2005 年 7 月 12 日 星期二 【晴】

今日返返 TKO中心 返工
返返下工阿麗想叫我同俊過 002 幫手執倉
咁我地就即刻除圍裙過去喇～
冇計啦..... 我地實在太做得野喇 !~ ( 爆笑 x 10 )

過到去執場d時間好快過
拎野疊野擺野... 好快就10點幾lu～
但又要 OT 一個中... 好彩最後都執到好令姐!!
咩都補返晒～

放工同 俊 + 阿So + Carman + 阿政 + Mei Ling 去仙跡岩飲野
飲完我地就上左東港吹水
我同 Carman 狂用手提影相
hae 到點幾中就走lu~

>>August 2, 2005 at 5:54:54 PM GMT+8

2005 年 7 月 11 日 星期一 【晴】

今日過左東港城開工
唔多中意個邊d環境呀... 都冇乜點 sell 野
lunch 去左美食廣場買壽司食
隔離個阿婆係咁撩我講野喎 !
傾傾下連對面個阿姨都一齊傾... 3個女人1個墟是波有錯的
個阿婆仲借紙巾俾我添~!!

夜晚要 OT ! shit...
我同 阿俊 同 阿麗 留低執倉... 執到 12點 幾先走
我同俊係咁偷糖食 鬼叫你要我地開 OT 呀 !
但d野實在太多太亂太難執喇....
執到阿麗講：" 你老味Y ~ "
哈哈! 唔知點解覺得好好笑呀...~
阿俊gf ( Carmen ) 黎左等佢放工
我地送埋佢返去都返 home 喇～

>>August 2, 2005 at 5:24:31 PM GMT+8

2005 年 7 月 10 日 星期日 【晴】

返工係咁同 阿詩 吹水
夜晚我入倉擺貨 唔小心 hi 到條光管........ 熄左!
之後我諗住整返好佢啦
點知成條甩開埋....................＝_＝ | | |
我托住d貨又唔郁得 要嗌救命先有人人黎救我咋... !

下午 肥man 黎左搵我
同佢夾左份禮物送俾阿豆呀～
其實份禮物我自己都好中意.......... ( 大心>v< )
今日仲有個客讚我好醒目係醒目女添呀~!
哈哈哈～ 證明左佢真係冇眼光喇～～～

>>August 2, 2005 at 6:24:31 PM GMT+8

2005 年 7 月 9 日 星期六 【晴】

今朝又要返工 有我 + 詩 + 俊
同個日本客講左幾句日文 勁開心 ! ^^

放工幫手拎野過東港城間鋪
有客係出面睇我地d水樽.. 但係我地已經閂左鋪架喇喎 ~
但係我都順手 sell 埋 ~ 哈哈
咁就賣左個水樽同2條電話繩喇～ 好搞笑~
之後同so一齊出官塘去 +hey 屋企打牌
陪埋佢等小巴我就去打機喇 ~

去左寶聲玩手手同捽碟 之後過金莎玩鼓
到我打個陣得返一枝鼓棍喎!!
唔係叫我用手打呀嘛.......... 潮爆架喎～
好彩有人借左對棍俾我打姐~~~
玩玩下見到 Lylin 喎 ! 認得佢手臂個 " 勉 " 字~
跟住同佢一齊玩鼓 一齊玩飛機
我地過到第3版呀~!! ^0^

之後玩鼓我玩 lv35 既歌甩棍 lylin幫我打住先
個陣已經 danger 架喇... 點知最後拎S喎 ! ! !
估唔到我呢d cheap 友都有人企係後面讚歎.... 暗爽一下先! kekeke.....
玩到點幾中就走lu ~

>>August 2, 2005 at 4:58:27 PM GMT+8

2005 年 7 月 8 日 星期五 【晴】

今日去左尖咀玩鼓
見到 OU... 小寶... Crazy... CY... 羊咩仔
鼓機度張 chair 勁高 , 我唔岩坐呀
打打下鼓張 chair 係咁搧去後面 , 搞到我要企係度打鼓.....
我仲要自己踩 bass 喎 ! 勁核突囉～
之後過新港同 CY 玩手手既馬拉松 mode ~
正呀! 好耐冇玩過..... 玩到4點幾閃lu～
仲有下場呀...

返左TKO中心 之後join埋 kenken 一齊搭小巴上清水灣
約左 阿Yo 佢地去沙灘玩呀~!
今日有：阿Yo + 琪琪 + Dido + 阿Man + 細豬 + 蔚蔚 + 寶寶 + 陸仔 + 寶倫
去到玩片石 又同蔚蔚佢地掟下沙 ~

hae 到夜晚一齊搭小巴走 去左厚德食吉野家食
我地圍臺成日都係度笑呀~!! Yoyo 個聰聰都冇左
不過佢地冇位坐... 真係sor啦要你地坐第2張臺.........
但真係好開心架 ! 係咁同琪琪傾計...
琪琪係個好女仔... 希望佢可以快d搵到個識對佢好既如意郎君啦 !

食埋野散 Band lu～
我同 kenken 出左去搵 Lylin san 打機
我又勁左d啦~!!~ 好野好野!!! ^0^
玩到點幾中返屋企喇~

哎呀......................... 唔記得影貼貼呀.................................. (飲恨) 嗚 TnT
下個月一定要影 ! ! ! >_< "

>>August 2, 2005 at 4:37:32 PM GMT+8

2005 年 7 月 7 日 星期四 【晴】

今日同 阿詩 + 阿俊 一齊做野 , 都幾開心呀 ~
阿俊成日搞gap , 好白痴 !
但今日好靜... 到下午都仲係一個 VIP 都冇~
放工我地3個就要開OT 將文具同銀包掉轉
搞到12點先有得走呀..... 頂～

>>August 2, 2005 at 4:18:39 PM GMT+8

2005 年 7 月 6 日 星期三 【晴】

尋晚4點幾訓 今日起身都眼眼地訓啦...
第1日 part 阿詩 ( 原本係東港城 Ella 既 Assistant )
今日狀態麻麻 我成日都覺得自己想訓囉~
但之後愈黎愈多人入黎 我就愈做愈起勁喇~!
做做下都做到好high 最後我地做到 $5000 呀~!!!
嘩!...... 傻左! 平時我地做到 $2000 已經算係咁架喇～

真係好開心架!! 做到 $5000 都幾自豪~
阿廖仲黎左將軍澳中心等我放工添 ! 多～謝～晒～
之後我地去左新都間 " 聰嫂 " 度食糖水
一路傾下計... 交流下.... keke
傾到12點幾我就走啦 費事咁夜返屋企~
下次再約佢傾過啦 !

>>August 2, 2005 at 4:12:44 PM GMT+8

2005 年 7 月 5 日 星期二 【晴】

7：00 am 返到屋企洗個面就訓覺
訓左3個中倒就起身 因為今日要過鑽石山間Ella做呀~
好眼訓.............ZZzzZZZzzzzzZZZzZZzZZzzz.........................
去到搵唔到Ella添! 要打去問阿志~
之後同 Yuyi + 亨少 一齊做野
都ok既... 冇咩特別... 我自問都sell得幾好 (keke)

不過真係超眼訓 ! 企係度擘大眼都訓得著呀~!!~
去廁所個陣又訓著埋.....
dinner個陣我仲想去打下機添~!
隔離行幾步就有間機鋪喇 ! 超正 ! ! 不過d機好貴...

收工我地3個搭MTR走 我同亨少要過東港城間 Ella 幫手執野
去到見到d野拆晒落黎好似裝修咁 真係唔知發生咩事!! 亂到Y !
淨係知要幫手搞返好佢囉...
有勁多人係度... 我 , 阿俊 , 阿麗 , 阿詩 , 阿So , 阿志 , 阿Joe , Tammy , 阿K , Mei Ling , 仲有個男仔
個度好多射燈 個個都熱到出晒汗!
唉... 做到3點幾先走... 同mei ling同埋阿k一齊搭的士 都幾岩傾呀~
不過佢地好似唔多中意阿麗咁囉...
但係其實我覺得阿麗冇乜野喎真係 對我都仲幾好添~!
落車個陣佢地仲話遲d一齊去唱k呀~ 好Y!!~ ^^
返到屋企涼都冇沖就訓喇 !
我要爭取時間訓覺!!!!!!!!!!!!!!!!!!!!!!!!!!!!!!!!!!!!!!!!!!!!

>>August 2, 2005 at 4:06:23 PM GMT+8

2005 年 7 月 4 日 星期一 【晴】

今日 OU 帶我去佢阿哥間鋪個邊睇鞋 要揀返對鞋今晚 Gra. Din著
但始終都係睇唔岩... 唯有返返藍田買 好彩有最後一對咋!!
4點幾趕到返屋企... 點解次次都係臨尾個刻先搞得掂d野架 !

一路行去 MTR 都勁多人當我怪獸咁望... 好驚呀 !
我就打俾蔚蔚要佢陪我講電話分散一下注意力 ! 咁就唔覺d人望住我啦 ~
但入到閘落電梯個陣我手隻手拎電話 , 一隻手拎袋 , 冇手扶電梯喎
咁就迫住同佢講話收線啦~
我話：「 喂 , 唔講喇 , 費事仆街呀 」
哈哈哈~! 唔知點解覺得好搞笑呀.. 著得咁 grand 但係咁爛口...

去到見到佢地 成班人都勁隆重呀!
佢地分別係：Yo + Emily + Nina + Anna + Dido + 琪琪 + 玲玲 + 翠瓊 + 蔚蔚 + 肥仔榮
去到北角等埋 麗麗 + 細Ju + 寶寶 就去海逸啦~
點知我地上錯2樓寫字樓 , 已經好樣衰... 唯有上多一層啦~
點知都係寫字樓............................ 何解呢???
落返樓下問看更 原來隔離個棟野先係海逸... =.="
成班都 seven 左~ 哈!

去到我地幾個女仔幫 Emily 化下妝帶下con 就開始出去食野
食左好多野... 最多既就係cheese cake
我同 Yo 問個 waiter 拎左四分之一個 cake 食呀! 超癲～
跟住就狂影相... 識個d都搵晒 lu~
食埋野齊齊搭MTR去官塘打機
但我地d女仔既腳隻隻都好痛 特別著高爭鞋個d
Emily 慘到連行路都要人扶..... (汗")
佢同Yo唔去得唱夜k啦 琪琪都唔去.... 所以我地就係油塘分別了～








去到官塘成班去打機
著到咁既樣落機鋪真係好型bor... 哈哈 ! 蔚蔚話勁多人望住...
打打下鼓又成日要抆下條裙~ 我都有d唔好意思
不過著住高爭鞋踩 bass 好搞笑呀~!!~ 哈哈哈~

之後去 Neway 唱K , 有 buffet 呀~!
岩岩食完而家都照食～
唱K既有：我 + 細Ju + 麗麗 + 肥琪 + Wayne + 小丸子 + Circle + 蔚蔚 + 寶寶 + 陸仔 + 曉珩 + 蕭b + 鼻毛
我地班左間大房返黎~
好得意呀!! d燈光搞到件衫好似識夜光咁架... 好令～
等左好耐先有我同蔚蔚點既歌
雖然我把聲開始沙沙地 但都唱到呀~ 都幾開心.. 仲覺得幾好玩添~!
唱下又同蔚蔚傾下計 都傾左幾耐架 ~
玩到6點左右就走啦 佢地話想去飲早茶喎...
我唔去啦～ 等間仲要返工...
打死我都返屋企訓陣先呀~!!~
＜＊～ 咦！？ 乜 咁Ｐｏｓｔｅｒ　ｆｅｅｌ既～＊＞
　＊新戲「Ｉｎ　ｔｈｅ　Ｋ房」＊　XDXDXD

>>August 8, 2005 at 8:37:44 AM GMT+8

2005 年 7 月 3 日 星期日 【晴】

朝早好早起身呀 ! 但係呢排都好唔夠訓囉...
出左官塘同 kenken + 堂家姐 + lylin + 阿興 食早餐
點知出到去仲見到 嘉熙 喎 ! ! !

佢地4個去泰國玩呀
我同 嘉熙 完送埋佢地一齊落左機鋪打機
好早呀 ! ^0^ 我未試過朝早落機鋪架~!!
我仲符碌過到 Dragon Blade 既 EXT 添~! 勁呀 !

返屋企訓左1個中倒又再返工
今日鋪頭有3個妹妹仔黎夾糖喎
佢地話想夾5蚊呀 ~
第1次幫完佢地磅唔夠100g所以要夾多d 我就叫佢地夾多幾粒啦~
點知第2次磅要成 7, 8 蚊 佢地好唔知點算咁呀...
不過我都淨係話收佢地$5囉 仲叫佢地唔好出聲...
我覺得自己好好人呀~ 個幾個妹妹仲好似好感激我咁同我byebye~
講真 我絕對唔係1個好好既員工!
公司有我既存在真係蝕卓～

今日又勁多人無啦啦黎搵我喎 !
我點緊貨個陣見到 桂花
再望真d.... 你估下係邊個??
漁民呀!!!!!!!!!!!!!!!!!!!!!!!!!!!!!! 哈哈哈～ 幾時返黎架～～ 好開心呀！^0^
冇耐呆康又黎左
佢竟然親身拎部 DC 黎俾我呀 !!! 幾時變到咁好人架?!
最後到 Emily... 佢岩岩返大陸返黎都黎搵我喎 !
阿詩話：" 嘩～ 乜咁多人搵你既~ "
大佬... 我真係完全唔知佢地會黎架～～～ 真係好開心 !
得閒多d過黎啦咁

>>July 8, 2005 at 8:24:46 PM GMT+8