2005 年 6 月 14 日 星期二 【雨】

熱鬧的大房
最近公司黎左5個新人, 3個intern, 2個perm, 5個都係女仔. 今日大房超爆多人.
5個新人+5個早更po+2個景po+4個夜更po, 未計subed. 全場爆滿.
OT時俾我見到黎畸寶做唯一一個想睇既片, 估下係乜?
竟然見到中島美嘉既演唱會片!!!
當然我即刻睇睇啦, 最衰錄唔到, 唔係實開心死, 聽日返去睇多幾次先!
整都都落著大雨, 可惜我都係無福消受.....可惜可惜...

>>June 15, 2005 at 5:33:21 PM GMT+8

2005 年 6 月 13 日 星期一 【晴】

MJ案年的類同
MJ孌童案件今日宣判, 意外地十宗罪全部不成立, 當庭釋放.
當年OJ殺案, 又係無罪釋放.
香港既藝人犯事又好似可以冇乜事咁出番黎. 唔知幾時開始, 有錢有頭有面就好似唔駛受到法律既制裁咁. 呢個社會仲可以叫做文明嗎?
「天子犯法與庶民同罪」呢句野都唔知邊條友講出黎既. 更何況呢班友更加唔係天子, 只係一班社會上不斷吸食資源的寄生蟲. 可以能夠享受如此待遇.
不過我倒相信天有眼, 今日MJ可以過到骨, 難保他日佢唔會橫死街頭或者不得善終. 我並唔係咒佢, 只係覺得conservation of 幸福係某些意義下係成立既.
難為臭豬與Sally被傳召,急call 6點幾番到公司, 只係為左一條攪靚仔既可憐蟲!

>>June 15, 2005 at 5:29:40 PM GMT+8

2005 年 6 月 12 日 星期日 【暴雨】

深宵聚會後的疲倦的假期
這三天的日記都寫在一篇吧...今天的倦, 全都是昨天的因...先說今天吧...今天的精神狀態奇差, 不過傍晚去找小公主的時候就開心得忘記疲倦了. 送了一張麥嘜既咭俾佢, 當作是明天我們一起2.5年的禮物吧. 說真的, 這些日子我們真的很開心, 當然亦有關係不好 的時候. 但不知為何, 這半年來我兩真的很少吵鬧, 可能是大家都變得成熟了. 期待攜手踏進第3週年!

是時候說說昨天了.相約已久的宵夜摸杯底, 昨晚終於到臨了. 我相信大家也很期待這次聚會吧. 所以我都以最快速度完成那件工作希望好好的享受這一晚. 可惜因為某種無奈的原因, 結果都是要1點正才可以起撈.......結果去左奶佬.李正既出現令除左令我地喜出望外之餘仲帶起埋短短個多小時既飲水吹水高潮泆起. 又係幾開心播. 最後call車但係又唔夠車, 所以同車人一架車, 先送左佢返屯門我再返屋企. 終於攪到三更.

還有既就係6月10號千呼萬喚始出來既Battlefield 2.感覺不錯, 但係就有排都無機會完全感受那種美感啦. 因為要儲到足夠既預算去升級電腦仲需要一段好長既時間...人大左就有好多野要考慮, non-mean又加息啦. 真係好過去搶!

>>June 15, 2005 at 5:28:48 PM GMT+8

2005 年 6 月 9 日 星期四 【晴】

生活感覺
小公主今日去睇醫生, 話患左氣管炎.
佢打黎話俾我知既時候, 我個心當堂實左...
唔知點先幫到佢...好想煲潤肺補氣既湯水佢飲...

近日對生活感觸良多.

前日趁放假整理一下自己的房間, 發覺我擁有的, 實在太多太多了. 雜誌, 書本, 光碟, 玩具...其中究竟又有多少是我真正需要的? 多少是我有用盡的? 擁有得越多, 我就覺得自己得到的越少. 一味只求滿足買那個時候的快感, 光有那僅僅三分鐘的熱度, 然後那件東西就像上了為神台似的. 放了三五七年但仍然新到好像剛剛買的, 那種味兒真的不好受.

所以我應該停止買東西, 尤其是書本. 更甚的是電腦軟件書. 沒有一本我是看得完的. 其次就是雜誌. 基本上每一本雜誌的生命就只有那一期與下一期的時間. 從中你能夠有甚麼得著, 真的是因書而異. 電腦雜誌的介紹, 我常覺得能光看, 很少機會能買; 潮流雜誌更是無聊, 那十頁有九頁都是廣告, 只吸引人消費, 沒有實在的意義...
娛樂雜誌簡直是地球上最垃圾的垃圾, 娛樂界本身經已難說是一宗有意義的事物, 去報導些無意義的事物就更加為人類社會增添多一份的悲哀及無奈.

如果可以的話, 我只希望我的生活有咁簡單得咁簡單.
不需要豐富的物質, 只想活得有意義, 心?面有快樂.

>>June 10, 2005 at 6:32:40 PM GMT+8

2005 年 6 月 8 日 星期三 【乍寒還暖】

看著病倒了的小公主, 心中不禁心酸起來.
我感覺到我的無奈...亦感覺到她的辛苦.
我唯一可以做的, 就只有把她緊緊的抱著.
希望盡我一點點的力量令她稍得溫暖.
送了她上床, 哄她入睡,
在她的額上印上一個吻後,
我才安心離開.
但心仍繁於妳.


十年後我們的生活會是如何的樣貌?
將會完全的取決於...
這十年的每一天我們怎麼去過.
是一點一滴把我們的努力累積,
還是,
把一分一秒都浪費得徹底淨盡?
可笑的是,
很多人都只看現在.
十年? 來日方長.
真的嗎?

>>June 9, 2005 at 3:41:25 PM GMT+8

2005 年 6 月 7 日 星期二 【微冷】

返工個幾月咁黎, 第一次放假留番屋企, 感覺非常之咁好!
整天都在休息中, 睇番舊VCD, 打下機, 聽下歌
晏晝同媽咪落左元朗食tea!
BB既咳仲未好番, 希望佢快點冇事啦, 又有幾日冇得見佢啦, 好慘!
不過佢都好體諒我既, 見我呢幾日唔舒服, 都話叫我唔好出去搵佢.
鍚番你啦~
發覺返左工後個人諗野既時間真係少左好多, 有時間都去左訓或者玩, 真係好少機會去諗下自己既事, 睇黎我都要少一點玩電腦, 留番少少時間去計劃下自己既未來!

呢日媽咪見我咁好唔出街係屋企食飯, 話預早同我做節喎, 黎緊星期六端午節我都要返夜, 所以冇辦法. 呢日佢仲特登買左隻雞俾我食添, 好開心~

>>June 9, 2005 at 3:42:02 PM GMT+8

2005 年 6 月 6 日 星期一 【微冷】

今日既健康總算好番少少, 都係睇開呢個西醫既藥唔錯...
仲有就梗係有BB既愛心SMS, 我先至可以好得咁快架咋~
呢日成TEAM人食得果半個鐘晚飯, 原來阿SU仲諗住去「老鼠」食番個米線
但係就俾位杜生既婚禮攪到要係番下Canteen食, 玩咩?
大佬你結婚講真真係唔關我地事, 係我地呢份工係要幫你做哂宣傳咁,
我, 朱, 車人仲有SUSU四條友一返上去就勁chur, 趕11點出街...

哈, BB話我唔寫佢, 梗係唔係啦, 我點會唔寫你呢, 只係我呢兩日病,
冇乜精神寫咋嘛. 有精神你睇我唔勁寫~~哈哈~~ I LOVE YOU BB~

>>June 7, 2005 at 5:49:29 PM GMT+8

2005 年 6 月 5 日 星期日 【微冷】

今日終於頂唔順, 去左睇醫生...食藥, 好倦....
係公司包雲吞包左成個垃圾筒....
呻鼻呻到到鼻哥都損損地...
總之就係支力啦...
明天請早呀...
今日係盟軍登陸Normandy 61周年 6.6.1944-6.6.2005

>>June 7, 2005 at 5:47:40 PM GMT+8

2005 年 6 月 4 日 星期六 【微冷】

整天都帶著涼意, 下午更下盡大雨.
水長流的不止是個天
我的鼻子亦都係一樣
唔知係鼻敏感還是係傷風, 總係廁紙不離手...
呢日仲要屋企整咖哩, 唔食冇野食
所以只係食左少少就停手, 但係就喉嚨已經中招
夜晚仲要同全智賢傾左個幾鐘計先有得訓
真辛苦...

>>June 7, 2005 at 5:46:18 PM GMT+8

2005 年 6 月 3 日 星期五 【乍寒還暖】

本著輕鬆的心態出外景, 去APM做第一單外景..
本來諗住去搵小公主食個lunch, 但係可惜都係約唔到...當我以為今日同佢都係緣慳一面既時候, 哈哈哈!! 睇下呢個乜黎? 就係BB特登黎送俾我既Kitty公仔啦, 呢個仲要係佢第一個送俾我既毛公仔呀!! 佢仲要係黎探我班咁俾我, 超開心呀!多謝BB~
講番外景啦, 呢日拍住畸寶楊思崎 珍珍 出去既, 所以佢都教我唔少野. 係咁架啦, 第一次出街, 梗係有少少唔自然啦~ 仲有好開心同到何韻詩影相, 又係我第一張同名星既相啦!

仲有就係 SARS ARMY 第一次挑戰中國班霸 =HERO=, 結果係點, 係極速慘吞4蛋!! 越級挑戰真係見識唔少. 學到好多野! 一班兄第亦獲益良多

>>June 4, 2005 at 3:33:50 PM GMT+8