2003 年 9 月 22 日 星期一 【陰】

有點悠閒的一天(其實是冇乜做野), 有點支力, 所以去左跑步....更支力!!!
3011的功課不是太好, 下次要俾多多多多多D心機去做好D!
3320的新功課好似幾易, 聽日要做超佢, 交埋!!
3041新功課...um, 又要開始做了...

覺得自己冇左d開學時候既衝勁, 不知為何, 所以真的真的要再加把勁!!!

「PITS」我要做到!!!

傍晚幫GAGA整個harddisk, 整左幾個方法先整到, 但係我諗個HDD可能真係有bad sector, 所以可能都會再有事....

近排聽番好多edmond既歌, 都好有feel...

今日見到有人係個鋅盤度刷牙, 即刻係newsgroup同埋留言版度插插佢...

>>September 23, 2003 at 5:31:50 PM GMT+8

2003 年 9 月 21 日 星期日 【雷雨】

今日又係晨咁早起左身, 上3041, 個QUIZ 都OK啦, 功課都OK, 好多好多都係自己, 只有少量係同人discuss後做的, 但3011聽日既功課仲未有著落...

秋天, 秋天, 你又悄悄的來到了這個世界...
怎麼不給我一點時間整理一下自己的心情呢?
我還沒有準備好我自己去迎接你, 一點也沒有....
你就是這樣的叫我措手不及,
我怕我會浪費了與你相聚的每分每秒...
我只想好好的運用你留在我身邊的日子,
去令自己變得,
更成熟...
更感性...
更冷靜...
還有不多的時間, 我要趕快裝備好自己,
因這已是我在這個地方的最後一個秋天了....

這幾天, 我不是很開心, 其實是有點煩, 各方面都有不順利的事...
還是沒完沒了的困著我...

知足常樂, 句話最近常駐我的心中....
畢竟, 人都是貪心的動物...

>>September 22, 2003 at 5:14:40 PM GMT+8

2003 年 9 月 17 日 星期三 【晴】

今日又係好鬼支力, 起身後又係睇0411既野, D野真係好難, 睇左好奈都係唔知佢講乜, 所以都係睇唔哂...
下午同阿輝都傾左成兩個鐘, 總算都傾到D野, 但係都係要努力明左個theory先有得做野....
夜晚同左中同去左旺角食飯, 好開心, 有十幾上出席, 好奈好奈都冇聚過了, 今次聚得非常開心, 講到好多野...11點先返到中大...
GaGa又唔乖, 又食雪糕食到肚肚痛...話極都唔聽...

>>September 18, 2003 at 5:07:43 PM GMT+8

2003 年 9 月 16 日 星期二 【晴】

今日個人真係好支力, 上3041早堂時都洽左一陣, 但係都係唔係幾頂得順, 之後既3011都係好支力, 好在佢唔係教左好多野....上完四堂返左宿抖抖, 竟然見到佢寫住今日下午2點至6點會停電, 攪到我要係咁灌哂包一公升既維他奶, 因為已經開左, 放幾個鐘好易壞....飲左一肚水....
上通識都係好眼睏, 所以又洽左一陣...
上完所有堂之後, 就約左KINGFAI去食TEA!!!!!
勁同房果然勁, 冇見3個月都係咁大隻...
同佢傾左好奈, 講左好多野, 佢都俾左好多好寶貴既意見我, 而我都要認真諗諗我自己要行既路了, 九月, 係一個好關鍵既一個月, 我希望自己可以係呢一個月入面剩下既日子好好咁去計劃一下......
0411到了2點幾仲係差十幾版未睇哂, 聽日無論如何都要食哂佢, 唔係會對唔住阿輝!!!!
聽日仲有要去中同聚, 好奈冇見過d中同了.....

>>September 17, 2003 at 6:07:27 PM GMT+8

2003 年 9 月 15 日 星期一 【乍寒還暖】

今日好遲先起身, 係宿整左個白飯食...豉油撈飯, 人間極品!!!
今日竟然好白痴咁, 明明上12點半, 竟然記錯左時間, 1點半先去到, 仲要唔知喎, 係落左堂先知, 笑鬼死.....
下午係去左上超唔好timeslot既第8, 10堂既exercise, 有d 徒中間既時間....不過3011就真係要上上佢, 都有d用....因為boby教做功課!!!
夜晚都係係ulib留到7點幾就去左食飯, 之後就返左宿, 因為面部不太舒服, 所以想早點返宿...
又開始了一份功課接一份功課的日子了.....
明天等著我的, 還有0411既papers, 金!
還有明天約了kingfai食tea!

>>September 16, 2003 at 4:56:22 PM GMT+8

2003 年 9 月 14 日 星期日 【雨】

今日又係好早咁起身上3041, 今日冇QUIZ!!!!! >.< 下次都要繼續早番d起身啦...
整天都在下雨, 所以天氣有點冷, 我都要著番件風褸先得....

下午都係係宿食野, 但係今日冇送, 所以只係整左豉油撈飯食, 但係仍然都係咁好食!!! yeahyeah!
上完個通識後就即刻去左ulib度做功課同埋讀書, 去左一樓, 呢度新裝修左, 好光猛, 所以都做得幾精神, 但係冷氣真係有d凍, 所以都要出左去幾次暖一暖....就咁就做左成個下午+傍晚...去食飯既時候對手都凍哂, 咁凍食熱飯落肚既感覺真係好好, 好滿足, 同時亦令我諗起賺錢真係好唔容易, 自己其實都需要節儉一點, 因為家中經濟不好(已經好一段時間了) 我亦幻想, 如果自己好似今日咁凍, 但係又連食一碟熱飯既錢都冇既時候會點呢? 會有乜野感受呢?

今年是最後一年大學了, 之後就要出來賺錢還債+賺錢養家, 到時我又唔會唔搵到一份好既工作呢, 又或者會唔會連搵一份工作都有困難呢?
這個星期我個腦除左諗下點樣讀好d書之外就係係度諗呢d野, 同埋諗下點解自己個人有乜野缺點, 知道的, 但郤又沒有正視, 沒有時常提醒自己問題的嚴重性, 以致不斷在重覆犯錯, 又不斷後悔, 又不去正視, 又要犯錯....沒完沒了....
自我價值只是停留於可以令自己可以被自己騙倒的層面, 空空白白的渡過了看似是很短的日子...郤沒有一點可見的成就....
叫自己失望的同時, 亦叫對自己有期望的人更加失望...

其實世界上, 自己最討厭的人就是這個自己, 最想剷除的就是這個自己
想下手, 郤遲遲未有行動...
下定決心做好某某事, 對於我來說已不能再起什麼激勵的作用
我要一些更有效的旁方法...
今晚開始, 要在記憶體上下毒手了....

>>September 15, 2003 at 4:45:54 PM GMT+8

2003 年 9 月 13 日 星期六 【晴】

今日好早起左身去補習, 真係好早, 11點要去到元朗, 之後又要去番屯門喎, 之後就出左去搵GaGa...
去左佢屋企整電腦, 但係可惜整左幾次都係整唔到, 可能因為IBM佢set死左d野, 同埋可能個harddisk壞左, 可能要換過個...
今日係我同GaGa拍拖踏入第9個月的大日子, 我都好開心, 9個月黎都係咁開心~~多謝你肥GaGa~~今晚我同佢去左銅鑼灣食野, 之後行左一陣就返左宿啦, 因為真係好多野做... 仲未做哂...呢個星期我真係要追番哂d野啦, 有幾科都有d野開始積左落黎, 所以都有點擔心會跟唔到個進度呀!!! 不過唔怕啦, 我會努力.....

>>September 14, 2003 at 3:34:37 PM GMT+8

2003 年 9 月 9 日 星期二 【晴】

今日又係訓遲左, 所以又係要一隻野咁趕去上堂....
又係早堂既3041, 今日上7堂, 好支力, workload開始多野左好多啦, 唉....
不過我係唔會認輪的!!!!
~~中國社會竟然變左我今個sem最enjoy上既course喎, 因為陳海文教授教得幾好, 希望個grade可以好d啦~~
呢2日個人好支力, 冇乜精神, 因為冇乜做運動...所以今日放左學後就即刻返宿換衫去ugym跑步, 之後返shaw做gym, 同埋今晚只係食沙律做減肥餐, 好健康!!!
0411既paper都睇左七七八八, 但係要明哂就仲要下苦功...努力呀肥仔!!
似乎仲有好多野未plan好
似乎心情仲未ready好
似乎我都還是一個傻仔...


>>September 10, 2003 at 3:35:09 PM GMT+8

2003 年 9 月 8 日 星期一 【晴】

今日亦都係有D支力, 但係都好D架啦, 因為唔駛上早堂, 12點半先上3320.....不過科我暫時未把握得咁好, 功課都唔係咁識做, 都係要睇多d readings同埋搵人拿份上年的solution睇睇先得....除左3320之外, 3041的進度因為昨天有點支力的關係, 所以有點停瀉, 而又因0411的關係, reading未做得咁深入, 所以要係呢幾日睇番熟d...3011聽日應該會派功課, 所以都要盡量即刻做左佢....

workload開始增加了, 我要加油了!!

好奈都冇係ulib度溫書了, 今日6點幾出番ulib睇readings, 個feel好好 (雖然個人好支力~~)

妳還在公司工係
我亦是獨個兒在圖書館溫習

妳要處理的文件多得滿木台都是
我要閱讀的文章亦多得滿袋都是

妳的身驅倦了, 急需泡一個熱水浴
我的眼睛痛了, 急,,需一個小睡

然而, 妳我都希望先給對方打電話
只因聽聽對方的聲音, 勝過千過千百種的悠閒

我又要睇readings了...聽日要上7堂
但, 我還有鬥志!!!
只要我願意, 我一定會把事情做得好!!!

>>September 9, 2003 at 3:29:27 PM GMT+8

2003 年 9 月 7 日 星期日 【乍寒還暖】

今日個月十分咁支力, 一來琴晚訓得唔係幾好, 二來要上早堂, 好支力呀!!!!
仲要睇0411 D readings, 唔頹得, 星期4要同阿輝傾, 所以要努力睇!!!
雙眼真係好支力, 但我還要繼續睇落去!!!


>>September 8, 2003 at 2:52:06 PM GMT+8