2004 年 1 月 5 日 星期一 【晴】

連續幾晚忙忙碌碌...訓得個4 5個鐘 今日可以休息下啦...
我真係唔捱得夜 一晚已經現晒黑眼圈 家下仲要幾晚.....個樣殘晒=.=
好眼訓....

足球比賽 我不嬲唔好 但今日竟然令我大開眼界
第一場 5b vs 7b
自己班喎 點唔好波都要睇啦
競爭好激烈 2班都搏晒老命
眼見自己班有幾次要入架啦 點知唔入 好激心丫><
睇咁多場 都係呢場最正
完場都未分勝負 要射十二碼
可惜....我班輸左.....7b仲要勁串......黑人憎="=

第二場 5c vs 5d
悶悶一場 5d竟然贏.....爆冷

第三場 5a vs 5a
波一d都唔好睇 遇左5a輸啦 點知輸成3粒=.="
2隊又冇波衫 5a用學校個d...成件bb用既"口水堅" 7a就似著底衫咁 笑到我丫
仲有呢場 5a d女仔就令到我笑到死死下
佢地成日鬧
「唐狗 守門口丫」
「換肥凌啦」
佢地嬲到青筋暴現 起勢咁嗌 我就笑到肚都痛埋

第四場 5d vs 7a
悶.....之後夠鐘 可以閃lu 咁就緊唔睇啦

聽日影班相.....慘=.=
聽日仲要present.......更慘=.=

>>January 6, 2004 at 9:25:32 AM GMT+8

2004 年 1 月 4 日 星期日 【酷熱】

精神崩潰T-T

>>January 5, 2004 at 1:59:20 PM GMT+8

2004 年 1 月 3 日 星期六 【晴】

再再自閉

>>January 4, 2004 at 8:35:08 AM GMT+8

2004 年 1 月 2 日 星期五 【晴】

再自閉

>>January 3, 2004 at 8:59:18 AM GMT+8

2004 年 1 月 1 日 星期四 【晴】

自閉

>>January 2, 2004 at 6:55:19 AM GMT+8

2003 年 12 月 31 日 星期三 【微冷】

鋒今朝打黎...
估唔到佢會打黎...更加估唔到佢咁早起左身....@@

又是懶懶的一天.....
咁既狀態 好唔掂.....

我d老人痴呆又發作....
竟然唔知聽日要返學=.=
好彩有班fd提我@@好感動>.<(佢地講起...我先諗返起盈盈好似講過比我知~.~)
聽日返去要匯報....死啦 我乜鬼都未做......
慘啦......................................................

>>January 1, 2004 at 10:41:58 AM GMT+8

2003 年 12 月 30 日 星期二 【乍暖還寒】

懶啦我

>>December 31, 2003 at 7:21:11 AM GMT+8

2003 年 12 月 29 日 星期一 【微冷】

─太多「意外驚喜」的一天─

1.今朝返學,行行下比雄佢係後面叫我,比佢嚇左嚇,因我諗緊野
跟住佢講左句「你咁開心既?」我呆左幾秒,我諗緊我係咪又係度傻笑?因為個未睇完既故仔 甜絲絲的 我又未睇完喎 好想知個結果 諗諗下傻笑都唔奇(上中屎堂個時又掛住個故仔係度發呆,結果比lin lin叫我答問題=.=)
係腦度閃過一大咋野先回神過來 話「你咪仲開心?」

2.本來話3點就補完中屎 結果搞到4點先落堂 變態....
諗住補完中屎返屋企換衫再去補習 點知咁遲放 冇得返去 意料不到......

3.我隻耳仔其實仲有耳鳴 醫生叫我不能聽大聲 點知死lin講野鬼死咁大聲 我仲要坐咁前 聽書個時好辛苦 耳仔有d震 點知上完佢堂隻耳仔反而冇咁耳鳴 唔通呢d就係物極必反?

4.惠珍竟然想約我倒數?怪!

5.諗住肯定得我著校服啦 點知今日咁多人著校服去補習

6.上堂冇耐突然有班人係後門入黎 3唔識7 唔係學生 仲要拎部機出黎拍野?!?!?!?!

7.mia教教下書停左 話今日好高興請到個唔知乜miss黎教溫eng方法 希望幫到我地
唔怪得無啦啦有班人殺入黎啦.....此刻極大"十派"
個miss好得意 識講英文 普通話 仲識寫中文 但竟然唔識講廣東話
miss一開始就話英文好緊要架 有好既英文就會「錢」途無限 笑到我地丫 不過呢個的確係事實
跟住入正題啦 佢講題係教我地點記生字──聯想法
講真 佢教既方法冇乜用(我都識啦=.=)短短3 4個字既講課 我學到既 其實只有幾個生字.....
不過佢講課真係好鬼生動 好正
最搞笑係佢講講下用普通話問人 點知個人聽唔明 用普通話答佢話「聽不懂」
好心佢普通話唔掂就咪講啦 用英文嘛 結果我地又笑左餐

8.上完堂我諗諗下 點解mia會請人黎講課?
搏出名?有成班人黎喎...拍晒野咁 但見mia好似都如我地咁上堂喎...
如果為名 點解又唔只係搵班人黎拍野咪算?要搵人講學?
我可能覺得mia好人 所以主觀認為佢係真心為我地 可能我太天真啦...人怎會不利己?不過......

9.搭地鐵返屋企個時 因多人 無晒扶手位企 諗住靠住門企
點知我一伸手想依係門個時 度門竟然打開!嚇到我3魂唔見7魄=.=
好彩次次我都冇跌出去=.=已經第二次比度死人門整蠱(嚇到)啦=.=

10.搭完出閘個時 張八達通竟然過唔到?!?!
即刻去服務中心 個生話扣左錢架啦 跟住比左張飛我過
之後我諗緊係我想過個時 見到前面個肥佬過 下意識即刻唔想係佢之後過
跟住閃左過隔離 閃個下可能感應左張卡 搞到去另一部過唔到=.=
最衰都係個肥佬=.=.........

11.皆因由早上8點直踩到7點幾先返到屋企 身心疲憊 細佬仲11點半先比部機我...
我又唔想聽日先打日記 搞到宜家既我已經殘晒=.=

12.發覺自己又肥左 緊係前排暴飲暴食既後果=.=仲有....膝頭哥幾時擦損左架我?!
------------------------------------------------------------------------------------------------------------------
重慶的天然氣
伊郎地震
哥哥 林振強 梅姐 先後離去
前排我屋企有事
連好友都一樣....
難道今年真是多事的一年嗎?!
04年快將接近 期求事事順境

>>December 30, 2003 at 4:41:32 PM GMT+8

2003 年 12 月 28 日 星期日 【微冷】

忙!

點解同阿爸硬係冇計傾架...
佢返黎..我都唔知講乜....我應該要關心佢架!
但係....我同細佬....都冇講D乜......
可能佢一貫既嚴肅樣 已經令我地啞口無言
我知細佬都想講D野架 阿爸一返黎就衝左出房 機都冇打
不過我見佢呆呆既眼睛...真係有口難言
點解冇野講 如往日一樣呢....發生咁既事喎..............
唉......
如果係阿媽...我地反應肯定好唔同
我地同阿爸個性格真係好似 有咩都收埋心到
明明想關心人 就偏偏講唔出口................

>>December 29, 2003 at 9:53:39 AM GMT+8

2003 年 12 月 27 日 星期六 【微冷】

7:00等到7:15
7:15等到7:30
等丫等....點解阿板仲唔黎="=
佢平時遲黎都會打電話黎.....點解......
差唔多到8:00個時先打黎話唔得閒=.=話唔記得打喎.............
攪到我等咁耐~係咁啤住個閉路電視=.=
我又唔見左佢電話=.=唔係一早打左比佢啦......
算啦....見佢係咁say sor 算~~

>>December 28, 2003 at 4:15:25 PM GMT+8