2004 年 3 月 2 日 星期二 【陰晴不定】

好多日冇寫日記了, 呢幾日真係太支力啦....所以今晚要早D訓先得~
自從琴日MID完PHILO後成日人散左, 但係都答得唔好.....考完食左個好味tea後就返左宿hai....hai左成晚....今朝上intermech都遲左成堂先去, 怒肴, 因為夾埋miss左3堂既野, 已經甩左廿幾版notes, 有排追, 仲要追番上次果份功課....所以下個星期真係要恕追3022啦....

下午我拖左今年既第一次地, 同埋大掃除左幾粒鐘, 執下呢度執下果度, 攪到四點幾先去上堂....
我個袋終於過唔到今日, 爛左, 其中一邊條帶斷左, 所以要買番個....
而夜晚我就同bb去左旺角買啦, 去左食上海菜飯, 好奈冇食, 然後去左買背包....d料唔係咁靚, 但係都要三百七, 都幾貴, 冇計, 趕住用, 同埋budget有限....所以頂住先, 希望可以用到兩年啦....

>>March 3, 2004 at 6:10:18 PM GMT+8

2004 年 2 月 24 日 星期二 【晴】

死讀爛讀中!!!
仲有好多野未睇番, 功課, PASTPAPER, 好多好多.....
要讀哂先訓啦, 唔係真係冇信心!!!
而家已經係2:14, 我諗冇四點都唔訓得!!
今次EM一定要有mean!
過埋今晚+聽日
真係要好好抖抖~

>>February 25, 2004 at 6:15:17 PM GMT+8

2004 年 2 月 22 日 星期日 【晴】

已經沒有了星期幾既感覺....
日夜顛倒既生活, 我已經習以為常....講真其實都唔係顛倒, 係一日訓得果4,5個鐘就真...
好幾日冇寫日記啦....都係趕西哲既野, 做左幾日, 好似由星期四開始做到今日先做完....但係我都係覺得自己寫得唔好, 唔知係度講乜咁....5點做完交左, 之後實在太支力, 訓到7點幾起身出去食飯.....
點講呢...? 真係唔想生活再係咁....好想快D做好D野然後真係可以抖抖, 超碼可以唔好過一點訓 (但睇黎都有D難度) SARS既朋友打黎叫我打機, 話好奈冇見過我....我自己都有時會打下黎relax下自己既, 但係就只係以半小時為限啦...遲d啦, 遲d先再玩...
黎緊既EM midterm我仲未準備好, 聽日啦, 聽日一定會開turbo咁勁讀...唔係就大鑊...
呢幾日係咁係度睇meno, 睇到個人都有d嘔咁既感覺....但係都有番d睇文既感覺,...算係咁啦...

唔知寫乜好添...
BB聽日有得INTERVIEW, 好UM~

>>February 23, 2004 at 8:04:30 PM GMT+8

2004 年 2 月 18 日 星期三 【晴】

今朝一早起左身番屯門覆診...一來一回都要3個鐘....今日276P由上水開去元朗特快, 只係15分鐘, 痴線!!! 我洽左一陣, 話咁快又落車~~

睇醫生都冇乜野, 只係拎左d藥咁...

之後即刻趕番中大上堂, 但2400有d頹.,...所以都冇乜心機上.....而em 既exercise走左...返左宿抖一個鐘....再出返去上em....
上完同bb食個tea後就係ulib做野做到8點九先去食飯....

10點返到宿....12點同ricky食旦糕...
之後做野做到3點...

>>February 19, 2004 at 7:48:43 PM GMT+8

2004 年 2 月 17 日 星期二 【炎熱】

琴晚.....通頂做EM....
雖然efficiency唔高, 同埋都係做唔得哂
但係都有得益, 因為, 俾我谷番d火出黎!!!
搵番煲書既感覺....
但係就真係好支力...
聽日, 要高起身番屯門睇醫生...

返黎後就要4粒鐘長征...
之後要怒睇readings同埋做功課

今晚同楓爺去左食飯
已經成年幾冇見佢....
地左尖咀食味千....
之後去左M記坐坐, 傾計...
之後行左去旺角, 當做下運動...
見番D老朋友時辰感覺真好, 可以搵番昔日既記憶

我要努力, 專心做好!!!
雖然工作量很重, 但我亦可以做得好~!

>>February 18, 2004 at 4:16:38 PM GMT+8

2004 年 2 月 17 日 星期二 【晴】

真係做到喊!!!!!

EM!!

有哂source, 但係都唔係好明....
溫左幾粒鐘, 都仲識做!!!
灰!!!

8條, 做得果1條, 仲要係睇住solution黎做.....
今晚, 真係要同佢死過!!!
祝我好運啦, 大佬

沖涼時諗起同bb去macau時既時間, 好開心, 好relax
>>BB: 呢幾日我真係好忙, 所以冇乜同你傾計, 過左呢2個星期鍚番你丫~

>>February 17, 2004 at 6:33:14 PM GMT+8

2004 年 2 月 15 日 星期日 【晴】

今日先係屋企返宿, 讀左咁奈大學都算係第一次星期一先返宿....哈哈~~
今日呢...十一點到返到宿啦, 之後就即刻趕做中文既功課啦....但今日個人仲係好支力,....上堂時都係洽哂眼訓......唉......

返到宿訓左一陣, 真係太支力....
然後成晚係度做INTERMECH功課....真係有d難呢份....有source都係唔太識做, 所以都要研究研究先得啦....
今晚既工作仲有要睇哂meno佢啦, 因為聽日諗住同兩個partner傾傾....
要努力了, 可以的話想睇睇EM添...

好掛住肥neyneyb~~

>>February 16, 2004 at 3:34:55 PM GMT+8

2004 年 2 月 13 日 星期五 【晴】

今天是情人節....
上完intermech後, 番左宿包花, 拆開後原來d鬱金香有好幾支都係爛爛地....下次都係唔好買呢隻...
包左大半個鐘先包好, 而bb都入到coffee con, 我地食完野後就返左宿hai左一陣先出去睇戲...

今日睇左套玩轉男人心, 幾好睇, 都好攪笑, 而家我好似對呢類戲冇乜咁反感, 可能呢一年裏面都睇過唔少呢類comdey, 習摜左掛...

睇完後就同catherine同埋寶琪去左city飲下野咁, 之後就返左宿叫pizza食....bb十點到就走左啦, 留番我一個人係宿.....好支力, 所以唔想走, 聽日先返屋企....

今年情人節, 我同bb平平淡咁過左, 但係我都覺得好開心, 其實, 我真係好希望簡簡單單咁同bb一齊生活, 都會開心!! 而如果大家係關係好, 咁每次見面都係情人節啦, 係咪? 我覺得呢一年入面, 我地大家都了解深左好多, 好多野都會心裏明白, 所以唔駛多講......bb係我地買果本畫簿度畫左野俾我, 我睇後好開心, 好sweet, 而佢話想買野俾我, 但未有貨....不過我唔想佢駛錢, 所以叫佢唔好買俾我....唔.....其實如果要我揀, 我寧願BB簡簡單畫張咭仔俾我, 都好過買野俾我啦....一來唔想花錢, 二來親手整我會仲鐘意...而我呢....我都鐘意整野俾佢~~~~

今日真係好開心架~~
希望年年都可以係咁~~

>>February 14, 2004 at 3:53:57 PM GMT+8

2004 年 2 月 12 日 星期四 【晴】

今日呢....去assembly~
然後呢, 同bb第一次去唱k~
拍左拖年幾第一之去唱k啦, 去左neway, 食埋野60蚊到啦, 都幾開心~
下次又要同bb再去唱先, 雖然我唔太好唱k, 但係陪下佢, 久唔久一次都冇乜所謂既~
然後去左花墟買花...hehe, 買左黃色既鬱金香同埋無忘我.....費事又買番玫瑰啦, 上年買過...今年攪攪新意思...
呢幾日皮膚又敏感番, 可能轉天氣啦, 同埋可能用左熱左少少既水沖涼.....好辛苦呢....
西哲既tutorial出左, 要快d睇啦, 因為要同人一組, 唔可以冇貨, 所以下個星期二前一定要睇完佢啦...好多野做....
呢排好夜先訓....所以冇乜精神lu.....
快d快d訓
快d做好功課...睇好readings
然後....訓好覺~~
hehe

>>February 13, 2004 at 6:20:32 PM GMT+8

2004 年 2 月 10 日 星期二 【晴】

今日, 8點幾BB打黎叫我起身, 真係好啦^^, 唔係我都唔識起身呀, HEHE
上intermech, 完全冇精神, 訓哂,
之後去ulib諗住讀下書啦, 但係點知都係訓左.......
中文個present, 一個字, 屌!
個BBA既女仔, 激頹, 頹到震~RE緊時叫極佢出聲俾意見都唔俾, 仲要早走!
到present時, 真係我自己一條友講哂咁滯, 阿wing同果條BBA人真係講得好少野, 頂, 我自己一個人presnet好過!!!!! 另一組真係present得幾好~~~

放學d人一開門, 我就見到BB係出面等緊我, 真係好surprised!!
好奈冇見BB, 今日見完BB真係成個人唔同哂, 開心番好多.
我地去左食小巴黎, 然後行左一陣街街啦, 原來沙田開左間尚書房, 仲要開係商務隔黎, 擺明爭客~
我地之後買左雪糕行去河旁食, 傾左陣計咁啦~
見得只有兩個鐘, 但係已經好開心, 多謝BB黎探我~

返到宿, 溫2400啦, 都溫左幾奈下, 希望聽日高考好D啦, 同埋聽日有西哲既TUTORIAL, 但係唔知去邊度上, 所以又要晨早起身打俾TUTOR check check佢先得~

>>February 11, 2004 at 6:31:44 PM GMT+8