2004 年 3 月 26 日 星期五 【微冷】

今日係咁抄eng notes...
一起身就冇停過...直至去補習
補完返黎又抄過.......
其實抄呢d野都幾苦...我係將我以往補習d notes歸類
再抄到佢靚靚方便我日後睇 都幾煩.....
不過我就一d都唔覺得苦 反而愈寫愈起勁
如果我將呢鼓幹勁用係maths上 數學肯定大有改進....
唉.........冇時間架啦........

>>March 27, 2004 at 3:42:48 PM GMT+8

2004 年 3 月 25 日 星期四 【陰】

今朝check e-mail 發現大佬寄左野黎
個標題勁搞笑「七仔潮爆示愛」
我即刻down黎睇 睇完笑到我丫
其實段片幾嘔心下 不過又勁好笑
每次諗返起都係咁笑 真係好鬼白痴丫 哈哈~~~~

我呢個笨笨 為左去唔去剪髮而煩左成個鐘=.=
我好憎去剪髮 尤其要我踏出第一步係勁難既事
唔知點解架 總之我好憎去啦 又唔知點解喎 阿媽就好鍾意去=.=
係咁諗係咁諗 結果都係唔去=.="
為左剪髮而咁煩既 除左我呢個傻婆 都冇第二個啦= ="

入夜後訓唔著 只怪自己朝早起得晏
so咪一路係咁抄notes直至眼訓
見ming比我既msg話一年唔係好多時間 好多野要追
諗返自己上年打機打到天昏地暗都仲未曉會考係咩一回事=.=
到家下仲未懂得珍惜光陰 唔努力計數
唉.....要檢討啦........

>>March 26, 2004 at 5:34:29 PM GMT+8

2004 年 3 月 24 日 星期三 【暴雨】

唉...細佬又是遲起身啦= ="
又嘈醒我="=
7點幾醒左之後就再訓過
跟住一訓就成12點先醒@"@
我未試過訓咁耐架...咁好訓反而擔心自己有問題添= ="

好無聊丫...好想快d返學對卷添....

夜晚~阿媽同我講話我紅光滿面 緊係多得我d湯水啦
唉...又係度自吹自擂...
話時話 我最近塊面真係紅扑扑....唔係丫化=.=
家下紅就算啦 千其唔好返學個時紅晒丫 唔係又比人笑架啦= ="

>>March 26, 2004 at 3:52:25 AM GMT+8

2004 年 3 月 23 日 星期二 【微冷】

做乜最近又涼返架>"<

尋晚我已經幫細佬較左鬧鐘 點知佢今朝都係唔知醒= ="
緊係啦....平時我叫佢醒 今日佢唔遲就難啦.....
連阿媽都係我叫既..今日阿媽搭3先起身嗌醒細佬
佢2個一早就趕到咩咁 我就比佢地嘈醒= =
你話~~~我係幾咁重要呢~~~

朝早玩個板板
晏晝執屋
無無聊聊咁又一日

>>March 24, 2004 at 7:35:36 AM GMT+8

2004 年 3 月 22 日 星期一 【微冷】

考晒mock啦~~~~~yeah~~~~~~~~~~~~
諗住聽日要返學 點知唔駛喎 仲放成3日假!!!
下個禮拜先返丫~wakakakaka~~~~

至於今日既mock.......
卷2都ok既....雖然唔係好識-.-
但卷一就慘不忍睹....實唔合格="=
唉......算

下午同瑩去左荃灣買禮物比miss
點知個budget得個廿雞!搞到好鬼頭痛....
冇計啦....今年比得三百五...上年人地出四百 有成五六十蚊買.....
好慘丫...廿蚊要買得得體.....真係........
結果行左好耐丫 終於買到lu~"~
之後一路行街行到六點先走lu~

夜晚諗住寫份ive諗住交 見人人都勸我交嘛......
點知原來要親自去ive交@"@宜家先知丫我= ="
即刻打消念頭 唔交咪唔交!
家下冇條後路比我退 只可以向前衝 咁咪仲大推動力 因我已經冇得選擇.....

>>March 24, 2004 at 3:36:24 AM GMT+8

2004 年 3 月 21 日 星期日 【晴】

K書K書K書K書.............

份英文卷都幾易下 除左rewirting....
但我勢估唔到呢份卷有成4個字剩@@
我不嬲做paper2都唔夠時間家嘛@@
雖然我一開始做個時就係擔心唔夠時間 就做得好快
不過都估唔到咁多時間剩.....
so...我諗今次都唔方高份....皆因好多mc都係撞=.=

>>March 23, 2004 at 5:37:52 AM GMT+8

2004 年 3 月 20 日 星期六 【晴】

今日...k書囉
kk下身心疲憊 跟住趁細佬去買lunch on左陣line
一on大佬就add我話「溫緊書丫?」
我話係丫 之後大佬就勉勵我話盡左力就得啦
跟住一番又一番既鼓勵不斷泛於我眼前
我心入面鼓幹勁又即刻湧出黎@@
其實我知好多人都默默咁支持我
不過當溫到好疲倦個時 個種互動性既鼓勵真係好鬼有feel>"<
即使每次支持既說話一樣 講黎講去都係個幾句 但我都受落架>"<
k到趴晒 即刻有人在旁鼓勵 真係咩精神都返晒黎 呢種精神力量可真架勢@@
多謝大佬耶^^

今日竟然有個女仔上黎搵細佬喎@@
幾靚女架...又幾in喎...細佬你.....哈哈~~
話就話上黎傾project 雖然拎完野就走左 不過..........
你做乜成日叫佢唔好上黎 雖然我真係要補習.......
但個女仔不顧一切係都要上黎 仲唔係係咩...........哈哈~~~~~~~

>>March 21, 2004 at 11:45:20 AM GMT+8

2004 年 3 月 19 日 星期五 【晴】

成朝都懶洋洋 so個朝就咁比我浪費左=.=
下午又唔知點解咁有幹勁.....嚮樹執屋
一執就3粒鐘........有書又唔溫喎我=.=
2年既書書.....足足佔左我2個書櫃...........
本來其中一個係細佬.....都比我霸左=.="
無計啦....只係放雞精都用左一格書櫃~"~
之後幫細佬執埋 但我又唔知佢邊d要邊d唔要
叫佢分返開又唔願郁喎佢 要我遞到佢身邊先肯郁=.=
搞到我失晒預算 冇乜時間梳洗
本來洗完頭出去 但要跑去青衣城 流晒汗....洗左姐冇洗=.=

同惠珍真有緣 2次都撞到佢 可以一齊搭車車~

放補習搭地鐵個時 見到個女仔勁樣衰.....
又唔係靚 著到奇裝異服
粉紅外套 黃色八摺短裙 紫色絲襪 個頭仲要夾個低b髮夾 扮晒天真咁=.=
佢條仔就成個丫伯咁 一個十一二歲咁 一個就四五十歲咁 嘩......戀童辟丫=.="

>>March 20, 2004 at 12:42:18 PM GMT+8

2004 年 3 月 18 日 星期四 【微冷】

今日長亨條路...特別漫長..皆因副校無啦啦同我傾計=.=......
朝早如常搭車 依舊行長亨條斜路返學
點知行行下副校走埋黎講埋一大堆我唔明既野.....
「做乜咁趕丫?早d出門嘛 見你跑埋黎....」
我心諗...你up乜丫 搞到我一頭無緒
後尾先知原來副校當左我係頭先追車個女仔=.=
你有冇搞錯丫....老花就配過副眼鏡啦 我邊係頭先跑黎追車咁冇儀態既女仔丫=.=
你一行黎就up一大堆野 到我發覺原來搵錯人 我又唔好意思話我唔係o個個人丫 你認錯咁咩=.=
費事落你面啦 見係年紀都唔細 唯有食死貓= =
好彩佢冇話我.....又話我幾有禮貌 同司機揮手截車 其實呢番話應該係同o個個女仔講先岩....
唉....算....當敬老 日行一善=.=
副校唔該你同人講野前 問清楚你有冇搵錯人丫=.=

今日份中屎卷 識就識做 不過唔夠時間=.=
但小青竟然話仲剩十五分鐘@@唔係丫化.......
後來又發覺第一分題錯左...就打後都錯............
oh my godT.T冇分剩啦?!

中屎mc比成個鐘我地做 駛唔駛丫?!
我做完之後仲剩4個字........maths又唔見有咁多時間做="=
個4個字係度發夢...死人學校又唔比人訓="=

>>March 19, 2004 at 7:04:04 AM GMT+8

2004 年 3 月 17 日 星期三 【陰】

放假放三日 我就日日都訓到黃朝百晏=.=
明明夜晚都好早訓架啦 但就住住成十點十一點先起身=.=
懷疑自己患左渴睡症.......
今日係中屎衝刺日 點死都要背晒佢="=

>>March 18, 2004 at 3:19:00 AM GMT+8