|
2004 年 10 月 10 日 星期日 【晴】
返學喇!!~ 都係勁唔想返囉...
好彩我都係上堂前仲趕得晒d功課!
lunch對男甲打friendly呀~
小息落小食部買野食個陣華哥叫我同Emily加油 唔好打得咁難睇喎~~
跟住又同佢講笑 個阿叔真係好搞笑~~
到到lunch我覺得女甲都打得幾
,起碼個個都開到波先啦~
係接1傳做得冇咁好姐~
最後我地係輸 但係輸既分數唔低囉~
華哥見到都讚我地打得好
好彩佢今次冇踩我咋~!
之前佢話我好差架... 仲俾左隻向下既手指公俾我添~!
今次向上喇~~ 我仲以為佢會過黎串我添~!
放學去左book band房個d啦~
歡歡話佢唔記得帶鎖匙 所以黎左我屋企呀~!!
今餐媽咪又係度 又煮雞翼同粉絲呀~!!~ 正!!
我地仲留埋歡歡係度食添~!
今餐我食左勁多野囉... 真係好飽~!!
好開心呀~~ 都好耐冇食過餐咁正餐既晚餐喇
平時唔係出去食就係自己是但食d野
唔係是但搵野食就係叫媽咪煮粉架喇~
今餐真係好豐足呀~!
>>November 19, 2004 at 10:34:27 AM GMT+8
2004 年 10 月 9 日 星期六 【晴】
今朝6點幾先訓 11點幾就起左身lu~~
梗係啦!! 師傅結婚我連衫都未買呀!!
仲唔搞就真係要著底褲去喇~~~
本身諗住過新都買
諗諗下太麻煩 都係問人借算喇~
咁我就即刻睇返d Gra . Din相睇下邊d岩用啦
是是但但就即刻打俾邱邱問佢借條裙~
跟住打俾歡歡問佢 : " 喂喂~ 你可唔可以借你粉紅色個條鏈俾我呀? "
佢話 : " 好呀~ 咁你可唔可以借你藍色個條鏈俾我呀~? "
哈哈!~ 最搞笑就係我地條鏈都同款 淨係唔同色姐~!
跟住又打俾許佩叫佢幫夾直頭髮
好彩佢肯幫我手咋!!
咁我12點幾就去左邱邱屋企拎裙啦~
拎完諗住搭地鐵去寶林
點知淨係卦住同ken講電話 搭錯左車返將軍澳囉~~
去到將軍澳站又岩岩走左班地鐵 又等左勁耐~
不過其實都唔關阿ken事
係我自己盲中中咁姐~~
但係我都係咁賴佢搞到我搭錯車
搞到我點幾中先去到許佩屋企~
去到許佩度我就即刻換衫
好趕咁就仆出調景嶺join暴暴喇~~
去到我都遲左 我地一路講笑講講下就趕到去沙田喇~
但係d時間真係勁吻水囉~~
好彩去到都仲未開始
但係見到阿福個白馬王子look~~
之後我地跆拳班人入左註冊處同呢對新人映相
正!~~ 個個都勁令仔勁令女~
之後入左間房睇佢地宣誓個d~
太多人喇... 我地d矮既咩都睇唔到
不過好彩臨尾俾我見到佢地咀咀姐~!
之後我地出左去映左好耐相~
霍師姐個仔拎住部相機問我相入面個個係咪我喎~
我話係啦~
因為個張係上次套拳比賽映既相
我又有帶眼鏡有紮辮~
今次我又放頭髮又冇帶眼鏡 我諗佢唔認得我卦~
ｏｏｏｏｏｏｏｏｏｏｏｏｏｏｏｏｏ 師傅結婚了！！！ｏｏｏｏｏｏｏｏｏｏｏｏｏｏｏｏｏ
 
映完相我地去左第2撻地方
師傅同阿福就係個個公園度同d親朋戚友映相啦
我地等緊映相既同時歡歡就俾左錢個伯伯幫佢幫人像喇~~
畫得都ok似既 不過吸引左勁多人黎望佢畫囉~!!
佢勁唔好意思 我都唔好意思行埋去~
我地同師傅映完相之後佢又繼續畫
畫完仲俾人拎左黎玩添~!
阿發佢地拎住歡歡張畫話尋犬呀~! 低能~~ 總之笑爆咀啦~!!
跟住我地去左扒王之王食
我同歡歡都係第1次食呢d野架咋~
wow~ 勁多野唔識囉 勁俾林志笑~
不過都幾開心架~!!~ ^0^
食完野我地就搭巴士返官塘啦~
到左官塘我地又映左陣相 勁似d大陸d自由行囉...
黎香港名勝－－官塘映相~~~
之後我地搭地鐵去到調景嶺送Yoko返屋企喇~
>>November 26, 2004 at 4:39:39 PM GMT+8
2004 年 10 月 8 日 星期五 【晴】
今朝好早10點幾就起左身喇~~
我冇去到跳舞 留左係屋企執玻璃臺~
估唔到1張臺仔都執左我成朝!
但係真係整齊左好多囉...
張臺我都好耐冇執過喇!!
之後街人有約 我就出左街街喇~~~
>>November 15, 2004 at 5:09:10 PM GMT+8
2004 年 10 月 7 日 星期四 【晴】
今日lunch又冇得出去食lu~~
又要留係學校打friendly囉...
女甲VS男甲!
但係我勁肚餓... 趁有換完PE衫少少時間就即刻排隊買野食~
我同華哥(小食部個阿叔)講要個餐蛋治
跟住佢話 : " 唔好食咁多野喇, 你肥呀~ 等間仲要打波, 唔好食啦~ " 咁~
我真係O晒囉...
佢唔係賣野食架咩?
竟然叫我唔好買?!
跟住我都叫左盒燒賣啦~
佢又一路叫我唔好食 一路幫我拎叉喎!
勁搞笑囉~~
食左幾粒之後我就俾人嗌去開波喇~!!
我快快脆放多幾粒燒賣落口就衝左出球場
打緊比賽個陣我仲咬緊d燒賣囉... 哈哈!!
今場波我地女甲都係輸呀~
不過男甲冇我想像中咁勁囉...
而且我今日發現都好左 bad到波呀!~
d波都接得幾好 淨係失左1球咁大把咋~
總之不錯啦~
之後上中史堂我就調左上余慰欣個位啦~
同梁海惠傾左勁耐計 佢仲坐埋我隔離一齊傾添~!
我地不停咁講野 笑左勁耐~!
今日同蔚蔚 + 寶寶個d講笑笑左勁耐喎!
鄭健騰又教我摺星星 佢真係摺得好令架!! >﹏<
同肥琪 + 吳詠賢又傾下左計喎 都有同佢地講笑~~
覺得今日同佢地既關係好左好多添! 哈~
放學即刻行返屋企
追返好多日既日記喇~~
終於趕晒6月既日記 好開心添!
>>November 15, 2004 at 4:34:51 PM GMT+8
2004 年 10 月 6 日 星期三 【晴】
今日上Oral堂
我同小丸子 + 肥琪傾bra個d野~
唔知點解佢地講到d前面有扣既bra個陣我係度狂笑
肥琪話我成日自己諗d野出黎自己係度笑囉~
之後我地又講下Miss Paysion個胸好 " the "
肥琪話d外國人老左個胸係會愈黎愈the~
跟住我話 : " 咁如果Miss Paysion再老d, 佢個胸咪落到隻腳度?! "
跟住我地幾個就係度爆笑喇!!
真係好搞笑囉~~~ 咁就笑左成堂Oral~
放學拎埋排球隊件波衫就走啦~
好野!!~ 我4號呀~! 叫SMALL~ 型爆~
之後同暴暴去左千色店睇童裝
勁令囉～～～ 好想買呀... 勁中意~
之後又去左睇Bra
當我地望緊個廣告牌model個胸讚嘆緊個陣
個Sales同我地講話前幾日有個阿婆試個model帶緊個隻bra
試完之後個阿婆話 : " 嘩~ 原來真係得架, 個胸圍真係識郁架~! 好好用呀~ 其他個d壓扁我個胸既~ "
真係笑死我地...
個阿婆都成60歲啦 仲咁咩都有既~~
之後去歡歡屋企幫佢剪頭髮~
皆因佢今日剪左個新頭呀!
剪到都幾齊 俾d新同學笑~
接受唔到刺激就叫我幫我剪返好佢喇!
我都唔知幾耐冇去過佢屋企lu~~
但係去到我幫佢剪個陣佢又好似驚死我會剪樣衰佢個頭咁囉...
係咁拎住塊鏡黎照
又成日郁黎郁去喎!
郁到我真係好想打爆佢個頭~!
等間剪衰左佢又賴我架喇~~
剪返碎之後我又幫佢剪埋d陰
臨尾再剪埋後面d頭髮
搞~~~ 掂!
點知剪完之後佢就同佢家姐因為關唔關電腦既問題而嗌交囉...
我都唔知應該幫邊邊好
所以就一路默默地幫佢用吸塵機吸返乾淨個地下
吸完都係覺得 " 此地不宜久留 "
所以就返返上屋企喇~~
>>November 15, 2004 at 4:31:04 PM GMT+8
2004 年 10 月 5 日 星期二 【晴】
今日PE堂勁多野玩 全部野都計一分鐘之內做到幾多下咁~
一開始踢 " 演 " 我成日都踢唔中囉 自己又勁係度笑~
最勁個次連續踢到4下呀~!!! 但係夾埋得19下咋囉...
之後跳繩我跳到148下 仲勁過d男仔呀~!
阿sir會係男仔同女仔之中講最多下數既同學個名~
跳繩係我最勁呀~! 大家都為我拍手~
之後考下手控排球 我69下喎
阿sir又讀最多下數既人
男仔最勁係寶寶同鄭健騰
女仔係我囉~ he.... 勁高興~
考足球控波就何少宏最勁有90下 我就得32下囉~
最後考控籃球 我同鄭健騰呢個勁人一齊考!
好彩都唔係話拋棄得我太遠~ 哈!
但我真係好開心囉!!
上完PE堂好累喇
同Emily買左d野食同包朱古力奶就坐低左係寶寶 + 廣明苑(葉俊祺) + 林勝峰 + 鄭健騰個張臺~
我地幾個不停咁講笑 笑到死左囉...
成日講埋d無聊野 但係又勁好笑喎!
之後上返班房條樓梯
我 + 寶寶 + 廣明苑(因為佢住廣明苑,我地住村,所以我講笑咁排斥佢~)又一齊鬥快上班房喎!
總之勁好玩啦~~~
lunch諗住要排球隊要練開波
點知開晒網先知阿sir出左去食飯 所以我地冇波打~
但係開網個陣有太陽射住我個頭
Vicky個d個個都話我個頭勁紅 好似染左咁~
當然~ 我真係染過 不過都咁耐啦~
就算俾人捉我都打死唔認染過頭架喇
打死我都唔會再染黑!!!
夜晚跟ken ken學打鼓
佢教左好多新野呀又 教我Fill in囉~! 勁野~~
佢都教識我好多野~~ 真係多謝晒佢呀!!
佢教我16分 但我隻左手唔聽話囉 成日都打唔準...
不過真係覺得自己今日打得好好呀
ken ken就更加唔駛講啦~! 勁到爆!!
>>November 14, 2004 at 6:56:15 AM GMT+8
2004 年 10 月 4 日 星期一 【晴】
今日係我First Day可以出去食飯呀~!!!
但係衰就衰在我唔記得帶張學生證囉! 頂~
我尋日就係驚唔記得拎 所以專登放係裙袋~
點知尋晚換裙拎左出黎之後今日唔記得擺返落去!!!
蔚蔚個d叫我同佢地一齊出去 跟住掩護我攝出去!
好彩我都醒目~ 問姚淑華借左張學生證 咁就出到去食喇~
食food court囉 好興奮呀! yeah~
HIST堂又勁冇野做
同蔚蔚一齊玩部手提 又影相又錄野~
直到放學去體育館練排球~
今日打波好好玩呀!!!
又練下d基本野 又練對猜上下手 又試下扣球~
之後勁好玩! 我地女甲分開2邊企個排球場
接到波既就規定我地要打幾多下 個波先可以過對面場
唔夠下數既first touch就要自己執波out出左個場 之後先入返去~
勁刺激囉~! 我接波又接得穩左
1傳同bad波都真係幾好架喇喎我覺得~ 正!
不過打完波個人散左囉... 救命~
>>November 14, 2004 at 6:47:33 AM GMT+8
2004 年 10 月 3 日 星期日 【晴】
今朝5點幾自己彈左起身喎!
我真係咩功課都未做過! 唯有而家開工啦~
點知又俾我趕得晒d功課喎!
好野!!~ 唔駛請假lu~
lunch本身我可以出去食架喇!!
點知排球隊要打friendly 女甲VS女乙~
lunch一打中我地就落去換衫喇! 飯都冇食到就要開波...
我仲要開第1球喎! 勁大壓力啦 咁多人望住~
開唔到真係好樣衰~!
點知我真係開唔到wo~~~
不過今日我d反應好左 起碼我得閒會追下波先啦~
有球仲追到擦損左隻手爭添~! 證明我有郁架~~
打完之後阿sir都有讚我好肯郁呀~~ yeah!~~ 但係隻手真係損左
放學又要練排球喇頂... 好累呀真係~
仲要train得好勁 又要互相拋波又要練開波~
雖然真係幾好玩 但係好辛苦囉...
今日我已經另外買左2支水飲喇~!
不過最後打比賽 阿sir叫我做setter喎~
之後set波我都set得麻麻地
到阿sir一落場我set既波都唔差 有幾球俾佢bad到架~!! 哈YeAh~~~
不過放學我都撻左好多野囉
又擦傷多次手爭 好慘喲~~~
2小時經過終於打完喇... 係寶林地鐵站個度撞到肥man同包包
同佢地都傾左好耐呀~佢地話我仲仍然係咁低b! 頂!
但係我已經超餓喇... 好想返屋企食野~
咁我就話猜包剪鎚 嬴左個個走先~
之後肥man嬴左 得返我同包包
我又話 : " 嬴左個個走先, 輸左個個企係度1個中呀下~! "
哈哈!!~ 笑死~ 包包即刻縮沙...
咁成個中企係地鐵站門口又真係幾傻仔既~~
>>November 14, 2004 at 6:42:02 AM GMT+8
2004 年 10 月 2 日 星期六 【晴】
今朝7點幾我同暴暴就要出門口喇~
因為今日係套拳比賽囉~!
但係我同暴暴都未知點官塘JPC點去喎
淨係知8點中係個度等~
好彩到左官塘之後Yoko打黎教我地點行
行幾段路就打個電話去問佢 搵搵下霍師姐就出左黎帶我地入去喇~~~
去到去見到師傅 仲有Nicle同Yoko個d呀~
跟住換埋道袍我地就行去比賽場地啦~
暴暴冇帶外套呀 要著住道袍周街走~
哈! 樣衰衰喲~~
去到我地就係會場出面拉下筋
跟住我就即刻跟暴暴練返太極7喇~!! 唔多熟呀咁耐冇返跆拳~
頂! 但係我feel到自己做得麻麻地好睇囉~
操左陣我地就入返入面睇比賽 又映陣相咁~
點知無啦啦聽到我地個組要比賽喇喎!!
出到去等左陣就到Nicole + 我 + 暴暴操喇~!
我同暴暴同一組呀~! 好彩~ 都冇咁驚!
操完1次要過對面操多次 第2次我覺得操得令好多呀~!
不過都唔算好高分~
今次比賽我地4個都冇獎呀...
所以比完賽就走得~ 哈哈!
走個陣我卦住講電話所以行慢左
師傅個d已經快到拋離左我同暴暴喇~
我地2個諗住行街街
點知之後先知原來師傅佢地係去飲茶
等我仲話唔去食飯添~!
我真係好想飲茶架 平時都冇乜機會飲
1年都唔知有冇2,3次~
算啦~ 同佢地講完88之後我望一望隻手
發現手上有件外套喎!!!
" 呀～～～ " 我即刻大嗌左出黎囉~
我仲見到前面個2個阿姨都停低左擰過黎望住我~~
件衫邊個架!! 我好徬徨呀~!
之後衝返入茶樓 原來件衫係Nicole架
我拎左咁耐係手都唔知添~!
返到新都我同暴曼行左陣佢就join溫+幫Audrey慶祝生日
咁我就同ken ken打機喇~~
我等左玩手手好耐架喇~! 好野~~
今次我挑戰難度 揀左好多都係差1,2粒星就full既黎玩囉~
最勁有600幾個combo架!!
之後能利都黎左 玩到8點幾我地3個都好肚餓lu
決定今晚打邊爐!! ^0^
去到我地等左陣位就叫野食喇
打下打下都整左好多野食~~ d汽水個d又可以自由斟~
一路食我地就一路玩一路講笑
ken ken同能利好似成日搵我黎玩咁囉.... 係度笑笑笑一x一"
不過我地講d野又真係幾好笑既 勁開心~
食到10點幾我地就返歸喇~~
頂頂頂~ 我聽日真係好唔想返學呀!! >_<
如果聽日有test我一定請假!!
d功課又做唔晒喎.. 咁多... 唔返喇!!!
>>November 14, 2004 at 6:30:50 AM GMT+8
2004 年 10 月 1 日 星期五 【晴】
今日要返東華練排球
返到去練左陣熱身既野啦 掟完波就開波~
今日d波好似跟住我黎飛咁 成日都有波撞到我...
之後打比賽A grade對B grade
第1場我開波超勁~! 追左好多分返黎
d波又開得令喎!
不過之後個幾場就差d喇... 有幾球都開唔到!
但係我覺得今日我既表現好左好多囉 起碼夠膽去接波先~!
仲成日bad到波添呀~!
有佢地幫我拍手掌勁開心~~
有球波打中左Emily個心口 佢訓左係地下囉~
我行埋去大嗌 : " 你唔好死呀, 唔好死呀~! "
跟住全班人一齊笑 +0仲話阿sir都係度偷笑添~!
我同Emily同+0又成日係度玩
玩扭pat pat既核突動作 不過勁搞笑~
我又成日同+0講我係盲既 就算佢企正係我前面我都睇唔到
仲一路係度問 : " +0, 你係邊呀+0! 我好驚呀~ "
之後佢串我話 : " 盲既又打排球~ "
我就話我係聽個波係邊黎打架~
之後仲話 : " 超! 我盲既都識上樓梯呀~ 吹咩~ "
跟住跳左上級樓梯度 勁好笑囉~~
佢又成日叫我 " 鋸 li " 都幾搞笑喎個名!~
打左4場比賽
原本4點有得走架喇 搞到5點先走~
一走得我就淨係著返d外套下護膝都冇除就即刻衝左出學校~
Yeah! 練完波有人踩單車載返屋企! 好野~~~
仲俾阿玉見到添~! 佢望住我笑囉~~ 哈哈!~
夜晚差唔多11點先知原來聽日套拳比賽!!
我都暴暴都係岩岩先知!
大檸樂啦... 聽朝8點要去到官塘 8:30am就比賽喇~~
我太極7都唔係好記得架喇wo...
希望聽日我既表現唔太差啦~
>>November 14, 2004 at 6:12:33 AM GMT+8
|
天使既身材!!! 魔鬼既面孔!!! ★☆
登登登登~~~
|
廣告 |
|
|
讀者留言 |
| 路人留言
|
 ::: JJ :::
<br>竟
>>August 31, 2010 at 4:01:52 PM GMT+8
加油
>>August 22, 2010 at 4:12:29 PM GMT+8
:::: 路人 ::::
<br
>>August 26, 2009 at 7:41:06 PM GMT+8
hi!我覺得你個backgrou
>>June 18, 2008 at 4:10:02 PM GMT+8
::::161810::::
<
>>June 19, 2007 at 4:54:48 AM GMT+8
::::許佩::::
<br>而
>>June 17, 2007 at 7:40:22 PM GMT+8
喂 你個fd失戀
<br>不如你
>>June 4, 2007 at 9:35:27 AM GMT+8
我都覺得死妹dance開心好多~
>>April 4, 2007 at 5:29:57 AM GMT+8
::::許佩::::
<br>梗
>>February 15, 2007 at 8:05:01 PM GMT+8
d相好精彩啵~~
>>February 5, 2007 at 6:28:26 AM GMT+8
:::: 161810 ::::
>>February 4, 2007 at 5:14:30 PM GMT+8
我都唔知咩係睇望
<br>我淨係
>>January 25, 2007 at 12:36:51 PM GMT+8
:::: 161810 ::::
>>January 25, 2007 at 4:13:57 AM GMT+8
144635 終於知你咩樣了
<
>>January 14, 2007 at 4:36:33 PM GMT+8
:::: 許佩 ::::
<br
>>January 11, 2007 at 2:59:02 PM GMT+8
:::: 161810 ::::
>>January 11, 2007 at 2:54:55 PM GMT+8
:::: 161810 ::::
>>January 11, 2007 at 2:53:19 PM GMT+8
你ｘａｎｇａ點去呀留比我啦唔該
>>January 2, 2007 at 7:38:31 PM GMT+8
細細細細細~~~~~~~~~~
>>January 2, 2007 at 7:27:01 AM GMT+8
冇呀 我過左個loney x'm
>>December 30, 2006 at 8:23:25 PM GMT+8
你好呀144635 我都知xan
>>December 20, 2006 at 6:33:44 PM GMT+8
我諗你估錯啦
<br>我唔識你識
>>December 19, 2006 at 7:33:34 AM GMT+8
::::蜜柑::::
<br>冇
>>November 30, 2006 at 6:22:28 PM GMT+8
::::泰::::
<br>唔知
>>November 30, 2006 at 6:21:03 PM GMT+8
::::許佩::::
<br>梗
>>November 30, 2006 at 6:19:52 PM GMT+8
::::珊::::
<br>um
>>November 30, 2006 at 6:17:52 PM GMT+8
::::出雲::::
<br>我
>>November 30, 2006 at 6:16:33 PM GMT+8
籍口
<br>
<br>好明顯你
>>November 21, 2006 at 7:29:34 AM GMT+8
板主，我覺得你真係好那happy
>>November 16, 2006 at 2:00:40 AM GMT+8
無聊上到唻~
<br>原來你仲未
>>November 15, 2006 at 6:20:12 PM GMT+8
你好牙...我係路過既/./.我
>>October 22, 2006 at 11:04:42 AM GMT+8
CW梗係大日子啦
<br>香港第
>>September 10, 2006 at 1:40:32 PM GMT+8
:::丸貓:::
<br>下~!
>>September 9, 2006 at 8:55:31 PM GMT+8
:::出雲:::
<br>CW好
>>September 9, 2006 at 8:50:29 PM GMT+8
:: Crazy ::
<br>
>>September 9, 2006 at 8:45:24 PM GMT+8
哈哈~~~路過架咋~~~
<br
>>September 8, 2006 at 8:34:58 PM GMT+8
聽講你真係玩cosplay wo
>>September 6, 2006 at 3:01:22 PM GMT+8
我一search showhap
>>August 30, 2006 at 12:46:59 AM GMT+8
++昌++
<br>哈哈!!~咩
>>August 12, 2006 at 9:19:33 PM GMT+8
++豐++
<br>呀下, 又係
>>August 12, 2006 at 9:18:17 PM GMT+8
++蔚蔚++
<br>哈!
<b
>>August 12, 2006 at 9:17:04 PM GMT+8
做乜咁慘成個月都冇生意?
<br
>>July 11, 2006 at 5:07:47 PM GMT+8
哈!!我諗你要搞一搞清楚乜叫日記
>>May 8, 2006 at 2:05:42 PM GMT+8
哈哈. 我就黎要通緝你喇大佬!~
>>May 8, 2006 at 9:14:30 AM GMT+8
++蔚++
<br>冇計啦~
<
>>April 19, 2006 at 5:50:51 PM GMT+8
估唔到你依家仲會比龜逗呀下～
>>April 5, 2006 at 9:43:20 AM GMT+8
++歡歡++
<br>本質係咁既
>>March 31, 2006 at 7:30:20 PM GMT+8
++豐豐++
<br>原來真係有
>>March 31, 2006 at 7:29:01 PM GMT+8
++寶寶++
<br>哎呀呀~
>>March 31, 2006 at 7:27:08 PM GMT+8
++呂廁++
<br>你未聽過C
>>March 31, 2006 at 7:26:10 PM GMT+8
|
|
返學喇!!~ 都係勁唔想返囉...
今朝6點幾先訓 11點幾就起左身lu~~
今日lunch又冇得出去食lu~~