2005 年 6 月 2 日 星期四 【酷熱】

炎熱既一日, 三十幾度出街, 真係幾難頂~
落旺角買左條短軍褲~
之後去左搵生病既小公主~又整左愛心通粉食~哈~ 好好味~
照顧BB係我既責任~ 很樂意整野俾佢食
夜晚返屋企時候, 勁咁行雷閃電, 但係落雨就唔多, 真係雷聲大雨點少呀~~
都好開心, 炎熱既一天, 夜晚落番場雨, 真係好~

>>June 3, 2005 at 4:09:52 PM GMT+8

2005 年 6 月 1 日 星期三 【晴】

今日我終於有時間去剪個髮. 剪完都係果個字, 爽!
夏天既黎臨, 我梗係例牌要有個爽夾涼既頭, 否則真係熱到人都顛.
聽日又可以俾小公主摸下呢個咁爽既髮型lu~
夜晚食飯PO們都講下拍拖既經驗. 發過原來我同BB其實都算溝通得唔錯. 慶幸大家都有作出改變, 似乎就黎一起走過既呢兩年半的日子, 大家既關係真係越黎越好, 爭炒少左.

>>June 2, 2005 at 5:45:00 PM GMT+8

2005 年 5 月 31 日 星期二 【晴】

吃不到的葡萄, 我不理它是否酸的, 因為我根本不喜歡吃.
收到了兩張 醒醒既concert飛, 但就無福消受了, 因為小公主明天要上班, 所以去不成, 唯有將它轉贈他人, 果個就係李正啦. 是日佢駕駛佢既新坐駕黎到畸寶留下取貨. 轉移於數分鐘內完成, 好久不見既李正先生又駕住佢既黑色寶馬揚長而去.

今早H班師回朝, 同日亦是查理斯回寶之日, 大房頓時增添不少「人氣」. 我今日亦極速怒剪四片, 不經不覺自己昂然踏進4號既時代. 可惜這並不是一個令人安心的里程碑. H俾第4條片我時臭包亦於附近遊走, 並以質疑的口吻問我攪唔攪得掂 (如無記應該是), 令我最為之心驚膽戰的, 是H指我呢D, 起碼一日5條! 似乎好睇我咁播. 但4呢個數字已經係極限, 5對我黎講暫時似乎係越級挑戰吧...

早上聽到某高層不斷的批評某VO人的聲線, 更說整時段都聽到佢把聲簡直想死.
心諗, 有冇咁誇呢? 有時做人既野, 唔駛去到咁盡既
話人地乜乜唔「pro發tional」,乜乜「un爸rable」, 說穿了, 咪又係五十步笑百步! 聽完真係笑死! 其囂張的程度簡直令旁人即刻想一隻folder車埋去. 講到尾, 都係人手唔夠, 否則都唔駛勞煩呢位好兄弟幫拖啦.

午飯飲野既時候, 忽然諗起小公主, 佢好唔鐘意我將水倒入已飲完的冰杯度, 話冰中既飲品味道污染左水喎, 但係我就真係覺得冇乜所謂, 反正都係當水飲. 其實我同小公主係好多方面都各有自己既主見, 但可以常常做到和而不同, 實屬有緣.

>>June 1, 2005 at 4:31:23 PM GMT+8

2005 年 5 月 30 日 星期一 【晴】

今日收到消息, 屍衣N 主播 B哥 會於今天完成佢係本台既最後任務. 相信亦係最後一次粉妝出鏡, 事關B哥佢將會升格為10樓電影台人馬. 故此一班PO專誠為佢攪左個送別茶會...各有各食, 非常自助. 而 B哥亦一改平日怕醜既舉動, 與一眾PO們係咁影番幾廿張靚相留為紀念.
及後A, P更所有PO亦到了Anchor房為B哥哥送上友情蛋糕乙個, 佢睇黎開心得黎有點驚訝, 驚訝得黎又有點趕時間, 趕1900出埋佢既最後一鏡. 至於該友情蛋糕最終之命何如, 則不得而知.
小弟有幸提供本日大部份攝影服務.
各PO們有若需要, 可隨時向小弟索取.
報告完畢.

>>May 31, 2005 at 5:26:31 PM GMT+8

2005 年 5 月 29 日 星期日 【晴】

整天也在遊魂. 同樣地, 又是疲倦作怪.
最近CEN被催殘的人不計其數. Susanna幾日以黎都係掛住一副剛剛睡醒的面孔, 莎莉吃藥後變得呆呆滯滯, 小弟更不用說魂遊於太虛之中. hair住hair住咁就一日. 上午「臭包」縱有4大PO在手, 但可惜佢並無發施號令的心情, 不過可能是沒有那個能奈吧.
梵音大師在最後的數小時才開始觀看戰事, 急到阿媽都唔認得. 為乜丫, 一早出關就唔駛攪到咁啦. 最難頂既係, 係不斷係你後面指揮你, 梵音大師既深厚功力, 小弟終於見識到啦. 佢指揮大局既能力, 一心十用既本領足以令到佢麾下既將士轉到頭暈眼花. 不過慶幸, 「糠成之亂」到左今晚終於黎個了斷, 而小弟今日亦食埋個尾糊, 輕輕鬆鬆唔駛發功.

「臭包」之思維邏輯實在令人不明所以.
事原小弟某project之內容在梵音大師的指令下需要一分為二, 故此亦需要另開新project作儲存之用. 而在project之命名藝術中「臭包」之功力亦可見一斑.
試比較以下兩組詞, 並分析其易辦程度:

(甲)小弟原作:
舊project: 糠成惺惺
新增project: 糠成惺惺party

(乙)「臭包」名作:
舊project: 糠成惺惺
新增project: 糠成惺惺2

臭包有此舉動之因由是他老人家認為(乙)在云云素材中, 是比(甲)更易尋找, 更有表義性. 至於是否屬實, 實在見仁見智

>>May 30, 2005 at 4:16:20 PM GMT+8

2005 年 5 月 27 日 星期五 【乍寒還暖】

做畸寶以黎一次對住一條片一日激戰14小時.
感覺絕對虛脫....
如果明天不是寶貴的星期天假期, 我絕對不會用自己的健康來拼命. 為的, 只是一個在星期天見小公主的的機會, 以及與家人聚首的一刻. 但無奈, 現在已經是星期天早上了...
不過並不是我一個人作戰, 當前鋒的我與羅拉已經做到不似人形了, 今天可憐的Anna被梵音既direct order指派加入糠成戰線, 就連一眾非「糠成敢死隊」的PO們亦難逃厄運, 被細榮全力鞭打致怒砌daily料至重傷, 可見「糠成之難」死傷者眾難以估計.

>>May 30, 2005 at 4:15:15 PM GMT+8

2005 年 5 月 26 日 星期四 【晴】

小公主今日病情反覆, 我諗我呢位大夫都要快點出外應診, 希望小主公可以快點回復精神既狀態啦!

今日康城片足全日, 不明白為何自己的效率可以那麼低, 整天都只係改完第一份稿同埋切好左, 之後就努力睇星戰同埋寫....由6點開始都真係完完全全咁進入左呆滯既狀態, 直到12點, 真係有作嘔既感覺. 其實都唔係我一個人辛苦既, 仲有羅拉既workload俾我多十幾廿倍, 仲有Anna聽日開始又要投入康城既激戰啦. 就一個新左個幾月有多既新人黎講, 我真係仲有好多野要向各位前輩學習架. 起碼仲要加快自己既寫稿速度同埋組織條理吧. 總之, 繼續努力~

>>May 30, 2005 at 4:14:31 PM GMT+8

2005 年 5 月 25 日 星期三 【雨】

梵音既project今日終於開波啦. 唔駛問我都係做到隻狗咁啦. 第一次做大茶飯, 個人梗會有些少緊張既. 結果只係寫左兩個性感女人既一份稿, 星戰喎, 聽日點都要嘔哂出黎.

Anna今日得到2張 虎膽狙擊 既門卷, 薛小姐佢諗都冇諗就將佢送左俾小弟, 真係萬分感激, 多謝哂呀Anna~

夜歸人又再次送車尾, 不過俾左機會我影左兩張相, 純綷係手痕之作.

>>May 26, 2005 at 5:43:45 PM GMT+8

2005 年 5 月 24 日 星期二 【微冷】

今日返到公司就即刻有不明來歷既燒肉食, 睇個個人都食得好好味, 我都執輸食番幾件, 唔錯~~~不過呢排公司時不時都有d野食下咁, 起碼寫起稿冇貨時唔駛咁愁.

呢排同大傻哥好似番friend咁, 時關周不時佢既料都係彈俾我跟, 真係唔話得...
梵音今日的左我同入房整單堅野我試下. 真係幾「睇」我咁, 眾兄弟姊妹都鄧我「高興」...今日好少可準時走到, 非常之咁慶幸啦, 又唔駛趕片....

似乎今日真係 a very nice day. 返工放工都有清涼之風, 唔駛熱...放工撘車返家時有少少精神諗下自己既前路, 暫時未有一個好明確既答案. 時間過得好快, 真係要捉緊每分每秒.

小公主今日似乎好番好多, 但係仲未好番哂. 不過就真係要乖點啦. 訓夠點, 少食熱氣野. 咁就獎你多幾張雪糕券啦, 好唔好丫?

>>May 25, 2005 at 5:31:21 PM GMT+8

2005 年 5 月 23 日 星期一 【乍寒還暖】

寶貴的一天假期
一醒來便下著下雨
心情格外愉快
在家的時間只有上午的數小時...
下午去了找病倒了的小主公
晚上整左最拿手既愛心通心粉
排排坐, 食通粉, 好過癮
BB送了我兩件T-SHIRT~
好靚~~
期待星期日的再會~

>>May 24, 2005 at 4:08:11 PM GMT+8