|
2004 年 9 月 1 日 星期三 【晴】
起身熨埋條校裙搞搞下遲出門口...
再次飛的返學!
今日已經有Maths功課做喇!
之後聽talk同阿Yo傾計
講開原來佢係Yuki(魚米家既同事)同麥志峰(舊官中人)既同學
世界真細小小小!
之後Fish問我係咪叫 " 陳+麗 "
原來之前又有個陳+麗係度讀 但係而家轉左校~
咁岩佢又叫Candy喎! 又係12月生日喎! 又係住尚德喎!
勁橋～ 一定係抄我啦~~
放學New Girls聚會 等埋歡歡放學就一齊去KFC等佢地~
食左個餐之後大家傾左陣
邱邱黎到冇耐有d人要開會 好多人都走晒~~
但係程麟同阿傑就黎左
狂迫供程麟同seven (佢女友) d野
傾足幾耐笑足幾耐 笑完就串佢~ 哈哈!~~
有拖拍真係慘... 成日俾人盤!
>>November 12, 2004 at 5:59:15 PM GMT+8
2004 年 8 月 31 日 星期二 【晴】
返到屋企我就即刻洗面沖涼喇~
原來我唔記得左叫老媽子幫我整短條裙呀!!!
條裙咁長咁樣衰 著左成個F.1仔咁... 唔制呀~~
咁我就諗住用雙面膠紙痴住佢
點知痴到核核突突 又趕住出門口喇喎!
是但啦~! mit返開晒出門口跑左去的士站先算~~
上到的士都已經8:01am喇 我就即刻係車上面痴裙啦~
我幾驚遲到呀!!! 好彩去到學校門口先8:04am
東華唯一好過將官既優點就係搭的士快到好多囉~~~
但係因為咁快 我條裙都未痴完...
咁就樣樣衰衰咁落左車
條belt又鬆開左喎! 一落去靚次伯d老師同Prefect狂望住我囉... 勁樣衰~
之後返到入學校歡歡 + 林怡 + Down Down佢地已經企晒係入面喇~
個個都望住我 佢地話我條裙真係好核突呀...
咁算啦~! 我做F1仔算數喇~!!
於是就係咁有幾個女仔企係籃球場中間幫我mit膠紙喇
真係好核突囉~~
上到班房我坐第5個位喎!
隔離坐左個肥妹 係咁係我隔離同佢前面個個係度講粗口~
我問佢野佢又唔多答我喎
最好既就係借左次塗改液俾我用~
之後佢問我 : " 你讀咩科架? "
我話 : " 唔清楚喎~ "
佢又問 : " 咁你之前邊間架? "
我話 : " 將官 "
可能我扮晒cool冇咩表情咁講啦
之後我聽到佢同另1邊個男仔傾計話 : " 我隔離個個勁串囉~ " 咁~
我都唔知佢係咪講緊我呀
不過是但啦~ 咁我真係官中轉過黎架嘛...
係課室見到好多奇景
勁多人一放break就拎住部手提周圍傾
成條走廊d人都拎住電話咁滯!
何善宏叫我落去陪佢行下
我條裙咁長咁樣衰 打死都唔跟佢落去呀! >_<
上堂d人又係度send SMS
真係勁有逃學威龍feel囉...
放學狗寶食飯~
我地約好左個個都著新學校既校服
得阿豆滯自己套校服核突冇著到~
狗寶勁勁呀!
9個入左除左周妍 + 肥man + 包包之外
個個都唔同學校呀~
我地成班勁大聲鬧d自己學校d校服核突
鬧到俾人望... 你睇我地慶成點?
之後去映相食野 再去KFC同官中既同學吹水~
同阿斌玩打手game
我打到佢淒慘地大叫
叫到俾3間鋪頭投訴 真係犀利 !
我就打得勁爽囉~~~
由於勁眼訓的關係,我返到屋企就訓到夜晚11點~再夜d整短條校裙整到我Y!4點幾先整完...仲要縫縫下唔夠白線縫要轉用灰色線,勁核突囉...算啦算啦~以我既裁衣技巧...冇人睇到既~~
>>November 12, 2004 at 5:48:16 PM GMT+8
2004 年 8 月 30 日 星期一 【陰】
今日又係訓到4點幾呀~~
跟住on下9咁就同歡歡一齊出左去買野喇~
原來我好多野都未買架~
校服啦... 返學鞋啦... 書包啦... 書啦~
OH!~ 大檸樂~ 唔會買唔切卦...~~
首先要去豐晶順買校服先啦~ 唔係其他買黎都冇用...
去到個阿姨俾左條裙我試
嘩... 條裙條腰我著住左都仲有幾寸淨囉我諗~~
咁我就叫佢俾件細d既我啦
佢就話 : " 岩架喇~ 你睇你條腰又岩(岩咩=.=") 上圍又岩
你地個個都話要窄身 又要裙短 岩架喇~"
之後就有個師奶搭嗲 : " 而家d o靚妹個個都係咁架喇~ "
FXXK～ 我真係好想鬧鬼佢地!講到我好似專登要露身材出黎咁喎~!
佢都低低地架~ 我鬼有講過要裙短咩!!!
好彩佢之後俾過條細d既我試咋
不過個條裙就長d囉... 過晒濕頭~
OK~ 冇問題~
我寧願自己改短都唔著到咁大件
搞到個胸好似好大咁 好核突囉~
之後我地就去買鞋 順便去買雪條食
重溫我地昔日既日子~
想當年(岩岩好係上年8月)我地係尚德
每人左手1支香橙味 右手一支檸檬味~
今年?
我地左手1支紅豆 右手一支綠豆囉~~ 哈哈!
大熱天時食2條雪條真係幾係野
我地要食得快過佢溶囉~~~
就係呢個時候我地撞到凱珊呀!!!
乃野啦~~ 冇手say hi喎~! 唯有拎住2條雪條係度揚囉我地~ 哈哈!~
本身約左ken 8點幾9點去打機架 但係我成9點幾先到囉~~
我地約左係官塘間寶聲(機鋪)等
去到機鋪見到佢睇緊人打機 我就即刻拉佢去食野啦~
我覺得佢好肚餓Y嘛...
等我等到9點幾10點先有得食野~
我地去左食$10麵呀~~ 佢仲食左2碗添~!
可想而知佢有幾肚餓Y...
真係覺得佢對唔住佢~
食完野我地就去打機喇~
去到就玩Photo Hunt
之後玩左鋪手舞機添啦我
又有300幾個combo 勁!
之後我地就過左官塘廣場間機鋪打
去到玩鼓機ken超勁囉~~ 真係覺得佢打鼓好勁下~
我都玩到首歌拎A呀打鼓~!!! YeAh!
之後我地玩個好似太鼓機咁既野都好好玩
臨尾玩多陣Photo Hunt就走喇 個陣都12點倒lu~~
咁我地就搭車返將軍澳啦~
許佩打黎 我地就過左寶林陪佢~
我地坐左係公園度傾計 都傾得幾開心既~
傾到6點倒我地就送許佩返屋企
我同ken食埋早餐就搭地鐵返屋企喇~~~
>>November 12, 2004 at 5:34:08 PM GMT+8
2004 年 8 月 29 日 星期日 【雨】
今日無無聊聊玩左勁耐ICQ
夜晚同歡歡落街打千秋
可惜天公不造美... 落雨!
我地去寶林買雪糕傾計 又去小販檔買腸粉食~
食完係樓梯傾多陣就返屋企on9 on到天光~
咁又一day喇~
>>November 12, 2004 at 5:19:52 PM GMT+8
2004 年 8 月 28 日 星期六 【晴】
今日係我係魚米家既Last Day
同佢地班人映多左d相
再映下魚米家既野留念就真係閃喇~
 
  
夜晚同花生 + Fion去太陽計劃睇明星
我勁眼訓佢都要迫我陪佢去呀...
又落雨喎! 冇人性架!
一開始去到睡魔來襲 中下中下咁坐
連眼都擘唔大! 仲即刻安然入睡...
開show就精神d喇
星光閃閃... 幾辛苦都擘大隻雞眼睇清楚d啦~
我仲衝埋出去幫花生舉牌支持 "女生宿舍" 添!
聽到好多好聽既歌呀~
最正係Lydia 唱得全場勁有feel!
  
食完野花生話落機鋪
但又扮晒Q咁話 : "機鋪咁雜我唔去!~ "
之後想拖Fion隻手行啦~
點知一拖拖左我個隻 我就一野fing開左佢啦~!
佢即刻好愕然
好似諗緊 : " Fion竟然fing開我?! "
原來頭先Fion企後左少少 所以花生先捉到我隻手~
好彩淨係掂到冇拖到姐!
唔係咩貞操都冇晒!
Fion睇住成個過程 我地3個一齊爆笑囉~!
我仲以為佢想拉我去邊添~!
等埋Fion老豆渣車黎接我地走 點幾中先返到屋企呀...
今日真係超眼訓!
2點倒我已經橫屍左係梳化喇...
>>November 12, 2004 at 5:14:58 PM GMT+8
2004 年 8 月 27 日 星期五 【雨】
今日返早又再幫 "認得我" 之阿叔落單
佢知道我今日遲到 8:08am先返到魚米家呀~~~
原來佢朝朝見都係附近派報紙
所以日日都見住我返工~
但係我仲未留意到個阿叔喎平時~!!
放左工我就直接去阿Ken個band show
佢今日出show嘛~
原來lylin係佢地既vocal 唱得好好聽呀~~
原來ken係bass手... 我仲以為佢彈結他架添~!
之後有個女仔同我講
水晶鏈應該帶左手架 因為左入右出~
但係我帶右手好d喎... 帶左手會冇咁好運架! >_<
跟住我拿拿林去南豐join狗寶+戰國打邊爐
d阿姐一叫 : " 令女唔該謝謝 " 我就第1個應鬼晒話 : "唔駛唔該~~ "
咁即係佢叫既令女係我啦~~~
之後我地玩7級豬又玩打手
同阿斌玩打手佢勁鈍囉~~~ 係咁俾我狂打!
同斯諾玩佢又勁大力咁車落黎喎!
車到我隻手腫晒呀~~
冇陰公～～打女仔呀～～
食完野我地坐左係明德OK門口傾計
我係咁搵佢地映相扮返同盧吉映個個庸士呀~~~
實在太正喇個張! 難得有緣同佢映到... hehe!
我地又玩大話精 搞左勁多無聊懲罰出黎!
阿雪同Amy成日乃野
最搞笑係阿雪要咬佢地唔知邊個耳仔
Amy又要聞阿law個格拉底~~ 哈哈!
之後我勁眼訓就訓左係地下
佢地見到有2個阿sir黎就即刻即叫我起身
我keep住坐係度訓 個阿sir仲問佢地我係咪醉左添~!
點知到左朝早我地去厚德OK等食早餐個陣又見個2個阿sir!
我同佢地講頭先訓覺個個係我呀~~
哈哈! 我唔係醉架~
本身我都諗住食埋早餐先既
但係又夠鐘返工喇...
返屋企換衫沖涼就岩岩好喇~
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
。。。。。。。。。。。。。。。。偽裝盧吉大作戰！。。。。。。。。。。。。。。。。。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
★☆★☆★☆★☆★☆  ★☆★☆★☆★☆★☆
*********************************************************
  
>>November 11, 2004 at 5:37:50 PM GMT+8
2004 年 8 月 26 日 星期四 【陰】
今日我帶左呆康部dc返工呀~!!
諗住就黎唔做所以映相留念囉~~
我送外賣個陣醒起盧吉係附近返工 又咁耐都未同過佢映相喎!
所以就打左俾佢叫佢出黎同我映相~
好彩佢未收工咋!
等佢收左工我又咁岩又要出去送外賣喎~!
幾驚佢唔想出黎同我映相呀...
我拉左佢埋一邊之後就快快手同佢映左陣
終於同佢映到相喇... 見到佢都仲好Q哦~!
映完返入去諗返都may may咀笑~ 哈哈!
但我又唔係中意佢架喎~~~
<*~我覺得映到勁似情侶呀~! 哈哈~*>
我隨身帶住部dc做野
見人行過都拉住佢地映相
峰哥話等放工先映 個景令d喎...~ 哈哈!
映完一輪之後同天峰同阿濤個d一齊走
又玩電腦玩到3點幾4點先訓喇我又~~
 <*~染黑返個頭架~!! ~*>
 <*~係咪清純左好多呢~*>
 <*~純真學生妹嘛~*>
 <*~個樣都好似細個左... 哈哈!~*>
 <*~Yes~ I am 懶後生+ing~*>
>>November 10, 2004 at 8:44:32 AM GMT+8
2004 年 8 月 18 日 星期三 【晴】
今日返工...
好唔老黎地老細老母 －－ 周老太黎左!
佢係咁話我抹匙抹得慢
叫我做野要有文有路d喎...
而家我好冇文冇路咩?!
我醒目細係細米家抹匙算係高手黎喇~!!
跟住佢教我抹 叫我入廚房拎筲箕出黎裝住抹完既野
我入左廚房慢慢搵慢慢拎
由得佢自己係出面抹~ 費事咁快出去又俾佢話~
之後佢又鬧洗碗d阿姐
鬧完出返lobby又再入返去鬧 仲殺埋入廚房鬧人~
嘩... 邊有d阿婆咁好忠氣架...
阿路同互望 周老太好似咩會鬧一餐咁!
我就叫阿路冇野做都要搵野做
咁佢就即刻去畀紙皮啦~
點知周老太真係行埋佢度!
都唔知周老太係咪叫阿路磨埋把界刀呀~~
今日下午就收得工
夜晚10點我地魚米家既仔仔女女約左係魚米家門口等呀~
今晚我地成班去打邊爐~~~
返到魚米家入去搵d返緊工既人吹左陣水
之後我 + 小玲玲 + 阿路 + 花生 + 豬兜銘去銅鑼灣廣場搵酒樓先~
玲玲係咁屈個度d人送汽水俾我地
又串串咀咁撒賴 似踩人場咁~
終於! 俾佢成日嗌左5支免費可樂返黎呀~~ 哈哈哈~
之後Frankie(老細之一) + 錦哥(股東) + 阿Rain(主任) + 阿偉(主任) + 廚房 + 水吧都黎埋 爆多人!
17個人... 有我,阿路,花生,阿銘,錦哥,肥仔,天峰,明仔,阿偉,小明,玲玲,細wing,Gary,傑,Fankie,Rain,仲有個我唔識既廚房~
我地食完野佢地就玩猜枚個d
之後我地就成班一齊玩圍枚喇~!! 好好玩呀~~
輸左要罰飲酒 我都有飲呀~~
飲完仲話自己係 "魚米家之花" 添~!
未醉就亂講野~
我嗌 "收晒" 個陣自己又開左喎! 真白痴~ 又要飲~
我地狂講笑 阿路又狂串小明
真係笑鬼死~!! 好開心啦總之!!
玩到3點幾 我都有少少醉醉地喇...
跟住同阿銘 + 天峰 + Gary + 花生一齊搭的士返將軍澳~
咁又完左開心既一Day喇~~
>>November 6, 2004 at 3:54:45 AM GMT+8
2004 年 8 月 13 日 星期五 【雷雨】
今日返工我地冇留係魚米家食
同Gary + 阿偉過左隔離m記食~
傾左好多野.. 阿偉遲d要調過中環喇...
而家都唔係太憎佢姐 都會唔捨得佢~
可能大家熟左啦~
講返, 知唔知何解我地會過m記買野食?
實不相暪 其實魚米家d野好那渣架咋...
花生佢地成日話食完魚米家d早餐都會柯
佢地個個都乃過野唯獨我未試過係魚米家柯喎~
所以我地間唔中都會過麥當當買野食~
但係m記d員工又成日過黎買野食 大家都買到熟晒喇~~
我諗緊會唔會麥當當d人食完麥當勞都肚痛
所以先過黎魚米家食
但係點知.......... @#^&*......... 祝君好運!~~
放工返屋企勁興奮咁去開冷氣~
正! 有世界歎~
但係開心得滯 閂門個陣冇留意原來隻手指係門 "那"
一閂門就夾左落隻手指度~!
嘩~~~痛到爆炸! 之後仲好似冇左感覺咁添~!
過左陣出尖咀美麗華做Kinki既化妝model
今堂佢學修眉...
唔好講笑! 我勁唔想佢地修我條眉
好驚佢抆下抆下抆d眉毛唔見晒~!!
佢地本身仲話要剪短d我d眉毛添架~! 唔制呀~~~
死都禁住自己堂眉大嗌 : " 唔好剪我d眉毛呀~~~ " 重複500次...
不過好開心佢地讚我d皮膚好好囉~
條眉又好令冇咩雜毛唔駛點修~
好彩...
>>November 5, 2004 at 6:04:39 PM GMT+8
2004 年 8 月 7 日 星期六 【晴】
今朝返7點 返工又跑到我索晒氣...
我發覺做魚米家最辛苦唔係係鋪頭做野
而係跑返工個野呀~~
8點倒我去落單
個客嗌完野食就問我 : " 今日唔遲到拿? 平時日日見你跑返黎架喎~ "
下...?!?! 我竟然吸引到阿叔留意我??!
估唔到佢認得我喎... 平時都唔覺有個咁既阿叔日日8點黎食野~
不過我拎野食俾佢個陣同佢講 : " 你錯喇... 其實我今朝都有跑 不過我返早左1個中你見唔到咋~~~ "
哈哈!~ 好彩今日係阿Rain返早而唔係阿Paul
唔係我又俾人啤喇~~
我叫阿文(水吧)叫我 " 醒目細 "
點知佢叫我 " 聰明 " 喎...
O晒~ 佢就真係聰明喇~~
中午賣野小明又行埋黎
成日係度爭爭爭, 推推推, 撞撞撞...
冇人同你講麵檔部係我架咩!
仲過黎推開我搶我d野賣... FXXK U~
細wing又冇禮貌咁點我地做野喎!
我啤住佢佢先講句對唔住咋~
我個句 " 對唔住大晒! " 真係好有威嚴
恭喜佢成為我第1個係魚米家大聲鬧既人~
放工">同阿路一齊俾人點左去送盤菜
仲要送到去黃大仙喎~
黃...大...仙...?
走到黎銅鑼灣叫盤菜?
魚米家真係好味成咁~~~咩~?
我地2個一路去一路傾計 又有得唔駛錢周圍搭車又有人工~
送完外賣我地去食野 之後返屋企玩電腦~
一玩就玩到3點lu...
>>November 5, 2004 at 4:53:15 PM GMT+8
|
天使既身材!!! 魔鬼既面孔!!! ★☆
登登登登~~~
|
廣告 |
|
|
讀者留言 |
| 路人留言
|
 ::: JJ :::
<br>竟
>>August 31, 2010 at 4:01:52 PM GMT+8
加油
>>August 22, 2010 at 4:12:29 PM GMT+8
:::: 路人 ::::
<br
>>August 26, 2009 at 7:41:06 PM GMT+8
hi!我覺得你個backgrou
>>June 18, 2008 at 4:10:02 PM GMT+8
::::161810::::
<
>>June 19, 2007 at 4:54:48 AM GMT+8
::::許佩::::
<br>而
>>June 17, 2007 at 7:40:22 PM GMT+8
喂 你個fd失戀
<br>不如你
>>June 4, 2007 at 9:35:27 AM GMT+8
我都覺得死妹dance開心好多~
>>April 4, 2007 at 5:29:57 AM GMT+8
::::許佩::::
<br>梗
>>February 15, 2007 at 8:05:01 PM GMT+8
d相好精彩啵~~
>>February 5, 2007 at 6:28:26 AM GMT+8
:::: 161810 ::::
>>February 4, 2007 at 5:14:30 PM GMT+8
我都唔知咩係睇望
<br>我淨係
>>January 25, 2007 at 12:36:51 PM GMT+8
:::: 161810 ::::
>>January 25, 2007 at 4:13:57 AM GMT+8
144635 終於知你咩樣了
<
>>January 14, 2007 at 4:36:33 PM GMT+8
:::: 許佩 ::::
<br
>>January 11, 2007 at 2:59:02 PM GMT+8
:::: 161810 ::::
>>January 11, 2007 at 2:54:55 PM GMT+8
:::: 161810 ::::
>>January 11, 2007 at 2:53:19 PM GMT+8
你ｘａｎｇａ點去呀留比我啦唔該
>>January 2, 2007 at 7:38:31 PM GMT+8
細細細細細~~~~~~~~~~
>>January 2, 2007 at 7:27:01 AM GMT+8
冇呀 我過左個loney x'm
>>December 30, 2006 at 8:23:25 PM GMT+8
你好呀144635 我都知xan
>>December 20, 2006 at 6:33:44 PM GMT+8
我諗你估錯啦
<br>我唔識你識
>>December 19, 2006 at 7:33:34 AM GMT+8
::::蜜柑::::
<br>冇
>>November 30, 2006 at 6:22:28 PM GMT+8
::::泰::::
<br>唔知
>>November 30, 2006 at 6:21:03 PM GMT+8
::::許佩::::
<br>梗
>>November 30, 2006 at 6:19:52 PM GMT+8
::::珊::::
<br>um
>>November 30, 2006 at 6:17:52 PM GMT+8
::::出雲::::
<br>我
>>November 30, 2006 at 6:16:33 PM GMT+8
籍口
<br>
<br>好明顯你
>>November 21, 2006 at 7:29:34 AM GMT+8
板主，我覺得你真係好那happy
>>November 16, 2006 at 2:00:40 AM GMT+8
無聊上到唻~
<br>原來你仲未
>>November 15, 2006 at 6:20:12 PM GMT+8
你好牙...我係路過既/./.我
>>October 22, 2006 at 11:04:42 AM GMT+8
CW梗係大日子啦
<br>香港第
>>September 10, 2006 at 1:40:32 PM GMT+8
:::丸貓:::
<br>下~!
>>September 9, 2006 at 8:55:31 PM GMT+8
:::出雲:::
<br>CW好
>>September 9, 2006 at 8:50:29 PM GMT+8
:: Crazy ::
<br>
>>September 9, 2006 at 8:45:24 PM GMT+8
哈哈~~~路過架咋~~~
<br
>>September 8, 2006 at 8:34:58 PM GMT+8
聽講你真係玩cosplay wo
>>September 6, 2006 at 3:01:22 PM GMT+8
我一search showhap
>>August 30, 2006 at 12:46:59 AM GMT+8
++昌++
<br>哈哈!!~咩
>>August 12, 2006 at 9:19:33 PM GMT+8
++豐++
<br>呀下, 又係
>>August 12, 2006 at 9:18:17 PM GMT+8
++蔚蔚++
<br>哈!
<b
>>August 12, 2006 at 9:17:04 PM GMT+8
做乜咁慘成個月都冇生意?
<br
>>July 11, 2006 at 5:07:47 PM GMT+8
哈!!我諗你要搞一搞清楚乜叫日記
>>May 8, 2006 at 2:05:42 PM GMT+8
哈哈. 我就黎要通緝你喇大佬!~
>>May 8, 2006 at 9:14:30 AM GMT+8
++蔚++
<br>冇計啦~
<
>>April 19, 2006 at 5:50:51 PM GMT+8
估唔到你依家仲會比龜逗呀下～
>>April 5, 2006 at 9:43:20 AM GMT+8
++歡歡++
<br>本質係咁既
>>March 31, 2006 at 7:30:20 PM GMT+8
++豐豐++
<br>原來真係有
>>March 31, 2006 at 7:29:01 PM GMT+8
++寶寶++
<br>哎呀呀~
>>March 31, 2006 at 7:27:08 PM GMT+8
++呂廁++
<br>你未聽過C
>>March 31, 2006 at 7:26:10 PM GMT+8
|
|
起身熨埋條校裙搞搞下遲出門口...
返到屋企我就即刻洗面沖涼喇~
今日無無聊聊玩左勁耐ICQ
今日係我係魚米家既Last Day