2003 年 10 月 18 日 星期六 【晴】

好奈好奈冇寫過日記, 因為實在太忙同埋太支力.....
琴日既EM既midterm炒左, 個人真係好灰, 入到去個人完任唔識做, 淨係做左廿幾分, 呢鋪真係大鑊啦.....0411個present, 都ok啦, 不過自己講野其實唔係咁好, 真係想改善改善.....不過算....都過左了...

今年發覺自己明顯比上個sem懶左好多, 真係好多........今次em要痛定思痛, 唔好再懶啦...會死人架!!! 仲有真係要搵番d時間做番下graphics, 好奈奈冇掂過啦......

今日肥ney又入落搵我, 又買左我好奈冇食過既咖啡包俾我食, 好開心, 夜晚一齊去na can食, 真係幾好食, 又抵, 第日搵日要自己去食食先~~~

3320 d野唔係好識呀!!!! 點算呀, 仲有3011既功課仲未做呀, shit!

>>October 19, 2003 at 4:54:08 PM GMT+8

2003 年 10 月 14 日 星期二 【晴】

幾辛苦既一天, 頭四堂既野真係教得幾快, 唔係幾跟得到, 所以MIDTERM完後真係要認真咁追番先得....知道EM既midterm可以openbook, 但係都冇乜特別感覺, 我只覺得實溫得哂入去考, 所以俾唔俾openbook都冇乜分別.....(好串喎!!!). 今個星期我又預計自己又冇得番屋企同埋冇得補習搵錢啦, 事關下個星期有2份功課同埋勁唔識既3320同埋勁難既3011呢....冇計

今日上完中國社會後收到份叫做midterm paper既guideline, 入面booklist有中有英, 我竟然膽生毛咁走去揀左本英文黎做, 仲要即刻走去ulib度影哂成本書黎睇....好激, 三百幾版, 3個星期內要做好(但係我下個星期先midterm完) 真係找死....但本能本我竟然覺得自己可以睇哂同埋寫得好好喎,,,(呢條友係唔係有病?), 可能我係鐘意挑戰自己既能力極限啦....

由於好掛住gaga, 所以夜晚去左搵佢食飯, 補祝番佢搵到工同埋10個月慶祝, 好開心, 一齊去食pizza, 同埋一齊去左打time crisis, 而gaga竟然奈過我打完 (叻ney!!!).... 哈哈, 又有得一齊食一個古古力脆筒喎, 超開心....

今晚要努力做哂0411個powerpoint加去溫書啦....努力!!!!

★★★★★熱烈慶祝袓國第一次成功送人上太空, 成為全球第3個國家有此能力!!!!!!★★★★★

>>October 15, 2003 at 3:27:03 PM GMT+8

2003 年 10 月 13 日 星期一 【陰】

今日都係九點幾起左身了, 上完3320就去同阿輝做POWERPOINT, 但係做左成個下午都係做得唔係太好, 冇乜突破性既進展....所以開始有點兒擔心...

今日係我同GAGA第10個月既日子, 我好開心, 可以一齊走過呢段日子, 雖然今日冇得一齊慶祝, 但係我都會好記得呢一日!!! 因為今日係GAGA搵到新工既大日子, 我都鄧佢好開心, 可以咁快又搵到工 ^^

我好支力呀, 同埋真係有點壓力, 3320唔太識, EM又教得好快, 3011D功課都幾難....0411, 仲有3日可以做野.....仲有MIDTERM中都要做既MECH功課, 灰....

天氣很冷了......很想快點蜷進被窩中.......

>>October 14, 2003 at 6:06:33 PM GMT+8

2003 年 10 月 12 日 星期日 【雷雨】

完完全全的支力的一天, 又係訓到隻豬咁先識起身去上3041, 阿DR.賴呢期教得好快下, 話咁快就飛左5版notes, 完全要追!!! EM呀! 今次要生生性性唔好炒呀大佬...
下午整左媽媽既勁魚柳食, 勁好味, 仲有用GAGA個飯煲煲左煲勁飯食, 好香, 多謝媽媽&NEYNEY ^^ 上中國社會好鬼凍, 好在淨係上一堂, 唔係一定中招....
返左宿後怒做0411, 真係好怒, 一來要怒坐左好多粒鐘先有D精神同埋知道做緊乜而出到D貨, 二來係自修室有3條仆街係咁係度曹, 忍佢好奈, 頂唔順話佢, 有條友還拖, 即刻轉身起身孖叉佢, 當我流架? YR3都敢串? 未死過呀!!!
今晚天氣涼左好多, 真係好舒服, 間局房都涼了不少, 呢D天氣先至係秋天架MA~~~
YEAH!!!!!!!!

>>October 13, 2003 at 4:10:34 PM GMT+8

2003 年 10 月 10 日 星期五 【雷雨】

今朝好好好支力, 12點幾去睇左人地present, 呢組做得幾好, 我地果組真係要做得更好!!! 仲有一個星期咋, 真係好驚做唔切...

下午都係做野, 做野...但係有d唔識....
今日好開心喎, 肥ney b黎搵我喎....
yeah, 有靚靚新衫著, 係肥ney b特登買俾我架, 仲要買左兩件添, 好開心, 多謝你~
佢係呢個世界上四個最鍚我既女人既其中一個 (其餘果三個分別係媽媽, 婆婆同埋妹妹)~
呢輪gaga真係好乖好乖, 好識就體諒我喎, 因為我近來好忙, 而佢就成日老遠咁入黎中大搵我食飯, 探我, 陪我, 真係好warm, 完完全全feel到愛 ^^
所以我忙完呢2個星期一定要好好咁鍚番肥ney b先得~~~


>>October 11, 2003 at 4:52:39 PM GMT+8

2003 年 10 月 9 日 星期四 【陰】

又係早起上MECHANICS (又又係呢句? O_o), 今日去左med can食早餐, 好奈冇去過食啦, 好好味~~
但係我實在係好眼訓, 所以上堂時都洽左一陣~~

11點2去SRR排隊, 已經要排第二行了, 好彩最後都有得入去啦 -_-" 今日講sars野, 有兩位醫生上黎講野, 幾好聽.....

下午又係上1110, 個題目我諗到落堂先諗到, 叫做乜野 "現代人的孤觸與發現自我" 好似好好聽, 但係寫出黎唔知會係乜野樣啦....

忙忙忙, 忙到連自己生會個quality都無暇注重了...成日都冇自己整野食, 成日落去shawcan食頹飯, 一來徙錢, 二來唔好食, 又夜訓, 又成日食零食, 實變肥仔!!!

做0411真係幾brai-twisting + time-consuming, 已經崩潰左啦我, 但係仲係要撐落去....
因為仲有EM, MECH同埋3320等住我打實佢!!!
妖!

>>October 10, 2003 at 5:55:43 PM GMT+8

2003 年 10 月 8 日 星期三 【晴】

今日完全冇上堂啦, 只係留左係宿, 但係就好似仲未習慣係自修室度溫書啦, 總係未坐得定, 唔係咁集中到, 夜晚較為好D, 專心到D, 同阿輝同NETMEETING傾左成粒鐘, 係買左個WEBCAM以來第一次用得咁奈, 真係幾好. 0411今日我都諗得唔係太好, 因為轉左入一個死位, 就係唔知應該點將KYOUNG既notes同埋d paper講既野融埋一齊, 之後同阿輝傾左之後就好左好多, 所以呢幾日應該會好好做到野啦, 但係我諗我今個星期應該唔會返屋企啦, 以爭取多點時間做好點個present同埋溫好d個midterm!!!!!
俾心機呀
PITS!!!
努力!!!

>>October 9, 2003 at 4:19:46 PM GMT+8

2003 年 10 月 7 日 星期二 【陰】

又係好支力既一日, 早上連上四堂, 走左3320, 返左宿去STUDY ROOM霸左個位, 最好既位~~~
今日有GAGA整既NEY翼食, 好開心, 午餐晚餐都有得食~~~ YEAH!

但係今日係自修室溫得唔係咁好, 可能張凳唔係咁好坐啦. 可能第日都係會出番去ULIB去獄度做野多啦!!!

>>October 8, 2003 at 4:16:42 PM GMT+8

2003 年 10 月 6 日 星期一 【晴】

今日約左阿輝傾0411既野, 佢已經做起左個outline, 所以我都唔可以偷懶, 要做番好d野先得...
上完3320後就返左宿渣左一陣灘, 5點先出返去地獄做野, 做到9點9先返宿....好奈都冇試過做野做到咁夜了....
這兩個星期要非常之咁摶殺先得, 因為黎緊下星期有3份功課+1個present+1個midterm.....真係好多野做, 好支力~~~

努力呀!!!

>>October 7, 2003 at 3:07:03 PM GMT+8

2003 年 10 月 5 日 星期日 【微冷】

當一個人對不幸感受越深的時候, 他自身的價值觀亦會隨之而變得成熟.....

今年, 是我今年第一個感受到的秋日, 耳邊聽著是一些動聽的音樂, 很舒適的環境, 很好的天氣, 我本在努力的做我的工作, 一點點倦意驅使我到宿舍大堂去閱報解倦.
手上拿起了常閱的那份報, 看到的是一篇中國水災的報導.
只是看了那三張照片, 只是三張, 便足以令我的眼淚奪眶而出.
一位沒兒沒女受災的九十多歲的老婆, 失去了老伴, 被迫賣出僅有的田地葬夫
一位一輩子也沒有拍過照, 一塊餅也未嘗過, 一天好生活也未活過的老婆婆
偏偏要老來受苦
上天到底有沒有眼?

回到房間, 再看網上版報, 再一面聽著Hisaishi Joe及Kenji Ito的音樂, 心底不禁越想越酸, 眼淚快要流出來之際, 即轉身一頭倒睡床裏, 為了掩飾...為了讓自己的情感得到發洩....

到底我有多久沒有感動過? 我記不起了, 但我記得我還留著一張由雜誌剪下的圖片, 那張圖片曾經給我很大的鼓勵, 而這篇新聞又再一次給我反省的空間.....

幸福, 絕非必然
身處幸福, 應知滿足....
有能力的話, 盡力去幫助這個世界上不幸的人吧....
一世的追求去滿足不能被滿足的慾望, 不是很愚蠢嗎?
我總相信, 真正的快樂絕非來自物質
而是心靈的釋放.

=================================================================
[節錄 明報2003年10月6日]
婆婆終於笑了

贖回田地 老有所養
在 這 次 淮 河 水 災 災 民 中 ， 住 在 安 徽 及 河 南 省 交 界 、 淮 河 邊 上 的 吳 炳 英 婆 婆 的 遭 遇 ， 是 最 不 幸 的 個 案 之 一 。 這 位 82 歲 老 婆 婆 在 大 水 期 間 ， 與 她 相 伴 了 64 年 的 老 伴 楊 萬 生 因 病 不 治 ， 撒 手 而 去 ， 留 下 她 孑 然 一 人 。 最 慘 的 是 ， 為 了 埋 葬 老 伴 ， 吳 婆 婆 不 得 不 出 讓 僅 有 的 兩 畝 地 ， 為 老 伴 換 來 一 塊 葬 身 之 地 。

吳 婆 婆 的 遭 遇 見 報 後 ， 引 起 讀 者 高 度 關 注 ， 許 多 讀 者 來 信 來 電 並 捐 款 。 記 者 日 前 再 探 訪 災 區 ， 第 一 時 間 奔 赴 那 個 位 於 淮 河 邊 上 、 安 徽 與 河 南 交 界 ， 屬 於 河 南 省 固 始 縣 王 流 鎮 楊 營 村 叫 作 「 井 河 腦 」 的 高 地 。

乘 船 渡 過 淮 河 ， 一 看 見 那 片 熟 悉 的 樹 林 和 林 中 頹 敗 的 民 舍 ， 記 者 心 裏 就 禁 不 住 「 打 鼓 」 ， 生 怕 再 像 第 二 次 去 時 那 樣 ， 會 見 到 什 麼 意 外 （ 記 者 上 次 到 訪 時 發 現 楊 老 伯 撒 手 西 歸 ） 。 直 到 看 見 吳 炳 英 婆 婆 拄 着 木 棍 ， 從 莊 台 上 快 步 走 下 來 ， 記 者 心 裏 的 「 石 頭 」 才 算 落 地 。

看 合 照 淌 濁 淚
記 者 將 特 意 購 買 的 一 批 禦 寒 被 物 ， 還 有 本 報 首 次 採 訪 吳 炳 英 婆 婆 、 楊 萬 生 伯 伯 所 拍 攝 的 兩 幅 合 照 ， 交 給 吳 婆 婆 。 婆 婆 捧 着 相 片 ， 看 着 看 着 ， 淚 水 又 往 下 淌 。 老 人 家 的 外 甥 媳 婦 、 也 是 老 人 目 前 唯 一 依 靠 的 郎 澤 蘭 說 ， 兩 老 一 輩 子 都 沒 拍 過 照 ， 這 是 第 一 次 合 照 ， 可 惜 ， 老 伴 不 在 了 。 這 也 是 婆 婆 第 一 次 從 照 片 中 看 見 自 己 的 樣 子 。

郎 澤 蘭 說 ， 上 次 香 港 有 線 電 視 女 記 者 柯 泳 怡 隨 手 留 給 老 人 家 一 筒 餅 乾 ， 那 也 是 婆 婆 平 生 第 一 次 吃 到 ， 邊 吃 還 邊 問 那 是 啥 東 西 ， 叨 念 那 名 女 記 者 。 郎 澤 蘭 說 ， 上 個 月 記 者 給 了 救 助 款 ， 他 們 給 婆 婆 改 善 伙 食 ， 買 了 魚 肉 等 做 給 她 吃 ， 現 在 老 人 家 能 拄 着 木 棍 在 莊 台 走 上 走 下 。

心 感 恩 口 中 念
經 本 報 記 者 協 商 ， 村 民 郎 澤 紅 同 意 以 2000 元 人 民 幣 的 價 錢 ， 將 原 來 吳 婆 婆 的 兩 畝 地 重 新 歸 還 婆 婆 。 就 是 這 塊 地 ， 曾 經 供 養 了 無 兒 無 女 的 吳 婆 婆 兩 老 數 十 年 。 在 記 者 的 見 證 下 ， 吳 婆 婆 一 拐 一 拐 地 與 眾 人 來 到 那 兩 畝 地 旁 邊 ， 與 郎 澤 紅 完 成 交 割 手 續 。

吳 婆 婆 接 過 對 方 退 回 田 地 的 字 條 ， 一 下 就 跪 到 那 塊 土 地 上 ， 手 揪 泥 草 ， 濁 淚 盈 眶 ， 嘴 裏 念 念 叨 叨 不 知 說 些 什 麼 。 攙 扶 她 的 外 甥 媳 婦 郎 澤 蘭 解 釋 說 ， 老 人 家 在 說 ﹕ 感 謝 好 心 人 ， 感 謝 香 港 人 ， 她 死 了 就 是 變 牛 變 馬 ， 也 要 報 答 好 心 人 。

收 善 款 待 搬 遷
記 者 將 讀 者 的 指 定 捐 款 交 給 郎 澤 蘭 和 她 的 丈 夫 王 繼 周 時 ， 這 兩 名 吳 婆 婆 唯 一 的 親 人 說 ， 他 們 一 定 會 把 這 些 錢 用 在 老 人 家 身 上 ， 包 括 重 建 房 舍 （ 據 記 者 到 當 地 鄉 政 府 了 解 ， 井 河 腦 十 多 戶 村 民 今 冬 明 春 可 望 他 遷 ） ， 將 來 他 們 會 和 老 人 家 同 住 ， 養 老 送 終 ， 那 兩 畝 地 由 他 們 代 耕 。

王 繼 周 夫 婦 的 所 有 對 話 ， 吳 婆 婆 在 一 旁 聽 得 明 明 白 白 。 老 人 一 邊 聽 ， 一 邊 點 頭 ， 嘴 裏 念 念 叨 叨 地 說 道 ﹕ 她 只 有 這 兩 個 親 人 了 ， 她 要 跟 他 們 過 ， 她 只 有 靠 他 們 了 。 記 者 注 意 到 ， 婆 婆 拿 着 那 張 贖 回 兩 畝 地 的 收 據 時 ， 滿 是 皺 紋 的 臉 上 終 於 綻 出 難 得 一 見 的 笑 容 。

婆 婆 的 外 甥 對 記 者 說 ， 他 們 也 有 好 多 年 沒 見 過 老 人 家 笑 了 。
=================================================================


>>October 6, 2003 at 5:16:29 PM GMT+8