2003 年 11 月 11 日 星期二 【陰】

已經很多日冇寫日記了....這幾天, 真的很累......前兩日做paper, 做到個人勁支力....真係冇貨都要繼續出貨....同埋可能食左d藥, 已經係夜晚食, 但係到第二朝個人仲係好支力....唔知係自己心理因素定係自己真係咁支力, 還是係d藥攪到我咁支力.....總之真係集中唔到精神啦.....上堂都猛係度洽....真係唔掂.....

3科major呢期chur得好勁, 真係好勁, 飛得好快, 同埋d野難左好多.....冇計.....真係要花好多時間去睇明佢, 而仲有3個星期就final啦, 今次點都唔可以炒架!!!! 真係唔可以架!!!!!! 呢個星期開始真係要死讀爛讀啦!!! 唔明既野要快d攪番掂佢啦.....

呢幾日好凍, 今日用左肥BB送俾我條頸巾, 好暖笠笠wu...

我要執一執番我自己個心情了....為了要好好準備final....考好佢!!

>>November 12, 2003 at 5:27:18 PM GMT+8

2003 年 11 月 6 日 星期四 【乍寒還暖】

今日其實早知唔好出去上3011, 因為去到都係咁係度訓....支力....
下午返左去大講堂上assemble, 3年黎第一次去果度上, 感覺很好, 因為訓得很舒服....
下午同阿發, michael食飯, 食完上左我房吹水, 吹吹下我頂唔順訓左一粒鐘, 之後同阿發出左去ULIB度溫書+食晚飯......好開心, 咁奈都未試過同佢對成日咁奈, 吹左好多水, 幾好....
夜晚又係一個人係地獄溫書, 做野咁, 但係不太好....
中國社會篇文,......唉....毫無頭諸....真係有D肴....真係冇貨, 因為唐君毅本書真係好差唔知O翕乜呀大佬.....

晚上真係頂唔順間房個CONFIG, 所以大執左2粒鐘, 將工作同電腦完完全全咁分開....希望會好好多....
真係好眼睏.....好眼睏....快d發夢見下肥ney b先~~.....


>>November 7, 2003 at 7:15:06 PM GMT+8

2003 年 11 月 5 日 星期三 【晴】

今日好乖咁11點出左去食完食即溫書, 印左GEE既pastpaper出黎, 睇黎我都係要做一份solution俾自己去背啦, 因為翻炒都幾多, 同埋如果唔諗定會唔知點寫>.<
3320今日講既野真係完全唔知佢講乜, 所以又係要 >>>「靠‧自‧己」啦~~~又要去摷書先>.<
去左clinic睇, 但係佢話冇果d敏感test喎. 其實呢幾日個人都好灰, 因為真係好差...已經開始怒減肉食intake, 希望有幫助啦...
下午一直係地獄度做野, 今日都好有心機, 好精神, 所以都好開心....以後日日都要係咁精神...所以一定要早訓.....
好多謝肥ney b, 有你的關心同埋體諒, 我一定要快d好番先得...~~~~>3<

久違了的"泥"味, 剛剛又再在空氣中短暫出再, 但已令我覺得份外舒懷....

>>November 6, 2003 at 5:20:00 PM GMT+8

2003 年 11 月 4 日 星期二 【晴】

今日我生日, 咁又22歲仔lu, 話咁快又過左一年....
肥ney係第1個同我講生日快樂既人, 因為佢係電話度陪我進入11月5日, 嘻嘻~~
之後收到cathie電話, 哈, 又係好奈冇同佢講過野啦, 大家都激忙, 不過好開心
夜晚諗住訓去教鬥鐘既時候咁岩收到一個sms, 好開心, 係Gloria send黎既生日快樂, 好開心, 真係好開心, 冇expect到佢會記得....

今日上早堂3041又遲左半個鐘, 起唔到身.....好彩冇乜聽漏d重要野o者, 因為今日上堂後期先教d難野....但係聽日先溫lu, 今日要放自己一日假, 哈哈, 牛一點都要抖抖...
上堂時收到Bonnie電話, 真係好開心, 佢仲記得我生日, 其實上次佢生日我都有打過俾佢, 但係原來我set錯左個佢手提所以搵佢唔到, >.<
所以話呢, 真係記得我生日既先係我真正既好朋友
呢幾個打黎搵我既朋友同我心目中既好朋友, 好岩地, 都係同一批
真係好開心, 多謝cathie, gloria 同埋 bonnie

下午上完哂d堂後同左阿wing同阿機食tea, 阿wing送左個tomy魚缸玩具俾我, 激得意, 好過癮喎, 多謝哂阿wing, 呢份係我今年既第一份生日禮物.....
之後一個人落左去mk諗住買條德軍褲, 但係佢話冇貨, 要等十日後先知有冇喎, 所以係冇斬獲既情況下我去左星際買左幾本art既雜誌送俾自己....

夜晚我去左搵肥ney食飯, 但係佢要到竹七點九先有得放工, 好慘. 佢帶左我去西灣河一處海旁食西餐既地方食野, 都幾romantic, 之後我地係海旁度二人世界左一陣, 收到肥ney親手織俾我既溫暖牌頸巾, 勁爆開心, 因為冇諗過肥ney真係會織俾我, 佢話過佢唔識織......好v, 呢個冬天我地大家都可以有大家既溫暖牌用, 好sweet >3<

好開心可以同肥ney b一齊過生日, 其實食乜野都冇所謂, 我真係唔係咁介意係邊度食, 食乜, 就算食fastfood我都會好開心, 可能會更開心, 因為可以同自己鐘意既人一齊食已經好滿足, 食點平日食開的東西感覺會更加自然, 更加入心. 其實人越大, 我自己越不去介意生日會有什甚麼慶祝活動, 會收到甚麼禮物. 反而會想簡簡單單, 有好朋友記得並簡單地打個電話俾我我已經會好開心. 也不需要食甚麼很貴的東西, 只想簡簡單單吃一點平日食開既野就很好了, 因為我不想生日過後有一種失落感, 不想有一種太開心過後回復平淡的空虛感覺, 所以只要稍稍提升一下情緒便很好了....

生日的願望, 別人說講了出來會不靈驗, 我看不會罷, 讓多些人知道不是會更提高成功機會嗎?

我只想身體健康, 身上的病快點好番, 便已經很心足了.
明年今天, 我只希望我的身體不再有任何的問題....可不可以?


>>November 5, 2003 at 5:32:59 PM GMT+8

2003 年 11 月 2 日 星期日 【晴】

灰！！！
功課怒唔識做, 真係好撚唔識做, 個人怒肴, 唔係肴冇得交, 而係肴FINAL唔識, 真係好shit!
點算呀, 真係諗左好奈都唔識, 而又已經開始甩BEAT啦, 仲有GEE d readings仲未睇完, 下個星期二要交文啦!!!! 屌!
仲有成日好眼訓添....死未
今晚2點前一點要睇得幾多得幾多, 聽日一早仲要出去搵bobby問野, if佢係度
今日肥ney b番新工, 好掛住佢添...
我要俾多多多多多多多多d心機同精神去做好d!!!
做好d功課+paper咋...



>>November 3, 2003 at 5:29:56 PM GMT+8

2003 年 10 月 30 日 星期四 【晴】

好奈好奈都冇寫過日記了, 之前由於是忙啦, 同埋呢個星期SHOWHAPPY都唔得, 所以都冇得寫...
今日好好好開心, 因為有得同肥NEY B去玩...YEAH!
上午又係早起身出去上堂, 之後同MICHAEL同埋阿發去上ASSEMBLE之後3條友落左去CC食飯, 幾開心, 因為佢地兩個係我YEAR1大O唯一仲keep到既朋友, 要好好keep落去...
之後我3點幾出左去做兩樣野, 一係去九龍灣CEPT度refund, 二係去牛頭角度拿番塊好奈既底版....都travel左好遠.......之後去接肥ney b放工...

搵左佢之後佢帶左我去佢新公司既位置睇睇然後我地去左柴灣撘呢個忙命van入赤柱度玩...好靚喎赤柱而家....去到仲要見到曾sir添...哈哈.....
同肥ney去食完晚飯後我地就行左一陣, 之後去左買沙灘蓆訓沙灘....呢個係我同肥ney既第一次訓沙灘, 真係好浪, 好sweet, 同埋今個係我咁大個仔第一次halloween出街玩, 好開心, 有得戴肥ney買既牛角同埋我買左2支三叉, 應下節咁啦都....好v

不過d皮膚又差番, 真係唔知點解會咁, 可能呢幾日夜訓左d, 真係要strictly d咁keep番個生活時間先得啦, 食住藥都係咁真係唔係咁掂...真係好想好想快d好番呀.....



>>October 31, 2003 at 5:21:44 PM GMT+8

2003 年 10 月 22 日 星期三 【晴】

今日返左去屋企睇E生, 都係咁啦, 俾左D藥食咁啦....

今日其實溫既書唔係咁多, 都只係做番D習題....
希望聽日會考得好D.....

MIDTERM後又係有排忙...

>>October 23, 2003 at 6:17:02 PM GMT+8

2003 年 10 月 21 日 星期二 【陰】

今日好早起身因為約左WING同埋阿機食早餐, 但係點知阿機係起唔到身架, 所以就淨係得我同WING兩條友係snack bar食, 都ok啦, 我好快咁食完就要去上3041...

今日3041教d野真係有d複雜, 唔係好明, 要花多好多時間去睇番明佢先得....但係由第4課開始我都已經只係聽過書而沒有溫過書, 因為呢兩個星期midterm花左大部份時去怒溫要考既科.....所以midterm完後又有排追啦....而EM派左既卷我又炒左啦.....屌!!!! final唔考番好d個grade我真係幾難翻身啦....shit!

我計過, 考完星期5既3011起碼後要用1星期去追番新野既追度, 同時要溫番次em所有野, 但同時要做番幾份已經派左既功課, 仲有要睇中國社會影左既書既至少一半(大概百五版英文野(O_o)! 仲有要著手開始寫呂大樂篇文(去搵料....), 所以其實midterm完其實同midterm緊都係冇乜分別....都係要做到一隻野咁....又日日係自修室"部"住啦....

噢.....好驚好驚好驚....希望冇事啦....唔係都唔知點算呀...

聽朝仲有八點起到身reg個無聊assembly, 真係玩野, 溫到兩點幾都冇得訓番個好覺, 費事指意呀粉皮同房幫我reg, 上次試過一次奶野今次都係咪制......靠自己穩陣d....

>>October 22, 2003 at 6:45:18 PM GMT+8

2003 年 10 月 20 日 星期一 【晴】

今日3320 MIDTERM, 都OK啦, 但係覺得自己溫得唔夠熟, 所以都係有D唔識同埋有D唔肯定仲有D唔記得左D式, 雖然佢都係出番功課D野, 下次一定要溫得好熟先得....

今日竟然收到教務處電話話我IELTS唔合資格, 原來要FINAL YEAR先報得, 本來唔考冇乜大不了, 最大問題係我已經過左數, 而家都唔有冇得拿番錢, 我打佢熱線只係得音頻, 冇人接, 話就話有得download張申請cancel既form, 題係我搵暈佢成個網頁都唔見有, 所以可以做既只係send左個email俾佢, 但係唔知佢幾時會覆我, 灰.....

返宿後就訓左陣, 之後開始做野, 今日都係主要溫番mechanics既central force同埋orbital motion, 都溫左我成晚, 可想而知我真係唔係太熟, 所以聽日要俾d心機做下習題同埋要溫埋largrancian同埋hamiltonian, shit! 好支力呀....

聽日又係EM早堂, 但係好似聽到人講可能會派卷, 我勁肴底, 真係好肴. 我肴既唔係個真相,(呢個其實都一早已經知同埋已經肴完),　最怕既係去面對番份卷果個感覺....真係好難頂.....仲有3011, 星期5就係, 我真係好驚又會唔得, 因為呢科野可以出到你一個字都寫唔到....我唔想又好似上年咁呀, 大佬.......唔好玩我啦....

我要俾心機!!! 真係要俾多D!!!!

>>October 21, 2003 at 5:53:08 PM GMT+8

2003 年 10 月 19 日 星期日 【晴】

鬧鐘一響我即刻襟熄佢, 費事曹住同房, 點知仲費事曹住自己, 訓多粒半鐘先起身, 遲左成堂先去上3041...shit! 上完即刻番宿怒煲3302, 嘩, 好差多, 溫FET同BJT都溫左我幾粒鐘, 真係唔好講笑, 原來要靠自己明真係好差難....(但唔靠自己唔通靠YY.LEE咩?傻啦...)....煲煲煲, 個人其實好眼訓, 但係冇計, 一味死死煲爛煲, 總算煲番D讀書感覺出黎啦...!!!!

大陸學生真係好勤力, 真係好欣賞佢地, 自修入面廿個人有十幾個都係大陸交換生, 坐窗口位的大部份都係佢地, 坐足成晚, 真係唔好講笑. 同咁多人一齊搏殺個FEEL真係好正....要快D去訓抖足精神聽日再搏過.....

收到楓爺的留言...唉, 大家咁話啦, 我咪又係晚晚兩, 三點冇得訓...哈, 我都要遲半年先可以GRAD呀, 大家一齊努力啦楓!!!!!

下個SEM如果TAKE 18分, 3個MAJOR + 3個MINOR, 我又會變成點呢?


>>October 20, 2003 at 7:03:59 PM GMT+8