2004 年 2 月 7 日 星期六 【乍雨乍晴】

今日好早起左身去補習, 天氣真係好凍~~
而家心情仲係有D唔知點咁....唔太好
唔知點解....冇乜MOOD~~~
今個星期會好忙~
要努~力~

(3:00a.m.日記追加)
同阿ket講左一陣, 好奈冇同我呢個最好既兄弟講電話...
.....始終係需要一個適量既壓力......先可以有動力繼續做落去!!
可能這幾輪.....點講呢....生活得還好嗎? 還是過份的好嗎?
形成我現在咁懶既我....係咪呢????
我覺得係囉....
好懶, 懶到嘔!!! 仆街!!
又係時候反省自己....但都係反左成個禮拜啦, 大佬!!!!
會唔會奈左d呢?

夠啦!!
生活總需要面對, 係咪?
面對......用一個點樣既態度去面對呢?
生活既態度........係
就係生活既態度.....
你用乜野既態度, 去面對你既生活呢???
你用乜野既態度, 就有乜野結果!!!!
好似我呢幾個月都係得過且過既態度去面對生活.....
係咪呢?

我覺得我自己既生活.....缺少左一點點既唏噓.....
係咪我已經太幸福呢? 或者我就係身在福中不知福.....我真係....
總覺得幸福不會離我而去.....不去珍惜.....不去"用心"的珍惜....
得到了幸福....就忘記了以前的辛酸....而且好像更忘記得一乾二淨....
很久很久沒有過刻苦的生活了....

一句成日聽既說話
天將降大任於斯人, 必生勞其筋骨, 餓其體膚, 苦其心智.....(唔知有冇引錯...)
係咪冇經過呢d咁既階段, 就不能成就大事呢?
我覺得係!!
而且, 對於易忘記痛苦既我黎講,
痛苦及辛酸, 應該不斷不斷加係我身上, 唔可以俾我幸福太久....
賤命是也....

我以前唔太相信一個好既環境會令人更努力, 都唔信左好多年
但係唔知點解, 呢幾年我好似唔記得左呢個信念, 而且自己好似仲生活係一個更好既環境...
呢個星期, 我真係發覺我唔可以對自己咁好, 因為對自己越好, 我會越容易俾自己藉口去偷懶...
好似不斷叫自己去發夢咁.....
知而不行, 更加係可恥...
所以我真係好可恥....

ket話, 咪當而家眼前既野, 係為左你自己想做既野, warm up下自既個腦囉~
keep住叫自己諗野, 等自己唔好生銹.....
好岩.....
現在所做既一切一切, 係為達成自己理想的前提下, 都只係一種試練....
能夠刻服呢d試練, 你先有資格去為自己既理想去奮鬥....
否則, 口所講既奮鬥, 亦只係空口講白話....

我冇埋怨過自己既生活比人差, 我從不會做這事

我覺得反而我要反省, 究竟我有乜野資格, 比其他人擁有現在這麼好既生活!!!!
有乜野資格!!!!!!!!!

>>February 8, 2004 at 7:55:57 PM GMT+8

2004 年 2 月 4 日 星期三 【乍雨乍晴】

今朝訓過左頭, 成10點7先起身, 5分鐘內落到去撘車衝出去上3022, 因為知佢會教4-VECTOR, 明知得番半個鐘都要上....

上完即刻返宿拿野出去找BB, 琴日整左既飯盒, 一支蜜糖水, 一個蘋果, 一筒糖, 一個包, 無限既心意. 希望NEYB今晚加班時唔駛挨餓~~12點幾出到尖咀, 去左食幾好食既甜蜜蜜, 然後行左陣, 送BB返返公司....途經九龍公園....冇乜人, 好凍, 有點雨, 一對戀人, 好似日劇情節....好SWEET......

之後一個人落左旺角, 去星際買我既精神食糧, 咁當然唔係4仔啦, 而係電腦書, 睇岩左本FLASH既書, 同埋買左本EMU既書....然後, 返宿.....

同房今晚冇返
天氣好凍, 得番7度
加上落雨
本應係我最享受既時刻
可以盡情DESIGN
但係我冇...冇MOOD
幾日都冇乜做過野....
欠缺動力....
欠缺方向?
非也....

完全知道自己做緊乜

結果BB都係要10點先走...
但係佢已經決定左唔做...
佢個TEAM個阿頭簡直不知所謂
成間公司只係得佢條TEAM係咁...
頂!

明天又是一個新的明天....
思維的內容必定為存在...
同意嗎?

>>February 4, 2004 at 7:22:24 PM GMT+8

2004 年 2 月 2 日 星期一 【乍雨乍晴】

還是做不完那份功課....
這徜
算了吧...
到底, 即使是做到5點, 抄了source
勉強交到, 都不會高分
最重要的是
我根本還未明白

今天才教的, 明天就要交
你玩我咩?

今日天氣好凍.....去na上西哲又係凍到震....
可是我的頭腦郤沒有給凍昏了...
上了一個很好的課....
然而, 仍然有很多的readings等著我....

em, 真係好難
要花很多很多時間
才能有點頭緒...可惜現在還沒有...

明天可以去找BB食飯, 很期待!!!

重新等到一個朋友的ICQ
原來已經有一年沒有與他正正式式的談過了...
只要有心KEEP TOUCH, 一定可以好像以前那般熟落的~

公仔出左炆米, 好似炒麵王咁既食法
唔錯~

>>February 3, 2004 at 7:29:24 PM GMT+8

2004 年 2 月 2 日 星期一 【暴雨】

又係一個星期既開始...
又係一個月既開始...
我既網頁亦開始動工, 但是進展不大....
但我會努力既, 寧願唔打1942, 都要整好個PAGE佢!!!

BB番工, 番得唔開心....晚晚都要10點幾先有得走....
真係好辛苦...
有點心痛...
好想快D見到BB鍚番佢...
星期三要去探BB班....

EM, 好難....

>>February 2, 2004 at 6:54:04 PM GMT+8

2004 年 1 月 29 日 星期四 【陰晴不定】

今日....10點幾起左身啦...
11點幾就食飯...然後去睇E生~~
食藥....有點支力~
然後上左5堂
好支力!!!

EM好難
INTERMECH都好難
甩甩地書...要用功...
FLASH學緊但學得未好...
聽日上一堂, 要好好咁溫習...
快D病好啦...

BB返工好辛苦, 成九點幾先有得走...好慘...
好想快D見到NEYNEYB~~呵番佢....

聽日要用功啦....

>>January 29, 2004 at 5:09:41 PM GMT+8

2004 年 1 月 27 日 星期二 【乍雨乍晴】

今日好病呀>.<
感冒呀>,<

好支力好支力~
功課都冇乜心機做啦~~~
但係都頹交左啦....
聽日要快D睇醫生先得~~~

今晚要早D訓啦~~~

BB今日第一日返工......

>>January 28, 2004 at 3:16:08 PM GMT+8

2004 年 1 月 26 日 星期一 【乍雨乍晴】

非常冷的一個星期~
返左屋企過年一個星期, 就冇做野足足一個星期.....唉... HOLIDAY, 冇計啦....
琴日返左宿, 重新執過哂D位, 將部電腦放番係張書木台度, 而家個格局俾我個感覺好COMPACT, 好正, 好有私人空間感, 而張摺台就用黎做功課啦~~

可能因為太奈冇做野, 而家要pickup番真係有d難..聽日仲有2份功課要交, 同埋覺得呢個月既書唔係溫得咁好, 所以要快d做番多d野啦....

今日個人病病地, 喉嚨痛, 打乞CHI~~唔舒服啦...

今日BB黎搵我食LUNCH, 食COFFEE CON, 同埋夜晚食NA, 好奈都冇試過咁樣同BB一齊係中大食野啦, 好似佢仲未GRAD果時咁....好開心~~~希望係我GRAD之前多D機會啦....

近來好窮, 真係好窮.....冇錢....
仲要頂多一個星期....
而呢個星期, 要餐餐自己煲飯食....食鼓油撈飯.....哈哈哈~~仲有有時食下腸仔咁啦
有得你食鼓油撈飯咪算好咯.....
飯都冇得你食時你就真係灰爆啦~~~

聽日,,,,要係一個好開始....
讀書...
個人...
健康...
愛情...
都要進入一個新既階段!!!

>>January 27, 2004 at 6:25:25 PM GMT+8

2004 年 1 月 18 日 星期日 【暴雨】

今日好開心, 真係好開心~~~

首先就梗係有得同肥neyneyb 出街啦~~~ 嘻嘻~~
我今日出到銅鑼灣, bb仲剪緊頭髮, 所以我就上左去間髮型屋度等佢啦~bb好開心喎我唔自己行街而上去等佢~ 好um~~~

然後我地去左食下小食啦, 首先就食左個pancake, bb自己揀既, 都唔錯架, 未食過呢間, 都ok, 所以下次都會續幫親~~然後又係食左串魚ney燒賣同埋咖哩魚旦, 都幾好食~~
然後我地又去左行下東角, 夾下糖糖食, 行下timesquare既disney咁啦~ 好sweet喎, 因為今日真係好鬼凍, 而又可以攬住肥neyneyb喎~哈哈哈~~~
我地夜去左citysuper食團年飯喎~幾好食, 好野, 第一次同NEYNEYB食團年飯~~~
仲有
第一次同BB去街年宵, 仲有係我第一次行維園既年宵~~好多野行, 好多得意野賣~~但係都係睇多, 因為心知好多野買左返黎都係唔會點玩, 唔會點用, 所以費事徙錢過手癮, 留番個錢係身度仲好~~但係我都買左個花花工仔送俾BB作新年禮物喎~~ 哈哈~ 我覺得呢, 我比較鐘意簡簡單單, 就算係平野, 只要BB鐘意就得啦, 反而我覺得買貴野會失去左乙水果個意義啦, 如果可以經濟地乙水到BB開心就非常之好啦~係咪~~~
下年又要繼續同肥NEY B行年宵~~~

趕返宿, 同莊員食團年飯, 今年非常齊人, 除左阿YIM外, 個個都有到, 就連去左新加坡既SALLY都突然返左香港, 超開心, 好奈冇見, 係宿舍聚首一堂, 真係好開心~~一班嘩鬼邊食邊玩邊笑~~哈哈哈~~到10點幾就成個莊落去踩場睇宿生會點票, 因為今日係選舉完成時既日子, 好難得三莊同堂, 正, 氣氛非常之咁熱鬧, 新莊順利上莊, 而我地又一齊出左去食宵, 好開心啦, 又玩D低B遊戲, 又玩飲酒, 好!!! 新莊個P唔錯, 幾好人, 幾識做, 真係3屆中最SOCIAL既一個P, 同埋佢地成個莊好團結, 好有我地國士無雙既影子....話咁快我地又做左上上莊啦....時間過得真快.....我真係慶幸我上左宿生會, 我先可以識左一班咁好既朋友, 可以咁和諧咁相處, 同埋又可以KEEP得咁好, 希望第日畢左業都會KEEP得好好~~記得上莊時好似有人講過, 做宿生會, 做莊員, 真係可以做一世...呢句話真係講得好O岩~~~
最重要就係我做宿生會先有機會識到肥BB啦~~~
而家已經係四點幾啦, 聽日仲要上10點半...好支力~
但係今晚真係好盡興, 正如新P ALVIS話齍...哈哈哈, 好難得既一晚~~~

係度要同阿風講十萬個唔好意思, 因為我竟然唔記得同佢講我今日唔得閒同佢食飯, 而要佢走左去旺角, 真係非常之對唔住, 下次食飯我既!!!!

好啦, 真係要訓啦, 執野聽日返屋企既野就要上床覺覺豬lu~~~

>>January 19, 2004 at 8:20:20 PM GMT+8

2004 年 1 月 17 日 星期六 【颱風】

心情唔好

講多無謂
食多會滯

兩個人係埋一齊
唔應該你就下我, 我就下你咩?
係要迫人揀
即係好似問你
如果你阿媽同我一齊跌左落海, 你會救邊個先丫?

話邊個都死!!
但係至少阿媽唔會問D咁既野
所以我一定會救左阿媽先!

吹漲! BEAR一聲~~

大家有事冇得COM下
企到咁硬
真係好冇癮!!!

>>January 18, 2004 at 6:16:53 PM GMT+8

2004 年 1 月 15 日 星期四 【陰】

今日9點半起左身, 就即刻去同BB整電腦....
11點去左杏花村...就整啦, 又係果樣, 個電腦又係detect唔到個OS, 又係要重新install一次, 今次好在我帶埋我自己果個CDROM去咋, 因為BB果部又係讀唔到我果隻XP, 整左個幾鐘, 終於整好左啦, 我好開心, 因為終於了結左件心事...而BB又可以有電腦用啦~哈哈哈~
之後同BB去左易牙妙手食, 都OK好食...然之後我地去左旺角行啦...我去星際買左幾本書睇, 有本書好正, 講flash, 呢本係我見咁多本書講得最好既...所以睇左一陣即刻買左.....
行到好支力, BB話肚餓, 所以又去左食個TEA先返宿啦....

夜晚食千人宴....好唔好彩, BB落樓梯時整親隻腳, 都係我唔好啦, 冇提BB小心有一級樓梯....有D唔開心啦...見到BB痛... T.T
食野, 冇乜野好食, 因為唔係好夠, 今年D節目都唔鐘, 有羅莽表演打功夫同埋自彈自唱, 林嘉欣真係真係好靚, 不過D人話佢有D肥....同埋唱戀之風景咪咀, 唔得~~~最正既梗係基仔, 古巨基啦, 真係好正, 兩首新歌都好好聽, 同埋佢勁nice, 竟然係繞場一周同d人握手, 場面超烘動, 真係前所未有, 仲有encho左3首歌, 認真唔話得, 睇得BB同我超high~ 所以都值番票價~~~
見到BB咁開心我都好開心呀~~

琴日唔記得寫, BB終於搵到工啦, 恭喜BB~
呢份工要俾心機做啦~~
我都要俾心機整FLASH~~~
嘻, 今日好開心....

>>January 16, 2004 at 7:02:18 PM GMT+8