2004 年 7 月 11 日 星期日 【晴】

i am in Munich now, tmr will leave for Prague!!
tell you more after i come back!

>>July 12, 2004 at 8:32:10 AM GMT+8

2004 年 7 月 6 日 星期二 【晴】

今日返左公司主力影印野....印左好多, 岩岩先分好類同埋BIND左少少, 聽日要快D攪埋佢...

而家眼皮就快跌落黎, 好支力....

>>July 7, 2004 at 7:07:05 PM GMT+8

2004 年 7 月 5 日 星期一 【晴】

現在已經係5點幾啦....自從QUIT 左宿後都冇試過咁夜訓...
今晚都係攪旅行既野...攪到咁夜, 都叫做攪好個OUTLINE啦...
仲有兩日就出發了... 聽日就要開始PACK野... 好忙!
而家都唔知個支力字點寫啦, 5點幾雙眼仲係仍然睜大...訓三個鐘後又要去公司PRINT d野出黎, 同埋留係公司收貨...印野, print野, 今日有d頭痛, 可能呢個星期真係太夜訓啦....
今日出左去出糧, 同左前同事食飯, 之後去左MK買野, 買左兩個軍袋同一個賠身WALLET, 之後返元朗拎火車証....
琴晚本來諗住PLAN野, 點知係張堆滿雜物既床上訓著左...

>>July 6, 2004 at 9:14:23 PM GMT+8

2004 年 6 月 28 日 星期一 【清涼】

非常酷熱的一天....

下午同同事出左去食飯..熱~

媽媽今日切到手指, 傷口好深, 但仍然堅持煮飯俾我地食, 真係好偉大!! 媽媽我愛你 ~~~
但係佢唔聽話啦, 我同阿妹係咁叫佢去睇醫生都唔肯去...

做埋聽日就可以收工, 非常開心!!!

但要快D PLAN野啦~

>>June 29, 2004 at 2:16:10 PM GMT+8

2004 年 6 月 24 日 星期四 【酷熱】

又有十天沒有寫日記了....這段日子,.....很熱...嘿~

今日過得很好, 因為兩個老細出左去4粒鐘先返黎....正到丫....超輕鬆...唔駛點做又過一日!

去德國既行程,....只係plan 左兩日....shit! 仲有好少時間咋....我要快啦!!! 一來又想去多一,兩個國家, 但係又唔想走馬看花, 想係一個城市睇真d, 睇深入d.....所以都幾矛盾....希望呢個TRIP開開心心啦~

肥BB, 我都想快D見多D你, 等我返完呢份工就會架啦~我會陪多D你先去旅行架~~~

婆婆的家的後園要清拆, 她老人家很無奈....政府總是十分官僚, 其實那一處地方根不用不著, 係都要收返, 係要花錢去拆一些不必需的東西, 去做一些不予人方便的事.....完全不理人的死活! 一個八十多歲的老人家, 你就連他一個基本的生活需要, 一個基本的廁所, 也要拆走他!! 可怒也!!
收左地, 起左條路係你屋企後面, 為保自家安全, 我起個閘也是無可厚非; 一個廁所, 係一個基本的生活設施, 是否要一個高齡獨居老人東走西走? 冇錯, 地係你既, 但係法律不外乎人情, 係唔係你話俾左錢賠償左就係可以打橫黎行呀? 人地唔係話起間屋喎, 唔係話起間舖仔賣野喎, 俾你住丫, 日日冇廁所用丫, 你又會點呀! 擾民! 地政署D人真係食撚屎啦!!!

>>June 25, 2004 at 2:35:01 PM GMT+8

2004 年 6 月 14 日 星期一 【雨】

今日返工時勁落大雨, 成對鞋濕哂~~~撘車撘到去葵涌時勁塞車...結果遲左半個鐘先返到公司..
琴晚同肥NEY B慶祝左我地既 1.5 年~好開心...下次慶祝 2 年時要更加開心先得~

呢期係公司冇乜野做, 係今日先叫做有多D野做...頂, 呢兩日食左藥, 勁眼訓啦, 同埋做野效率幾低...但係我諗要食多兩日先可以...

要快D PLAN好我既行程啦....因為就快冇時間啦....

>>June 15, 2004 at 1:48:35 PM GMT+8

2004 年 6 月 9 日 星期三 【晴】

返左工三個幾星期既我, 都冇乜時間寫日記, 而家我係工司, 出奇地, 今日我極少野做, 而咁岩坐係我後面既老闆娘唔知做乜出左去成兩個鐘仲未返, 我已經做哂我手頭上既野, 超得閒, 所以珍機寫下日記咁啦 (我一路寫一路目及住個門口睇下佢返黎未...嘻嘻~)

還有一個月就要出發了, 我要把握時間作好計劃先得, 仲有就係要快D開工整野啦....返黎就完暑假架啦, 唔想乜野都冇做過, 下個SEM後就大鑊架啦......

琴日好開心啦, 放工後又有得同肥NEY B食晚飯....嘻嘻, 要好好陪陪BB先得...好野, 星期日又有得同肥BB睇VBB~ 星期六係陳嘉傑個囡囡滿月食盤, 但係我又去唔到啦, 呢份咁既工星期六都要返到7點半....認真難頂....不過我頂到端午節後就會俾個大信封佢啦......諗起都好開心~~~

今個SEM既成績幾差, 之前都講過下, 但係阿機有次打黎話俾我聽佢肥左兩科, 我即刻呆左....下個SEM又可以同佢一齊食下TEA咁啦....而JIMMY呢...琴日打過俾佢, 佢都係搵緊工....得閒要搵佢食下DINNER先啦~

好奈都冇睇過書, 鬼咩, 放工返黎都想打下機, 輕鬆下啦.....而家KEEP住日日都會買份報紙睇下咁, 唔係真係連個世界發生緊乜野事都唔知架啦...

DESIGN呢....呢個我真係要做做野啦....冇時間都要做下....唔係就係幾年裏面一D貨都出唔到, 第日叫人憑乜野請你呢? 同埋呢期見到KINGFAI online, 都唔敢HI佢, 因為覺得自己好漸愧, 佢12月就會返黎啦, 而我應承過佢呢一年入面要努力出貨, 但係都係冇乜.....我好希望下次我再HI佢既時後, 係叫佢唔好AWAY, SEND一堆勁貨俾佢啦....
(頭先老細出黎, 我以萬分之一秒既高速按左 TAB + ALT, 轉左去Illustrator度....哈, 好彩~~~)

>>June 10, 2004 at 8:20:25 AM GMT+8

2004 年 5 月 30 日 星期日 【晴】

又係返工既一日啦...今日乽係好鬼多野做!!! 最衰就係有個客, 成七點幾仲係度改幾廿次稿, 攪到我成8點先走, 最後都係冇理到佢, 走先~

今日好掛住肥NEY B, 諗番起琴日既情景~ 好開心 ^^

>>May 31, 2004 at 3:25:14 PM GMT+8

2004 年 5 月 29 日 星期六 【酷熱】

今日早起去左補習啦, 然後就立刻去左搵肥NEY B啦~
今日同肥NEY B一齊好開心, 靜靜地係屋企傾下計, 講下心事咁~好SWEET~嘻嘻~
肥bb講左一句野令我好開心架^^!! 好b丫~

聽日又要返工啦....呢個星期日日都撘巴士, 車費超貴....睇黎出糧都要填番筆車費佢啦~~~成日都係巴士訓覺~~~可能真係好支力啦~
我都係時候做多d準備工夫啦~

>>May 30, 2004 at 4:00:50 PM GMT+8

2004 年 5 月 26 日 星期三 【酷熱】

很久沒有寫日記呢...今晚出左成績..考得唔好啦...即刻計計個GRAD GPA...差D唔得.....超驚...(但係唔知我個計法有冇錯...)唉....仲有一科STAT MECH, 真係要俾心機讀好佢保住個horn呀!!!! 呢三年, 都唔知讀左d乜野, 六十幾個credit既major, 讀完都唔會記得, 都唔知為乜.....
西哲考得唔好, 得C+, 唔開心啦梗係....FINAL超俾心機讀架我...冇計....
今日請左日假, 去E院覆診...超多人得拎藥, 成個鐘後先有得拎, 所以去左銀行同埋食埋飯先去...之後返左宿攪退宿啦....就咁我既三年宿舍生涯就結束了...有d唔捨得啦...不過始終返屋企都係訓得舒服d既...

聽日又要返工啦, 好唔捨得今日既假期, 俾我有一個放暑假既感覺...(好熱呢!!)返黎屋企後睇下網頁呀, sketching下呀咁...唔...好似好想做個portfolio, 但係次次都係做兩野就放低左, 做左第二d野...唔知點解, 其實究竟係唔係我唔係呢一方面既材料呢??其實我而家都幾迷妄....

呢份工, 我返左9日, 其實真係幾無聊, 做埋d唔駛乜野知識既野, 日日對住電腦成9個鐘, 真係幾悶下...但係諗下, 其實自己又到底識做d乜野呢? 諗落又諗唔出有乜野識....所以冇計啦.....本來真係諗住做野今個星期唔做架啦, 但係鬼叫自己冇錢咩? 唯有繼續做啦....真係冇辦法....

上次同bb去完祈福玩得好開心....琴日又同bb食飯...又好開心, 好想快d可以一齊生活啦^^, BB~今日飲左BB琴晚煲既靚湯, 好正, 好好味呀~~嘻!

聽日約左SARS既兄弟一齊睇"明日之後"九點九先睇....睇完都要好夜先返到屋企啦....第二朝又要返工.....~

>>May 27, 2004 at 5:34:30 PM GMT+8