2009 年 2 月 16 日 星期一 【晴】

返工
今日理論上好充實
做左成日野
都無乜特別時間發呆

晏晝食飯
同 Alex 兩個撐檯腳
轉角見到有一下風景唔錯
連佢都讚唔錯, 所以真係幾好

食完飯, 佢話想上 HKU Space 睇下有冇 canteen
同佢行左上去睇地圖, 發現無
橫掂一場黎到, 順便參觀下, 睇下有冇風景都好
最緊要係唔使食完飯又返公司坐
坐得多會有大肚腩
由於已經有, 所以唔想再大 D

頗準時放工
老細早離開公司
Tracy 話佢走果陣曾經諗過等佢走左一陣就放工
點知望一望錶, 原來只係 1700
唉......

放工就出旺角
未夠鐘, 上書局睇下書
榆林擴充營業喎
不過其他樓上書局好似逐漸離場了......

返落地車站', 時間剛好係 1930
只見文少, 獅子同小澤延已經到左
召集人麥觀無影無蹤
而住得好近既文妹都係杳無音訊
結果又係遲

去左乞食
響果度由 1945 一等就等到 2045 先叫野食
無計, 麥觀遲遲未到嘛
而文姐又未走得
齋吹水都吹左成個鐘

食完野就過朗豪坊滿記食糖水
食完就返歸

今日 Konnie 去考筆試
順利及格左就拎左個臨時車牌
佢話有史上最可怕既證件相喎
不過呢個只係臨時性質既證件, 到佢考埋路試就唔同架啦

食食下乞 Konnie 打黎話佢好眼訓
所以都無乜點傾過計
佢仲差我兩張相！！

>>February 17, 2009 at 5:29:56 PM GMT+8

2009 年 2 月 15 日 星期日 【晴】

早左返工
因為怕要過醫院
結果響 0930 先知 0945 要去收貨
連忙飛的過去
居然準時之餘仲早過人地到
代價係 $86.5

好彩無塞車
好彩老細比我更遲（佢記錯左1030先開始）
好彩星期五睇過一次
好彩無乜特別事
總之好彩啦

食完飯
響架步無野做
做左響舊公司會做, 但係宜家無正式做過既野－－訓晏覺
訓醒個人都充實 D

繼續行 site
居然畀隻牛老點左
差 D 蕩失路
有冇搞錯, 日日響地盤開工都可以點條錯既路我行都有既！

行完就同 Alex 返公司
大把野搞
2015 就離開, 不過仲有野未做完
早走既原因, 一黎無心戀戰, 二黎 Konnie 話今日同我 webcam

天氣轉涼
又有鋒面雨
實在唔喜歡呢 D 日子
因為會阻延我睇書既進度

返歸食飯
杰 send 左婚宴映既相畀我
同佢傾左陣
要畀信心自己
希望你攬實 D 碌木啦

卒之等到 Konnie 同我 webcam
佢又用番 skype
所以我又要再 download 過
居然見到樣聽唔到聲
-3-
美中不足

同佢以 msn 溝通 + webcam 見面
除左頭髮長左少少之外一切如常
很好
不過佢今日痛左成日, 暈左成日
希望聽日佢會好 D 啦

響望 webcam 其間映佢相
收線一數
映左 80 張
望左佢只係 19 分 03 秒
平均 14 秒映一映佢
發神經的

但係最白痴既係
我映完之後, 唔記得左放響邊=.=

尋晚訓得唔好
希望見完佢會好訓 D

>>February 16, 2009 at 5:42:03 PM GMT+8

2009 年 2 月 14 日 星期六 【晴】

1100 起身
食飯
發呆
上網
訓覺
再起身
再食飯

平白浪費左一日
很膚淺
由於 Konnie 聽日要早起辦入學註冊手續（0600！！）, 所以無同佢傾電話
連 msn 都只係講左一陣

尋晚發左個好恐怖既夢
起身有一刻好積極
但係個人清醒 D 就記得今日唔使搵 Konnie, 事關佢已經去左悉尼
個人立即頹左.......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
從前到現在也很愛「優客李林」（儘管有不少人以為這是什麼新品牌=.=）
但從不知其中一位就是林志炫
常聽到他的名字
但我對這個名字的感覺
或是以為他是老野, 或是以為他是死o靚仔
很矛盾

響 youtube 聽聽下張學友
見到他也唱過《離人》這首歌
初時也有點驚訝, 原唱不是張學友嗎？
還以為我聽慣的是學友翻唱他多年前的版本
一心想聽聽誰的版本更好

知見障總是覺得學友的演繹很難有人比得上, 也覺得聽慣了就更耐聽
今次居然有意外驚喜
真的可以推介給大家聽
原唱的確是學友, 這是林志炫收錄在2001年《擦聲而過》大碟
另一種感覺, 另一種心情, 另一番享受
唱歌技巧上各擅勝場
這個版本更令我不能自拔地聽了一遍又一遍

也許是於我心有戚戚焉........

－－－－－－－－－－－－－－－－－－－－－－－－－－－－－－－－－－－－－
（原唱）張學友版本：http://www.youtube.com/watch?v=fE89Zs4yBUY&feature=related
（翻唱）林志炫版本：http://www.youtube.com/watch?v=MrlXbLnqKZU&feature=related
－－－－－－－－－－－－－－－－－－－－－－－－－－－－－－－－－－－－－
離人
作詞：厲曼婷　作曲：何家文　編曲：林庭逸, 韓賢光

銀色小船搖搖晃晃彎彎
懸在絨絨的天上
你的心事三三倆倆藍藍
停在我幽幽心上

你說情到深處人怎能不孤獨
愛到濃時就牽腸掛肚
我的行李孤孤單單散散惹惆悵

離人放逐到邊界　彷彿走入第五個季節
晝夜亂了和諧　潮氾任性漲退　字典裡沒春天

離人揮霍著眼淚　迴避還在眼前的離別
你不敢想明天　我不肯說再見
有人說一次告別天上就會有顆星又熄滅

>>February 15, 2009 at 5:29:10 PM GMT+8

2009 年 2 月 13 日 星期五 【晴】

掙扎良久才起床
0930 返工？
唔好玩啦
最後都係 1030 先返到去

一做就做到 1530 先走得
由上層有人做到成間公司得我一個
再做到老細由大埔返公司
卒之初步搞掂份野可以走得

返歸
一訓訓到 1830
沐浴更衣就出發
無袋一身輕, 不過星期六晚仲一身西裝有 D 奇怪
街上其他目光都不其然認同我既觀點

去到尖咀映月樓
一入到去, 居然係業招呼我
佢呢個兄弟都幾稱職喎
一同杰都係兄弟, 好忙
好彩有佢地既同學 Wing 同 Haysel 解下悶
難得佢兩個都仲認得我
真係唔該晒一

去到最驚既係見到胡抽屜先生
咁都見到佢？
聽一講, 好似佢係女家既中學同學
世界真細小

聽到句 slogan 好正
分享如下：
「開門利事九個九，D 女唔靚即刻走」
呢句係一同杰做兄弟時, 攝影師的靠害slogan
想想也過癮

食完, 杰塞左四隻橙畀我
Wing 又係坐地車去 +瘋台打牌
一個西裝友拎著袋橙好異相
所以借左 Wing 既手袋袋著
然後就送埋畀佢同佢朋友食

食完已經係 2330
同 Konnie 講完電話
再睇多陣 xanga 就訓

情人節有婚宴唔難過
一個明明唔係單身, 但係宜家又好似單身既人
情人節又真係幾無奈
當然, 要愛一個人唔一定要響情人節先對佢好
但係果個我愛既人唔響香港, 唔可以見多佢幾面
有點難過

>>February 15, 2009 at 4:59:04 PM GMT+8

2009 年 2 月 12 日 星期四 【晴】

每日返工都經過一番掙扎
今日居然起身既時候有多少精神
應該係尋晚早訓左既效果
未到一點就訓左喎！

返工
返左公司一陣就出街
過灣仔拎 full licence
拎完就走

原本 1500 要過「馬+烈」
不過 Sam 改左時間, 1700 先過去
足夠我過九龍塘同 SMC 慶祝
去到 Amaroni's Little Italy, 一, 超人, 漲, 黃峰同 SMC 已經食緊
匆忙叫左個意大利幼麵, 但係無乜肉
多得一仗義送左小半塊「鞋拾拾」雞扒

食完就返公司
途中諗緊聽日好唔好返工
一返到自己個位, 就見到檯頭有份野
原來係老細畀左份標我搞
但係果份標要響星期一 1200 前送到赤柱同淺水灣中間既某住宅
佢幫我做左決定, 唔使我心大心細囉囉攣, 真係好老細了

1700 去到「馬+烈」
睇完就同地盤牛落山坐地車
去到九龍塘打畀一
原來佢同黃峰過左旺角買禮物

出旺角搵埋佢地
一想買放檯頭既空氣淨化器
但係店員猛咁 sell D 大大部既掛牆機
有個店員仲話部機可以放響檯面
望著仲大過個 desktop 既機
如果可以放響檯面都仲做到野, 除非果張係波檯啦！

買禮物不果
坐火車入沙田
返到 YCO, set 好野搵好譜就休息
由於《羽》用五線譜, 要譯
邊譯邊托卡卡幫手
再唔係就叫佢隔離果個沙官妹妹幫手
兩個都托我手踭喎！
最後都只係屈到卡卡幫我譯一半

肥仔過左黎搵我地食飯
本來去「三個O」, 最後無位要過牡
黃峰響 counter 執左張優惠券畀我
我隨即就拎左畀店員
咁都用得=.=

食完飯同一 & 漲行去搭車
途中遇上卡卡 & frds
之後卡卡打黎, 話我嚇親小妹妹
話個小妹妹見到我, 仲驚我會衝埋去叫佢譯譜
=.=

譯譜之嘛
我由細譯到大架喎, 返親團都要做架啦
譯又唔係花太多時間（首歌好易）, 又可以學到野
係咁我先會鼓勵 D 人譯多 D 嘛
乜宜家 D 人咁矜貴架咩？

不過佢講我先知
原來果個小妹妹（其實已經係F.6）今日係第一日返黎
而我上次 YCOAP 見到著啡色冷衫果個彈阮既女仔唔係佢
............
咁又有乜關係？

由於一要準備聽日做婚宴司儀既講稿
以及諗方法氹番畀佢放飛機既 Eugenia
所以今日好早就返到屋企
仲早過老姐

Konnie 成日都話訓覺又唔訓
自己又唔係好夠精神
真係曳啦
早 D 訓身體都會好 D
過左去就快一個星期, 應該要開始習慣澳洲時間
唔好再 1600 先開始肚餓, 0300 先訓覺了

>>February 13, 2009 at 5:59:08 PM GMT+8

2009 年 2 月 11 日 星期三 【晴】

早左起身
早左出門口
一返到公司, 見到檯頭多左三疊卡片
第一疊有個 "錯" 字
問秘書 Tracy, 佢話之前印既真係有錯
望一望, 見到我個 BSc 變左做 ABSc
都真係錯得幾離譜喎！
印卡片果個仲要死撐因為我個 job title 有 Assistant 呢個字
關乜事呀....=.=

不過身為中文好過英文既我, 對個中文職位譯名有少少敏感
到底 "助理建築測量師" 同 "建築測量師助理" 係咪真係有好大分別？
我有冇過份敏感呢？
經過小談既詳細分析, 確認我真係無過份敏感
所以同左 Tracy 講, 橫掂都係有錯要改, 不如順手改埋個中文譯名啦！

今日做左好多「濕星」野
最搞笑係收到一份搵 AP 簽名既拎食牌
但係乜料都無
老細叫我搞掂佢
點搞掂呀！你連價錢都未傾喎！

返到公司
隔左陣見到 Konnie on9
佢卒之開始學車
睇黎佢學車學得好興奮
仲學左「拍」車同轉「灣」
服左佢

晏晝同 Tracy, Sam & 大隻佬去食翡翠拉麵小籠包
慶祝 Tracy 25 歲正日生日
唔講都唔知佢仲細過我
尋日大隻佬已經遞左辭職信
以後無人托水了（講笑）
希望佢唔好暴殄天物, 浪費佢既好身材
好好地做紀律部隊啦

食完飯就返公司閒
邊睇 tender 邊睇《倚天》
1830 就過又一城搵一
同 Konnie 講著電話行
其間佢要打電話畀人, 我就用果段時間聯絡一
收線無耐佢又打黎講過

等左一一輪佢都未落到樓
Konnie 懶醒諗住打三人會議
結果電話一通我就見到一
但係個電話剩係得佢同一聽到
我就齋聽音樂

行 Hong Kong Record
等到漲黎就去品香食飯
等野食黎既時就玩 iPhone
玩下玩下就玩左 45 分鐘
如果唔係有 iPhone, 點可以忍受上菜都要上 45 分鐘呀！

食完飯
走左去 XTC 食雪糕
豆腐味唔錯
食完行左陣又一城畫展就返歸

一閂門 Konnie 就打黎
真係時間剛剛好
香港仲係 2227 咋

>>February 12, 2009 at 4:23:48 PM GMT+8

2009 年 2 月 10 日 星期二 【晴】

返工
晨早 Konnie 就起左身
其實都唔晨早了
我返到公司既時候, 悉尼已經係 1230

返左公司一個鐘唔夠又出街
可以 direct site 你話幾好呢！
不過如果 1100 去到銅鑼灣都要 direct site 既
我諗我做老細先可以咯

無無謂謂同人睇廁所同外牆
返公司繼續做野
不過其間梗係有同 Konnie msn 啦
佢又執廚房, 又洗廁所
未來譚師奶宜家就開始做準備, 很好

晏晝同秘書 Tracy 撐檯腳, 去赤丸食飯
但係店員行動好似鬼咁, 野食又麻麻地
仲要左好耐先有野食
Tracy 個烏冬仲要變左做飯
真係唔多掂

兩點幾先食完晏（不過我地 1330 先開始食）
繼續做野
做到 1700 就走
John 好驚訝我執野, 仲以為我放工
晨早同佢講左架啦！！

1800 去到炮台山
一搞搞到 1930 先走得
叫田師傅順手車我返九龍灣
如果佢可以再順手 D 車埋我返歸就好咯！

睇 facebook
Konnie post 左佢澳洲既居所
好大, 好靚
如果第時我同佢間屋有咁好既就正了
只係....香港要有呢 D 質素既屋, 除非我真係搶晒醫院做工程既錢啦！

夜晚同 Konnie 講左前前後後一個鐘電話
但係包括其間佢去洗手間同洗杯既時間
又 send 左 D Choirboys 既歌畀佢
好似同佢響香港無乜分別
好開心
佢仲講左個佢響果邊不為人知既驚世大秘密添
真係嚇親
希望佢可以快 D 適應果邊既生活.........以及消費啦

聽日佢就開始學車
今日仲同我傾電話傾到咁晏（佢果邊 0330 喎）
佢聽日會唔會學學下車訓著架....
收線我個手提好熱
睇下電池, 嘩！剩番 25% 電
真係可怕

>>February 11, 2009 at 4:36:03 PM GMT+8

2009 年 2 月 9 日 星期一 【晴】

起身
鬧鐘好早響
好早坐左起身
老姐好早就坐響廳聽歌唱歌
但係我都可以忍受到, 邊訓邊被可怕既噪音鑽入耳中
直至坐左九個字, 我真係要起身返工為止

可想而知, 我個鬧鐘真係較到好早就響

返工
又係唔到臨放工都唔會咁忙
好似有少少被 Sam 傳染左
公司既空氣質素太差了, 鮮風不足
不如叫老細幫襯自己, 搞好 D 公司空氣質素啦

比較高興既係今日 Konnie 都間中同我傾 msn
令沉悶既工作時間開心左好多
原來澳洲宜家既物價同香港唔差得太遠
好彩澳元跌左價咋
如果係舊年港幣疲弱去澳洲既話就真係大鑊了

晏晝佢打左卅幾秒電話畀我
話佢出去買野
令我覺得宜家既長途電話費真係平得交關

聽 Alex 講, 佢份 CA 寫得好 hae
但係又可以過到
應該係時候要開始寫架啦
唔係到時真係寫唔切就大鑊了

最遲走, 接近九點起程返歸
聽日朝早要 site inspection
夜晚又要 site inspection
浪費晒 D 時間
無得留響 office 耐 D 同 konnie 傾偈了

今日同 Konnie 通左幾次電話
都算收得清晰
不過間中會有斷開既感覺
唔知係電話問題, 定係網絡問題呢？

拆利是日
扣番黎緊連續兩個星期六既掠奪晚宴
剩番 $180
真係貧窮了

>>February 10, 2009 at 4:26:27 PM GMT+8

2009 年 2 月 8 日 星期日 【晴】

等左 Konnie 電話報平安成晚
（當然, 我有訓覺既）
最後連一個 sms 都無
其實怕佢出左乜事多 D
起身本來就想打畀伯母
但係佢實返左工（0830 做老師又點會未返學呢！）
所以都係遲 D 先搵

結果返工無耐就見佢上網
咁有閒情逸致上網即係一切安好啦
仲聽到「黃黚黚速遞公司」已經寄左佢第一批行李過去
好似好順利咁
連山火都好似影響唔到佢

做野
做到 1900 就返歸
同 Konnie 分段 msn 左陣, 講左唔到四分鐘電話
要幫佢買個 Keyboard 轉 USB 既轉駁插！！
托祺遲 D 返澳洲順便拎畀佢
收左線先記得, 原來我係無祺既電話
上次做乜唔記低呢！！

打日記既時候, 忽然覺得少左樣野做
望下個電話就知
平時每晚都係差唔多呢個時打電話搵佢
宜家電話開黎都無意思
有點失落的感覺

今日係元宵佳節, 本星期六係破不得其財既情人節
仲有好多好多節日, 呢幾年都要一個人過
要失落三年真的不容易
唯有寄望我會忽然開竅努力溫習吧

>>February 9, 2009 at 4:41:19 PM GMT+8

2009 年 2 月 7 日 星期六 【晴】

鬧鐘響就起身
專登較早 D, 因為唔想遲左去 Konnie 屋企
奉命 1130 去到
最後響佢屋企樓下等到 1130 卒之有人開門

入到佢間房
已經變左做佢個妹間房
放左 D 野去佢個電腦袋
到咁上下時間就幫手搬野

book 永盛去長沙灣
搬晒 D 野落街, 車都已經到左
唔覺意問左句：「星期日（速遞公司）會唔會唔開門架？」
先知原來佢地無諗過呢樣野
可能係伯母大著肚既朋友（就係呢間速遞公司既職員）無講過啦
嚇親佢地, 不過打熱線電話去問果個 centre, 職員又話星期日長沙灣店照常營業

要睇地圖既司機去到荔枝角站既長沙灣
只見 DHL 既門市落左閘
人地都明明寫著「星期日及公眾假期休息」
點解熱線電話會話照常營業既呢？！？

最後經過一輪交涉
卒之行左去潤發倉
原來就係上次去伯母學校搵 Konnie, 結果誤行至美孚既中途站
即係由長沙灣站, 望著高爾夫球場直行至接近海皮既位置
果日就係響果度先右轉行至美孚, 再掉頭返深水土步既地方

Konnie 同伯母既朋友入左倉同 DHL 作再一輪既交涉
我同伯母留響 Van 仔等消息
停車場管理員唔畀我地上去, 話 1200 就唔畀人上 DHL 果度落貨
伯母收到電話話會有人車果四大箱貨上停車場, 於是就落貨畀 Van 仔走
原本收費 $50
後來搞左一大輪, 又等左一大輪, 變左收 $90
伯母索性畀 $100

最後有職員駕車落黎
聽到管理員唔畀我地上去, 冷笑左聲
然後同我地講呢個係就係事實
但係咁都唔畀人上去, 要專門搵人駕車落去車我地走
咁做會唔會仲笨實呢？

搞左一輪, 卒之搞掂
鬆一大口氣
唔講唔知原來職員價真係平好多
同埋職員 Quota 真係好少
搞到要聽日問另一個職員借 Quota 先得

坐地車返荃灣
伯母朋友響荔景落車
我地過綠楊食飯
飯後買眼仔畀伯母
然後返去幫伯母裝

等到佢地沐浴完畢
再等到世伯架車黎到
一齊搬行李過機場
響 check-in 果度等 counter 開
不過無幾耐 Konnie 既親戚（總計有十幾人！）陸續黎到
順應佢既意思, 我自行行開

響機場內既書店睇書
去完一間去另一間
無心睇書, 又向南北離境閘口行黎行去
接近 19:00 就收到 Konnie 電話叫我搵佢
餘番佢地一家三口 + Jayson
其它人去左聽《左麟右李》

19:10 祺等 Viva 人仲未趕到
好彩響 konnie 19:15 入閘前飛的黎到
映左幾幅相就目送佢入閘
同伯母 & Kan 等到佢真係入到去就同佢地分別

好傻仔地留響機場
目的只係想陪多 konnie 一陣
雖然無用, 但係感覺好似近 D
同佢 sms, 直至 20:04 佢熄機為止
坐到佢架飛機 20:20 起飛先離開機場

澳洲山火
佢住果頭之前停電, 佢臨熄機前先剛恢復電力
仲有佢晨咁早就去到澳洲, 會唔會無精神？
仲有佢果邊 D 治安又麻麻地
仲有......

我真係好唔捨得

離開時雷拎打黎問我榆林響邊
希望佢用我張會員咭買書順利
坐 E22 返歸
個心仲係唔敢信有個人我會三年內無乜機會面對面見, 但係又會日日夜夜掛著

為左令大家響佢返香港之後都成為專業人士
我要開始努力溫書了

宜家唯一想著既係希望佢平平安安, 順順利利咁過呢三年
然後又平平安安, 順順利利咁返黎

>>February 8, 2009 at 3:52:32 PM GMT+8