2003 年 10 月 4 日 星期六 【晴】

今日亦係早起去補習(上個星期又係講呢一句, 話咁快又一個星期) 其實今日個日程有點趕, 補完兩個習之後要即返宿放低d野, 然後去搵GaGa...
今日下午食左個好好味既鎮江排骨菜飯, 好好味, 間上海鋪係正一元朗個學生屋企樓下, 以前細個食過, 好奈冇食...之後買左個手機叉電器, 一個幾頹既野都要$40, 而家D野真係有點中貴...補完第二個習就返左宿, 放低左d野就即刻撘番4點車出去, 經過長長既車程終於去到杏花村...係地鐵最尾幾個站, 我坐左係一個婆婆隔鄰, 我咁岩又聽緊SEED首歌, 突然有所感觸, 眼紅了一紅...
GAGA整左好多「老水雞翼」俾我食, 雖然咸左少少, 但係都好好食, 好野, 聽日又要愛心牌翼翼食....嘻嘻~~~

其實食乜野都冇所謂, 只要一家人食得開開心就好了...

>>October 5, 2003 at 4:13:13 PM GMT+8

2003 年 10 月 3 日 星期五 【晴】

早上起身去左snack bar食左個特惠早餐後就番左上村拜山, 食左飯後就去左婆婆度幫手整個廁所, 呢個工程其實爸爸同埋舅父仔上個星期已經開左工, 我都係返黎幫下手咁咋...今日主要係整個地台, 由於附工地留下了數塊大型水泥坑渠蓋, 所以我地拎左d番黎, 咁就即硬淨又唔駛自己打地台咁煩, 只係係d細位度架番d水泥就ok了. 今日係我咁大個仔第一次接觸水泥, 平時見到人整得多, 今日自己開, 自己批都係第一次...
婆婆見到我的病擔心非常, 十分緊張, 其實我見到佢咁我個心都有d唔安樂, 所以我只想快d好番.....等佢唔駛擔心我.....
夜晚一家人食餐家常飯, 感覺好溫暖. 有自小吃大的午餐肉粒炒洋沖薯仔粒, 好好味......

>>October 5, 2003 at 4:23:20 PM GMT+8

2003 年 10 月 2 日 星期四 【晴】

今日又係早起上mechanics, 去左medcan買個三文治, 有位阿哥竟然認得我, 話好奈冇見過我喎...哈~~ 之後返左去shaw諗住排assembly個walkin, 但係實在太多人, 同埋我竟然唔記得左琴日要reg, shit! 又reg唔到, 下次要早d去sir run run度排隊同埋記得要起身reg先得啦, 費事year3先黎肥assembly啦~

下午又係上呂大樂, 係喎, 下個星期就要交文既topic啦, 仲未有任何頭緒, 快d諗啦...仲有0411呀>.<
個人好支力, 今日冇乜mood, 所以同人講電話可能會有d惡同埋晦氣, 請見諒...夜晚獨自落左地獄度做野同埋去snack bar食飯, 有d孤獨, 但冇乜所謂...
呢兩日聽緊一首好好聽既日文歌, 好似係from Gundam SEED既...
SEED都幾好睇, 但係有D 0079個故事橋段....

>>October 3, 2003 at 2:40:35 PM GMT+8

2003 年 9 月 30 日 星期二 【陰】

今日終於有一日假期, 好FREE, 但係都仲係好唔舒服, 好乾橾, >.<~
GAGA今日又再入黎搵我, 我地先去沙田食TEA, 行左一陣先返宿睇VCD~
之後落左去CC食晚飯, 食完行下CC既未圓湖, 很開心, 很浪~~~好奈都未試過夜晚行^^
呢個星期我覺得自己好幸福, 因為有一個GAGA咁好既女朋友咁體諒同咁關心我, 我真係好感動, 所以我會俾心機抖番好個身體, 同埋我會俾心機讀好書, 唔會玩咁多. 十月了, 我的路已經大概想好了, 正正式式的要努力做一點成績出來給人証明.

努力→身體健康+讀書OK+語言增值+出貨

>>October 1, 2003 at 5:13:11 PM GMT+8

2003 年 9 月 29 日 星期一 【晴】

今日只係上左2堂, 同埋出左去交功課, 其實個人有D灰, 唔開心, 因為近幾日好敏感, 好辛苦, 真係好辛苦, 勁痕, 自己又忍唔到手唔去R, 所以都R到損左, 咁咪越來越差囉...我真係好希望可以快D好番, 快D唔駛受呢一種沒完沒了的苦, 但又有誰可以幫到我?

夜晚得到一個驚喜, 那就是GAGA特登入黎搵我食飯, 真係好surprise, 真係好開心, 好warm~~~多謝你GAGA, I LOVE U~

之後同JIM, 機去左系聚, 落左旺角, 冇乜特野做, 只係行下, 食下野, 坐下傾下計, 好悠閒, 真係好relax, 好奈都冇試過系聚啦, 上一次好似已經係去沙田睇「勾魂台」了.....同埋今個sem冇一科同佢地一齊上, 所以都好少機會見到佢地, 可能一個星期都先係見一次, 冇計啦....自己又成日番左宿....

聽日有一日叫做國慶既假期, 對我的意義不大, 只是給我一個休息的機會罷了....

>>September 30, 2003 at 6:03:24 PM GMT+8

2003 年 9 月 28 日 星期日 【晴】

唔好迫我參與任何要洗錢既無聊活動, 唔係我會發脾四!!!

又愛上焚機, 日日係咁柒焚!!!
死未?

>>September 29, 2003 at 3:48:35 PM GMT+8

2003 年 9 月 27 日 星期六 【晴】

今日又係朝早已經起左身補習, 到下午先返左屋企幫媽媽set番個hifi, 之後就去左婆婆度, 整左一陣野就食飯返宿....
今日沒有什麼特別....


>>September 28, 2003 at 4:26:43 PM GMT+8

2003 年 9 月 25 日 星期四 【晴】

今朝早只係要上3011, 所以一上完就去食飯之後即刻去ULIB度做功課, 都做左幾奈下, 做到3點半去UC上呂大樂既堂, 幾開心呢堂, 以後都唔會走!! (上次只係太支力冇去到~) 上完後返到SHAW見到阿琛話去跑步, 於是就落左UGYM跑....
今晚同同房都係度焚左一陣機, 因為都想RELAX下.....好支力噢...
又到了九月尾啦...
要快點開始溫MIDTERM同埋做0411既野啦
聽日又可以見到GAGA, 好開心!!!

>>September 26, 2003 at 5:19:14 PM GMT+8

2003 年 9 月 24 日 星期三 【晴】

今日已經係星期四了, 今日仲要咁頹, 真係覺得自己好癈!!!
諗諗下其實自己真係好Q大駛, 有時D錢會唔知用左去邊, 慳D啦!!! 屋企已經冇乜錢啦, 有乜野慳得到就要盡量慳啦, 媽咪都為左個家勁慳, 我做仔都唔可以駛得咁過份, 知嗎?
由今日起
唔買D無聊雜誌
唔買零食食(食零食仲貴過食餐正餐)
唔買GAME(用BT download算)
唔買文具(用完而家有既先)
出街帶水, 唔買汽水飲
食飯而食平飯, 午餐貴過廿蚊唔食
多D係宿食豉油撈飯, 平+好味
我要快d好番, 咁就唔駛每個星期駛$300去睇中醫了......
努力呀, 張家俊!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! 慳 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
~知足常樂,簡單也是美~

>>September 25, 2003 at 2:02:06 PM GMT+8

2003 年 9 月 23 日 星期二 【晴】

好多堂上既一日, 個人十分支力.....上下午都冇乜特別

夜晚特別
GAGA約我去旺角食飯, 我好開心, 係一個星期既中間可以見到佢^^, 一齊去食上海菜食, 好好食!, 之後又去左掃街, 真係好開心, 好滿足!!

聽日又要努力了, 不知不覺間已經到了星期四了!!!~~

>>September 24, 2003 at 5:12:16 PM GMT+8