2006 年 4 月 30 日 星期日 【晴】

我覺得媽媽真係太唔重視我既ALevel la......
或者可能係因為佢相信我已經盡左努力

佢差唔多隔兩日就打黎問我
去北京果度點
去hotel返暑期工果邊又準備成點
旅行又搞成點
電腦壞左幾時可以叫人上黎整.
.
.
.

我想集中d溫埋依幾日....


btw，依輪唔夠訓，又就m到，搞到脾氣都好差
我知我依輪成日發脾氣.........對唔住
對唔住Nik, Kitty, mami
你地好叻呀~~~忍左我咁多日都未鬧我
謝謝你地



努力讀埋依幾日！
為下年ALevel鋪路
下年我要：
中_______E
英_______C
數_______B
物_______C
通_______C
apply_____C
-----------
________13

我今年考完ALevel，休息一個月，6月頭就會開始溫返書
支持我既決定！

>>April 30, 2006 at 4:11:19 PM GMT+8

2006 年 4 月 28 日 星期五 【晴】

今朝家姐為左叫我起身，竟然......
佢：「起身啦.......快d起啦......」
（無回應）
佢：「起身啦......唉，我散左啦」
我：「下？！......（真係成個人即刻醒晒）......節衰順便啦」

當佢確定我真係醒晒之後，就話我聽係假..........



今日唱左k lunch，響香港仔

>>April 28, 2006 at 4:56:25 PM GMT+8

2006 年 4 月 27 日 星期四 【晴】

見係比靚女貼就答下啦~~
比面你渣


愛的大集合
參加者請複製以下兩項!(遊戲+規則)
●遊戲名稱：【愛的大集合】
●遊戲規則
1.必須發表一篇文章，把所有愛的問題都答出來
(問題請看指名你的那位朋友的網誌在複製過來寫就OK了)
2.寫完所有愛的問題後，自己加多一題，請點名５位的lucky朋友繼續串聯下去！
（注意唷！被點名的人不能重複呀～～未滿五人者，就違規囉～！）

1 點我的人: 靚女

2 寫出填寫日期吧: 28/4/2006

3 愛的食物: 烏冬、打邊爐

4 愛的音樂: 慘情歌~溫書聽最好，perfer慢歌多過快歌

5 愛的地方: cb信和neway k房

6 愛的口頭禪: 痴線、食屎啦

7 愛的顏色: 鮮紅、綠

8 愛的偶像: 都無乜lu~

9 愛的甜食: 唔係好鐘意食甜野

10 愛的節目: sleep...zzz....一個人行街..shopping~~ 總之自己一個人做一d野，好討厭同人一齊要就黎就去

11 愛的書籍: 雜志、eng gramma書（唔好問我點解）

12 愛的店: 卡拉ok、食肆

13 愛的作家: 我作野都幾叻架.....哈~

14 愛的唱作人: 無乜留意，唔黎乜屎垃圾，只要係歌都聽，不過唔多聽英文歌

15 愛的國家: 香港（如果香港係一個國家的話）吃喝玩樂乜都有

16 愛的座右銘: 做人最緊要自己開心，自私d又有乜所謂~人地點睇我理唔到咁多，別人只係我生命入面既路人，我先係我生命既主角！

17 愛的習慣: 拍拖，鐘意自己一個人，但又好鐘意拍拖果種有人管我既感覺~哈，好矛盾

18 愛的腔調: 唔知咩lai...

19 愛的是守還是攻: 當然攻~~~~~~ 攻、快攻、快搶攻

20 愛的星座: 山羊配金牛......... 真係最岩咀型

21 愛的休閒: 訓到自然醒//baby*叫醒我；自己一個人；看海；坐船

22 愛的個性: 笑，乜都笑一餐；開心；日常生活乜都無所謂；最鐘意對唔識既人惡and無禮貌（我都唔知點解）

23 愛的女人: 有事業成就又有好好既家庭，又供養埋父母

24 愛的男人: 有主見、講野好笑、有野比我傾慕、會著西裝、講流利英文、乜都搭得上咀講兩句既

25 愛的公仔: 士迪仔

24 愛的動作: 笑笑笑~~~~~^0^

27 愛係點既: 舒服、爽、快感、享受、輕鬆、減壓

28 愛人地點對你: 一齊玩，唔好煩，唔好理咁多情情塔塔

29 愛的名稱: generally:da姐 ~~~ada；specifically for someone：da妹、婷妹

30 愛的科目: Mathssssssss數字人生、英文（總係覺得講得一口流利英文既人好高雅）

31 愛的表白: 同你一齊，我覺得最舒服

32 愛的朋友: 玩得、健談、快快快、成日都好開心既、男仔（知己入面除左popo同家姐，其它都係男仔，同男仔係唔知點解投契d）

33 愛的季節: 夏天~~因為我鐘意下雨天、一係就晒到死既日子

34 愛的呼喚: ？？？

35 愛的數字: 1 or A

36 愛的反應: 笑笑笑~~~~^0^

37 愛的牌子: 無

38 愛的身體部位: 全部我都好愛

39 愛的回憶: 訓醒果陣，佢仲係拖實我隻手無放開過，我鬆手，佢訓緊都會即刻捉返住我

40 愛的電影: 苦情戲＞喜劇, eg.新不了情、忘不了......喊到死

41 愛的網址: 天下論壇

幸運兒：最佳損友 x 2；家姐

>>April 28, 2006 at 4:52:13 PM GMT+8

2006 年 4 月 27 日 星期四 【晴】

唉，我唔識講，唔識judge
究竟我係咪有錯呢？

如果我有一班唔係咁好朋友，但我有自制力，無比佢地感染到
但有一次我將個A朋友介紹左比佢地識之後
A變到........成舊垃圾咁

唉，好唔開心
我覺得好對唔住佢媽媽
我覺得對唔住好多人
佢依加變成咁，我覺得我或多或少都有責任

今晚又有人打比我，話比我聽見到A響度點點點
我個心好難受

好彩仲未去到會避我既階段

不過，話我知，我可以為你做d乜？


你乖d啦，姐姐好擔心你...........






btw~
聽日考BS既人仔
要加油呀！
考完就好儲定錢，5月4日之後同本小姐去唱k~~~~
希望響17號考oral前，唔會已經失左聲

again........又開始好為你地緊張.....
考完就好自己自動打比我啦

>>April 27, 2006 at 5:18:12 PM GMT+8

2006 年 4 月 23 日 星期日 【晴】

近排都唔係咁開心
日記都無心情打
.
.
.


依輪習慣左一醒就同家姐傾下電話先
少則半個鐘，多則一個鐘
然後先肯爬落床
有好幾句我想記低：
1) 係呀，夾埋都係得8個月渣，比盡你，10個月，總之一定無一年
2) 睇黎你都真係幾憎佢wor，發夢都要佢死




今朝帶con，點知跌左一隻
搵左好耐都搵唔到
叫阿媽幫我啦
佢一路搵一路問我：「對con貴唔貴嫁？」
我心諗，答貴的話，而又搵唔返，佢會好心痛
咁我就答：「唔貴，好平嫁渣」
點知：「買咁平，戴壞對眼你就死」...........

anyway，搵唔到
咁我趕時間，算啦
我要落學校拎部計數機比人，今日考ms
咁我就諗住拎本phy落去溫，扮下野
點知，我就響本phy notes上面搵返我隻con




你睇下我既生活幾無聊

>>April 24, 2006 at 1:19:55 AM GMT+8

2006 年 4 月 20 日 星期四 【晴】

夜麻麻
頭先同人講完d野
有d野想寫低


唔經唔覺
咁又自己一個人生活左3個月啦
ALevel既日子真係好快
開頭成日覺得我會好掛住佢啦
但到左今日，我發現連佢個樣都記唔起
我已經好盡力......我真係一d都記唔起



其實有同無既生活，我都係咁過
分別只係有果陣，我會多數出中央溫書
之後等佢放工，一齊食飯
唔可以否認，同佢一齊，係最開心
but it's over


anyway，就係咁，同依個熟悉的陌生人閒聊左一陣
其實我唔明白做乜仲要打比我，咪又係尷尬
佢應該好清楚，我地既關係，分左手，係連朋友都唔會有得做。
分手果陣都講得好好好清楚。
我真係好討厭傾埋依d又尷尬，又無聊既電話。
成程都好似打仗咁，驚自己講得唔夠大方得體，好辛苦。


「當我已經往前走的時候，請你不要把我往後拉」
我唔想，亦唔需要，再記得我同佢有幾開心過
大家都要拎得起，放得低。放唔低，就唔好拎起。

總之希望今次係最後一次，請唔好再搵我！





Nik講得岩，專心d
我會，仲有十幾日
過到海就係神仙




P.S.我知佢唔會睇到依篇野先咁講.........我未去到咁賤住

>>April 20, 2006 at 7:03:44 PM GMT+8

2006 年 4 月 19 日 星期三 【晴】

蟹仔：
「考完之後...會同da姐同小霍去"澳洲"
澳門+長洲...哈哈哈哈哈~*
1定玩到癲囉 ... =^^=」


小霍：
「我真係好唔鍾意寫中文
好多筆劃,又寫得慢
港台寫ｒｔｈｋ咪好ｌｏｒ～

有冇人想一齊去澳洲ａｈ？（要諗多ｄ）」






尋晚明明好早返屋企
但都係要聽埋君如，到2點先訓
但原來已經算好早
小霍、april同木蘭都失眠到5點先訓
原來我緊張既情度唔算嚴重

今尋一早多謝家姐打黎叫我起身
依然重覆住每日既電話對白
之後落香港仔同april、死黨（林小姐、霍小朋友）一齊食大家樂
家姐特登拎隻米奇過黎，同我隻高飛會合，為我打打氣

食完就又搭的士去考場
考得ok la
寫左好多好多中文字.....真係好多筆劃
英文好寫好多

一考完就扔晒d筆記
果一刻真係好爽

之後落左香港仔
例排又食糖水
之後佢地兩個又扔低我
自己去行街啦......損友

我就上左自修室訓
眼訓到乜咁
最後幫佢地霸完位，我就買潮苑返屋企食
食完就響沙發訓著左，真係好好好眼訓
凍醒，拿拿淋除con上床訓

訓訓訓，訓到11點幾
我親愛的媽媽終於返啦！！！
好掛住呀...........
佢地叫醒左我，11點幾一齊食飯..........


P.S.今日考完出黎，聽到媽媽既留言（就好似pure果日咁）
唔知點解佢好鐘意留言比我
佢用d好恐嚇既聲音同我講：「曾玉婷，媽咪呀，哈，祝你好運」
都算佢有良心，仲記得我今日考

>>April 20, 2006 at 5:06:27 PM GMT+8

2006 年 4 月 18 日 星期二 【晴】

今朝其實6點都已經醒左
但都唔知點解係要響屋企磨到9點先捨得出門口

家姐黎左同我打打氣
果然好象徵式
坐左都無3個鐘就返屋企訓覺啦
為左獎勵佢記得拎隻高飛同我exchange返隻米奇
我不辭勞苦地落樓買左包我唔鐘意食既麥提沙，同佢一齊食


下午開始好緊張
因為聽日既通識
其實真係無野好溫，都無syllabus
但就係因為咁，太無渣拿啦
完全唔岩我依隻響填鴨式制度下成長既鴨仔.....

我又開始我既緊張cycle啦
好肚餓，但見到野食又想嘔
跟住又胃痛、depressed、又開始想喊、又開始好掛住d朋友仔...........
成日都覺得好似自己孤軍作戰咁
anyway, 真係好好好緊張


不過夜晚好返少少
睇返晒你地sd比我既sms，又開心返晒啦
都係果句，森美既sms每次都一定一定令我眼濕濕，太恐怖啦，好似落左咒語咁
不過又會係最大推動力果個


夜晚又撞見Jo媽媽~~~好開心



謝謝今日所有比過support小妹既人


聽朝7:15，大家樂見



P.S.我11點考完嫁啦

>>April 19, 2006 at 2:55:23 PM GMT+8

2006 年 4 月 18 日 星期二 【晴】

咁快就3個幾月啦
06年都已經踏入中段
上半年，都係同書本渡過
下半年，我既生活希望會多姿多彩返~




d人好過份law~~~~~
又話關心人
連我幾時考通識都記錯！
我係聽日考！
仲要sd埋d慰問說話，係咪預我會衰？！
李穎儒，講緊你呀！

>>April 19, 2006 at 12:02:37 AM GMT+8

2006 年 4 月 17 日 星期一 【晴】

啦啦啦
今日都so far so gd wor~~~
lunch同欣欣honey食椰林閣
請佢指點下我既通識

食到成點幾先上自修室
今日好起勁
確實係好事




夜晚收到個應該響外國讀緊書既人既電話
好奇怪啦
原來佢已經返左黎一陣子，但因為我考緊ALevel
所以又唔話我聽
而佢打比我既時間就準備去機場，飛返過去啦

ALevel先生...........你到依刻為止，令我失去左既野
希望響我放榜果日，你一次過過返曬比我
麻煩晒




各位朋友仔~
我今個星期四考通識啦
快d比實撲我啦

>>April 18, 2006 at 3:22:04 PM GMT+8