|
2004 年 9 月 30 日 星期四 【晴】
好野呀!! 今日同班新同學去石澳BBQ呀~!
11點幾蔚蔚同Nina都有打黎叫醒我
咁我又係仆頭仆命咁出門口啦~
去到新都同佢地一齊係百佳買野
今日都好多人呀~!
有我, Nina, 阿lee, Judy, 林玲玲, 蔚蔚, 寶寶, 黃曉珩, 林挀東(鼻毛), 陸仔, 保倫, 黎俊榮(隔離班), 阿聰(隔離班), 阿蔡(隔離班)同佢女朋友~
買埋野食個d之後就一人拎d搭地鐵去筲箕灣喇~
係地鐵度我地係度問IQ題 都幾好笑~ 唔悶囉~
之後搭小巴入石澳 同玲玲一齊坐傾左好耐計~
去到石澳熱到爆囉... 就黎溶咁滯!
好彩好快我地就有爐~~
我同Nina同玲玲換完衫去左d大石度傾左陣計
冇耐就有人叫我地返過去燒野食lu~~
正爆! 我係咁燒係咁燒囉~
但係唔知點解燒極都未食得... 一一"
Nina已經燒得2轉喇~
之後同蔚蔚發揮kind kind合作精神 一齊燒一齊食
所以我地d食物好豐富呀~~ 仲食到好飽添~!
食完鼻毛叫我地出去打波波
我 + 玲玲 + Nina VS 鼻毛 + 蔚蔚 + 保倫
玩左一陣就冇玩lu~~
真係好驚鼻毛會用沙掟我! 我夜晚仲要出街架...
好彩佢都有d風度 知我要出街唔掟我~
之後玲玲話想玩班男仔租個隻吹氣艇
咁我地就問佢地借黎玩啦~~
點知借到之後玲玲就叫我玩先喎!
我想知會唔會濕晒身囉...
我坐左上去都未問姐 已經1個浪打埋黎喇~~
Oh~~ 濕晒~~ 我連眼鏡都未除!
之後玩左一陣 好好玩囉~~
好玩到眼鏡都爛埋!
好彩~~ 頭先眼鏡鋪打黎話今日已經有眼鏡拎姐~!
跟住我就去換衫啦~
沖乾淨個身就是是但但咁換 連紙巾都唔多張呀~
好彩我有帶條手巾仔姐!
點知出返去冇眼鏡唔係好認得d路添~!
之後搵到條路喇 諗住行上一級大級上條斜路行返過燒烤爐個邊
點知個度黑得滯 我都睇得唔係好清楚
一野差左落條坑渠度~~
好彩d水好淺 我落左去都即刻起返身!
但係成個pat pat位都濕晒囉...
好似仲濕過我玩水個陣添呀~!
勁樣衰... 周圍d人仲問我有冇事 我咪即刻爬返上黎囉~!
之後玲玲 + 蔚蔚 + 阿聰就陪我等小巴出灣仔睇煙花喇~
 
出到去見到ken ken 佢幫我拎左新眼鏡添呀~!
一齊帶埋副黑色粗框咁就fit晒喇~! 哈哈!
我地去左灣仔已經8:10pm喇
見到個天閃得好勁同埋聽到d放煙花聲囉~~
咁我地去得個邊黎 煙花都睇完啦~
不過我地都得償所願 可以係灣仔睇煙花~
係呀~~ 係灣仔既1間茶餐廳一路食野一路睇住部電視d煙花~
都算係咁啦~~ d放煙花聲好真實!
食完去左九龍灣打機!
好叻呀我!!
今次玩手手既 "wild" 既result都拎到S呀~!! 開香檳!!!
我地就返屋企 返到屋企就即刻lu!
>>November 14, 2004 at 5:51:24 AM GMT+8
2004 年 9 月 29 日 星期三 【晴】
今朝好遲先起身呀
點知歡歡仲遲過我!
跟住佢話3個字之後樓下等
我見有時間就dum下啦..... 點知佢仲快過我落到樓下!
不過我地都預左飛的架喇~
暴暴就好啦 今日唔駛返學~
lunch同Emily + Nina + Dado + Yo幾個係小食部訂野食
好似係咁耐以黎第1次同佢地一齊食lunch呀~~
之後YO個男朋友仔黎佢就坐左去第2張臺
我地幾個就係度狂唱d情歌係度玩~~
勁爆笑囉個lunch真係~~
Nina講無聊野真係有一手 好過癮~~
成個lunch就咁笑左去!
上返班房又同建騰玩 今日好似同d同學熟左好多咁囉~!!
跟住上堂我同蔚蔚又成日傾計 傾到成日俾人話~
我地仲組成左個新組合叫 " kind kind二人組 " 呀~!! 醒冇?
我係會長 蔚蔚係主席~~~
講講下佢地問我聽日去唔去BBQ喎~~
都好喎! 不過d人我好多都唔識 有d又唔熟....
佢地話佢地會同我一齊玩架喇wo~
其實佢地有d都唔係好熟~
之後Nina又話想去BBQ 唔同Emily去唱k
搞到佢扮喊左好耐~ 哈哈!~
好開心呀!! 聽日成班新同學會去玩~~~
唔知係咩樣架呢?
臨放學同肥琪玩問IQ題
問到白貓同黑貓講咩
我答 : " 喵~ " 佢話岩 因為貓都唔識講野既~!
我聽完之後笑左勁耐呀~~ 真係勁好笑!
Emily話我笑到耳仔都紅晒囉~~
哎呀...笑得好辛苦呀!
夜晚同暴暴傾ICQ~
傾傾傾... 傾左好多野~
我真係當暴暴係我既好朋友架!
雖然平時好少傾電話 又冇乜會無啦啦一齊出街
但係我覺得我地大家都會係心目中留返個地位俾大家架~~
嗯.. 係啦~ 心照啦~~
傾到差唔多4點我就訓lu~~
>>November 12, 2004 at 8:55:53 PM GMT+8
2004 年 9 月 27 日 星期一 【晴】
今日學校便服日 不過我都淨係著校服咋喎~
咁多年今日係第1次便服日冇著便服~
個個今日都唔係上堂既
連班主任黃sir我地都激到佢發大脾氣鬧人
仲一野勁大力拍落黑板度!
點知拍完佢自己抹返d手指印繼續做數
搞到我地班個個都掩住咀係度笑~
我就發左成日夢... 怕且今年CE我都係咁先架喇~
放學去將軍澳體育館練排球
又打比賽咁啦~
我成日都好驚接唔到波所以唔敢接...
經常咁樣失分添~! 好冇用呀...
但係之後有幾球bad波我都接得好好呀我覺得!
而家定左我係正選球員呀~ 做fighter~
10月16號比賽喇 我要+油!!
今日中秋佳節呀!!!
返到屋企我就幫媽咪準備定佢拜神用個d野啦~
食埋團年粉麵我就約歡歡出去喇~
本身Girls約7:30pm食飯
我要做節所以去唔到喇~
到到10點幾我同歡歡同暴暴就係樓下裝修下我同歡歡架單車
貼左d螢光棒係個碌度 令爆鏡~
我仲帶埋我既Do Re Mi出去添~! 哈哈~!
樓下好多人玩:岍諤r~ 超熱鬧!
之後我地泊左架單車係路邊就去將軍澳站搵狗寶同5B班人喇~
我地成班人入左清水灣半島個邊個海旁hae~
坐係d大石都度都冇野做 又難郁喎~!
本身以為會好悶
但係之後阿斌佢地諗左個game玩
係諗1個題目跟住唱d歌詞入面有題目既野出現既歌~
最遲諗到歌個個就算輸 要俾人滴蠟~
超勁好玩呀!! 我呢個唔多聽中文歌既鄉下佬都夠膽死玩~~
不過俾人滴左好多次蠟囉...
反而得肥man一個未俾人滴過!! ><
由於約左華華同劉欣2:00am係寶康既緣故
我同肥man就走先喇~
之後我就拎返架單車踩過寶林join佢地
終於見到佢地喇~!!! 好開心添~! 張靜雯都係度呀!!!
我地去左間茶餐廳食野
我嗌左個牛腩河 睇下牛腩係咪真係咁好味
點知食落去.... 我錯了! 好...難...咬...
好彩我地幾個有交換d送黎食姐~!
跟住我同劉欣玩
插左對筷子落佢碗河粉度
佢又跟住做插返佢對筷子落我碗野度喎!
咁我就用對筷子係佢碗野度搞兩搞啦~ 佢又跟!
好～ 我決定拎返對筷子上黎舔一舔再放返落佢碗野度~
點知佢都照跟囉...
華華佢地睇到眼都核埋
仲係咁話我地核突添~!
但係我覺得好好玩喎~~
之後ken ken黎埋一齊去寶康撻草地度坐
好彩劉欣有備而黎! 一早帶定墊臺紙墊地下~
坐到3點幾阿青同down down黎左搵我
YeAh!!～～可以見到青青喇!! 仲有down down添~!
咁劉欣佢地就走先 我地就同阿青佢地吹水喇~~
吹多陣我地幾個都走lu~~
>>November 12, 2004 at 8:42:15 PM GMT+8
2004 年 9 月 26 日 星期日 【晴】
今朝同暴暴2個人搭296M返學
終於唔駛再搭的士喇!!
我好不容易終於完成左喇篇文!! 唔駛欠交~~ YeAh!
放學落hall test英文paper2
我真係好唔想留係學校test呀... 無鬼聊~
我勁俾心機做MC囉
做完MC見後面冇野就扒係度訓下啦~
份卷要做個半中 我做左40mins倒就扒左係度喇~
直到聽到 " Ten mintus left. " 我就諗住check下卷啦~
點知一掀answer sheet後面
FXXK! 原來仲有3頁usage未做!
我個心都離左離 唔係咁開心下化...?~
快快脆填晒d窿窿先啦梗係~!
最後我都係做唔晒... 最後個版仲有半part未做~
之後我地仲要同其他人交換改~
份卷127係滿分 我改個份竟然35....?!
仲要係repeater黎架喎!! 嚇死我...
以為自己唔單只做漏卷 連人地份卷都改錯晒~
點知原來隔離d人改個d都係37...39... 好彩~
最死好彩就係我竟然有51!!
竟然?! 我幾驚連十幾分都冇呀~!! 嚇死~~~
放學同歡歡傾左陣電話~
佢今日做唔切d功課所以冇返學呀!
哈哈!~ cheap得佢~
行過寶島個陣聽到有人嗌 : " 喂! 低b! "
原來係斯諾喎~~
佢 + 桂花 + 翠兒 + 周妍 + 阿law係入面食緊野呀~
咁我就一齊入去食野傾計啦~
佢地講野好好笑呀 笑到我死左!
笑到6點幾就閃人喇~~
今晚我突然之間好想食粉絲 所以叫左媽咪整~
佢話整粉絲會有排搞
但係最後佢都整左呀~!!
雖然餐飯都煮左好耐 我都餓左好耐
但係今餐d送真係好好味 好豐富囉~!!
我好耐都未試過正正常常咁係屋企食1餐咁正既飯喇~!
平時都係出去食
一係是是但但食d零食或者煮個麵就算數~
今餐好特別 所以我好開心呀~!!!
又同媽咪一路食飯一路傾計一路玩~
仲拎左Do Re Mi出黎同佢講Do Re Mi係佢個孫添~! 哈哈~
>>November 12, 2004 at 8:23:16 PM GMT+8
2004 年 9 月 25 日 星期六 【晴】
今日起到身呀 不過都係遲左少少返主日崇拜...
去到都好多人! 不過我冇乜點專心聽陳牧師講野囉...
之後丁教師(挪威傳教士)同牧師一人講一句
我就話 : " 乜牧師咁勁架咩!! 識聽挪威文! "
點知呆康話原來係牧師講 丁教師做翻譯囉... fake晒~
好快咁就過左個幾中崇拜就走lu~
我同ken去左配眼鏡~
個sales佬勁tum我地買2副囉...
佢拎唔知第幾副出黎俾我試個陣
我見到同我之前試個副差唔多
就問 : " 呢副同頭先個副有咩分別呀? "
佢猶豫左陣 話 : " 嘩~ 呢副犀利囉... 最大既分別就係有鏡片同冇鏡片呀~! "
嘩... 真係吹漲啦～
之後到我地入房驗眼
個驗眼師一見到我散光個度數即刻眼都核埋!! 嘩!300幾400度!!??
佢話有眼不識泰山喎...
睇唔出我咁犀利 可能全家人d度數俾晒我咁話喎~
我又同佢鬥吹水 問佢咁勁有冇得參加比賽~
佢話俾個金牌我啦~
講講下講到參加奧運... 真係笑到我地死呀~!
我想買螢光棒個d呀~ 買左筒螢光棒呀我地~
仲有1個閃閃奶咀同閃閃流星波 好閃好令架! 勁開心囉~
出左商場見到有檔小販賣中秋個d野~
我見到3個燈籠勁令囉!!
最後都揀左小魔女Do Re Mi吹氣燈籠
仲有音樂架添~!
之後打俾媽咪 佢今日係尚德有表演呀~ 跳舞囉!
所以走左去捧佢場~
佢跳得好好呀我覺得!
佢都係望唔到我地呀... 等我仲一路睇佢跳舞一路拍手fing公仔添~!
之後去左更衣室搵佢佢趕我走囉~~ 衰人Y~
不過佢有問我做咩渣住隻咁既野呀~~ (個隻"咁既野"係Do Re Mi)
之後周圍玩左陣
玩到12點幾媽子吹我返home喇~
但我仲未做過功課... 有好多篇文要作~
死梗喇～～～
>>November 12, 2004 at 8:15:28 PM GMT+8
2004 年 9 月 24 日 星期五 【晴】
一訓訓就11點幾先起身
個頭唔痛喇!! 好野!!~
d筋都唔抽喇! 又冇乜點痛~ 仲勁好心情添~!
一出房就同媽咪講早晨!跟住大家係度傾計~
佢講返佢後生個陣點有人追 點解同老豆結婚~
估唔到佢會俾我拍拖囉 仲好似唔反對咁~
之後我摺左陣星星就出門口喇~
今日同ken ken去打機
佢陪我玩手手呀~! 哈哈~~
行左陣街等埋能利同阿so就一齊去food court食飯
岩岩想坐低個陣聽到有人嗌我喎!~
羅歡儀小姐呀~~ 隔離仲坐住個SM佬添~!
出去買野食個陣有人拉住我 今次係阿珊呀!!!
好開心呀! 終於可以見到佢喇~!!
今朝打過電話俾佢 都傾左陣架~~
佢仲話得閒約出黎行街 點知今日就咁岩撞到!~ 哈!
跟住lylin都黎埋 一齊講白痴野笑左陣囉~
見到個勁得意既妹妹仔
ken ken狂映佢相
我幫佢映左張妹妹仔既相問佢o唔ok
佢話都映唔到塊面~~ 算~~ 唔映囉~
跟住佢地話去明德打波 so就走啦~
我就跟佢地去打左陣啦~
之後堂家姐同阿興都黎埋 玩左陣我就同堂家姐坐埋一邊傾計啦~~
返到home玩左陣電腦
搞搞下到4點先訓呀~
聽日我要返主日崇拜~~
好! 我要返返主既身邊~!!
>>November 12, 2004 at 7:53:21 PM GMT+8
2004 年 9 月 23 日 星期四 【晴】
今朝又係搭的士返學喇!
今個禮拜返5日返學 有4日已經搭左的士!
我地真富貴!
PE堂乃野要跑9分鐘
一開始竟然係我跑開先喎!
勁驚囉... 好似跑得咁快咁~
成班都望住我跑呀 仲有好多人嗌我跑快d~
之後跑下又同人傾下計又玩下咁
最後跑左18個圈30米呀~
估唔到我係女仔跑得最快個個囉! 都幾開心~
落堂前阿sir仲講話係我跑第1 叫全班一齊拍手添~!
好唔好意思...
之後上左歡歡班房玩
我跑完9分鐘隻腳勁痛囉 仲抽埋筋添!
所以去到佢班房坐低都要禁住d臺鄧慢慢坐落去~
Suki話 : " 陳+麗你坐到好似大肚咁既~ "
我過左陣話 : " 我呢個肚... 都跟左我十幾年喇~ "
哈哈哈! 笑到個個碌晒地呀~
連d我唔識既同學都係度笑~~
雖則我都覺得好好笑~ 哈哈!
上last個2堂中史我冇修 就係度摺星星啦~
見到d同學好多都訓晒係度
連test都唔寫幾隻字 我都唔知講咩好...
唔通叫佢地俾心機讀書咩!
我都仲係度抄緊maths功課~
之後佢地test完 我又抄完野 就一齊摺星星啦~
蔚蔚成日都話我上堂好多完化~
可以食野, 傾電話, 畫公仔, 摺星星, 訓覺, 拉筋, 抄功課, 織繩, 掟野, 傾計... 都係喎~
放學好快返左屋企 勁累囉~
係梳化訓著左... 一訓訓到夜晚呀! 冇返跆拳添!
暴暴打左好多次黎我都冇接到
到到唔知幾點
都11點幾喇我諗... 我開始勁頭痛囉!!!
媽咪叫我入房訓 個頭已經痛到就黎爆喇!
真係好想打爆自己個頭拎個腦出黎!!!
痛左好耐 好不容易我先訓得著咋... (汗")
>>November 12, 2004 at 7:41:35 PM GMT+8
2004 年 9 月 17 日 星期五 【晴】
今朝9點幾去調景嶺等齊人去上環同黃太飲茶~
有12個人一齊去
wing wing著到勁誇咁
我地老遠見到佢已經 "嘩～～～" 佢~ 真係笑死!
等埋雪同何+同amy同iris個d就上黃太屋企玩~
佢屋企勁多書櫃呀...碟呀...書呀...
睇返官中d Miss同黃太farewell既VCD
睇到黃太多謝佢老公識左佢30年黎日日都讚佢 : " 你好令~ " 咁支持自己
我就覺得勁感動~
跟住食黃太之秘製醉雞都ok好味~
之後玩左陣益智遊戲
同wing wing扒係地下傾左陣就走人
不過都已經6點半lu~
今日係劉+欣既壽辰呀!!
我就去五十嵐join華華 + 劉欣 + 呆康 + 蔡嘉 + 鄭浩文佢地食飯啦~~
我地勁係度笑同無聊 講起原來呆康都有學打鼓呀!
之後我地去嘉明閣樓下傾左陣計
之後玩數字球勁俾蔡+整輸我~! 你好野~
過左陣ken打完波就過左黎OK~
我好似好耐冇見佢咁喇 大拿拿都有2日!
之後佢地轉左地點去噴水池
我同ken過左陣又去埋join佢地!
張靜雯都黎左呀~~
佢地講鬼故又講出體個d野 華華勁驚嚇到坐埋一邊按住耳仔呀!! 勁Q~
我都聽多左野 聽完都有d驚驚地...
講左好耐都1點幾~ 傾到2點幾先肯走呀~~
之後同ken傾多陣計
都唔算一陣喇.... 傾到好夜先返屋企囉~
>>November 12, 2004 at 7:29:43 PM GMT+8
2004 年 9 月 9 日 星期四 【晴】
今日返學同蔚蔚勁講無聊野
佢叫我阿大喎... 白痴的~
放學問余sir邊度可以打波
佢講講下話 : " 等F.2啦~! 到你F.2個陣邊度都打得架喇~ "
頂~~~ 佢以為我F1呀~!!!
我即刻呆左諗 : " 下? 等F.2? "
佢都即刻醒水 仲恭喜我個樣後生添~!
跟住召埋我同Emily入排球隊 連波衫叫咩名都mark低埋!
下?! 乜唔駛選拔架咩~~~
之後同余慰欣(小丸子) + 肥琪 + 蔚蔚 + 寶寶 + 去寶林打排球
由於小丸子冇帶到波黎 我地成班要撤退~
夜晚返跆拳練左陣套拳~
好開心呀! 今朝我係咁椅叫過佢地黎睇下跆拳
小丸子同蔚蔚真係黎左睇呀~!!! 好感動~
臨落堂耍套拳個陣動作勁得滯
我一野掃低左火龍喎!
佢pat pat跌左落地下呀... 睇得出佢勁痛郁唔到囉~
我勁內疚喎! 不過冇心架...
返到屋企load唔到ICQ搞到冇得玩
跟住變左傾電話啦~~~
同ken傾完之後就訓著左喇~~~
>>November 12, 2004 at 6:51:32 PM GMT+8
2004 年 9 月 4 日 星期六 【晴】
中午約左ken係調景嶺等一齊去太子
Wing Wing黎埋就一齊去許佩做個間中心度玩喇~~
去到原來得勁少人join個party
食完野我地入左band房玩
阿ken一打鼓即刻引來勁多人入去睇表演!
我地聽佢地夾左陣野就同許佩出去跳返以前跳過既舞
之後我地買完零食坐冇頂巴士遊車河喇!!
咁大個女第1次搭呢d巴士呀!!
最happy係望住樓下d人不停咁同佢地say hi~
仲要有人hi返我地先正喎!
成班人狂大嗌 勁high~
隔離車d人見到我地hi佢都hi返我地呀~~
又有人唔係幾好意思hi 自覺自地偷笑添!
好搞野呀~~~
不過高潮過後就悶悶地 淨係食野都冇咩點講野~
之後同許佩睇左陣手提就返屋企打日記喇~
>>November 12, 2004 at 6:22:07 PM GMT+8
|
天使既身材!!! 魔鬼既面孔!!! ★☆
登登登登~~~
|
廣告 |
|
|
讀者留言 |
| 路人留言
|
 ::: JJ :::
<br>竟
>>August 31, 2010 at 4:01:52 PM GMT+8
加油
>>August 22, 2010 at 4:12:29 PM GMT+8
:::: 路人 ::::
<br
>>August 26, 2009 at 7:41:06 PM GMT+8
hi!我覺得你個backgrou
>>June 18, 2008 at 4:10:02 PM GMT+8
::::161810::::
<
>>June 19, 2007 at 4:54:48 AM GMT+8
::::許佩::::
<br>而
>>June 17, 2007 at 7:40:22 PM GMT+8
喂 你個fd失戀
<br>不如你
>>June 4, 2007 at 9:35:27 AM GMT+8
我都覺得死妹dance開心好多~
>>April 4, 2007 at 5:29:57 AM GMT+8
::::許佩::::
<br>梗
>>February 15, 2007 at 8:05:01 PM GMT+8
d相好精彩啵~~
>>February 5, 2007 at 6:28:26 AM GMT+8
:::: 161810 ::::
>>February 4, 2007 at 5:14:30 PM GMT+8
我都唔知咩係睇望
<br>我淨係
>>January 25, 2007 at 12:36:51 PM GMT+8
:::: 161810 ::::
>>January 25, 2007 at 4:13:57 AM GMT+8
144635 終於知你咩樣了
<
>>January 14, 2007 at 4:36:33 PM GMT+8
:::: 許佩 ::::
<br
>>January 11, 2007 at 2:59:02 PM GMT+8
:::: 161810 ::::
>>January 11, 2007 at 2:54:55 PM GMT+8
:::: 161810 ::::
>>January 11, 2007 at 2:53:19 PM GMT+8
你ｘａｎｇａ點去呀留比我啦唔該
>>January 2, 2007 at 7:38:31 PM GMT+8
細細細細細~~~~~~~~~~
>>January 2, 2007 at 7:27:01 AM GMT+8
冇呀 我過左個loney x'm
>>December 30, 2006 at 8:23:25 PM GMT+8
你好呀144635 我都知xan
>>December 20, 2006 at 6:33:44 PM GMT+8
我諗你估錯啦
<br>我唔識你識
>>December 19, 2006 at 7:33:34 AM GMT+8
::::蜜柑::::
<br>冇
>>November 30, 2006 at 6:22:28 PM GMT+8
::::泰::::
<br>唔知
>>November 30, 2006 at 6:21:03 PM GMT+8
::::許佩::::
<br>梗
>>November 30, 2006 at 6:19:52 PM GMT+8
::::珊::::
<br>um
>>November 30, 2006 at 6:17:52 PM GMT+8
::::出雲::::
<br>我
>>November 30, 2006 at 6:16:33 PM GMT+8
籍口
<br>
<br>好明顯你
>>November 21, 2006 at 7:29:34 AM GMT+8
板主，我覺得你真係好那happy
>>November 16, 2006 at 2:00:40 AM GMT+8
無聊上到唻~
<br>原來你仲未
>>November 15, 2006 at 6:20:12 PM GMT+8
你好牙...我係路過既/./.我
>>October 22, 2006 at 11:04:42 AM GMT+8
CW梗係大日子啦
<br>香港第
>>September 10, 2006 at 1:40:32 PM GMT+8
:::丸貓:::
<br>下~!
>>September 9, 2006 at 8:55:31 PM GMT+8
:::出雲:::
<br>CW好
>>September 9, 2006 at 8:50:29 PM GMT+8
:: Crazy ::
<br>
>>September 9, 2006 at 8:45:24 PM GMT+8
哈哈~~~路過架咋~~~
<br
>>September 8, 2006 at 8:34:58 PM GMT+8
聽講你真係玩cosplay wo
>>September 6, 2006 at 3:01:22 PM GMT+8
我一search showhap
>>August 30, 2006 at 12:46:59 AM GMT+8
++昌++
<br>哈哈!!~咩
>>August 12, 2006 at 9:19:33 PM GMT+8
++豐++
<br>呀下, 又係
>>August 12, 2006 at 9:18:17 PM GMT+8
++蔚蔚++
<br>哈!
<b
>>August 12, 2006 at 9:17:04 PM GMT+8
做乜咁慘成個月都冇生意?
<br
>>July 11, 2006 at 5:07:47 PM GMT+8
哈!!我諗你要搞一搞清楚乜叫日記
>>May 8, 2006 at 2:05:42 PM GMT+8
哈哈. 我就黎要通緝你喇大佬!~
>>May 8, 2006 at 9:14:30 AM GMT+8
++蔚++
<br>冇計啦~
<
>>April 19, 2006 at 5:50:51 PM GMT+8
估唔到你依家仲會比龜逗呀下～
>>April 5, 2006 at 9:43:20 AM GMT+8
++歡歡++
<br>本質係咁既
>>March 31, 2006 at 7:30:20 PM GMT+8
++豐豐++
<br>原來真係有
>>March 31, 2006 at 7:29:01 PM GMT+8
++寶寶++
<br>哎呀呀~
>>March 31, 2006 at 7:27:08 PM GMT+8
++呂廁++
<br>你未聽過C
>>March 31, 2006 at 7:26:10 PM GMT+8
|
|
好野呀!! 今日同班新同學去石澳BBQ呀~!
今日起到身呀 不過都係遲左少少返主日崇拜...