2005 年 12 月 2 日 星期五 【晴】

今日又同 Girls 去 Cafe
不過今次去 " 遊木人 " 我第一次去
環境幾好．幾靚．幾舒服．
最 buy 佢有千秋打~!
不過俾人霸左... 冇機會打。

今次聚會都仍然未齊人
廖．歡．邱．花．梁．凱珊．細
好耐冇見凱珊 估唔到佢會黎 ! 開心
冇上次咁癲 但都好搞笑呀~!~
講笑講起阿梁個 "波波" 走左 ( 梁 's gf )
梁媽媽：「唔緊要~ 媽咪帶你去黛安薰搵返波波返黎~!」
keke................ 文文乖～
＊PS. 要大家破費唔好意思 !

臨走前影左d相
個度真係幾靚.... 好有 feel 的 !
不過我仲未收到 post 唔到出黎 ~ 遲d有補返啦

之後一齊去食雪糕
嘩好正呀~!~ 2 scoops ! 其實我第1次食
實驗證明．雪糕係甜既先好味~!

>>December 12, 2005 at 5:07:11 PM GMT+8

2005 年 12 月 1 日 星期四 【晴】

19歲 第一樣做既衰野係走堂
去左圖書館趕功課.... 哈哈哈!
我知道 Inter Skill 份功課比 ECON 堂更需要我~

放學同 Wing & Suppa & 豪 & 揚 & 諾行又一城打算食野
入左玩具 "反" 斗城玩玩具
無啦啦變左玩捉依欣～ 不過幾刺激 !
仲迫 Suppa 用玩具琴彈生日歌我聽~
又迫佢地唱生日歌
嗯～ 我幾滿意! ke..

出左 TOYS "R" US 係度亂up野
發現佢地放左舊野係我頂帽
好野呀!!! 原來係送俾我架!!! 真係好多謝呀!!!
雖然係小小既一份禮物
但我冇諗過有野收架你地知道嘛???
真係好開心呢~!!!

補完習返屋企食cake
好野有生日蛋糕食! ^0^
幾溫馨喎～ 可惜食唔晒~

應承左師傅返跆拳探佢地
之後搵埋歡歡同Kenneth去大排檔~
今年同阿 Law join 埋一齊搞
所以好多人呀~!!~ 有兩圍臺
有次有：Law．細．林怡．Amy．何+．Iris．翠怡．周妍．萍．歡．邱．Kenneth．程麟．斌．斯諾．忠．漢．傑
仲有漁民個長途電話!!! 漁民+林怡 & 周妍的花

食完去左明德既天台 (?)
佢地砌左棵聖誕樹俾我!!!
一齊擺d裝飾上去 ( 仲有埋燈飾喎! )
我好開心呀你地知唔知呀!
聖誕樹我已經恨左好多年~! 不過硬係的唔起心肝買
影左好多相~! 我的生日樹好美 !


最後 多謝咁多位既禮物
我非常喜歡 ! ! !
特別周妍份咁有心思 & 心機既禮物
我真係好中意~!!! 多謝 ! ! ! ! ! !

2點幾先散band
唔知點解我又唔係好眼訓咋bor~
phone ～ 4 , 5 點先訓
唔緊要啦 ! 我青春無限~ 仍然卜卜脆 !

>>December 20, 2005 at 5:32:30 PM GMT+8

2005 年 11 月 30 日 星期三 【晴】

訓到好遲先起身
可能尋晚玩得太癲~
今日周身都痛

明明同馮太講左尋日唔補轉今日補架嘛~
點知今日去到 摸門釘
下次醒水 幾大都打個電話去先 !

同歡歡買左d零食去公園過生日
好野!! 生日有得打千秋～ 又有歡歡係我身邊
收到好多遂想不到既msg
不過最開心都係收到阿路個電話~!!~
成年冇聯絡 估唔到佢仲記得我呢個妹 ( 感動T^T )

>>December 11, 2005 at 4:25:23 PM GMT+8

2005 年 11 月 29 日 星期二 【晴】

今日返學考oral 其實我都有點兒淆底
冇野講的話好瘀皮的.....
但好在我的表現不俗
keke... 溝通到呀吹咩~

放學打左陣排球 技術仍在喎~ (但都唔好得去邊)
我見到樓上有人望我地打波呀~!~ 好野我有fan屎～ (妄想中)
玩左陣 我&Alice&Wing&瑩瑩4個玩猜樓梯
低b玩意 但玩得好開心呀~!!!
阿Wing猜左好耐都仲係起步點~
路人行過都望兩望 我仲見到有人笑添!!!
頂Y~ 呢d叫天真無邪~

頂x10000!!!! 肚痛指數有20粒星
痛到要買朱古力鎮痛 仲要啪埋丸添!
唔係想今日玩得開心d我都唔會食藥呀~!!! (唔該Alice男友的必理痛)

搭 MTR 個陣勁搞笑
有個痴痴地又似男人既阿嬸話Suppa
其實個火頭可能係我辣起先 但唔知點解佢唔話我~
一定因為我太靚XD (眾人：咳咳!)
癲人：「我打過一個學生．再嘈笠你麻包袋然後造你!」
　　　「我而家就教你做人既數學, 人生乜野都關數學事既~!」
　　　「Chinese Kung Fu? (普)沒有～ (粵)你唔好以為有」
　　　「識多一點點．Y唔係 ! 係知多一點點」
　　　「話你知~ 大蝦細~ 俾屎餵架~」(我心諗:咁而家你咪要食屎?)
九唔搭八 呢個moment我同wing已經笑到痴左線 但無奈都要死忍
阿豪見到Suppa同癲人個樣 都忍唔住笑
點知個癲人就對住阿豪講：「我唔中意你笑~ 你行開~」
最搞笑就係阿豪答：「(忍笑點頭)唔～ 你岩～ 你有point～ 我支持你～」笑死我!!!
好彩癲人一個站後落車 ｂｙｅｂｙｅ～
佢一出車個刻我永遠都記得呀~!!~
我地班人即刻爆笑~ up返晒頭先個阿嬸d「數學」出黎
本身車上面d人都驚驚地 見我地笑得咁開心佢地又跟住笑
個場面真係好搞野~!!~ 哈哈哈哈哈...

細．Wing．Alice．Alice男友仔．瑩．榮．Suppa．揚．嘉顯．豪．一行十人去灣仔食飯
食完去買野 同wing笑到傻左~! 掟左舊麵包落地...
之後一半人去街市買野 我&揚&嘉顯&榮&瑩就係街市門口等
嘉顯好白痴 拎住阿榮部手提影自己個口
點知部機擺得入得滯 一野乃左落個鏡頭度!
嘩哈哈哈~~ 肚餓成咁呀~~~
之後我竟然問左句：「呢部手提定電話黎架?」
OH SHIT! 俾人笑左好耐... 其實我係想問「呢部手提定相機」
其後講電話時又唔小心同人講左句：「我而家去緊深水步BBQ呀~」
陳嘉麗語錄出現。多～謝～


去到燒左陣野食就同 Suppa & 嘉顯 落沙灘打排球
痛到我Y! 唔知點解無啦啦變左玩掟沙
俾佢2個夾攻我! 幾刺激．不停叫囂!
玩玩下拉埋 豪 & 揚 & 榮 & 瑩 落水
先撩者賤..... 我明白。所以眾人圍攻我! HELP!!!
阿豪隨手掟個排球都飛中我呀!!! 仲唔即刻扮死?!
我跪低嗌：「呀...好痛呀...好辛苦呀..嗚...」(其實一路執緊沙)
佢地一個二個走過黎睇我~ 某幾個中左招喇!!! Yeah～～～
但之後我就更可憐.................... T^T
周身都係沙 連bra入面都有!!!
最後悲劇收場... 我對眼入左沙呀頂! 遊戲中止。


Mesell同Wing食完野都落埋黎
我地玩擂台戰! 2個人一組~
一個揹人一個俾人揹
被揹既人要將另一組被揹既人推跌 或者推佢地出圈
超刺激!!! 睇住佢地玩已經笑到我死~
到自己玩~ VS Wing+豪
真係超好玩~!!~ 好開心呀~!!~
最後 Wing+豪 VS 榮+瑩．輸左要扮牛圍圈跑
勁好笑!!! 阿wing大嗌：「嘩!渣波既~」

跟住玩 Bing Bang 嘩
我冇耐已經4獲 5獲就PK架喇...
好彩豪後來居上 我語重心長同佢講：「阿豪! 你得架!」
好野Y! 真係俾佢嬴左!~
要罰打前滾翻之後手掂地下自轉十個圈再行直線!
見住佢轉轉轉由A點轉到B點超好笑~! 之後行直線仲差d走埋出海添~! 哈哈~

我開心到自己係度跳白痴低能YeahYeah舞 Mesell又一齊跳喎!
搞搞下全部都要跳~ Suppa同嘉顯既版本掂呀!!! 笑死左～
低能白痴跳舞比賽就開始左啦～
分開4組 每組自己諗d最搞笑既舞步
大家跳個陣都好開心 氣氛勁好呀~!!~ 最後叫埋Alice黎做評判~



估唔到玩玩下已經夜了... 有d人要走
最估唔到既係Alice男友竟然執好晒BBQ d野!!
好唔好意思呀要佢同Alice執晒... 我估唔到時間過得咁快就要走的
換埋衫之後我 & Mesell & Alice & 佢男友 & 嘉顯 & Suppa 留低玩多陣
Show多次我地既精彩表演俾 Alice 男友睇
佢男友仔又跳呀! 仲低能過我地~
係度「吱boom吱吱boomboom boomboom吱boom吱吱」笑鬼死~


最後我 & 嘉顯 & Suppa 搭泥猛的返屋企
第1次搭咋~!!~ 幾得意呀~
今日好開心 真係超開心!
好耐都未試過打咁長既日記... 真係好想記住呢一日
唔知下次幾時又有得出黎玩過呢?
同呢班fd一齊都好開心呀～～～

>>December 8, 2005 at 5:47:24 PM GMT+8

2005 年 11 月 28 日 星期一 【晴】

神早起身溫書
溫下訓下... 唔多清醒
叫做睇過下 Topic 7
之後又訓著埋！
咁又走左一堂QT喇.......

今日QT派卷
我竟然都有75分?!?!?!??!?!??!?!?
dis丁丁呀~ 好開心~ 一定係撞彩

考 Marketing．返到去岩岩開左卷
溫唔晒書 好多都係老吹
希望呢科會 pass 啦 ~

Lunch．我明明係嗌芝士焗肉醬意粉架嘛
點解會變左白汁什菇意粉既???
之後打機 頭D又會咁多人玩架~~~ 我同wing冇得玩喇!
玩捽碟 同嘉顯玩到唔捨得走
阿揚悶到就黎想打爆我地個頭

今天，直髮的感覺不錯
不過俾人串！好同學。郭嘉顯
周慧敏Y拿！

>>December 3, 2005 at 7:02:12 PM GMT+8

2005 年 11 月 27 日 星期日 【晴】

我有好多「好」同學
堂堂同我傾計 ~
真係「好」 ! 哈哈哈 ~

放學講起「通櫃」呢個 term
原來係指用手指檢查 pat pat 窿～ 仲要轉360c咁黎check
我：用邊隻手指架咁應該?
Suppa + 火麒麒：冇話特定邊一隻既...
我：咁趕時間既話咪可以 5 個一齊 check 囉?!
(爆笑) 麒麒：咁點轉呀~~
Suppa：叫佢地自轉囉~! 轉！(再爆)
嘩哈哈哈~~~~... 超好笑呀~!!~ 成班人一路行一路笑~

返到屋企諗住訓覺啦... 唔多夠訓
點知 hae hae 下又冇訓到！書又冇溫過！
玩電腦玩到 6 點幾.... 馮太打俾我
馮太：「阿細~ 你去到邊呀?」
細 ：「呀！唔好意思呀... 今日唔駛返學我訓著左~ 我而家過黎Y!」
馮太：「好~ 咁你而家過黎啦」
妖～～～～ 唔記得左去補習呀！！！食屎～
即刻熄電腦換衫出門口! 個頭太樣衰要帶帽
壞孩子......... 又講大話了。

聽日 test Marketing了...
夜晚都係冇溫過書
算啦 我聽日先溫
所以今晚好早訓～ 12：00

>>December 3, 2005 at 8:06:46 AM GMT+8

2005 年 11 月 26 日 星期六 【晴】

約左周妍同包包上科大
等埋廖一齊上
點知上到去都唔係溫書做功課既！

自戀狂廖嘉麗 +
陪自戀狂自戀既陳嘉麗
用手提影相映到上晒癮 !
斯諾都不其然講左句「駛唔駛自戀成咁呀...」
吹咩~ 未見過靚女呀~?! ( Sor, 各方兄弟我講下笑既姐 )

>>December 3, 2005 at 7:23:28 AM GMT+8

2005 年 11 月 25 日 星期五 【晴】

係包包屋企洗白白
佢婆婆仲好熱情咁叫我食埋飯先走 好warm呀~!
包包屋企真舒服。

慕德 Open Day
我 + 華華 + Yan + 細眼傑返去幫手搞攤位 ( 但我地都唔係讀慕德 )
返到去仲見到好耐冇見既盧老師！！！
我小學 6 年班既 class teaher ~ 而家變左盧主任啦～
仲見到好多小學同學... 好多fd~ 都幾開心

個攤位係玩掟波波入d箱度
跟住係個箱入面抽是但一樣野出黎 講佢既3個用途 ( 點吹都得 )
掟得入．講得出．就俾印仔
我地幾個都好茅
見到d小朋友掟歪左 我地就即刻接住個波
之後順勢碌埋入個箱度
講唔出d用途咩? 俾貼士俾到連答案都講埋出黎咁滯!
手偶公仔都可以話用黎保暖~ 勁 !

我地間唔時就去吞 pok
過隔離攤位玩吹氣袋
細眼傑吹緊個陣 華華一野渣左落個袋度!
哈哈哈~ 之後一齊夾攻佢! 好玩~

做左幾個中
累累地又悶悶地
臨走前上左樓上睇我 d 師弟妹既作品
嘩～～～而家 d 小學生真係犀利呀~!! 乜都諗到~
份 project 做得仲靚過我自己整個 d 呀~!!!

>>December 3, 2005 at 7:11:11 AM GMT+8

2005 年 11 月 24 日 星期四 【晴】

夜訓早起好眼訓 迫住要返Open Day
坐左陣去左圖書館抄ECON

同 Suppa + Wing + 豪 仲有許佩睇跳舞
睇完好想跳... 我要跳舞！！！
之後Band Show．男vocal幾好
女既好似五音不全... 打冷震既 " 二十世紀少年 "

補習又遲到...
理由都係「唔好意思呀... 今日放學放遲左. 我諗我要遲d先過到黎喇... 唔好意思呀」
好趕咁仆返屋企食飯 食完又仆去地鐵站搵歡歡
我地今日睇《 NANA 》呀！再唔睇就落架喇~~~
將軍澳戲院已經落左. 太差了

嘩！好睇呀！感動 + 抵睇
2個中呀~! 抵過《怪誕屍新娘》成倍！片長double
睇完成 12 點 ~ PK FoR 4 (阿豆除外) 去寶林食宵夜~!

又見到好多fd 好開心咁up野 !
又夾埋包包玩周妍 ~
見到許佩男朋友~ 一直係度笑笑笑
屈佢打周妍尖．叫周妍唔駛驚 有乜事喊就得
仲搵埋佢個fd黎玩~ 原來就係傳說中既人傑！！！
呀～～～佢自己行埋左一邊呀～～～
賣珍珠奶茶既 Shake Shake 大叔話我 hurt 到佢呀... 點算
佢會唔會搵我報仇架?! 好驚呀許佩 !

＊P.S. 知道周妍日記話次次同我一齊都會笑到好累好累
　　　其實我好開心的！

我 + 包包 + 周妍 then 去吹水
又買左好多野食同野飲... 我 d 錢呀... 嗚......
感覺好好．乜都傾．好開心．
" 邊個鄭呀? "
" 鄭和下西洋越洋三十年返回中國個鄭囉 ! "
點解可以咁無聊架~~~ 但好好笑呀真係~~~ 哈哈哈!

坐到凍凍地起身教包包跳舞 即刻熱返晒~!
估唔到話咁快就天光啦～
阿婆阿公身體好 一早就出黎晨運
硬係覺得佢地識連續打 3 個後手翻 =_= "
我地 3 個都係健康既小朋友。扮晨運

咁就通左頂... 原本都係諗住食餐宵夜姐~
為方便聽日既行程 去左包包屋企訓
頂Y！超大隻甲由chi chur係廳咁轉！shopping乎？
包包張雙人床好舒服呢～

>>November 30, 2005 at 7:37:07 PM GMT+8

2005 年 11 月 23 日 星期三 【晴】

返學補 ENG
同 Mesell 傾左成堂
下堂要考 Oral 了..... 食屎！

同 Alice + Wing + Suppa 食吉野家
岩岩食完唔夠一個中又肚餓喎! 生虫呀?!
又要拎 $ 出黎買野食...
發覺大部分錢都係用黎食野

Alice bf 都黎左
她一見到他就大嗌：「陷家剷！」
佢2個相處方式認真特別
真係唔知笑好定點好~ 哈!

原來 Suppa 好好人架！
又肯陪我整電話 又肯陪我打機
仲肯陪我買野添~!!~
但我點都唔會讚佢令仔架~ 請慳皮。

之前係 Suppa 手機 set 左我個樣做 wallpaper 仲有 screen saver
連個鈴聲都係我把聲~
呀... 報應呀... 而家俾 Alice 玩返轉頭
wallpaper 係 Alice獸
鈴聲係Alice既 "聽電話 聽電話 聽電話 聽電話 聽電話 聽電話"
我手提入面 佢d相仲多過我d相呀~!!!
完全被征服。

>>November 30, 2005 at 6:54:17 PM GMT+8