2007 年 4 月 22 日 星期日 【雨】

中史...得兩個字去形容
那就是..."敗北"!!!!!!!
DBQ竟然出元朝! 爆冷丫!!
要選答八題 只有一題我可以照COPY筆記
其他都係critical thinking
45分鐘之內 我要將筆記內容作出整理
之後仲要諗鋪排 組織 點樣去回應問題
盡可能仲要寫四板紙
簡直就係考驗文科生的語言能力
好似我呢d只識背誦的人
點可能應付到丫=.=
最後一屆比佢咁玩一玩 真係死得人多
個個考完都唉聲唉氣
萳同雯考完仲不斷咒罵阿sir
因為佢全部都貼唔中嘛
萳仲話:我唔夠膽掉左d筆記
之後佢兩個仲異口同聲咁話
"下年又要黎過啦!!!!"

TO:MING
形象呢家野 我都知挽回唔到架啦
何況我根本就唔知我有乜形象可言=.="
我考完3個AL啦 你都要加油丫~~~

>>April 24, 2007 at 3:41:03 AM GMT+8

2007 年 4 月 17 日 星期二 【晴】

考文學 果然係最輕鬆的一科!
短文題目好難
長文就好d囉
卷二題目...我都唔知點講
我只知我寫左好多野
題題六板紙 寫到我抽筋
過左兩個鐘o個時 我已經漏晒氣
心諗 仲有成題呀.....
死寫難寫 感覺文學仲寫多過中史咁=.=
至於所答篇幅自己覺得好有問題
我三十分答左兩板 四十分都係答左兩板= ="
不過總括黎講 文學係現時做得最好的一份

考完文學 心情本來好好
一開e貓 心情好似過山車咁大上大落
真係夠晒刺激= =
點解?因為我收到city叫我填form去interview
個心即刻離一離= ="
我冇諗過會咁快= ="
我再睇多兩睇 個心上落仲快
首先一睇"The interview will be conducted in Cantonese"
得group interview 仲要用中文 太好
睇多兩睇 有一段真係嚇到我面青=.=
"The group size is around 10 applicants. The interview will last 15 minutes. Therefore, you should try your best to express yourself in such a keen competition. We are looking for the applicants who can survive in this game."
十個人十五分鐘 仲有survive呢個字
真係令我心驚驚= ="

>>April 18, 2007 at 12:25:02 PM GMT+8

2007 年 4 月 14 日 星期六 【晴】

因為我打左句"放低做家姐的身份 放低做家姐的包袱"
結果琴日比人說教了半個鐘= ="
不過我始終get唔到太多野
只係對自己有了更深的認識
最估唔到係 我曾幾何時原來係人地心中的白衣天使
不過家下形象破滅
我係咪應該要挽回下自己的形象呢
kakakakakakakakakakaka

>>April 15, 2007 at 5:18:08 AM GMT+8

2007 年 4 月 13 日 星期五 【晴】

好耐冇打日記啦!!
最衰都係電腦壞左囉

最近的考試 考得都好差
中化唔在講
英文估唔到佢咁陰濕
作文題目竟然冇pros and cons丫!!
仲要人係咁作故仔
第四題題目竟然仲整句"has taken"
大家一不小心就會成篇錯晒tense

set c仲冇陰公
竟然唔係打交叉而係斜線改錯字
成板冇晒分囉!!!!
考評局你究竟係考人英文定係觀察力丫= =

尋日西史慘敗添丫@@"
早排捱夜 搞到病左
結果都冇乜點溫書
仲要wing wing地去考試
題目唔識答 又唔夠時間做
我做卷o個時仲要暈暈地
我幾驚做做下暈低左丫

考完去左探小青
一副老闆娘的樣子
不過小青還是小青呢

婷同我講 話我日記內容有時好得意
有時又會令人好感觸有點感覺
雪瑩以前都同我講過d類似的說話
當我知道後 我好開心的>"<
因為會比我好多動力打日記
雖然我唔知我打左d乜令你地咁touch~_~
畢竟我始終太笨笨啦
而且我覺得自己打的東東次次都好無聊= ="
不過我會努力架>"<

節錄同媽子的對話
媽子的一番話 令我明白左d野咁...
令我覺得可以放低做家姐的身份 放低做家姐的包袱
"唔掂丫 可能下年要考過"
"半工讀?好丫~考過囉"
"但係我唔想考過 我唔想同細佬一齊考 同佢一齊考好魚架"
"有咩好魚丫?"
"家姐同細佬一齊考喎 中五衰過一次 中七又黎多次 過唔到自己o個關"
"有乜所謂丫 你升到中七都好叻女啦 大把人中三都踼左出黎 你咪算勁囉"

>>April 14, 2007 at 6:28:43 AM GMT+8

2007 年 4 月 8 日 星期日 【晴】

電腦壞左

>>April 9, 2007 at 3:01:04 AM GMT+8

2007 年 4 月 2 日 星期一 【雨】

TO:路人
你o係全完考咩科?
我只得中化oral o係全完考
其他中英文都o係顧超文
我聽listening冇沙聲喎~

>>April 3, 2007 at 11:30:57 AM GMT+8

2007 年 3 月 31 日 星期六 【晴】

F5衰過一次 F7唔可以再衰架!!!!
我唔要同細佬一齊考a-level丫
我絕對唔容許呢件事發生!!!!!

>>April 1, 2007 at 8:40:40 AM GMT+8

2007 年 3 月 29 日 星期四 【晴】

中化炒得好柑丫+.+
其實我貼中晒題架...
我貼書信同建議書
中左建議書
一睇見即寫 不過內容毫無新意=.=
我貼藝術同政治
細佬話出有關家庭
呵~我又中
不過我冇溫過呢=.=
但即使溫過都肯定唔識答=.=
答呢兩題 都唔知自己寫乜
仲有閱讀理解丫!!!!!!!!!!
本以為呢份我"實食冇痴牙"
點知難到飛起!!!!!!!!!!!!
真係炒得好柑丫....嗚嗚..

>>March 30, 2007 at 8:07:46 AM GMT+8

2007 年 3 月 28 日 星期三 【晴】

中化殺到黎啦!!!!!!!!
但我仲好迷茫..
睇黎我會攬住份卷一齊瓜=.=

今日係花c奶最後一集丫>"<
一定要睇丫>"<
聽日要考試 我仲掛住花c奶= ="
我真係冇乜危機感= =

>>March 29, 2007 at 7:06:31 AM GMT+8

2007 年 3 月 27 日 星期二 【晴】

今日睇左一則好有趣的新聞
不過已經係頗耐以前的
唔知大家有冇睇過呢?

港女，你是…… (明報) 03月 04日 星期日 05:05AM

【明報專訊】「三八」婦女節，下周四就到。有調查指出，香港的女百萬富翁，人數已經超出了男百萬富翁，今時今日還講爭取女性地位，似乎有點不合時宜，亦似乎無必要慶祝這個爭取男女平權的日子。不過，既然港女的貢獻重大（在交稅的角度），無理由不在這個日子歌功頌德一番，《香港2007》同人趁這個日子，找來一眾港男論盡港女，順道向全港3,591,390位女性說聲﹕「你是最好的，你知道嗎？」

化妝師：扮靚主觀弄巧反拙

「香港女人好懶，皮膚缺水，又有啲愚眛，盲目信廣告，以為可以變成（化妝品）代言人咁靚。」銅鑼灣時代廣場連卡佛的化妝專櫃，男化妝師高威誠大談他的「老闆」——港女。從事化妝及護膚專櫃主管近10年，高威誠招呼的絕大部分是女人，在他眼中，港女獨立、主觀，尤其在「扮靚方面」。

高說，現代港女普遍經濟能力提升，不惜大灑金錢扮靚。他粗略統計，四成香港女士都用心護膚，而奇招盡出背後，都是因為「女為悅己者容」，但就因為性格主觀，不時弄巧反拙。

「她們皮膚乾，發現有暗瘡就以為多油，用性質爽的護膚品，又不注意水分，不敷mask，結果不但發揮不到護膚品的功效，更加會太多layers（層），將毛孔塞住。生活小節沒有留意，用再好的護膚品也沒用。」

在高威誠眼中，他的女顧客往往充滿矛盾，一方面要求高，購買護膚品、化妝品，要仔細知道產品成分，但另一方面卻一味想靚，對名牌趨之若鶩，一心希望變明星，充滿羊群心態，「代言人有否真的用過那些產品，拍廣告時用了什麼化妝技巧，鏡頭有無就位，真人是否如實，女人都不會去想！」

他說，女性買化妝品，特別相信男化妝師，以為男化妝師認為「靚」，自己的老公和男朋友亦會認為靚，「女人反而不信女人，女顧客總覺得女售貨員主觀。」 主觀的性別認為同性都主觀，很正常吧。

售貨員：要求高奄尖不實際

在灣仔一家家庭用品店當售貨員的張永興，亦指港女對美的追求非常嚴謹，「女性要的東西好簡單，一個字——『靚』，不理會用品的實際用途；男人就較仔細，要知道產品的用途、用料。」張永興說，店內最受女性歡迎的產品，是印了公仔的碗碗碟碟，其次就是日本 漆器。男顧客呢，只買垃圾桶、電器；女性較講求生活品味，「鄰近雜貨舖1元有1隻飯碗，但在這裏就要600元才有5隻……女人鍾意就買，最緊要『"猧tyle（型格）』」 。

八成顧客是女性，店內又主要是女同事，由早到晚被女人包圍，張永興坦言，有時都覺得女人奄尖、麻煩。貨品包裝得不好，就直接投訴「搞錯呀，咁核突㗎！」「香港女人挑剔、奄尖、不實際，好像揀男友；又如買名牌袋，不理自己的條件，她們的慾望好大。」

「我售賣家庭用品，顧客通常是上年紀的女性，她們相對地較易服侍，幾千元一個湯煲，她們早知價錢、用途，明白質地材料，就不會留難售貨員。」

女人愛逛雜貨舖，更愛買鞋。女裝鞋售貨員King Lee，當了售貨員10年，他說，為女顧客穿鞋，一定要穿得正，否則就出聲投訴。不過香港女士捨得花錢，一次過花7000元買幾對鞋，為的就是襯衫。 King認為服侍女顧客，最緊要了解她們的要求，肯與她們傾偈，知道她們的需要。

女校男老師：不及上一代單純

需要聆聽的，除了付鈔的顧客，年輕女學生其實也一樣。黃義天在女校執教鞭18年，兼任訓導主任，他笑說，10年前可能有女生會對他有傾慕之情，現在她們多愛將他當作爸爸。「她們渴望有人責罵，有人管，但又傾到偈。」

他覺得這一代的女生不及上一代單純，不像上一代「真」，較早熟，相信與家庭環境有關，以往一班有一兩個學生來自單親家庭，現在可能是三分一。「家庭關係複雜，她們明白不能解決，不想找答案，只想多個人關心，喜歡坐下與你傾談，但不用你開解。你問她們想不想與家人建立關係，她們可能答『未必』。」

男生不開心，打一場波足以發泄；女生則要找人傾訴，有些害羞的，便上網寫blog，又希望有人看。黃Sir對這種「隱蔽途徑」不完全認同。有女生曾經寫完網誌叫他看，見到文中句句愁思，黃Sir連忙召見，「佢又話無嘢，只係一時間傻咗。你認真再睇，有些地方原來修飾過……都唔知邊句真、邊句假」。

心理醫生：行為不對心

港女矛盾、不理性，講感性，持這個看法的，除了是一眾服侍港女的港男，還有深入她們內心世界的精神科醫生。香港健康情緒中心主管李誠看過無數女病人﹕抑鬱症、暴食症、厭食症……近年最受精神困擾的，是未婚職業女性。

李誠說，10多年前，女人結婚後多數不做工，煩惱都圍繞丈夫、子女、經濟問題。到近10年，來看他的明顯多了一批未婚職業女性，她們鬧情緒、患抑鬱，不少病徵都與工作壓力有關。「都是一些上司、同事、管理人的問題，跟我說請人好難、下屬做事大頭蝦、不勤力。有病人30多歲便當上CEO，管理七八十人的公司，她們說feel到有些低級過她們的男人不服她們，講嘢玩玩 吓、窒窒吓，尤其是自以為叻叻]的男人，很難駕馭……最終她們可能會成功，但總要度過一個測試期。」

硬要擺出一副女強人姿態，但李誠的女病人中，「十個有九個」不喜被人叫做女強人，銀行主管、CEO、大家族知名人士，無一例外。他認為，香港女人都充滿矛盾，但錯不在她們。「社會無疑在變，女性無錯是教育程度高、事業有成、經濟獨立，放3天假都可以自己駕車去個short trip relax，行事可以像男性般積極果斷，但她們internalise的value（入腦的價值觀）並非2007年，與行為有一個gap（距離）。她們長大的時間，母親仍是家庭女性，自小跟她買菜煮飯，母親尊敬父親是一家之主，這些價值觀入心入肺，不是一下子可以洗去。」

結婚仍然是港女的終極目標。「她們心裏仍然覺得，一切生活都不比一男一女一個家庭好。來看醫生，雖因工作壓力，但說着說着總會講句『呢樣嘢唔係最重要』。」10年前，30歲對女性是一個警號，現今則延遲到35歲，到這關鍵年頭便會自動放棄事業。「30歲前，她們不會着急，但一到35歲，她們不會說『我都係單身一個人』，而是說『再老就算生（仔）都有蒙古 症』。」

終極目標結婚 不愛被叫女強人

無奈的是，港女一方面緊張婚姻，但單身女性的比例卻持續上升。 06年中期人口統計告訴我們，從未結婚的女性比例，在過去10年穩步上升，96年單身女性佔28.9％，01年升至30.1％，去年再升至30.7％。離婚或分居女性的比例遠高於男性，統計處估計與較多男性再婚有關。

女人中年仍然單身，收身吸引異性是很多女人選擇的出路，結果令李誠接收多了暴食症、厭食症的女病人。「她們最怕被人稱作『師奶』，最憎有肚腩、小腿粗、面肥。有一些CEO工作壓力大，12點一個人回到家裏，便不斷吃東西減壓，然後扣喉，公司完全無人知。又有一個20多歲的IT公司職員，每天午飯不吃，到旁邊灣仔Physical健身45分鐘；她好叻、好結實、好 fit，又靚女，公司選她為最健康職員，但其實她暴食了好多年，每晚暴食，再扣喉減壓。」

性格矛盾問題又多，抑鬱症病發率又高過男性，但李誠覺得女人比男人強，亦更願意求助，是有勇氣的表現，他又欣賞女性重情而且感性。以往病人擔心某事情會發生，李誠會分析發生的機會率，但發覺理性數字用於女病人身上並沒有作用。「她們要你先聆聽，當我說『我明白你好擔心』，她們就會放心。男人有抑鬱，要3天藥便走人。」

>>March 28, 2007 at 4:48:46 AM GMT+8