2005 年 9 月 28 日 星期三 【晴】

★☆NANA☆★
期待了兩天的NANA, 今天終於去看了.
由於妹妹及BB都要返工, 沒空去看, 因此找來KannyB.
再加上王子Kenny, 又去到兩日前的同一間的戲院看NANA傳媒優先場.
說真的這是我自出娘胎以來一星期看兩套戲的第一次.
NANA這套漫畫我沒看過, 只想看看中島美嘉的演出怎樣, 還可以吧.
原來主題曲Glamorous Sky的MV, 就是片中的其中一段, 一片兩用, 導演果真計算周到~
不過原來有機會看傳媒優先場的代價, 就是要幫Kenny去set幾條問題, 因為佢有機會親身訪問mika(真羨慕死人>.<). 不過這個我也很樂意做的; 雖然我對mika既認識也很淺. 所以即刻買張新碟, 聽下隻由Hyde寫既歌, 谷番少少火出黎先~ 當然仲會拓Kenny幫我拎簽名吧...真係諗起都開心...希望拎到啦~(突然間產生左咁多年都未試過既小fan屎心態添...)

夜晚約左小公主食飯. 好開心隔左兩日又見了. 一齊食左沙嗲王. 不過可能我今日實在太支力, 由撘地鐵送bb返屋企至到步, 我都係全程打呵欠, 流眼水, 訓下醒下咁, 終於在sofa訓左半個鐘...雖然今日見得好短時間, 但係quality好高, 好舒服~

鄭重宣佈: 我要減肥!!!

>>October 18, 2005 at 3:01:11 PM GMT+8

2005 年 9 月 26 日 星期一 【晴】

華哥!!
今天可算係我回歸電影的一天.
昨天收到指令要跟一套新片, 夜晚要去尖咀睇場戲.
早少少離開公司, 玩即興過海同岩岩放學既小公主食飯. 今日BB既打扮好靚, 好奈都冇試過湊佢放學一齊食飯啦. 所以呢次好好feel.

而今日講到最驚喜既, 就係俾我見到偶象華哥王日華, 黎畸寶做廠.
即刻衝過去搵好好人既華哥影番張相.
無論係97年既天龍八部, n年前既義不容情(我仲係o靚仔, 但記憶好深刻), 到今時今日既童夢, 華哥既演出都係非常有水準. 同埋發覺我都幾欣賞另一個華哥-任達華, 今晚睇既新片《殺破狼》又係好型.
睇黎我都要減肥操fit要型一番先至不枉此生啦.

>>October 18, 2005 at 3:00:25 PM GMT+8

2005 年 9 月 24 日 星期六 【晴】

純粹柒ED之批判
康德的純粹理性之批判. 我只在哲學課讀過序章.
當時不明所以的, 到現在亦如是....

現試批判人性之.
打從九二一地震那一刻開始, 人性的醜惡瞬間現形. 當權者被扯下台, 有人慶幸, 有人歡欣, 有人掩著半邊嘴偷笑. 政治的裙帶關係, 令到無辜者順理成章當了犧牲品, 可憐, 可惜. 我相信這個世界是有公義的存在, 至少, 在一班小人物心目中, 對無辜者的評價肯定比前當權者, 被批判者, 高出千倍, 萬倍.

被批評者粗略可區分為三大類.
(甲) 略有所能者, 惜野心路人皆見, 麻木不仁
(乙) 無能, 但自以為有能者, 同時是偽機會主義者,
(丙) 無能, 為求自保, 不惜準備鞋油廿桶, 以備不時以需.

先說(甲)類如何可惡,
(甲)類, 能力頗有兩度, 自權力真空後急急充當臨時政府之協調人之工作, 即時操控生殺之權. 權力慾可見一斑. 看透局面, 你將會發覺, 真空期的權力無疑是非常短暫的, 想當個輔政大臣亦不容易, 新主子是龍是蟲還是未知之數, 但已力求於新主子登基前樹立一股威望, 想來一招令諸侯再挾天子, 如意算盤可謂打得蠻響. 可惜在於殺人如麻, 快手起快刀落, 刀下亡魂怨氣且深. 落刀者為不仁. 是為(甲)類之敗北.

且說(乙)類何以可笑,
(乙)類, 前朝時代早顯其敝, 無能扮超人, 多次被有識之士拆穿其西洋鏡. 其無能除可見於在辦事方面外, 還可引出一直接之厚顏之表現, 即其唾面自乾, 即俗語所稱之「ed都唔敢ed」. 前朝覆亡後, 迅即試圖仿效(甲)類之舉, 力求於新主出現在做足事前綵排, 以便於新朝日常公務上有所表現. 於是屬此者忽然對份內以至份外事起勁, 有事無事, 都關其事; 再加上其臭口播出明顯比平日更臭更煩之雜音, 無非意圖以高談闊論突顯自身之偽權威, 偽大能. 為早已淪為人民公敵之(乙)類, 埋下更無可挽回之禍根.

再說(丙)類因何可恥, 可悲.
基本上此類最為自保, 其無能與(乙)類不相伯仲, 前朝覆亡的一刻已怕得要死, 政變前與前朝同僚稱兄道弟, 變天後當人契弟. 莫說一句問候, 就連半句寒喧也怕得要死, 甚至幾乎連望一眼都怕被牽連其中. 所謂的同僚, 同事, 表面老友背後對手. 而(丙)類一向疏於職守至不能容忍的地步, 危機意識剎時沸騰, 生怕長此下去會步前朝同僚之後塵. 遂向其部屬下達最後通諜, 督促其切勿再擅離職守, 否則不排除新主軍法處置. 此即俗語所謂「一時唔偷鶪做保長」也. 亦可謂無能者奉承(俗稱:刷鞋)一貫慣用之技倆, 故敢笑曰:「即管放長雙眼看看你盡責得幾奈」.

路人(甲)(乙)(丙)未見天子先各懷鬼胎, 新朝明朝早朝, 且看鹿死誰手.
更好看的, 相信絕對會是眾路人渾身解數之刷鞋功架.

今天批評眾路人, 除一宣心中不平外, 亦以作警剔, 他朝吾幸當高位之時, 務必以屎為鑑, 儘管必須心懷鬼胎, 亦須以更高明手段以達鬼胎之目的.

一笑作結

>>October 18, 2005 at 3:00:40 PM GMT+8

2005 年 9 月 21 日 星期三 【晴】

難得的一天悠閒
整在待在家中, 打打機, 看看電視...
午餐在家吃, 晚餐在家吃..
頹廢, 但很享受, 絕對烹受.
但快樂的時間以光速過去.
相反工作的光景像渡日如月.
還有幾十年的工作人生呢...

>>October 18, 2005 at 2:59:42 PM GMT+8

2005 年 9 月 21 日 星期三 【酷熱】

娛樂-新聞
是日經典(一):「新聞中有娛樂, 娛樂中有新聞」
是日經典(二):「一邪雙飛三絕掌, 少林武當八大派」

全線PO們
SU, R, 豬, Eunice, Maggie, Emily, Laura,
柯豬, Matt池, Selina, Anna, Carmen,
Rex, Billie, Dani, Sally, 西門, 仲有我.

前所未見咁齊人, 聚首茶樓,
可惜冇相機拍下全家福 (當然仲有外景中的Sonia同茵茵啦)
還有, 大家似乎需要一點時間習慣新的Roster.

經歷四天的工作, 兩天的事件後
終於有休息的機會了

>>September 22, 2005 at 6:07:08 PM GMT+8

2005 年 9 月 20 日 星期二 【晴】

九二一大地震
娛國變天
快如閃電
朝野局勢
還看聽朝

>>September 22, 2005 at 6:06:52 PM GMT+8

2005 年 9 月 15 日 星期四 【晴】

頂? 我實頂架!
且先說因何須頂之-

頂之謂一, 接手一壇燙手山芋,
山芋之所以燙手, 因其本質, 亦因其攪手之本質.
人人得而棄之而後安.
強加之芋, 何味之有?
故公欲吾頂之,
必冠以堂皇之詞, 以掩其詭詐之實.
此舉顯而易見, 吾即破其外殼,
直搗其醜陋之核,
直斥其萬惡之首,
暗日頂之謂其二:「吾頂!」

晚上參與第一次夜遊, 一眾同僚吃喝談心玩大富翁.
暫時忘郤這陣子的鬱悶.

>>September 22, 2005 at 6:06:29 PM GMT+8

2005 年 9 月 10 日 星期六 【晴】

鳩翕才是王道
援引喪豬幾個月前一篇日記.
曰:「一字以記之 - HEA!」

近日剪片, 有感而再發,
事源:
(一) 連bite note都費事寫, 一於求鳩其其, 記得幾多出幾多.
(二) vo有幾短寫幾短.

鳩up之鬼慢條斯理,
總之唔理乜頭乜尾,
亂寫一通大條道理,
實ed唔明請食自己
(若鳩稿咁都唔明, 係咪應該諗諗有冇訂企?)

再援引喪豬名句:
「樂新聞根本就是枯燥乏味, 何用大費周章, 舞文弄墨, 總之有緋聞就回應, 大粒星就吹捧、細星兼無野回應?就準備快閃, 由是遵從呢三項法則, hae得有理」

總而言之:
鳩up才是王道!

>>September 22, 2005 at 6:06:13 PM GMT+8

2005 年 9 月 9 日 星期五 【晴】

藥力發作
病差不多好了才看醫生, 結果用了公司唯一的福利, 廿蚊看了一次醫生.
開出的藥丸藥水正是強力催眠劑. 早睡早起吧...
畢竟食了藥明顯是好了一點.

原己轉會了的人, 顯然要跟新球會的本旨辦事.
可是舊球醒的領隊直接指令, 轉會人亦很樂意照做.
完全是合作無間(自以為).

>>September 22, 2005 at 6:05:59 PM GMT+8

2005 年 9 月 8 日 星期四 【晴】

廿蚊
由啡色變到藍色
廿蚊紙不經不覺取代十蚊青蟹變成買賣的基本單位.
廿蚊的單元, 組成一天假期的記憶.
廿蚊買一張西鐵全日車票;
廿蚊看一次歐醫生;
廿蚊吃一碟叉燒煎蛋飯;
廿蚊買一本電腦雜誌加支水;
一張百元輕易化整為零, 銀包只剩一張,
廿蚊.

拖著疲倦的身軀也要去找小公主一聚.
已經整整八天沒見了.
這八天真的很長...

>>September 22, 2005 at 6:05:40 PM GMT+8