2009 年 3 月 17 日 星期二 【晴】

尋日既生活實在太不快
全日戴住個假面具做人, 係全日！！
生活歸生活, 終究不情願
連發夢都要夢到鬥氣場面

儘管理智上覺得唔應該咁傻
但係現實生活我估我都係會有同一個反應. 同一種心情
何苦要為啖氣？
慎之, 慎之

起身返工
今日 office 好翳焗
早上為左老細一句, 我搵例搵左成朝
最後都係無發現, 不過居然無意中畀我搵到另一樣野既答案
有趣

同 Alex 撐檯腳
過左淘大食 YLK
餐牌睇落幾抵
不過加埋一就麻麻地了.....

返公司悠閒左一輪就繼續做野
公司依舊翳焗
但係時間好似過得好快咁
轉眼已經係 1800

不過唔代表我可以放工呢......
最後做到 1945 先返歸

今日 Konnie 唔舒服
仲走埋堂添
人在外地不適, 陰功
計落日子, 我去到佢應該唔會唔舒服
無得照顧佢了

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
是日爛到掘機既對話：

konnie 說:
兇手
konnie 說:
兇手道
Turtle 說:
邊個係嘈醒你既兇手呀!!兇手道!!=.=
konnie 說:
兇手刀
Turtle 說:
.........................
konnie 說:
兇手道的兇手刀係兇手度. 佢去左兇手島跳兇手蹈
Turtle 說:
我諗到一個字.....
konnie 說:
好!
Turtle 說:
都係女字旁....
konnie 說:
好!
Turtle 說:
夭既第二聲
konnie 說:
好!
Turtle 說:
得啦得啦
好啦, 好無?
konnie 說:
好!

>>March 18, 2009 at 4:26:03 PM GMT+8

2009 年 3 月 16 日 星期一 【晴】

尋晚發左個怪怪地既夢
但係醒左又想發埋落去
結果？
0915 先起身-.-

返工
老細今日都無乜精神
搞到全部人都無乜精神

尋日過去炮台山交標
去 Konnie 之前練歌果度附近既大廈
行行下突然見到果幢大廈
奇怪, 明明之前唔會經過架
行過龍了.....
今日又去果度, 無行過龍啦

去完炮台山, 再去灣仔
好驚撞到食完會好滯既客
好彩, 佢唔響度
好麻煩既野仲未搞掂呢.........

坐地車期間撞到 Nic 姐
佢坐得好正, 個樣好正經
好似唔係好適合畀我呢個咁唔正經既人騷擾
所以無叫佢

又響公司樓下食飯, 好悶
返上公司就見到老細
不過佢今次係訓著覺
仲訓左好一陣子
搞到我都好想訓覺......

繼續做野
一做就做到 1930
由於今日食左少少野
所以無尋日餓到成個人軟晒咁嚴重

今日 Konnie send 左佢 GEM 既同學相畀我睇
搵左一輪, 無佢個名既？？
連缺席者果度都搵唔到喎
最後睇相先知佢個名變左做 Connie

除此之外, 佢 send 左佢同伯母既對話畀我睇：

Peggy 說 (下午 10:29):
住沙漠沙漠沙漠..........
konnie 說 (下午 10:31):
正! 沙漠應該有袋鼠跳跳
Peggy 說 (下午 10:31):
好多袋鼠咬死你
konnie 說 (下午 10:33):
仲有袋熊擲死我

=3=

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
74歲AV男優：我可拍到80歲
(明報)3月17日 星期二 05:05

【明報專訊】
74歲的德田重男滿頭白髮，單憑外表，你難以察覺這個和藹可親的祖父級人物，
竟然是日本炙手可熱的當紅AV（成人電影）男優，成為影片商的王牌。
他還笑說：「我不能肯定說將來會怎樣，但我想我可以再拍5年，直到80歲為止。」

拍片15年 作品逾300部

儘管身高只有160厘米，而且捧着大肚腩，但德田不乏捧場客。
他參演AV已有15年，作品多達300多部。德田本來在旅行社有份正職，4年前才退休。
他擁有一個快樂家庭，與結婚45年的妻子育有兩名子女。
他的興趣廣泛，攝影、遠足、唱演歌都在行。
他說﹕
「我總想做一些不一樣的事，做些一般人不會做的事……
　老人有很多空閒時間，我認為他們嘗試不同事物的機會正不斷增加，我希望為他們帶來活力。」

日本人口老化問題嚴重，現時有3000萬65歲或以上人口，AV商捉緊商機，近年大力開拓長者鹹片市場。
業內人士稱，這類片種在過去10年銷量倍增，佔整個鹹片市場20至30％。
隨着主要競爭對手以90歲之齡逝世，德田已成為「長者鹹片之王」。
他的作品常以「噢，真舒服呀……不要因變老而感到羞恥！」以及「性慾是良藥」作招徠。
他最老的對手是72歲的伊藤富士子，兩人合作拍了一系列在溫泉嬉水或在塌塌米上作魚水之歡的影片。
德田的影片中還不乏年齡比他小50多年的年輕AV女優。

瞞妻女操副業 沉默回應質問

德田重男只是藝名，原因是他不想家人知道他「多采多姿」的演藝生活。
他說，妻子曾懷疑他在AV擔演小角色，但始終沒有當面質問他。
「但女兒偷看劇本後大概知道發生什麼事。她問我：『你打算繼續到什麼時候？』我最後保持沉默，結束討論。」

儘管被日本男士奉為神明，但德田在街上鮮有被人截停。
他說﹕「當我仍是打工仔時，有次在等火車期間被一個人盯了兩次……但我想他害羞了，不敢接近我。」
德田說保持最佳狀態的方法是多走動及經常吃蛋和蔬果。
他曾有一段時間經常服食「偉哥」，但在數年前試過心臟病發後，決定不再「依賴藥物」。

法新社

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
引呢段野既原因
其實係因為呢段野由 Konnie send 畀我睇
起初仲以為佢睇完德田既表演之後, 驚為天人封左佢做偶像
哈哈~~~~

>>March 17, 2009 at 3:17:34 PM GMT+8

2009 年 3 月 15 日 星期日 【晴】

好不容易起身返工
全日畀一個好麻煩既要求煩住
實在係無晒辦法
多得 Tracy 幫手
我先可以好番少少

無左大隻佬真係唔方便
交標都要自己趕頭趕命出去
返 office Tracy 問我食唔食左佢個波仔飯
個飯佢上星期五放左入雪櫃
但係今日佢又帶左飯盒
於是同佢一齊響 office 食飯
不過係一路玩著 Farm Town 一路食

今日 Konnie 好早返屋企
問佢先發現一直記錯佢既放學時間
佢問我想睇乜野動物既對賽
原來係安排我既行程
最後揀左賽豬
想想也過癮！

晏晝老細又去開會
除左要處理好麻煩既問題
就係同 Tracy 交換心得
令人煩厭而鬱悶既心情得以舒緩

老細返黎
同佢匯報下進度
佢問我有冇見過女王
梗係有啦
實在好難消化

波仔飯實在唔夠飽
所以返屋企途中好肚餓
唔想浪費金錢買零食
於是袋中既得力素糖存量減少左一半.....

本來放工諗住過爆石山難黎住搵佢尋日話想要既水訓包+
但係臨走佢話唔使
事關未開始凍, 同埋佢睇下果邊有冇其他替代品
搵唔到先再搵

好肚餓
食住家飯易飽 D
滿足
飽暖思床褥

臨訓 send 番 D 畢業相畀郭長洲
原來都映左八十幾張架喎
不過有唔少都同佢畢業無乜關係
諗起大隻佬話我映佢 last day D 相映到佢好 kai
好正常o者, 我就係想發掘人 kai 既一面嘛
哈哈

>>March 16, 2009 at 3:48:58 PM GMT+8

2009 年 3 月 14 日 星期六 【晴】

睇相睇到無晒時間觀念
睇下之前同 Konnie 既相
又睇下去旅行既相
已經無睇 Video, 齋睇完 D 相都睇到傻
訓覺時間係 0400.......

醒既時間係 1200
未訓夠八個鐘, 但係訓唔到
起身時仲諗緊 Konnie 無打畀我喎
一望電腦就見到佢由 0930 叫我叫到 1215
一個鐘都叫一次架

又有新任務
不過呢個任務難 D 實現喎
至少上網睇佢叫我買既產品已經有一隻加強版
不過都要去望望先知

佢 send 左段錄音黎
原來係佢同佢個妹既對話
對話內容講述 Dydie 被獸醫發現過重, 要減肥
好彩我唔會無啦啦咁畀人捉去睇醫生叫減肥....

之後坐左響電腦前發呆
其實無乜野做
想訓, 但係又怕 Konnie 叫我又唔響度
又要叫我幾次我先應佢

食完飯見佢 msn 已經 offline
諗住佢聽日要早返學, 應該訓左覺
諗住恰一恰
點知佢就打電話黎（訓覺都拎著電話響手, 費事 miss call 嘛）
原來佢係避人所以 msn 先 offline
而佢就改用 skype 搵我......

睇左陣電視, 又諗住恰下
佢又打黎, 時間真係剛剛好
今次佢卒之訓覺
聽日咁早起身, 我真係怕佢唔精神

結果成日都無溫書
=3=

>>March 15, 2009 at 4:28:06 PM GMT+8

2009 年 3 月 13 日 星期五 【晴】

尋日又係黑色星期五
不過無乜特別不幸既事發生
今日？
都無喎......

上左陣網就返工
過馬+烈睇野
睇完同 Jack & Woon 食飯
飯後過旺角剪髮

剪完就返歸
Tim 約話今晚食飯
一話唔得閒, 我又病到個人呆呆下咁
都係下星期先啦

返到屋企, 全家人都響度
無耐老爸出去同人聚舊
我陣亡到食飯先畀人嘈醒
食完就上網

畀 Konnie 睇左個新髮型（咪同平時剪完一樣=3=）
又畀佢話肥左
然後掉轉望佢
佢拎左好多支野飲畀我睇
$2 澳元一大支, 都幾抵架

聽日可以全日休息下
但係要溫書！

>>March 14, 2009 at 6:31:16 PM GMT+8

2009 年 3 月 12 日 星期四 【晴】

起身返工
今日早左十五分鐘起身
但係都係同一時間出門口
即係又係遲少少
但係都係早過老細返
又得係 Tracy 響度

1030 前都係得我同 Tracy 兩個
兩條友係咁食可樂糖
食咁多真係會肥死
所以都係塞番包糖去佢個位好 D

老細開完會就返公司
好充實
唔係因為佢響度要扮勤力
係因為真係有好多野做
單係夾野就用左十五分鐘

老細一走就同 Tracy 去食晏
過淘大食
響臨入德福時見到第一阮
不過同 Tracy 講緊野無叫佢

食清湯腩
個湯真係幾清下
不過牛肉味道配搭得好好
唔錯

返公司繼續做野
畀個客媽叉就用左十五分鐘
關我事既我一定應
但係唔關我事既, 你轟我都無用架
你想我點呢？

話番畀老細聽
佢都搞條友唔掂
唉...
麻鬼煩呢

老細走左就自由了
引誘左 Tracy 玩 Farm Town
佢又引誘埋佢男朋友玩埋一份
仲玩到唔捨得放工

除左玩, 仲睇下佢既旅行結婚大計
真係幾平
包埋一系列既行禮 + 攝影錄影
都只係 $43,XXX
請一個屋企人都只係 $4,XXX
返到香港請相熟既親戚食番餐飯就完成
真係唔錯

唔知到時我會點呢？

老細唔響度
卒之搵左狗咬狗骨事件黎睇
明明講既野都係一樣, 嗌乜交？
三傻, 貽笑大方
親者痛仇者快, 可苦？

1815 放工
坐 89X 返 YCO
break 既時候去左宜家買熱狗食
肚餓呢！

練完蟹妹話之後新亞都係練星期五晚
good
橫掂 YCO AG 後就停排
時間剛剛好
不過二重奏既提議被否決
一個人玩 solo？玩我咩！
詳情容後再談

天氣轉涼得好快
晏晝仲係曬到傻
秘書除左褸都仲係好熱
返 YCO 果時就有雨粉
練完真係幾大風
強壯既 Aston 短袖上陣, 真勇敢

又係扒王, 同上星期一樣
食完送一歸家
然後坐 89X 返歸
打畀 Konnie, 無諗過會嘈醒佢
希望佢之後會訓番個好覺啦

>>March 13, 2009 at 5:21:47 PM GMT+8

2009 年 3 月 11 日 星期三 【晴】

起身都係病病地
不過無鼻水, 好好多
朝早就有電話到, 話 firm 到 15 號晚既機位
所以我既悉尼之旅會係 9/4/2009 晚開始, 15/4/2009 晚結束
16 號凌晨五點幾返到香港, 九點半就要返工！

做野既時間過得好慢
唔止我咁講, 連 Tracy 同 Alex 都有呢個感覺
可能係大家個心已經各自飛左去將會去旅行既目的地了
Tracy 仲響 msn 同我講：「做咁耐野, 原來只係過左三個字咋喎.....」
偷懶人士既典範！

晏晝過左淘大食 Great Fun
多得 Sam 既優惠券, $26 可以食飽飯

做野依舊
為左要準時聽超人與作曲系音樂會
竄左出 office 行 site
可以過數交機票錢
仲有時間響灣仔行左陣三聯

搵埋漲一齊行去 APA
去到 concert hall, 居然唔係響果度聽
問旗揮, 其實係響 recital hall 聽
邊度係 recital hall？？？

卒之搵到（原來響三樓）
開始左, 未入得
飛響場內既旗揮手中
兩條茂利都唔想落番地下拎飛
諗住搵 SMC 拎, 但係一個人只可以拎兩張.....

咁蹺見到四個 DB 仔
問佢地有冇多兩張飛
只聽到佢地互問：「乜要拎飛架咩？？」
=.=

點左佢地班友仔落去拎飛
SMC 隨後黎到, 話票務處已經閂左
點算？
聽完一首歌之後, 居然無飛都可以衝入場喎！

聽完
其實好過平時聽既新音樂
有 D 段落我都聽得頗有興味
只係全首都覺得佳作既就......

食飯
13 個人去左酒樓
食左個 $1,480 既餐
埋單 $1,815, 真昂貴
其實平均 $60 一個小菜, 叫十個都只係 $600
加埋茶芥都唔過千
點解要叫餐？？

我地為生意難撈既飲食業作出貢獻！

食完返歸
同老姐討論數學問題
不知不覺就講到一點鐘
但係講既問題可能係小學數學
個人簡單問題複雜化？
定係太耐無計數個人鈍晒呢？

>>March 12, 2009 at 5:32:35 PM GMT+8

2009 年 3 月 10 日 星期二 【晴】

朝早見 Alex 遞紙請假
自己又遞埋一份
Tracy 見到我張假紙請四日
就同我講：「不如你遞埋辭職信啦！」

同佢解釋番我請假既野
9 號只係請下午以後
16 號只係因為未定到回程機票
最後都係未請假
希望唔好有乜意外啦

做做做
工作無怎進展
居然仲病埋
晏晝開始係咁流鼻水
塞滿左半個垃圾桶既紙巾
想想也可怕

就咁 1900 就忍唔住要走了
實在頂唔順自己恰著眼訓, 響個焗鬼死既 office 繼續做野呢~~~

返歸
食完飯再食藥
唔夠 2200 就訓
難得地乖仔
唔想病住去悉尼呢！

>>March 12, 2009 at 5:11:42 PM GMT+8

2009 年 3 月 9 日 星期一 【晴】

有知覺既時候已經坐左起身
望下個鐘
0630？！
發乜神經咁早醒呀！
繼續訓過

再醒都係未到 0830
起身梳洗
返工都無乜遲到
好既開始

今日係大隻佬既 last day
做到氣咳地忙完一個朝早就去食飯
去德福二期既嚐越食飯
響隔離翡翠拉麵小籠包見到花姐同同事食飯
巧合

食完飯返公司
我同 Alex 都無帶鎖匙
隔左一輪樓上既老細 James 先黎到開門
免卻我地兩個苦海孤雛呆等既無奈

下午茶係大隻佬請食既散水餅
所謂散水餅, 即係平時人離職前請同事食既餅
一向都係聽人請食西餅
所以大隻佬買左個兩磅既藍莓芝士蛋糕返黎既時候, 大家都有 D 驚

尋日 Tracy 又係買左呢間野既芝士蛋糕返黎
尋日我又係揀左呢款食
又重複！
呢幾日都係咁重複食野
星期六日既乞, 今日既芝士蛋糕
希望黎緊唔會咁多重複既野食啦

食完繼續做野
Konnie 今日晏左返屋企（咁佢晏左落堂嘛！）
返到去仲得閒同我講左陣 msn
之後就話要訓覺, 要我一個鐘後叫醒佢
一個鐘後打畀佢, 原來佢都無訓過=.=

做到老細都走左
做到大組都玩完
做到做完今日既野就走
同 Alex 一齊散水
至於 Sam, 我 18XX 打畀佢佢已經話唔返公司啦喎.....

過沙田食解穢酒
又解穢, 陰功
估唔到今年既次序會係咁
無輪出場次序同排位都係畀雙沙夾著
無去現場睇, 真可惜

由於大夥兒都係打邊邊既關係
食慾不振, 好快就停左手
次次食完腸胃都唔好嘛
直到大夥兒飲飽食醉艦長, 汪汪, 靚仔同新任靚仔先黎到
原來係畀 David Fu 捉左去麗豪飲野

同佢地食小菜
大夥兒圍著吹水
大家都對仔仔買既假電槍好有興趣
不停輪著玩完又玩

原來宜家已經無人教阮
之前肥婆無教有叫我幫佢手
及後聽聞班o靚仔已經自行搵左人教, 咁就無左件事
始終都係舊生有心 D
儘管唔係響 DB 學, 但係響呢個曾經帶畀我生活原動力既地方, 回饋係需要的......

音樂節仲有咁多日
希望大家少 D 謾罵, 多 D 得著啦

>>March 10, 2009 at 5:38:14 PM GMT+8

2009 年 3 月 8 日 星期日 【晴】

返工
Sam 晨早打黎搵我
話佢會過馬+烈
點知成日都唔見左人
只係見到佢係咁出 email

做野
做極都仲有野
做下又有多 D
好似聚寶盆咁

Konnie 放左學好早就返到屋企
同佢講講下 msn 佢突然唔應我
起初都以為佢去左溫書 / 沖涼 / 訓覺 / 煮飯
結果隔左一排佢卒之出現番先同我講
原來佢果邊停電
又會咁化學既！

Tracy 買芝士蛋糕返黎請大家食
食左個藍莓, 好滿足
如果唔使邊做邊食既會更滿足
至於 Tracy, 佢直頭食完一舊已經飽到滯晒咁

Alex 同 Tracy 陸續走左
Sam 成日都唔見人
等到老細出左去食晚飯我先行動
將之前既成功映低畀人評分
成績都唔錯呀
^^

急急腳較腳
最後老細返左黎先閃得
返歸食飯
很好

>>March 9, 2009 at 4:27:48 PM GMT+8