2003 年 8 月 1 日 星期五 【晴】

呵呵~~問返阿銘有冇張狗仔相~
好彩仲有姐^-^「趴趴狗」丫^^~
愛黎做桌布~靚晒^-^

唔知做乜鬼 咁多人問我日記既事.....
我先發覺....原來曾經好多人都有睇過我既日記=.="
我又唔明喎 我d文筆又唔好 寫d野更加係無聊啦
唔知點解可以當劇集咁日日追=.=
都唔知開心好定唔開心好啦=.="
而d人問我有關日記d事...
如果係私隱野 我多數都唔會回應...
不竟e個係我既日記 唔係一個故仔 更加唔係電視劇
我想講既...日記度就會講...唔想講當然就唔會寫啦
呵呵~~有少少百感交集添~.~
-----------------------------------------------------------------------------------------------------------------------------
ps:乜女仔都會玩war game既咩?!
唔講真係唔知丫我=.="

>>August 2, 2003 at 8:04:22 AM GMT+8

2003 年 7 月 31 日 星期四 【晴】

晨咁早就比阿爸鬧....
「一早起身打機 腰骨坐唔直 連早餐都唔食!!」
唉=.=..................
下午都冇咩特別事.....
但到左夜晚.....
細佬玩玩下機又事中毒=-=
今次仲要壞左90幾個file=-=
原來細佬個fd send左個有毒既cheat比佢 跟住一開個file咁就.........
不過佢個fd都唔知有毒架..所以佢部腦都......
算啦...我屋企部野又唔係第一次中毒架啦=-=
format左佢咪冇事囉~~呵呵~o~
之後細佬仲馬後炮咁話....
「我都知怪架啦..有乜理由個cheat成90幾mb架...平時2 3個mb之嘛」=-="
整好左之後 我發覺.....
format部機之前我唔記得save d狗狗相丫><
宜家「豬仔狗」又冇 連「趴趴狗」都冇啦><
得返張「藍眼狗」...我唔制丫><
嗚嗚...................

>>August 2, 2003 at 7:37:41 AM GMT+8

2003 年 7 月 30 日 星期三 【晴】

哎呀呀~~打錯字添
係懶唔係賴呀~~呵呵^^"

>>July 31, 2003 at 9:46:38 AM GMT+8

2003 年 7 月 30 日 星期三 【晴】

好賴丫今日
淨係掛住打機...
連學都冇返=.=
本來今日又唔想寫日記架
都冇咩特別事
點知九仔提起喎 咁咪寫下囉-,-
不過都係唔知寫乜 跟住九仔話寫佢喎c.c+
呵呵~咁我寫啦....
九仔九仔九仔九仔九仔九也九仔九仔九仔九仔九仔九仔九仔九仔九仔九仔九仔九仔九仔九仔
九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔
九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔
九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔
九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔九仔
其實......
我好「愛」你架~!~!~!wakakakakaka~!~!~!~!c.cv
-----------------------------------------------------------------------------------------------------------------------------
PS:
嘩~~銘
乜篇野背後有咁多意義架@@
唔講真係唔知@@"
我選左a丫@@
唔通我真係咁鍾意權力@@"?

>>July 31, 2003 at 9:20:40 AM GMT+8

2003 年 7 月 29 日 星期二 【晴】

無聊的一天
無野好寫~!

>>July 31, 2003 at 9:04:29 AM GMT+8

2003 年 7 月 28 日 星期一 【晴】

好嬲我自己丫>"<
明明知道係騙局都係中個頭埋去=.="
呵呵~咁咪比人P鬼死左囉=.="
都怪自己太易信人=.=
成日都提自己要小心架啦~!
可惜=.=..........
唉...3歲定80.....
睇黎我都係改變唔到架啦....
一直咁笨笨落去啦=o=

>>July 31, 2003 at 9:01:35 AM GMT+8

2003 年 7 月 27 日 星期日 【晴】

尋日細佬先話要去camp喎
臨急臨忙先講 結果比阿媽俄左幾句
我心裡興奮異常~有得打機嘛~!~!~!
不過今日係卿卿生日~要同佢慶祝
原本諗住早去早回架
但係班fd個個都遲黎>"<
3點幾先齊人....而珊珊阿媽買左蛋糕送比卿卿@@
咁我地咪一齊食囉
見到卿卿望住個蛋糕~跟住吹蠟燭~個樣好開心好感動@@
先前佢話我知原來佢從未有人同佢慶祝,吹蠟燭架
至於點解....唔想多講...
宜家我地又送禮物又同佢慶祝~佢一定好開心啦^o^

講返正題.....對於食生日蛋糕....
其實我好抗拒......
我好憎咁多cream既蛋糕...d生果又難食喎
平時我生日..我都係象徵式咁食一兩啖...
宜家個fd生日...我無理由唔食架....
結果我食左好耐先食晒件野......=.="(好辛苦丫=.=")

快樂不知時日過...加上我d fd又遲黎...
結果我成5點幾先返到屋企.........
我又咩家務都未做喎
阿媽可能6點就返架啦!
我即刻施展我既「摩打手」~!~!~!
掃地 拖地 收衫 仲要沖涼=.="
總算趕得切............

PS:慘啦>.<
今日又食蛋糕又飲全脂奶T-T
肥死啦>.<嗚嗚.........
見到自己個身形........虎背熊腰..加埋對象腿.........=.=
唉.......無話可說= =+
-----------------------------------------------------------------------------------------------------------------------------
TO:銘 九仔
個板板D質素又真係幾差既..........
個網其實我一早就去過啦
佢D功能樣樣都好過E個....
不過E個板板唔駛錢嘛=.=

>>July 28, 2003 at 10:43:47 AM GMT+8

2003 年 7 月 26 日 星期六 【晴】

一大清早開機
發覺個板板終於入到啦><"""""""""""""
好開心丫^-^~
跟住即刻寫左前2日日記~
計埋e個~一共3篇日記丫我~今日寫左~
下午又開波喎~利記對香港
所以細佬比左部機我玩~o~
呵呵~夜晚冇得玩lu~o~

珍下午打比我問我聽日使唔使返~
我唔多清楚丫~
佢打黎令我諗返起禮拜6珊同我講既野....
我地唔通知珍話去卿屋企都得啦 橫掂佢上次都冇話比我地聽打比卿卿
佢應該都知卿卿生日啦~
咁做係咪好衰?!
本來我以為會講架佢地...點知....
自從分班之後 我地關係已經差左.........
以前我地個個都好fd~無分彼此
而家我覺得個個都各懷私心啦......
友誼已經唔存在....
唔通真係無永遠的知己嗎?
都係阿媽講得岩...
*邊個都唔好信
*要信~就要信自己~!唔好靠人~!

>>July 27, 2003 at 8:22:54 AM GMT+8

2003 年 7 月 25 日 星期五 【晴】

星期六都要補課.....
無天理="=
補完課之後就衝左去青衣城買禮物囉
我行左半個鐘...都唔知買乜好=.="
直至見到一個牛牛毛公仔電話座~睇佢咁靚~咪諗住買囉
點知...一睇個價錢....就急急腳咁走左啦=.="(成舊水丫=.=)
之後去到美亞到睇~又有電話座啵~
比之前都唔輸蝕架~最緊要個價係之前o個個一半=.="
五十幾蚊~都買得過啦...
跟住去到葵芳買月費~78蚊....
加埋份禮物錢......8月都唔使出街啦.....
毛錢啦.....鬼叫我之前買左咁多衫衫.....=.="
葵芳簡直嚇死人...我一出地鐵站
即刻兩條友衝埋黎話~係咪買書丫=.=
之後入到去仲得人驚....
搭緊電梯個時~有條友「砰 砰 砰~!~!」咁既腳步聲上黎......
我心諗佢緊係趕時間啦......點知......
佢停左係我隔離...話「小姐 係咪買書丫?」
我緊係話唔係啦...佢個樣都好似好無奈下.......=.="
鬼叫我著住套校服周圍行咩.....緊係引埋好多「狂蜂浪蝶」架啦........=.="

返到屋企 細佬見我買左電話座咪問我咩黎
我咪話係生日禮物囉~
跟住佢就瞪大眼 手指指咁話...
「買d垃圾送比人?!電話座冇用架!
手機緊係亂咁放先容易拎架嘛!
你睇下我地屋企個電話都係咁啦!
擺定一個位置咪仲麻煩!
唉....買埋d 9野!」
我咪駁返佢囉~但係我講左乜???
我都唔記得=.=總之好似九唔搭八咁啦=.="
唉........傷透我心...
話埋我都行左幾粒鐘去睇架嘛><"
比佢咁踩法............
算啦....都係心意姐....
希望卿卿鍾意啦><"

>>July 27, 2003 at 12:43:14 AM GMT+8

2003 年 7 月 24 日 星期四 【晴】

終於入到黎啦!!!!!!!!!!!!!!!!!!!!!!!!!!!!!
今時今日咁既效率點得架......
睇晒兩套電視劇集既結局~
《金牌冰人》《愛情白皮書》
兩套都冇咩特別~咪都係大團圓囉~
但係白皮書既結局~令我終於明白............
一開始睇個時~成美鍾意掛居
可惜掛居的遲疑、懦弱 令到兩個都痛苦
而守治又一直喜歡成美
守治的關懷 令成美沒有一點兒的愁緒
但最終成美都沒有和守治一齊
個時我已經唔明白....
點解要選擇一個自己去愛的人 而唔去選擇被愛?
直至大結局 我才明白到
兩情相悅
就不會計較相愛甜蜜前的苦澀....
因在過程中 這些苦澀的事都會變成最美好的回憶.....
而我覺得守治無私的付出 真係好偉大
本來覺得佢好唔抵 但結局話比我知
其實他也享受在過程中的參與.....

PS:本來應該好多野寫..........
但事隔咁耐又唔記得晒="=
最衰都係個板板="=

>>July 27, 2003 at 12:12:02 AM GMT+8