2005 年 7 月 10 日 星期日 【晴】

人滿之患
今日好早起左身, 入去天水圍剪頭髮, 但係去到髮型師唔係度, 真係冇癮. 唯有聽日再去過啦. 12點幾已經出到去荃灣, 搵左kannyb同阿符食lunch. hea到兩點幾先返去. 好支力.

今日加入cen新同事又再加多3位, 其中2位係長工. 其實一直都已經覺得唔夠地方同埋電腦用. 增加人手同樣都要增加器具以供生產. 否則只會見人滿之患.

>>August 4, 2005 at 3:40:10 PM GMT+8

2005 年 7 月 9 日 星期六 【晴】

大獲全勝
今日一早出到去旺角同一班兄弟集合. 等住去網吧做準備工作.
11點見到Billy, Sting, Henry同埋幾個UH既兄弟先到網吧做先鋒set場.
接近12點見到大批身穿白衫既青少年聚集, 場面極度墟陷. 陸陸續續見到其他團隊既人士出現. 幾乎迫爆個場. 仲有見到其他未見過既兄弟. 好似識左咁奈都未見過既阿kwong, 仲有就係ck, bigshow, ghost, 等等...
不過見到sars/uh勝出左第一場, 我就要夠鐘離開去返工, 真係冇癮, 而果一刻真係加強左我想離呢份工作既動力. 以致返到公司都唔係太有心機做野吧. 到4點幾5點知道最後賽果為4:0, 真的好想同佢地一齊慶祝吧...唯有將消息即時站貼上網站立forum發佈.
我真的很上心吧...

>>August 4, 2005 at 3:39:00 PM GMT+8

2005 年 6 月 29 日 星期三 【酷熱】

SARS ARMY專訪出街了~
今日返到公司, 等埋車人一齊落去買個早餐食, 先叫做精神番少少.
返工前就買左本電腦雜誌, 特登睇SARS ARMY既專訪. 雖然我已經唔係隊中既高層人物, 但係作為開隊人士, 我都覺得非常榮幸. YEAH!

組員A已經轉組, 對各方人士似乎係一條可行的出路吧.
至少A唔駛日日苦口苦面慘過坐監咁.
希望轉組後會過番點好日子吧...
從止H組就淨番我同臭豬兩兄弟lu.

>>August 4, 2005 at 3:38:18 PM GMT+8

2005 年 6 月 28 日 星期二 【微雨】

巡場的金魚

無機同既呢一日真係爆到想爆粗, 4,5條友排隊等Janis錄VO, 果時係6點半.
老細, 想問下你請咁多人返黎又冇機俾人用, 咪玩啦.
呢日除左平日見開既「阿姑」巡場之外, 仲俾煩音串.
事發1點30分, 煩音過黎搵報紙, 我剪完片抖一陣睇下電影, 見佢睇完放番底, 行開, 我拎番起黎準備睇, 點知佢老姐行番轉頭
問: 「你今日做乜咁得閒既?」
我無奈地答:「我岩岩整完一條」
你咁講我去搵野做囉.
再係身後聽到佢講: 「整完一條執多條丫」
心中不禁大罵:「你去邊撚度搵條片俾我剪呀仆街!」
繼而再暗罵:「做完野抖抖氣唔撚駛下下窒住哂呀?」
呢幾日根上就冇乜片剪.
個個唔係摷埋D垃圾韓片就係夾硬搵埋D西片黎閃.
做老細駛唔撚駛下下及到實呀, 上次俾「阿姑」話完得又黎.

佢老味 「行行企企食飯幾味, 電話長響最叻巡場」.
真係出少句聲用個腦諗下野當幫忙啦.

太奈太奈冇係日記寫粗口啦! 呢日真係扯火. 見到七彩嗎?

>>June 29, 2005 at 5:04:01 PM GMT+8

2005 年 6 月 27 日 星期一 【晴】

頭文字D

靚BB今日好靚咁同我去睇睇《頭D》. 好開心
套戲OK啦, 港式攪笑位幾多. 女角真係麻麻.
車, 好似好勁, 但其實唔夠快...
夜晚BB留係我屋企食飯, 似乎好鐘意食媽媽的菜.
咁就要多點來了.
很久也沒有輕輕鬆鬆咁過一日了.
早上睇完《頭D》, 晚上車BB去西鐵站.
太奈冇驅車, 有點不自然...飄移就更唔識啦!
今天真的有點累...要早點睡.

>>June 28, 2005 at 4:15:57 PM GMT+8

2005 年 6 月 26 日 星期日 【晴】

一路向西

最近兩天聽得頗密的歌是周杰倫的一路向北.
今天公司的片郤是一路向西, 因為西文片極多.
還有就是沒有打算看的頭痕字C.
今天收到竟然有免費戲票乙張.
相信公司沒有誰未為這套片奉獻出我們寶貴的生產力吧!
就當是一個少少的獎勵好了.
打從收到戲票的那一刻就想約小公主去觀看.
記得從《無間道3》後我們都沒有入場看過港產片了.
希望《頭D》不會令我失望吧.

晚飯的時間由於豬要趕片的關係, 所以連續第二天失去外出用膳的機會. 不過不打緊了吧, 反正己經慣了. 第一次同細榮一起用餐, 感覺都很好.
在畸寶做了兩個多月了, 昨天終於有機會將自己的心聲運用於稿件中, 還記得這句: 「甜品對於好多女性黎講真係好重要架. 飯, 可以唔食, 但係就可能明知食種甜品會肚痛都要照食, 甜品係佢地心目中既地位真係可想而知.」BB你看到這句會否會句微笑呢?

>>June 28, 2005 at 4:15:45 PM GMT+8

2005 年 6 月 24 日 星期五 【颱風】

最近有些少躁底. 睡眠不夠, 工作效率低...說話上如有得罪, 請多多包涵.
很期待放假有天可獨自留在家做自己事.
整理多年來的日記.
還只有兩個多星期的日子, 我便在畸寶做滿三個月了.
無言以對. 繼續努力吧.
總次別給眼前的安逸蒙騙就好了.
公司來了的幾位intern同事, 給我喚起了校園的感覺. 做學生那種無驅無束的氣息, 非如我們的勞勞碌碌. 至少, 他們並不需要按時按候上繳工作進度. 投身社會數月來, 我似乎已經失去了所有對大學生涯的感覺. 在這個茫茫的大海中浮沉, 並不好受....我能支撐到找到陸地嗎?

今天對話賽車電影的新聞苦苦戰.
回家心血來潮, 找回主角的新舊歌曲來聽.
與影片他的說話一樣, 歌詞還是聽不清楚,
不過音樂好就已經足夠了.
聽到一首可解心中悶納的好歌, 我已經滿足.

>>June 28, 2005 at 4:15:24 PM GMT+8

2005 年 6 月 19 日 星期日 【陰】

下班的雪糕聚

今日起身都係好疲倦...
公司好少片可以做, 所以都係做番好多舊片. 今日多得車人同安娜既幫拖, 先可以以超早既時間攪掂500既個唱, 然後早少少收工去實得約左十年既雪糕餐. 狂歡三寶係屍衣N大房六國大封相既時刻成功突圍直奔老麥享受一下happy hour.

>>June 28, 2005 at 4:15:03 PM GMT+8

2005 年 6 月 18 日 星期六 【晴】

父親節又是吃sushi

星期天的父親節我放下了一張咭給爸爸後就去左返工.
返到屋企先知原來係食壽B, 記得上個星期先食完. 雖然我並唔可以話好討厭食呢類日式食品, 但我都係比較喜歡食番傳統中式菜. 還有我最討厭的魚生!

>>June 28, 2005 at 4:14:41 PM GMT+8

2005 年 6 月 17 日 星期五 【晴】

千呼萬喚始出來的BF2

今日期待已久的Battlefield2終於可以拎到手了. 趁住放假入左將軍澳搵老友Billy拎盒game, 之後就出番灣仔. 然後就去番觀塘搵BB食個tea再同佢番屋企. 夜晚再去番荃灣俾另一盒game SARS既兄弟, 攪左成日終於返到屋企裝GAME, 玩落都幾好, 但係就嫌map太少. 一上網見到EA係美國開左幾廿個計分server, 但係大部份都冇人, 可能因為美國要到廿幾號先出....又係時候儲錢換機啦....

>>June 28, 2005 at 4:14:21 PM GMT+8