2009 年 4 月 20 日 星期一 【晴】

今日係 D day
返工
做野

Konnie 唔開心
仲走堂響屋企喊
乜都做唔到
希望 Konnie 自己快 D 諗得通

淦權話晏晝得閒
搬左黎咁耐都無搵過小淦權食飯
今日卒之係第一次
很好
一齊去食小籠包
食左個幾鐘先返公司

一做做到凌晨 0415
John 車我返 Alex 走
去到停車場就放低我
卒之完結左好辛苦既一日

>>April 23, 2009 at 9:40:04 AM GMT+8

2009 年 4 月 19 日 星期日 【晴】

好唔情願地起身
因為知道今日有大把野要做
好無動力返工
但係又好準時返工喎

返到去見到 Tracy
今日卒之宣告辭職
嚇到 Sam 係咁問 Tracy 點解
食著飯都係咁問

上晝臨食飯突然醒起今日有 site visit
仲要係 10:00 開始
打去問職員拎圖, 人地居然話安排下晝畀我睇
仲要係時間任擇
唔通真係無人去？

食完飯 Alex 返埋黎
Tracy 再講多次下個月就走
引起大家再次討論公司既風水問題
所謂風水, 其實即係工作環境, 工作量及壓力

講多陣就要出去
今次要去 "羅便臣廣場"
遙遠既半山區, 身為窮等人家直頭未去過
一開頭真係有 D 想落地車就打的
不過由於人窮既關係, 最後坐 23A 上去

落車唔識路行
好彩早有準備, 印晒地圖先起行
時間剛剛好
準時 1600 去到
逛左人地個健身房 + 運動中心一個圈就走
去埋睇人地既男女廁都只係用左半個鐘

用三個鐘來回既時間
去做一個半個鐘既 site visit
真係浪費時間
送畀我都唔住半山, 賣鬼左算數

唔好畀半山呢個名詞呃
咪以為住得半山一定富貴
半山有唔少同旺角差唔多歷史既舊樓
係保養好少少（真係得少少）之嘛
不過唔包括我去 site visit 果度......

返到公司, 繼續做野
是日有三個人黎 interview, 一個甩底
其中一個女仔幾靚女架
Alex 同 Sam 都識得得呢個女仔（見過面, 唔熟果種）

老細見完就話唔適合響度做
梗係啦, 響度做咁辛苦
呢種成績優異, 又享受左政府 & 大機構咁耐既女仔好難適應
全間公司既四個雄性動物都好同意呢點
不過唔係性別歧視, 只係無謂浪費人地時間前途

要將 4000 字既野濃縮為 1000 字
做 assignment 做 FYP 都做唔少
但係果 D 講緊既工作時限係以星期計
結果我做到 23:45 先離開公司
Alex 早我一個字走
老細等埋我份野先返歸

無人鍾意 OT
但係當你真係做唔晒 D 野
而你老細又肯留響度等你做埋份野先走（當然, 老細都有野做）
又肯教你點做（儘管只係方向）
OT 得黎條氣係順好多既

但係當我預計到聽日都係要咁遲走的話
咁我應該點諗呢？

>>April 20, 2009 at 6:37:01 PM GMT+8

2009 年 4 月 18 日 星期六 【晴】

0300 訓
1100 起身
訓左八個鐘
但係成日都好似無乜精神咁
真係揮霍青春

整日都無乜特別野做左出黎
無練琴, 無溫書
打日記又打得少少（唔係 Konnie 督促都懶得打）
最重要既都只係過相同執電腦
真係好花時間

對唔住, 我係懶

之前同 Konnie （仲響香港果陣）去唱 K
仲用相機拍左段片
之後無啦啦發現壞左
今日最大既成就係可以整得番好, 可以睇得番
很高興

Jasper 仔今日卒之走左
聞得原來貓仔既離開疑似有內幕
有 D 心翳
其實大家都係一家人, 點解要咁呢

浪費了一日
揮霍得很過份
尤其是雙數華盛頓已經打左黎恐嚇我果班小朋友已經練左好耐
同埋已經練到好似機械人咁厲害
到時最好唔使出醜啦~~~

Showhappy 仲係有唔少問題
實在好唔方便
好有趕客既感覺
儘管我只係享用免費既服務
但係響呢個周街都有 blog 既社會
要加把勁先可以免於被淘汰
你話我無畀錢都係咁架啦！

>>April 19, 2009 at 2:23:16 PM GMT+8

2009 年 4 月 17 日 星期五 【晴】

晨早起身諗住返工
結果醒起要開電腦 check 有冇 file reference
搜索失敗之餘, 順手開其他野睇
結果睇左成粒鐘先出門口
=3=

返到公司一個人都無
又係時候要做野
想起今日又無去個 seminar, 又無左 $120
真係肉痛
鬼叫要做野咩！

Konnie 話幫我打左日記
原來係幫我打左澳洲之旅去過既地方
內容包括地點, 時間（睇相斷估掛）, 活動同感想
不過全部活動既感想都係好開心, 會唔會行左少少？

改完幅圖, 然後鬆人
今次旅程有一日用鬼晒 D 電, 搞到要用 Konnie 部機映相
由於我用唔慣, 所以減低左好多映相既意欲
為免同類事情再度發生（不過響香港有幾何會映到唔夠電呢.......）
決定走去尖咀買粒原廠叉電

有少少雨
去到諗住話原本舊電脹左好多, 睇下會唔會換過粒叉電畀我
結果職員話舊舊電都會脹, 仲搵左幾舊脹左既叉電畀我睇
點睇都無咁脹喎！
不過聽到職員話保養唔包電同叉座, 咁我都無聲出啦！

落十樓買叉電
之前都有另一舊電, 不過係代用電
係果時買機時既贈品
順便試下其他機, 真係唔錯
搞到我又有少少想換....

最後都係問職員買電
一舊承惠 $300
好貴
聽到我到打左個突
不過最後都係畀錢買

買完 Konnie 打黎
原來頭先走無講低我去買電
行左去商務睇左陣書
邊行邊同 konnie 講電話
無折, 所以好快就走

宜家 showhappy 有 D 麻煩
有時 upload 唔到日記
有時打個別字會顯示唔到
我 07/04/2009 同 08/04/2009 兩日既日記又無啦啦唔見左
都唔知幾時先好得番

老姐話我返黎果朝覺得我瘦左
有 D 咁既事？！
自我陶醉左陣先回復正常
哈哈

夜晚不斷 send 相畀 konnie
同埋不斷被催打日記
=3=
直至 0300 我真係好眼訓先同 konnie 講拜拜

>>April 19, 2009 at 9:58:42 AM GMT+8

2009 年 4 月 16 日 星期四 【晴】

放假後第二日返工
簡直唔信 Konnie 仲響澳洲
亦唔信 Konnie 唔響香港
感覺就好似係坐車過荃灣搵完 Konnie
然後返屋企咁

兩個月咋
仲有排等
:(

返工好似無乜野做咁
但係呢 D 只係錯覺
隨著老細返到公司, 惡夢隨即到臨

手信方面
尋日秘書姐姐無返
加上 Sam 感冒
所以無人食
至於今日, 亦長期維持無人食既狀態
直至 20:00 開始有人覺得肚餓
搶先出閘既係樹熊朱古力

唔使畀 Konnie 話我 D 手信無人吼
衰過畀人話！
不過秘書姐姐問我 D 手信其實係咪響香港買喎
有樹熊樣架！！！！

聽 Konnie 講
原來我呢次去, 其實兜左好多路
如果係自己?車的話, 交通時間可以少好多
估都估係既
但係差成半個鐘有多喎, 真係幾誇張

可惜 Konnie 出年二月先考得車
原因係未夠 25 歲, 要坐 "車牌監" 一年
所以至少要下一次我過去 Konnie 先得機會開車畀我坐
仲要係路試合格先得
兩個星期學一次, 查實都幾疏下

明明應該好忙
但係又好有時間 msn
梗係啦
今晚個 Seminar 已經犧牲左啦嘛！
潑左出去既一舊水就收唔番了.......

Jasper 仔星期日就畀人拎走
同呢隻貓仔過左一個星期
儘管會屙爛屎, 同埋要人幫手 "聞" (音 man2) 屎
又或者經常響人地上 / 落樓梯時搶先走去人地前面埋伏或阻人前進
又或者成日叫人餵同玩................
但係好唔捨得 :

Konnie group 埋左呢幾日我地拍既片放埋一個 file
然後 send 畀我
35MB, 總計 55 分鐘
卒之響 22:13 傳送完畢

Konnie 前晚開左 D 相畀表妹睇
表妹呆左, 真係呆左, 跟住就怪叫
要我估睇左乜相表妹會咁？
仲有邊 D 呀
咪就係我以前好瘦既相咯！
重點係, 果d其實係已經稍為發福既相...........

由於 Alex 聽日同屋企人過大海關係
所以仲遲走過我
我返到屋企已經係 2300 了.....

>>April 19, 2009 at 5:18:31 AM GMT+8

2009 年 4 月 15 日 星期三 【晴】

經常被 BB 及空姐嘈醒
BB 都還好 D
空姐真係無符
人地份工係要為你服務
只不過係要響 0300 提供早懋|唔會有 D 無謂？
減機票價錢好過啦！

0511 落機, 好早
但係等行李等左一大輪
等車又等左一大輪
返到牛池灣已經係 0705

一落機就打畀 Konnie
叫我 check email
打的回家後就開電腦
真衰, 人地一陣要返工架嘛
搞到人眼濕濕做乜喎

結果八點幾先走去訓
只係恰左半個鐘
起身換衫返工
天氣真係熱好多

訓訓下收到 sms
萬能秘書 Tracy？？
內容係話她發燒所以要請假
點解咁架...........
最重要既係............點解要 send 畀我？

響悉尼可以著短袖衫度日
返工都係著恤衫穩陣
不過真係熱到甩肺呢~~~

返到屋企就見大佬未返工
隔左陣就見到老姐起左身
返工既時候仲見到老爸老媽子剛返到樓下
分批讓他們知道我已經好順利返左香港
無畀澳元 300 元正引誘

唔算忙既時間只係維持至老細返到公司
跟著就未忙完呢樣就要忙果樣
無乜休息過
淨係響度睇睇下淨係響度睇睇下 sample 時恰下眼訓

同 Sam 過淘大食晏
起初去完洗手間就唔見左 Sam
行到落樓下先撞到番
公司又有個病人, 頭先老細出去食飯果陣仲訓左陣
唔通公司再次爆發疫症？

飯後繼續做做做
好彩 Konnie 得閒就同我講下野調解下我既無聊情緒
好唔捨得悉尼
好唔捨得放假
不過更唔捨得 Konnie.......

做到唔記得拎手信出黎
直至 1900 老細走左先拎出黎
唔齊人, 加上有病人
所以都係等聽日先開黎食

早少少收工 (20:00 左右)
返屋企一家人食飯
咁耐無同屋企人食飯
梗唔會唔一齊食既

食左 hae 左好耐
卒之打日記
過番 09/04/2009 響手話篤既日記
成日都見到有怪獸字
最後我要將 D 字換晒做其他字先搞得掂

聽晚聽 seminar
畀左錢, 千祈唔好 OT 到天昏地暗咁敗家呀！

>>April 16, 2009 at 5:25:48 PM GMT+8

2009 年 4 月 10 日 星期五 【陰】

第一站
地點: Pacific Square巴士站, Maroubra
時間: 0800
活動: 出city
感想: 好開心

第二站
地點: Circular Quay
時間: 0845
活動: 坐船仔
感想: 好開心


第三站
地點: Taronga Zoo, Mosman
時間: 0900
活動: 睇 Afircan Lion, Asian Elephant, Australian Birds, Bats, Binturong, Bongo, Chimpanzee,
Crocodile, Fennec Fox, Giraffe, Gorilla, Kangaroo, Leopard Seal, Meerkat, Orong-utan, Otter,
Pygmy Hippopotamus, Platypus, Red Panda, Reptiles, Frogs, Spider Monkey, Silvery Gibbon,
Snow Leopard, Tasmanian Devil, Tiger, Tree Kangaroo, Wombat Hide, Wombat Burrow, Zebra,
Wollomi Pine, Rainforest Aviary, Koala, Gorilla poo, Penguin, Alligator, Snake Head Turtle etc.
感想: 好開心

第四站
地點: The Rocks Discovery Museum, The Rocks
時間: 1630
活動: 認識澳洲歷史, 玩電腦遊戲
感想: 好開心


第五站
地點: Sydney Harbour Bridge 底, Ives Steps Wharf
時間: 1730
活動: 睇風景
感想: 好開心

第六站
地點: Grand Hyatt
時間: 1800
活動: 坐門口出面休息
感想: 好開心

第七站
地點: Circular Quay巴士站
時間: 1800
活動: 歸家
感想: 好開心

第八站
地點: Fish Marker Pacific Square, Maroubra
時間: 1900
活動: 買Fish and Chips同白灼蝦
感想: 好開心

第九站
地點: Coles, Maroubra
時間: 1915
活動: 買提, 貓糧
感想: 好開心

第十站
地點: 家
時間: 1930
活動: 食. 訓.
感想: 好味道
----------------------------------------------------------------------------------------------------------------------------
記者: 黃灝賢

>>April 18, 2009 at 5:58:33 AM GMT+8

2009 年 4 月 9 日 星期四 【晴】

Good Friday - Sydney難得一遇的公眾假期[1]
---------------------------------------------------------------------------------------------------------------------------
落機. 鴨腎成為歷史.
行左成粒鐘都無人接機! 大鑊!

第一站
地點: Pacific Square, Maroubra
時間: 0800
活動: 訓覺及派發物資
感想: 好開心

第二站
地點: Central
時間: 1430
活動: 遇見朱哥波
感想: 好開心

第三站
地點: Market City, Haymarket
時間: 1435
活動: 參觀超級市場
感想: 好開心

第四站
地點: National Maritime Musuem, Darling Harbour
時間: 1345
活動: 館外拍照
感想: 好開心

第五站
地點: Star City, Pyrmont
時間: 1625
活動: 領取免費飲品乙杯
感想: 好開心

第六站
地點: Pyrmont Bay -> Circular Quay
時間: 1710
活動: 遊船河
感想: 好開心

第七站
地點: 悉尼歌劇院外圍
時間: 1815
活動: 搵廁所
感想: 好開心

第八站
地點: Circular Quay Station -> Town Hall Station
時間: 1835
活動: 遊火車河
感想: 好開心

第九站
地點: Chat Thai, City of Sydney
時間: 1910
活動: 晚飯
感想: 好開心

第十站
地點: Easy Way, City of Sydney
時間: 2030
活動: 飯後甜品
感想: 好開心

第十一站
地點: The Mirimar Apartments, City of Sydney
時間: 2045
活動: 參觀$85一星期的梳化床位
感想: 好開心

第十一站
地點: Pacific Square, Maroubra
時間: 2230
活動: 窗戶塗鴉, 沐浴更衣, 睇人準備翌日午飯, 睡覺, 被yang落床
感想: 好開心
----------------------------------------------------------------------------------------------------------------------------
記者: 黃灝賢

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日係好星期五 (Good Friday)
真的很好
因為卒之可以去悉尼搵 Konnie
打從 08/02/2009 之後都好唔開心
宜家可以畀我同 Konnie 一齊咁多日, 好高興

無乜點訓
因為 Konnie 話到明今日第一站係屋企
做既第一樣野係：訓覺
原因係我 0615 就到機場, Konnie 要晨咁早起身 / 唔訓去接我
理由十分充份

響香港時間 0238 食早點
真係咁大個仔未試過
不如國泰唔提供呢個早得滯提供既服務
折現回贈畀顧客仲好啦

落機, 過海關
關員話鴨腎唔可以入境
所以一大包價值港幣 $120 既鴨腎就長眠於垃圾桶內
心痛, 肉赤
真金白銀買番黎既野食, 用左地球咁多資源
明明無事無幹, 就係因為呢個國家既入境標準
眼白白望著全無問題既野食就畀人掉左
好折墮！！！！

出左接機大堂
由於 Konnie 話唔會企響度等我
所以周圍行黎行去
睇下會唔會發現一個坐響度唔理人既 Konnie
行左好多個轉, 係見到有人坐響度唔似等接機, 但係唔係 Konnie
好彩悉尼機場無香港果個咁大, 否則要行幾個轉仲辛苦

不過都好足夠, 因為拖住架行動不便既行李車
穿梭周旋於愈來愈多既接機 + 落機人士
仲要四圍望下 Konnie 有否出現
真係明明天氣清涼到搞到成身汗

臨上機前 Konnie 畀左個手提電話號碼畀我
唔見人, 自然諗住打電話問 Konnie 既位置
但係一來怕她其實坐響附近, 浪費我倆既電話費
二來無碎銀, 今次百年果邊又畀晒 $50 同 $100 呢 D 大紙（即係好似香港$500, $1000）畀我

行左第五轉都無發現, 卒之走去問便利店唱錢
職員要我買野先畀我唱錢, 呢個我理解
但係貨架上所有既貨都無價錢牌, 又無 D 我有興趣 / 缺乏既野
我又點知點先可以用最低成本去令我有錢打電話呢！

卒之畀我等到 Konnie
果陣已經係 0715
足足行左成個鐘無停過
Konnie 遲左黎既理由好簡單, 就係睇錯左巴士時間表
將下午既班次睇成上午既班次
所以今日就等左好耐車先上車, 於是遲到！

話畀 Konnie 聽鴨腎已經離我而去
只聽到她說："係呀！我尋日先醒起好似唔入得境, 不過你都上左飛機了...."
................
等我前日仲專登去火車站拎個客既野, 目的只係因為火車站有得賣鴨腎
仲要買左兩大包（好彩只係拎左一包過黎）

坐 Route 400 返屋企
個站搬左, 所以搵左陣先畀我搵到個臨時站去左邊
響車上面 Konnie 拎左個 file 出黎溫習
好勤力
不過溫溫下就放棄, 改為同我傾偈

返到屋企
由於之前 Konnie 將屋企附近既環境都映晒相, 所以好似好熟悉
環境真係一流
好有酒店既質素, 但係又有家既感覺

入到屋, 表妹們（共二人）仲未醒
放低晒 D 野, 拎晒 D 補給物資出黎
其實加埋都唔係好多野, 無論重量同體積都唔係多
但係響我心入面既份量就好重
因為係 Konnie 叫我帶過去補給嘛
數下先：
1. 出街用既袋兩個（大小各一, 按客戶要求, 係旺中貨色）
2. 指甲油 x 14（不同顏色連洗甲水, 全部都係我響德福莎莎團團轉後既戰利品）
3. 威化餅 x 2, 麥芽糖餅 x 2, 魚手指 x 2, 袋裝好立克 x 1, 洗手液 x 1, 川貝枇杷膏 x 1（佳佳貨品）　
4. XL 墨盒兩盒（放工響公司附近買）
5. 瓷碗, 瓷匙, 不銹鋼杯誚U一（就收工既彩雲商場十蚊店貨色）
6. 超靜掛牆鐘（其實都嘈, 唔滴滴答答咁解, 黃大仙中心文具店貨色）
7. 被丟棄的鴨腎（紅磡火車站優之涼粉貨品）
8. 0060 電話（拎黎畀 Konnie 轉交畀祺, 可以不理）

都唔算好多 o者！
附送假花一支, 係今年情人節響旺角街頭派既禮物
Konnie 荃灣家中既乾花都畀 dydie 咬爛晒, 宜家畀 Konnie 慢慢儲
如果 dydie 連假花都咬既, 就拎甩隻曳貓個頭！

著住件長袖衫, 拖著行李同 Konnie 隻手行左咁耐
好熱
所以要換衫
然後做正經事, 就係..................訓覺！！
Konnie 間房真係好大, 可以放兩張雙人床都仲有大把位
Zzzzz.......

訓到 1330 先起身
卒之可以正式參觀下間屋
同埋聽個名就聽得耐, 宜家先係正式見面既 Jasper 仔
Jasper 左右兩邊身都有個好似箭靶既紋（仲有個圓心！）
最搞笑係 Jasper 食完野, 身上面就被食物撐脹

約好朱哥哥就出門口
時間已經差唔多到 1400
Konnie 幫我買左張一個星期任搭既票
呢張票可以坐巴士, 火車, 地車, 船等等既交通工具
價錢差唔多係港幣 $200
幾抵架

1420 就到 Central
等左陣朱哥哥就到
一齊行呢頭既地方
首站係 Haymarket
參觀既係超級市場
朱哥哥話呢度有上百種唔同既香料, 真係屈機架
最勁既係發現楊協成都有出蔴油
乜唔係賣野飲架咩？？

響 Central 呢度有單軌列車可以坐
畀人舒舒服服坐響車內參觀全個市中心
不過我唔想咁懶, 行下好 D
所以無諗過坐

穿過中國花園
卒之行到 Darling Harbour
今日係復活節假既首日
有馬戲表演
見到 D 鋼纜繫著上方既大橋, 條橋真係辛苦
上面有車壓, 下面又有人猛咁扯條橋

見到一個遊客資訊中心
不過因為假期關係休息
人地就係放假先得閒行去果度
呢個中心又放假
咁到底呢個中心有乜野做？

好大既海港
仲行過 National Maritime Musuem, 不過無行入去
原因係博物館就收工
本來仲想上泊響隔離既幾艘船
但係 D 船響 1610 就收工
時間零丁得奇怪

繼續行程
步行至 Star City
今朝響 Konnie 檯面都見到有呢間野既宣傳單張
呢間其實係賭場
Konnie 有呢間野宣傳單張既原因係因為上次同祺黎既時候入左會做會員（免費入會）
做會員既原因係因為每個會員可以有三杯免費野飲
而此行既目的正正係為左一人一杯免費野飲, 以及去洗手間
朱哥哥仲被 Konnie 引誘, 順手做埋會員

入會好呀
朱哥哥住響附近, 平時又會響附近跑步
得閒就可以跑過黎呃野飲
不過朱哥哥都跑得幾落力
跑步都係以公里為單位
=.=

休整完畢
去博物館隔離, 頭先經過既碼頭（Pyrmont Bay）
坐左一陣, 食左朱哥哥請既澳洲 Extra, 甜得很
三個人又各自拎手頭上既飛睇
真係有好多款唔同形式既車票

無耐就有船
船名係 "亞歷山德拉"（Alexandra）
Konnie 黎左咁耐, 都係第一次坐呢 D 船行呢程路
梗係啦, 黎左咁耐都無乜走出屋企附近行下

坐船經過 Sydney Harbour Bridge
見到有好多人響上面行
呢條行車橋有 Guide tour 畀人參觀
但係要港幣成千蚊
走上去畀條穿窿橋嚇, 仲要咁貴
我就真係唔會咁慷慨

落船先畀錢
咁就到左 Circular Quay
Quay 呢個字音 "key"
呢度都算係交通樞紐, 有碼頭, 又有火車站
之後幾日都成日經過

沿著港旁行去悉尼歌劇院
之前祺響呢度買左筆做紀念品, 但係走既時候唔記得拎
Konnie 話幫祺問下
我同朱哥哥都話無可能會留成兩個星期咁耐
結果我地全部跌晒眼鏡
真係留左咁耐, 順手響果度買左幾支筆
筆上既花紋係當地土著常用既圖案, 顏色都好靚

去歌劇院, 今日係假期無開
但係我地都無心參觀
因為個個都人有三急
周圍搵廁所, 不過都因為假期關係閂晒門
最後要折返火車站既洗手間解決

聽聞朱哥哥話歌劇院夜晚春色無邊
試過夜晚跑過黎呢頭附近
天黑黑, 男女情慾高漲起上黎就......
唔知係咪又因為假期關係 D 情侶都休息埋一份呢？

去完洗手間, 坐火車過 Town Hall Station 搵野食！
大家都開始肚餓
朱哥哥話有間泰國野（Chat Thai）幾好食
響大家都無乜意見既情況下, 就去左門口等位
等左好一陣子先有位, 等既期間仲忍唔住食左幾包芝士波及條

聽朱哥哥同 Konnie 講
響澳洲食飯, 最大既特色係可以食到各國既食物
而且質素都幾地道
事關各國都有咁上下既居民響度生活, 地道都可以有市場
唔使好似香港咁, 所有既食物都要迎合香港人口味, 變到不倫不類
不過我又唔太信會非常地道, 因為朱哥哥響果邊都食過好難食既燒味
燒味好難會難食架喎......

叫左三個菜 Share
一個泰式炒飯, 一個肉鬆, 以及一個咖喱
三個菜都有少少辣
由於我都食得少少辣, 所以覺得唔錯
不過大家就要勤 D 飲水了
食得好開心, 不過食到咁上下先記得要加白飯

食完飲野
儘管星巴克響市中心都有幾間分店
但係就唔及 Easy Way 呢間賣台式珍珠奶茶既普及
呢間野就好似香港既 7-11 咁普及
至少我行行下就會見到一間分店
一人一杯, 甜左少少

邊飲野邊行去參觀朱哥哥既住處－－美麗華公寓
比起 Konnie 住果度細好多
而朱哥哥只係租左個床位, 一張書檯同埋衣櫃
響間屋既露台閒坐
好懷疑露台既落地玻璃係僭建物, 所以好驚成日挨著既朱哥哥會跌落街

坐左一陣, 參觀左朱哥哥間房
以及每星期租 $85 既一個梳化床位
朱哥哥同我地行落樓下既 Gym 參觀
有個泳池, 不過池邊好近門口及牆身
好有跌落去既危險
同埋果度既路都幾複雜下
一個唔好彩, 真係會蕩失路
聽講之前試過有人被鎖於走火樓梯

同朱哥哥話別後就起程返歸
Konnie 同兩個表妹響間房既窗戶塗鴉, 以博隔離左右一笑
再同 Jasper 映左陣相
再睇著 Konnie 整聽日既午嚏]螺絲粉 + 粟米 + 罐頭吞拿魚, 另有提子作生果）
之後就沖涼訓覺

>>May 1, 2009 at 6:25:31 AM GMT+8

2009 年 4 月 8 日 星期三 【晴】

宜家係香港時間2203
打番今日日記先
朝早都係如常返工
上至老細, 中至同事, 下至秘書
個個都以為我今日唔會返工
唔通無人想我開工？

無理由架
我仲有咁多野未做完
同事們唔似會有興趣執我手尾呀！

忙左成朝
真係好忙, 嚴重到我要不斷望鐘
但求我唔會因為太忙而 OT

最後1230就離開公司
不過唔係因為放工
而係因為要過黃大仙交野
好驚條友已經走左去食飯
好彩無意外發生

返歸
買左個飯團食
屋企一個人都無
孤家寡人呢！

估都估唔到我返屋企會做乜
就係練阮！！！
十世無練過
隻歌其實無乜難度, 係快之嘛
弊就弊在我宜家快唔起呢

彈彈下發現中間果頁（共三頁）特別高音
全段都響三四把下面
仔細研究, 卒之明白原因何在
就係頭尾兩頁都係中阮譜
中間果頁偏偏係小阮
玲玲姐執錯譜喎！

打畀雙數華盛頓
不過今次都無晒辦法
事關淨係得任老師同玲玲姐有譜
唯有請睇下任老師有冇啦

ICU 又打黎
話又要入多一封信
玩野乎？
打畀Tracy求救
同時幫手增加身為忙到震秘書既工作量
哈哈哈

Konnie打黎
問我執好野未
仲話宜家短袖衫加褸都得
個行李箱登時唔同晒！

沐浴更衣
再同konnie傾左陣
卒之捨得出門口
比原定遲左半個鐘

去到巴士站已經 1645
唔知會唔會上唔切機呢？
擔心

坐到黃大仙隔離坐左個空姐
睇制服應該係國泰
不過奇怪既係
明明空姐 D 頭髮仲短過Konnie
點解我咁都會望唔到樣？

去到機場只係1745
匆匆check in
櫃位既空姐好熟口面
望下櫃位上既名牌
鍾沛枝 GiGi
咪係某年既港姐參賽者？

仲有十數分鐘先上機
周圍行左陣
臨上機send左個sms畀眾人
卒之上機
實在唔敢想像！
正正式式返工後第一次旅行(唔計DB湊仔團)
同埋有Konnie一齊旅行(儘管唔算旅行, 因為 konnie 宜家響度讀書)
期待今次既旅程

睇完一齣又一齣戲
先係我們的大鑊假期
後有Back to the future
很好
唯一唔好係篤左成粒鐘有多先篤完日記！
宜家係香港時間2314！！

太無聊
又睇戲
今次係算死草

再一次忍不住
今次係無痛失戀

一晚睇左四齣戲
真係痴線的！！

－－－－－－－－－－－－－－－－－－－－－－－－－－－－－－－－－－－－－－－－－－－－
白痴 PDA 手機迫人地用 docx
一唔用 docx 就會亂咁改人地 D 字
好過份

>>April 16, 2009 at 4:58:43 PM GMT+8

2009 年 4 月 7 日 星期二 【晴】

真係好期待去旅行
尋晚發夢都夢到自己去旅行
日有所思, 夜有所夢！

出門口既時候見到老爸老媽架保姆車
仲同佢地打招呼
不過老爸隨即就話：「乜你宜家先出門口返工既？」
乜野o者！0925 之嘛！
^ ^ "

返工
做野
好充實
不過都仲有時間上下網玩下

由於長期唔記得叫老媽子開支票
而我返到香港之後無耐就有 seminar
所以委託左 Tracy 幫我開票
真感激
不過我都即場科款架！

Konnie 叫我買個掛牆鐘畀佢
=.=
乜澳洲真係咁荒蕪架咩?
同埋, 今日唔經日本城喎......

同佢睇左陣賣家具既網站
查實都幾貴
話就話 AUS$99 一張檯
圍起黎都五百幾蚊港紙
我屋企張桂一定無咁貴（因為用左太耐, 都唔知價錢）

食飯
Sam 由於要趕去開會
等左陣位就要走
同 Alex, Tracy 行去之前叫過下午茶既舖頭
間野響後面貨倉都做埋舖面既一部份
望著 D 大大罐既食材
又諗起 Restaurant Town 了
=.=

食完返公司
有人黎 in COW
但係老細未返
要人等真係唔太好
話就話到時佢可能係你老細o者
就算係老細, 都唔應該浪費其他人既時間嘛

in 完人老細就叫我 prepare 幾封信
然後殺上 Housing 改圖
都唔知改乜就叫我上去
真有趣

上到去, 打左成十分鐘電話都無人聽
又話要 1745 收工
我 1730 就去到啦
見到佢, 佢講左一輪野去令自己理解番發生左乜事
呢 D 野唔使我響度架喎

搞左一輪, 佢好似諗到 D 野
逕自走左去搵佢老細傾
眼見佢一個又一個同事放工
我都好想走....

卒之完成任務
順便去優之涼粉搵鴨腎, 賣晒？！
打去搵另一個客
過紅磡火車站搵佢
收左疊文件就完成

同樣順便去優之涼粉搵鴨腎
搵到, 不過 $240 兩包, 貴
同埋 Konnie 嚇我如果唔入得境, 澳洲海關就會掉左 D 野食
搞到我好唔想買......
邊有人會買野預畀人掉架！！！

差 D 唔記得去萬寧買得力素
好好食架
Tracy 都周不身要我請幾粒佢補充體力
尤其響肚餓時特別有效（不過要啪多幾粒先得）

過石硤尾
今次係幫褀拎 0060 電話
小長頸鹿搵左佢爸爸拎去地車站畀我
居然點得郁世伯, 世伯真係好人
換著我老爸, 唔使諗都知無可能

到底點解小長頸鹿會咁肯定世伯會認得我, 而我又會認得佢呢？？

返歸食飯
早左
可以同屋企人一齊食飯, 真好
出發前最後一餐

聽日晏晝返黎又無人
直至我出門口去機場
連食晏都要食自己
差勁

臨訓醒起自己唔記得買掛牆鐘
聽日要記著買先得！
同埋要拎走我之前買畀 Konnie, 但係放響公司寄存既野
唔係我都唔知會放到幾時先畀得番佢
仲有係電話叉電
儘管過到去我唔會用電話, 但係仲要用黎睇書同埋響無電腦之下寫日記嘛！

無練琴
將尋晚執左出黎, 但係未收拾好既行李收拾好
準備出發

>>May 23, 2009 at 6:52:31 AM GMT+8