聽過C
>>March 31, 2006 at 7:26:10 PM GMT+8
|
|
今日訓到4點幾先起身 我明明個鬧中教12:45起身架…
食屎喇~~~ 7點幾先起身 冇時間溫中4個d喇~~~
YO~~ 6點先訓呀我!!~