|
2004 年 6 月 12 日 星期六 【晴】
今朝見到來電係呆康打黎 咁我就接左電話啦~
接左佢又唔出聲 淨係聽到有把男人聲係度講野
個死仔包究竟俾咩電台我聽呀... 打黎又唔出聲~
但係之後佢打多次黎 原來係叫我起身返主日崇拜囉~~ 我都唔記得左添~!
我仲以為佢咁大膽玩我電話
但係原來佢個陣返緊主日學都打黎叫醒我呀~~
不過聽緊牧師講野 唔知我接左電話所以冇出到聲姐~~
冇錯... 咁即係頭先我講既 " DJ " 就係陳牧師~~~ 哈哈!!
之後去Simon一齊行去返主日崇拜啦~
個崇拜悶悶地 不過都返得ok開心既~~~
唔知下個week返唔返好呢?
我始終都係中意返團契多d喎...
起碼多野玩d 冇咁悶先啦~~~
夜晚去圖書館門口跳舞~
今日除左阿廖同wing wing都黎齊晒~ 我都教左好多舞呀
邱邱 + 許佩 + 佩儀都學得好快
我又諗左d新舞同排左d位教佢地跳返啦~ 隻舞都差唔多教完咁滯喇~~
雖然仲有一半~ 哈哈!
不過淨係跳個一半都幾正架~ 我覺得~
唔知教晒成隻舞之後一齊夾會係點架呢~~
>>August 30, 2004 at 10:21:01 PM GMT+8
2004 年 6 月 11 日 星期五 【晴】
今日訓到12點幾 無啦啦手提響喎~!
我以為鬧鐘啦... 朦查查咁禁左個制 點知聽到有把人聲喎~!!
原來係Max Market打黎呀~!
係之前阿斌介紹我地狗寶見個份Promoter叫我sale d電訊野呀~
話首先要去training先喎... 咁我就應成左啦~
我個陣都未訓醒 起左身之後連幾點去train都唔記得左~
算啦~~ 其實都唔係好想做~
你方唔係個d " 裝電話送電器 " 咩~ 俾我都唔做啦~! 呃人既～
咁cheap~~ 唔要!
本身諗住返團契架~
我自己都已經遲起身架啦 點知歡歡仲遲!
打去佢手提又唔聽電話喎! 打去佢屋企佢家姐就叫我打佢手提~ 真係頂頂頂~~~
打左好耐我忍唔住氣就直接落去抄歡歡起身啦~!! 真係有d嬲架~~
因為佢之前起過身接電話架嘛~
明知約左返契團都唔起身仲要訓返?!
落到去佢家姐開門
我即刻走入佢間房話 : " 羅歡儀 " 跟住啤住佢
佢慢慢擘大眼喇~
跟住我好兇咁話 : " 你捨得起身未呀! " 咁佢就慢慢爬起身啦~~
之後講返佢話見到我好大陣火藥味 所以唔敢唔起身喎~~
梗係啦~! 我個陣扯緊火架嘛~
如果佢個陣同我講話佢唔返我真係頭都扢甩佢呀~!!!
咁等佢梳洗埋我地就一齊返團契啦~~
當然～ 我地遲大到 但都總好過冇到既~~
返到去一睇 咁多人既?!
但係好彩小琳留左位俾我囉~~
之後要分組玩game
我同阿慧+小琳+周達鋒+Simon+周立強個d一組呀~ 歡歡就自己一組~
呢個game係要我地出去tko既地方完成一d任務架~~
即係佢地會預先係tko其中5撻地方放低5支旗
跟住俾d貼士我地自己搵返d旗出黎囉~
仲要數下寶康公園有幾多個球場呀...
又要係尚德買個最平既口罩返黎呀咁 總之好搞笑架啦~!
所以成組人要分散晒咁要出去~
咁我同阿慧就負責去將軍澳村同寶林個頭搵2支唔同顏色既旗啦~
一出到去見到有人上左的士!
OH!~ 支旗咪會俾佢地搶到!?
唔得~~ 我地都要搭的士~~
第1站我地就即刻飛去將軍澳村先啦~
貼士係 " 將軍澳村有水聲既地方既上游 "
我地就周圍問人個頭有冇瀑布仔or河流啦~~
終於! 俾我地發現左係瀑布仔個邊既欄杆搵到支紅旗!! YeAh YeAh!!
我地係第1組搵到旗架~!! 勁呀!
但係支黃旗 n俾隔離組拎左囉~~
咁之後我同阿慧就要跑去買壽司喇~!!
要買4舊唔同既壽司返去請d導師食~
跑到返去身水身汗呀... 熱到Y! 不過好好玩囉真係^0^
歡歡先搞笑呀~
佢要幫佢個組返尚德買口罩
佢買個陣個老板同佢講 : "今日咁多人買口罩既? "
跟住佢就問個老板d人買幾錢呀~~
個老板話個個都係用$10買
但係愈遲黎個d開單就叫老板開得愈平囉~
第1組開單開$10
第2組開$9
第3組開$5
咁歡歡咁醒... 佢開$0.1呀白痴~!! 哈哈哈!!~ cheap得佢Y~~
最後camp返錢俾佢 咪得個1毫子~
佢都唔好意思拎啦~~ 咁就舌左$10喇~~ 哈哈~~
但係俾佢嬴左呢part囉~~~ 冇天理呀~~
返完團契之後開組都好好笑
原來差唔多成組人都係我d小學同學黎架~~
我地講野真係好free囉
可能冇左慕德d人係度 我覺得講野可以講得白痴d卦~~ 哈哈!!
之後講我地自己有d咩專長
我地狂笑周立強專長係遲鈍 最叻炒車添~!!
真係好開心架~ 笑到死左!
夜晚恆話想借我個日記一用
試下將佢改做小說俾出版社 睇下出唔出到書喎~
下...!?!? 突然之間覺得好震驚添~!!
估唔到我日記都可以出書... 如果出到就好lu~~
真係好似幾好玩咁~~ 哈哈!
>>August 30, 2004 at 10:08:05 PM GMT+8
2004 年 6 月 10 日 星期四 【晴】
約左華華11點去搵工
但係卦住玩電腦 拖拖下拖到3點幾唔係好想去所以冇去到喇~~
之後同歡歡一齊返跆拳
有d野令到我唔係好想講野啦~
所以個堂我真係好靜 冇咩點搞事~~ 哈哈!
放左跆拳之後狂買野食 再1次為食到尚德喇我地~
但係真係好累囉... 所以行行下就坐左係路邊玩野喇~ 哈哈!~
玩咩? 唔講得喎~~
唔係我同歡歡都好唔得掂!
我淨係知道俾我地玩個個人好無奈
好吹我地唔漲姐~ 哈哈!~
>>August 30, 2004 at 9:26:45 PM GMT+8
2004 年 6 月 9 日 星期三 【晴】
點幾起身... 有種空虛感...
次去完camp都係咁架喇
好似無啦啦冇左一大班fd陪咁...
夜晚同老媽子嗌交
佢話我又食晒佢買返黎個d零食喎~~ 痴線架~~
食零食買返黎唔食唔通睇咩~!!
我咪又忍唔到發脾4囉~~
都唔知第幾次為左呢個問題嗌交喇~! 唉...
你唔俾我食咩? 我自己落街買囉~~~
買左$50幾蚊零食就同左歡歡去寶康開餐喇~~
我地打下千秋又食下野咁~
咁岩有幾個男仔行過 歡歡就話 : " 咁都唔撩我地? "
哈哈哈!!~ 真係笑死我~ 唔通撩我地咩~!
跟住我地就繼續打千秋啦~
打打下無啦啦聽到隔離有把男仔聲 都嚇左嚇呀~~
咁夜... 無啦啦身邊多左個人...
原來有2個男仔行左埋黎呀~
係咁問我地讀邊間呀.. 住邊呀咁
仲叫我地過去佢地個邊一齊玩添~!
俾歡歡恨到啦~ 我地有人撩喇~ 哈哈!!
不過我地冇應佢地呀 講左好耐佢地終於肯走喇~
佢地一走我即刻同歡歡講 : " 俾你恨到啦~ " 哈哈!!
之後我地就行返屋企喇~
點知又俾我地撞到頭先個2個男仔喎~!
不過今次佢地醒水喇~ 定唔知望真d我地個樣啦
撩都冇撩過我地講野就走左喇~~
>>August 27, 2004 at 7:24:23 PM GMT+8
2004 年 6 月 8 日 星期二 【晴】
今朝起身第1句聽到既野係 : " 起身喇~ 7點58分喇~ "
下?!?! 但係8點中要去飯堂食早餐喇喎=.=" !
佢地話嗌過推過我我都唔醒 但係我真係feel唔到喎~~~
我地搞掂晒d野就仆出門口啦
點知趕到去竟然大半數人都未到!! 早知我地就唔跑啦...
又勁眼訓喎! 連食早餐都食唔落呀... 好想嘔囉~~
靈修個陣勁眼訓 眼都擘唔大呀!
去到靈修個間房一入門口就望到個廁所 見到丘仔去緊廁所呀~!
痴線架門都唔閂!!! 好彩我淨係望到後面姐~!
之後入到去借吳凱嗚張床訓 點知一坐坐正佢條孖煙通喎~!
真係大吉利是喇~~ 哈哈!
見證會講分享個陣我地幾個飛得就飛 都唔知講咩見證好~
總之成個會就好冇精神好眼訓咁啦~~
之後分組食lunch 我勁快手咁扒左半碗飯就趕返房執野喇~~
都差唔多時間出營喇~
上到車我地講埋d無聊笑話都幾開心架~~
雖然我笑得好開心 但係其實我有d唔捨得架... 好似好快就會分開咁...
去到西貢運動場就我地全體人員映左d相就各散東西lu~~
之後我 + 劉欣 + 華華 + Winnie 4個女仔去左五十嵐食tea
大大聲唱返首謝飯歌先開餐呀~~
我地一路唱周圍d人都一路望住我地
不過我覺得冇咩所謂呀~~ 中意咪一齊唱囉~! 哈哈!~
我地傾計傾得好開心 又勁白痴咁喎~
!之後傑傑都黎埋食 我地幾個變左玩電話呀~~~
我打俾劉欣個老細玩
同佢老細講 : " 喂,快d啦~~ 佢地上晒車爭你咋~~ 做唔快d黎?! 跑啦~~~ "
佢老細O晒囉... 都唔知發生咩事!
我就俾左我老細個電話劉欣玩 : " 喂, 你上個禮拜爭我$14.5雲吞麵錢好快d還喇下~! "
跟住我仲拎埋阿斌個電話出黎玩
話 : " 喂~ 快d啦~ 又話今日陪人映結婚相, 人地換好晒衫喇~ "
跟住我地係咁屈佢話佢想唔認數啦
阿斌問可唔可以唔結婚喎~~ 白痴架~!! 真係好好玩囉~~ 哈哈!~
玩到5點幾我地真係散Band喇~~
>>August 27, 2004 at 6:29:19 AM GMT+8
2004 年 6 月 7 日 星期一 【晴】
今朝我地7點幾起身
之後就去左canteen去食早餐喇~
我地個臺d腸仔神早俾人清晒 但係唔知點解隔離臺d腸仔又冇人食喎~! 勁side~
到Lunch個餐又有腸仔
我地白痴到係度諗究竟d腸仔係咪今朝淨返個d呀~ 哈哈!
係就真係Oh My GoD喇~~
之後靈修去左小琳佢地間大房 講左亞比該既故事就散喇~~
跟住既節目係 "馬拉松" 但係就分左2大組黎比賽~
比賽之前我地係個度玩左d好搞笑既game
之後等第1組返黎就到我地組比賽喇~~
第1組係呆康同Simon第1個跑到返黎呀~!! 好勁wo~~~
之後就到我地喇~
呢個馬拉松係要一路睇地圖一路照指示完成晒d任務先可以返到終點架~~
個d任務好好玩
第一站要唱Give Thanks
第2站要剪紙套過自己個身
第3站要講急口令 之後仲要自己諗多句出黎!
第4站係運水 + 飲水
第5站要跳over
第6站要跳50下繩
第7站要彈返起個訓低左既水樽~
我 + 傑 + 華係第123個返呀到~! 恭喜晒!! 哈哈哈~
估唔到我地呢班 "港澳9男女" 會勇奪殊榮~~~ 好謝～～
不過跑完成個渡假村之後我成件衫已經濕晒
要換傑傑件衫先可以豬豬服服咁繼續玩~
好彩佢帶多左幾件衫姐!
換完衫就玩 "歷奇"
係係地下鋪張數字紙 要一人行一步咁估返牧師諗個條路線出黎~
到我個陣我一隻腳行一格 個個都好似驚我會拗柴咁~
傻啦~~ 我咁叻女點會~~ 哈哈!
之後又成組人一齊綁住d手 一個拖1個咁搵
蝸牛 / 蚯蚓2條 + 完整樹葉5片 + 螞蟻6隻
仲要係半個中之內搵齊晒呢d野
搞到我地要好似垃圾佬咁周街跑~
個度又有d小學生去camp喎! 搞到俾佢地望住黎笑~~ 哈哈哈! 不過好好玩囉~~
最後玩n人n+1足 我見到呆康玩個陣攬住張君條腰呀~! 哈哈哈!
!跟住我就叫華華佢地望啦~~
可能我地笑得太誇張 定唔知我講得太大聲啦~~
呆康即刻縮返隻手 連張君個膊頭都唔敢搭添呀~! 哈哈!~ 超搞笑~
到夜既BBQ時間喇~
我 + 劉欣 + 華華 + 呆康 + 傑傑5個人同埋另外幾個人一組~
我地係咁講野係咁笑~
傑傑想叉跌我隻雞亦落d炭度 唔知點解了了下變左華華個隻跌鬼左落去囉~~
仲有呀~ 坐華華隔離真係好危險!
唔係俾佢撞到就俾佢挫親 係佢隔離坐耐d真係唔知有冇全屍淨呀~!
B完QQ就分組晚禱 同小琳佢地成組人一齊講返今日既feeling啦~ 仲有識返晒d組員~
之後丁教師叫我 + Simon + 周達鋒 + 王毅留低同我地傾野
我地係出面玩com棉胎超好玩 次次王毅都最慢~ 笑死!
之後去傑傑佢地間屋等丁教師同我傾計~
傑傑勁好人囉!! 我話口渴佢就幫我過我地間房拎水俾我飲喇~! 好感動~~~
之後同佢同埋洪振浩玩左陣鋤dee就到丁教師同我傾計喇~
傾左陣,覺得自己又再回到主身邊喇~~ 哈哈哈!
講完我就返過去沖涼
係間房度華華攬住我 我勁驚囉~~
即刻大嗌 : " 我冇奶俾你飲架~~~ "
點知劉欣一打開房門 佢地4條友 (康+Simon+浩+傑) 企晒係門口囉~~~
嘩... 樣衰爆!
佢地仲話我地講野好大聲 未入我地間屋已經聽到晒我地講咩咁話喇~~~
跟住我地就開始玩d無聊白痴問題 即係聽返個答案就會 " 啤～ " 一聲個d~
但係我個頭無啦啦勁痛呀!! 痛到想死~
咁我就祈禱啦~~ 之後就真係訓左喇~~ 咁嘈我都訓得著... 多謝天父呀~!
小睡左2個中倒已經冇痛喇~ YeAh!
起身個陣4點喇都
我地玩層層疊個陣傑傑成日叫華華做柒頭 真係笑死我!
之後華華輸左鋪~ 下鋪一開始應該係佢抽先架嘛~
傑傑就問 : " 邊個柒頭抽先呀~ "
之後華華勁快手咁大聲嗌 : " 我呀我呀!! "
哈哈哈哈哈!! XDXDXD 低b仔~~~ 笑爆左我個口呀~!!!
玩到5點幾佢地就走 劉欣同Winnie就訓覺
我同華華就去左另1間房度傾計~
傾到6點我地都訓lu~
>>August 27, 2004 at 3:31:08 AM GMT+8
2004 年 6 月 6 日 星期日 【晴】
今朝8點起身寫左陣日記先出門口 9點幾先到OK呀~!
之後我地就搭小巴去西貢
見到一大班人就齊齊上旅遊巴去麥理浩夫人度假村喇~
去到食lunch dR好豐富呀~!!
食飯前要唱首 "謝飯歌" 好得意架~~
咁岩我同華華同劉欣一臺食飯
一路食一路笑 又互相扮恩愛咁餵對方食送~
真係sweet架姐~~~ 睇到教會d人Y! 哈哈!~
食完就自由活動啦~
我地拎左d紙麻雀係康樂館玩 玩完之後入左桌球室篤波~
好搞笑呀~! 我同劉欣同華華3個人輪住黎打呀~!
華華就成日篤左皮棍出去都掂唔到個波
我就成日篤到個白波入袋 有次仲將個白波打返去後面添~!
劉欣就有姿勢冇實際~
但係唔知點解我同劉欣2個入得最多囉~~ 哈哈!~
1人入左6個波~~~ 好野~~ 華華可以渣兜喇~~
之後我地就返房
咁岩我地有間房有3張床 1間房得2張
但係我地有4個女仔wo~
咁我地就拍埋左3張床變左張大床啦~~~
搞掂晒房d野就入營禮唱營歌
咁岩係Give Thanks喎!! 岩岩係我地既 "屋企" 行去hall個陣先同Winnie夾完高低音部~
Night敬拜讚美會同佈道會 勁唱聖詩唱到喉嚨都沙晒
不過d歌好好好好好好聽!
之後又有個陳如炳牧師黎講道
佢講個番話好耐之前都聽過1次架喇~
而家有repeat多次! 但係唔知點解都覺得好好笑wo~~
臨尾唱歌個陣覺得神充滿住我地 超感動!
佢叫我dum低頭諗野我真係諗得好深入架~ 華華仲喊埋出黎添~!
之後返房洗白白 Simon佢地就過黎喇~
一開始玩com棉胎 前後com個時華華同Simon勁遲鈍~ 哈哈! 笑死我~
但係最終都係華華輸左 要過隔離屋問人借m巾~
點知隔離間屋冇人 搵到第3間先有人開門~
點知係個男仔呀!! 哈哈哈!~
我地企係旁邊迫華華開口問 佢勁樣衰咁問左人地有冇m巾之後我地即刻狂笑呀~!!
真係笑死我地~~
返返入房我地就轉玩7級豬~ 真係超好玩呀~!!
係咁拍係咁拍拍到個鼻都扁埋~! 不過好刺激囉~~~
Simon本身佔上風架 係咁升級係咁升級! 升得幾快呀~ 哈哈!~
仲以為會係佢輸啦~ 點知臨尾爆冷! 劉+欣勝出~~~
咁我就提議要罰佢玩電話啦~~ 因為平時自己都玩開! 哈哈~
人地一接電話佢就話咩 : " 喂~你上個禮拜借左我$14.5食雲吞麵好有d還喇下~ "
我地係旁邊又繼續爆笑!~
之後佢地玩鋤dee 我就覺覺豬先喇~~~
再唔訓我驚呢幾日冇命玩~
>>August 13, 2004 at 8:46:42 AM GMT+8
2004 年 6 月 5 日 星期六 【晴】
今日起身一直係度玩電腦 dl左好多影片黎睇~
部腦勁唔夠位添~! 係時候燒返d出黎喇~
7:00pm去德澤樓樓下練舞 落咁大雨對鞋都濕鬼晒~
練個時又有人望 仲有police走埋黎添~!
不過又冇問我地野喎~~
可能佢見我地跳得好睇所以先行埋黎呀~ 哈哈!
咁岩仲俾我撞到呆康!
不過我嫌麻煩要一路跳一路托眼鏡
所以我練舞都冇帶眼鏡出去 咁就望佢唔到喇~
淨係望到有個人行過囉~~
不過佢望到我喎~ 哈哈!
嗲左兩句聽日去camp要帶d乜野個d 咁我又繼續跳舞喇~
好夜先開始執去camp個d野呀~
係啦~~ 聽日去camp啦嘛~
係3曰2夜既教會camp黎架~
我地呢班小學同學志在自己去玩架姐~~
今次女仔有我, 羅洛甄, 華華同劉欣
男仔有呆康, Simon, 蔡+同傑傑~
其他就係團契個班fd啦~
之前佢地同我講我都唔知去唔去好
點知原來呢個camp就係呆康講個個!!
咁岩晒啦~! 去~~
咁我就一路執野一路玩ICQ玩到5點半先訓~~~ 哈哈哈!
都唔知有冇執漏野~~
>>August 13, 2004 at 8:14:49 AM GMT+8
2004 年 6 月 4 日 星期五 【晴】
今朝9點歡歡打黎叫我起身一齊搵工
但係我真係好眼訓呀... 好唔想起身~
而且姨媽今日就走 我有d想留返係屋企陪佢~
費事咁冇禮貌自己走左去啦~~
話晒佢咁耐次黎住1次!
所以我都係繼續訓 冇去到喇~~~
起身又俾姨媽同媽子勁迫食野 真係好憎呀!
我好後悔點解我唔走出街~~ 點解我唔去搵工~~
點知叫佢地食佢地就話好飽 我食左2碗飯佢地都仲要我食?! 低能!
我要食我自己會架啦~
點解佢地飽唔食就得 我飽唔食就唔得呀? 痴痴地~
今日我地約6:30pm去圖書館對出練Prayer~
到泳池入場個時段勁多人望住我地跳 有d唔好意思咁添~!
不過是但啦~ 又唔係第1次係度排舞 又唔係第1次俾人望~
今日好開心呀~!! 教左佢地都幾多動作 進度都幾好~~~
不過大家返屋企真係要練囉...
咦～ 邊個衰人呀!!~
我呀~ 鎖左架單車係街架嘛~ 咁我跳完舞咪去拎返囉~!
點知呀~~ 個條友呀~ 鎖單車呀~ 鎖埋落我個架度呀~~
叫人點拎姐~~~~~~~~~ 剪左佢個鎖咩!~~
衰人黎架~~ 咦~~~
>>August 13, 2004 at 7:57:55 AM GMT+8
2004 年 6 月 3 日 星期四 【晴】
今日下午返金葉軒拎人工
但係阿牛話我同wing wing既錢冇得拎住 要另行通知先有得拎喎...
花生就話佢都唔知會唔會唔俾人工我地!
不過是但啦~ 等下先囉... 冇人工都冇咩所謂既
起碼返工個2日我真係好開心~ 夠架喇~~
之後呆康打黎問去唔去佢屋企打牌 話劉欣同傑傑都黎打喎~
橫掂都冇野做咯~ 去囉~~
等我仲以為自己可以靠d雞糊食番幾鋪
點知佢地又要迫人玩3番起糊... 勁出衝囉我~~
之後老媽子打黎問我做緊咩 咪同佢講打緊麻雀囉~
點知佢就開始話我喇... 頂~
佢唔中意我學人打牌呀~!! 話我學壞晒 卦住賭會沉淪喎...~~
妖! 我有幾可玩姐~!
況且我都唔係太中意打麻雀!
冇野做先玩之嘛~~~ 真係~~
我地玩玩下無啦啦有人禁門鐘
我以為呆康屋企人返黎啦~
點知一開門係個女仔!
我即刻係度諗 : " 嘩~~ 咁叻仔呀~~ 叫左我地上黎仲叫個女仔~~ 未俾我地笑過呀~~ "
點知個女仔係出面企左陣 望左陣又唔入黎
我地又你眼望我眼!
原來個女仔搵錯門口呀~!!
傑傑話佢見過呢個女仔 話佢識得有個男仔又係住呢間屋
不過係隔離個棟樓~ 哈哈!!~ 爆笑呀我地即刻!!
呆康話以為個女仔係我地d fd 所以先開門打算俾佢入黎咋喎~
但係我地都以為係佢d fd喎!! 哈哈!~
個女仔知道自己搵錯門口個陣我同劉欣都死左出門口
係咁同佢講 : " 得閒黎坐呀~ 好聲行喇~ " 咁~ 真係好搞笑~!!
10:45pm睇完電視去圖書館自修室出面練Prayer
呢隻舞要有6個人跳架~
我地諗住遲d學校既跳舞比賽跳 或者Gra. Din都會跳呢首~
但係今日得4個人黎到
就係我, 邱邱, 許佩同阿廖喇~~
咁我就要教返晒佢地d動作啦~
點知隻碟播唔到 教完冇music冇心機跳架嘛~~~
咁我地就返返寶林等許佩燒過隻碟出黎再去寶林個體育館出面跳~
跳左陣大家都累喇 而且都好夜~
咁就遲d先教啦~! bye bye~~
夜晚同同邱傾電話傾左好耐 傾到4點中先肯訓呀~~
我又俾人吹訓覺囉... 幾時先可以脫離呢2個女人既銀尋攻擊呀~~~~~
>>August 13, 2004 at 7:38:41 AM GMT+8
|
天使既身材!!! 魔鬼既面孔!!! ★☆
登登登登~~~
|
廣告 |
|
|
讀者留言 |
| 路人留言
|
 ::: JJ :::
<br>竟
>>August 31, 2010 at 4:01:52 PM GMT+8
加油
>>August 22, 2010 at 4:12:29 PM GMT+8
:::: 路人 ::::
<br
>>August 26, 2009 at 7:41:06 PM GMT+8
hi!我覺得你個backgrou
>>June 18, 2008 at 4:10:02 PM GMT+8
::::161810::::
<
>>June 19, 2007 at 4:54:48 AM GMT+8
::::許佩::::
<br>而
>>June 17, 2007 at 7:40:22 PM GMT+8
喂 你個fd失戀
<br>不如你
>>June 4, 2007 at 9:35:27 AM GMT+8
我都覺得死妹dance開心好多~
>>April 4, 2007 at 5:29:57 AM GMT+8
::::許佩::::
<br>梗
>>February 15, 2007 at 8:05:01 PM GMT+8
d相好精彩啵~~
>>February 5, 2007 at 6:28:26 AM GMT+8
:::: 161810 ::::
>>February 4, 2007 at 5:14:30 PM GMT+8
我都唔知咩係睇望
<br>我淨係
>>January 25, 2007 at 12:36:51 PM GMT+8
:::: 161810 ::::
>>January 25, 2007 at 4:13:57 AM GMT+8
144635 終於知你咩樣了
<
>>January 14, 2007 at 4:36:33 PM GMT+8
:::: 許佩 ::::
<br
>>January 11, 2007 at 2:59:02 PM GMT+8
:::: 161810 ::::
>>January 11, 2007 at 2:54:55 PM GMT+8
:::: 161810 ::::
>>January 11, 2007 at 2:53:19 PM GMT+8
你ｘａｎｇａ點去呀留比我啦唔該
>>January 2, 2007 at 7:38:31 PM GMT+8
細細細細細~~~~~~~~~~
>>January 2, 2007 at 7:27:01 AM GMT+8
冇呀 我過左個loney x'm
>>December 30, 2006 at 8:23:25 PM GMT+8
你好呀144635 我都知xan
>>December 20, 2006 at 6:33:44 PM GMT+8
我諗你估錯啦
<br>我唔識你識
>>December 19, 2006 at 7:33:34 AM GMT+8
::::蜜柑::::
<br>冇
>>November 30, 2006 at 6:22:28 PM GMT+8
::::泰::::
<br>唔知
>>November 30, 2006 at 6:21:03 PM GMT+8
::::許佩::::
<br>梗
>>November 30, 2006 at 6:19:52 PM GMT+8
::::珊::::
<br>um
>>November 30, 2006 at 6:17:52 PM GMT+8
::::出雲::::
<br>我
>>November 30, 2006 at 6:16:33 PM GMT+8
籍口
<br>
<br>好明顯你
>>November 21, 2006 at 7:29:34 AM GMT+8
板主，我覺得你真係好那happy
>>November 16, 2006 at 2:00:40 AM GMT+8
無聊上到唻~
<br>原來你仲未
>>November 15, 2006 at 6:20:12 PM GMT+8
你好牙...我係路過既/./.我
>>October 22, 2006 at 11:04:42 AM GMT+8
CW梗係大日子啦
<br>香港第
>>September 10, 2006 at 1:40:32 PM GMT+8
:::丸貓:::
<br>下~!
>>September 9, 2006 at 8:55:31 PM GMT+8
:::出雲:::
<br>CW好
>>September 9, 2006 at 8:50:29 PM GMT+8
:: Crazy ::
<br>
>>September 9, 2006 at 8:45:24 PM GMT+8
哈哈~~~路過架咋~~~
<br
>>September 8, 2006 at 8:34:58 PM GMT+8
聽講你真係玩cosplay wo
>>September 6, 2006 at 3:01:22 PM GMT+8
我一search showhap
>>August 30, 2006 at 12:46:59 AM GMT+8
++昌++
<br>哈哈!!~咩
>>August 12, 2006 at 9:19:33 PM GMT+8
++豐++
<br>呀下, 又係
>>August 12, 2006 at 9:18:17 PM GMT+8
++蔚蔚++
<br>哈!
<b
>>August 12, 2006 at 9:17:04 PM GMT+8
做乜咁慘成個月都冇生意?
<br
>>July 11, 2006 at 5:07:47 PM GMT+8
哈!!我諗你要搞一搞清楚乜叫日記
>>May 8, 2006 at 2:05:42 PM GMT+8
哈哈. 我就黎要通緝你喇大佬!~
>>May 8, 2006 at 9:14:30 AM GMT+8
++蔚++
<br>冇計啦~
<
>>April 19, 2006 at 5:50:51 PM GMT+8
估唔到你依家仲會比龜逗呀下～
>>April 5, 2006 at 9:43:20 AM GMT+8
++歡歡++
<br>本質係咁既
>>March 31, 2006 at 7:30:20 PM GMT+8
++豐豐++
<br>原來真係有
>>March 31, 2006 at 7:29:01 PM GMT+8
++寶寶++
<br>哎呀呀~
>>March 31, 2006 at 7:27:08 PM GMT+8
++呂廁++
<br>你未聽過C
>>March 31, 2006 at 7:26:10 PM GMT+8
|
|
今朝見到來電係呆康打黎 咁我就接左電話啦~
今日訓到12點幾 無啦啦手提響喎~!
約左華華11點去搵工
點幾起身... 有種空虛感...