2005 年 7 月 22 日 星期五 【晴】

尋晚 4 : 00 am 訓
一野就訓到 8 : 00 pm !
一起身...... 夜晚?!
嚇到個心仔都差d跳左出黎呀～ 陰公～ XDXDXD
唔係真係累到咁呀....?~

頹廢的一Day
MSN +日記
玩到 6：00 am
天都光埋 !
唔敢唔訓了

>>August 7, 2005 at 6:33:00 PM GMT+8

2005 年 7 月 21 日 星期四 【晴】

朝早 8 : 00 am 起身
2小時內廁所不斷有人用
因為人數實在太多喇～

我地決定去唱K !
何+... 林怡... Iris 去左銅鑼灣拎房先
去到佢地3個已經唱緊啦～
過左幾分鐘.... 點歌張 list 已經爆左....?!?! 傻架!!?
不過好中意聽邱邱唱歌仔呀～ >﹏<
最後我地以 " 勁歌金曲 " 一人唱一段～
4點正 ～ 完場 !

我地一齊搭MTR返屋企 同桂花&埋漁民一齊係將軍澳站出
之後同漁民傾左陣計 佢星期日走lu...
都希望佢係外國可以開開心心既 ~

夜晚約左 蔚蔚 & 林勝豐 吹水 去左錦明食
d服務態度差到........@#$%^&*!
我都好耐未試過咁冇禮貌喇!!
我地：「唔該~」
條友竟然話：「嗌咩就講啦」仲要態度勁差!!
仆佢個街Y~! 勁嬲喎~!!
個間野真係.. 服務態度又差 d野又唔好食!
都係貪佢夠平同夠就腳咋~ 食屎 !

之後我地去左MTR上蓋吹水
蔚蔚決定要過美國lu... 都好既~
講左d低能笑話 笑死了!
傾到2點幾先閃人............. 有點兒累呢 ～o～

>>August 7, 2005 at 6:34:20 PM GMT+8

2005 年 7 月 20 日 星期三 【晴】

5B Camp 尋日入左長洲 lu～
我今晚先得閒入去
錯過左好玩既一晚啦 ! ! ! ＞ˍ＜ 唔制～
今次個 Camp 參加者：何嘉 + 林怡 + 雪雪 + Amy + 周妍 + Iris + 翠怡 + 萍萍 + 邱邱 + 寬衣 + 桂花 + 漁民 + 曾忠 + 阿斌 + 斯諾 + 阿星 + DownDown + 阿law + 周sir + 黃太
不過我入去個晚... 萍萍 , 翠怡 , 周sir , 黃太已經走左喇..........
好想見阿萍喲 ( 淚眼T^T )

10 : 30 pm 到達長洲 !
歡歡帶頭出黎接我 順便買宵夜～
唔得 ! 我都好肚餓 !
樣衰衰企係街度食麵都要架喇.... 我都樣衰慣 ~ XD

租左東堤 ~ 仲要向海喎 ! 最邪................. wow～...
入到屋我就出左露台 點知一出去就見到斯諾同阿斌係入面...... 真係撞鬼!
望住個海真係真係好正!!
我話：「好令呀............～～～」
阿斌同斯諾一齊懶怕羞：「唔好咁讚我啦～」 ( 事實係唔知羞~ )

之後同 邱邱 + 歡歡 + Iris + 周妍 入房傾左陣計
收到漁民份手信呀 ! 睇個樣好似好貴...^^ 多謝晒～老細!
跟住出黎同 Amy + 斯諾 + 阿斌 玩扭扭樂
斯諾同阿斌 d post 核突到俾人狂影相呀! 哈哈~
到我郁個陣仲差d頂到小斯諾添~! 哈哈!~
斯諾係個好哥哥 ! 好照顧自己既小弟 !
所以佢縮得勁快~
我就咁就俾佢整跌左喇~!! 輸了～

跟住到班男仔扭
佢地玩個陣歡歡同周妍勁狗 係佢地d腳趾度搽指甲油囉~!!
曾忠俾人搽完仲唔知添~! 笑死～

扭完之後男女各自各精彩~
男仔s玩骰盅飲酒 , 女仔s就玩 killer
曾忠同阿星好似飲醉左咁 成班人圍住佢地又笑又影相
曾忠仲成日話：「唔駛叫 Amy 入黎服侍我架喇～」「叫 Amy 入黎先講啦～」
醉了 @0@

我地超勁 !
間度假屋350尺 ~ 2房一廳
我地十幾廿個人.... 9個女仔一間房 !
5個訓床........ 4個訓地下
唔通我地真係咁瘦?! 嘩～哈～哈～哈～

>>August 7, 2005 at 6:36:05 PM GMT+8

2005 年 7 月 19 日 星期二 【晴】

今日要去東港城返工
但係尋晚教鬧鐘個陣諗緊應該較早幾多起身好
諗諗下... 未諗完就訓著左lu ( 自膠XD )

之前 阿志(經理) 問我會做到幾時
我答佢 話佢幾時請到新人我就唔做
直至尋晚 阿志(經理) 同我講話已經請到人~
不過仲要商量下先決定我駛唔駛做埋7月 定係呢一兩日就可以俾我走
我梗係答佢好啦 ! 其實我想左唔做好耐架喇～ 嘩哈哈哈 !
點知今日我就訓遲左 唔駛返工
個 Last Day 就咁冇左... 有d遺憾添 ! >.<

不過咁就他調左一日 ~ 正 !
夜晚仲可以去倫叔叔個 B-day 飯局
我同 kenken 遲左 1 個站落車
咁岩我地 8 達通都負左喎 !
要籌碎銀搭 bus 返麗豪酒店呀～～ 哈哈!
幾難先數夠 d 散紙呀 ! 呼．．．..........

今日都有成十幾個人黎左
細 + ken + 堂家姐 + 興 + 阿峰 + buuloo + 肥淳 + lylin + 能利 + 阿叔 + 阿嬸(日本妹!) + Candy姨 + 倫叔叔 + 小環姐姐 + So + 嘉熙
buuloo 係咁俾人笑... 真係慘...... 雖然我都有份笑... XP
sor囉～ 咩事姐 ! 咁係好笑Y嘛～
之後同 kenken... 嘉熙... 阿so... 堂家姐傾計
咁就完成左一餐飯lu～ 都唔飽既！>___< "

不可不提既係 kenken + 嘉熙 + lylin + 能利 送俾倫叔叔份禮物
笑爆我個櫻桃小咀！
五星戰隊既點子由 kenken 提供
痴人頭既構思係 嘉熙 度既
襯埋簡直 PREFECT 呀~! Full Combo 添呀~! 哈哈!


食完飯去左金莎打機 有件爆笑野
Lylin 同 阿興玩左陣走先 同我地講 byebye
之後阿峰問：「Lylin走左拿?」
我：「係呀～」
阿峰：( 啤一啤瑟縮鼓機一角既小提琴 )
靜．．．．．．．．．．．．．（爆笑!）XDXDXDXDXDXDXDXDXDXDXDXDXD
Lylin 個小提琴呀!!~ 咁大舊野都可以漏得低~
你話佢係咪搞笑Y ! ! !

>>August 6, 2005 at 11:08:33 PM GMT+8

2005 年 7 月 18 日 星期一 【晴】

朝早約左同事s飲早茶呀 ! ! 興奮 !
不過 TKO中心 間鋪既同事咪又係得 我+詩+俊...
Carmen 都過左黎一齊飲 ~ 大開心 de su～

阿俊成鬼日都 gi 我呀...
有一下我忍唔住一個 back kick 踢去後面
佢話只係中左大脾內側
但係我見到個鞋印係中間架囉～～～ ( 證明我個 back kick都算正宗 )
再搞我真係踢到佢斷ｊ！俾人拎去博物館展覽呀
咁究竟係展覽佢個半條ｊ.......
定係展覽佢呢？
哈．哈．哈

桂花搵我今晚慶祝 wingwing 生日
我要返工去唔到啦.............
放工約左 黑豬+浩子+傻仔文 食糖水
係寶林MTR見到桂花佢地喎!
同 wingwing + 萍萍 佢地成班企係MTR吹左大半個中
之後就去 "聰嫂" 食糖水喇～

我地勁講無聊野勁笑 搞到成間鋪嘈晒 !
唔知點解真係好多爆笑野 冇一秒係靜架囉...
我嗌左個龍眼肉西米露 , 浩子又係嗌呢樣喎 !
我見個落單姐姐咁令就撩下佢啦~
叫個姐姐收貴佢 ! 邊個叫佢跟風～
我仲扮晒野話：「先生~ 跟風要加5蚊喎~」
笑到死左 XvX


我地傾到糖水鋪落閘先捨得走
黑豬送我返屋企喎...
都話左唔駛架啦～ 我會唔好意思架...
去到樓下都吹左陣水
搞到佢之後要搭的士返歸... sor呢!
黑豬! 你要加油呀! 唔好再理d賤人喇!~

>>August 6, 2005 at 8:27:09 AM GMT+8

2005 年 7 月 17 日 星期日 【晴】

I runs to Ella
我諗我冇錯 grammar
因為永恆不變既定理要加s

平時到 1點幾 都起碼有幾百蚊生意
今日2點喇........... $8................!
嚇死我 ~

夜晚去麥當當買野食 3號餐+朱古力脆筒
有個唔識既地產係我旁邊講「朱古力脆筒...」( 關你春事! )
其他人又成日望住晒... 又同我講下野
日日都係咁好唔自然呀妖～ 好死煩

買左大口仔浴簾 好開心呀!
呢排仲買左好多大口仔既野 ! 好野～～～～～～～～～
我想我迷上了 big mouth boy 了
可能因為我都係大口家族既成員...~~~ 哈哈 !
不過聽人講 大口仔弱智架...........................................一x一||

>>August 6, 2005 at 8:31:28 AM GMT+8

2005 年 7 月 16 日 星期六 【晴】

係廁所成日都會見到清潔阿姐 平時都會傾兩句
今日我問佢點稱呼 佢叫我叫佢婆婆喎..～
hehe.... 好親切呀 ^_^

夜晚 福頭+傻仔文+浩子 黎左探我喎 ! SuRpRiSe！～
我同佢地講 唔擺低 $100 唔俾走~
跟住係咁老屈佢地買野
福頭見 Ella 冇 Kerope d野就老up 有 Kerope 既野佢實買
我指住個新幹線筆插話係 Kerope 呀～ 哈哈!
咁岩個架新幹線又係綠色
我話：「咁咪岩囉! Kerope 綠色架嘛係咪? 係 Kerope 啦～」

之後有個妹妹仔黎睇筆插
我對住福頭問個妹妹：「呢個係咪 Kerope 呀? (細聲) 話係啦話係啦」
個妹妹都點頭呀 !~ 哈哈哈～
但係死福頭唔肯認數囉............

>>August 6, 2005 at 7:21:39 AM GMT+8

2005 年 7 月 15 日 星期五 【晴】

今日返工應該有 我+詩+俊+Tracy
但係開鋪個陣除左阿詩 我地3個都遲晒到 ! XP
冇得開鋪～～ 好野～～ ( 因為至少要有2個人先可以開鋪 )
最後遲左半個中先開到鋪 ~

我 + 俊 + Tracy 係度玩 " 三部輪嗌 "
我：「Hello ! 隨便睇下喎～」
俊：「Hello ! 隨便睇下喎～」
Tracy：「Hello ! 隨便睇下喎～ ByeBye」
我：「byebye」
俊：「byebye」
傻既都知我地自娛緊....... XDXDXD

我地係度狂笑
笑到出面有人問我係咪飲大左呀～ 哈哈!
返黎似玩多過似返工 ^0^

>>August 6, 2005 at 7:35:34 AM GMT+8

2005 年 7 月 14 日 星期四 【晴】

今日返工同 詩+俊 玩得勁癲
冇理 d 客s ~
由佢地自己睇 ~ 哈哈哈 !

去廁所個陣有個唔識既人問我係咪叫阿細...
點解佢會識我架?!?!?!?!?!?!
講明呀～ 我冇錢架～
綁架我既話你撕定票都得喇 !

>>August 6, 2005 at 7:09:40 AM GMT+8

2005 年 7 月 13 日 星期三 【晴】

今日同公公係樓下飲茶
嘩哈哈哈～ 好耐冇去過喇~!!
同公公都係第1次咋~!
開心死我 ^口^

夜晚歡歡約我踩單車
佢係街遇到個阿伯話自己隻腳好痛 叫歡歡車佢返屋企呀 ~
勁搞笑～ 又會咁膠都有既 !
好笑在佢又真係車左個伯伯返屋企喎~
唔知佢有冇博人慒呢 ?

我地踩左寶林個邊一個圈
踩到之前我地會合既地方歡歡見到地下有錢...
咁我就落車幫佢執返啦~
望真d... 係2張摺埋左既 $10 紙.... 咁似我擺係褲袋個2張既 ~
我摸下個褲袋... 真係冇左2張10蚊紙喎!!
但係之後歡歡話：「呢2張$10紙我頭先已經見到架喇」
下下下?! 即係d錢係我地踩去寶林之前已經跌左?!
唔係卦...～ 奇蹟喎～
又冇俾風吹走 , 又冇俾人執到
勁白痴呀!! 跌左成程路都唔知～
又一樣膠野 ! XD

我地踩到超口渴 決定去洞密園食甜品
好豪呀 ! 叫左個 「皆大歡喜」仲有d o者哩涼粉
但非常之難食............. XnX
之後繼續踩 踩到個 patpat 都覺得痛...
咁就去左打千秋啦 ~ 好耐冇試過同歡歡去lu!

之後再返尚德公園傾計 買左d野飲
我明明放左枝野飲入膠袋度拎住黎行架嘛...
但係歡歡拎出黎個陣就冇左 ! 得返佢個罐野飲....
再膠Y～
好開心又可以同歡歡好似以前咁傾計... 各有各忙啦～
間唔中出黎聚聚都係件開心愉快既事 ^.^

＊P.S. 今日實在太多膠野喇～～～～
　　　不過我中意~

>>August 4, 2005 at 10:02:20 AM GMT+8