2004 年 8 月 13 日 星期五 【酷熱】

3日..呢3日我諗左好多野
心情還是很爛 我想我仍是接受不了
會考不是我想的這樣簡單
亦認識到原來自己是那麼脆弱......

幾日都呆呆下 又冇乜胃口
唔開心真係會食唔落野........

等待一刻是那麼熱切、期待、緊張
但接cert.後一看見英文肥左
眼淚便不由自主的流下來
再看得到的分數更激動不已
以為自己應該不會太差吧
但結果卻大失所望
失望之際另一個打擊又來......
今年repeat的位得5個...
想re的卻三十多人!
這消息簡直把我拉進谷底....
此刻我應該等消息?撲學校?還是.....?
阿chow的一句話 立刻又令我定下來....
終於我被學校收了 大石亦放下了......
不過我的朋友卻沒有這麼幸運...
雪瑩夠分可惜eng不合格....
婷、萳等人被選為候補名單...
當日下午我阿瑩去聯招
可惜別校卻不收她 幸而 學校於次天收了她升中六 真是恭喜!
至於婷、萳在此刻仍不知學校會怎安排..
其實放榜當天 收到內幕得悉她們會re到
不過到第二天說不能確定!!!
雖然有2個位剩 不過原來死人校長發脾四!!!
原因今年英文合格率得廿幾% 分數又不高
結果黃副校說不能拿定主意 要待校長點頭!!!
有冇搞錯丫!!!!這消息令她們擔驚受怕 尤其是婷!
你個死人校長 死要面 英文差是整個級別關她們什麼事!
若然你唔收 我肯定叫人唱衰你 做咩議員校長丫
成日唔做野 只係去應酬 成績唔好又發脾四
你試下唔收丫...睇下我會唔會唱到你人見人憎丫哪!!!!!!!!!
唉.....諗住四個齊齊re 有個伴 宜家.....都唔知點囉/-\

我自己又點呢......我好唔甘心丫!!!!!!!!!!!
要re的一刻 要發癲啦.....
原來這年我的付出是不足夠 至令成績.................
英文我可以點惡補呢....去補習班都fail
來年都不去補習班啦.....一來又notes 二來覺得私人補才行啦....
不過.........看來我是不能再補習 想這些又有何用?!
尋晚李sir打黎 知道我升唔到大為吃驚 對於我comm拎唔到A更是失望
佢竟然建議我上佢堂唔駛聽書做筆記好過(竟然有老師叫學生唔好聽書~.~")
但他又說得對丫...我都聽過啦 佢仲叫我補習添...
補習.....我是有心 不過家境不允許呀!
今次會考 屋企已在我身上花上不少 結果卻令人失望.....
加上現在家中的情況.......我是明白的
我亦想過若然我節衣縮食 最多都得二百幾蚊
不要說私人 去外間補習也不足夠!!!
都是....唯有自修英文吧.......

下午收到婷電話 佢地終於得左啦!!!!!!!!!!
好野~!~!~!~!我地一班啦~!~!~!
原來唔止校長衰 副校亦都冷酷無情
未考之前對我地咁好 宜家成個黑面神
好 我認清你啦~!

自從李sir打黎 壓力愈感愈大
估唔到咁多老師對我抱咁大期待.......
來年 要為自己定下再緊密的時間表....
要多點溫習 默默渡過REPEAT的一年...
REPAET....我相信我一定會瘋........

>>August 14, 2004 at 6:41:02 AM GMT+8

2004 年 8 月 10 日 星期二 【雨】

淚

>>August 11, 2004 at 2:48:51 PM GMT+8

2004 年 8 月 9 日 星期一 【清涼】

開始憂添=.=
憂咩?憂要in=.=
唔識答耶....係咁搵料 已經好煩
阿爸仲無啦啦叫我上咩電盈網
check咩優惠=.=
頭都痛埋 好想覺覺豬丫>"<

豬銘又咒我=.=?
我點會自殺架="=

>>August 10, 2004 at 5:41:40 AM GMT+8

2004 年 8 月 8 日 星期日 【清涼】

尋晚 雪瑩打比我
佢係度「發癲」耶@@
這都因放榜關係吧...
佢仲同我講左好多野呢.....
世事無常 唔係你話付出就一定有回報
就好似candy咁>.<.....
唔知到時我又會點呢........
我期望既 又會否得到?!
此起彼落 心情有點複雜
不過 我依然十分期待十一號的來臨!!!
雪瑩話我乜都唔諗係逃避
但希望呢日永遠不到來又不是在逃避嗎?!
好多人都話我怪 咁興奮放榜的一天
但不應是這樣的嗎?
我興奮開心 可能因為我認為我有努力過
成績應該不會太差吧
若然到時不能達到目標
不知我會怎樣呢 會不會聲淚俱下?!
我自己都唔知道........

今早撞到櫻櫻同展美
估唔到櫻櫻仲有睇我日記耶@@
巧開心丫>"<
鍚晒你丫櫻櫻>3<(我又傻左啦.......)

返到學校 先拎一大堆資料
繼而仲有錢收@@(估唔到有剩$.$)
之後就聽一大輪講話....
但呢d野對我冇乜幫助.......

跟住食飯囉~
其間惠珍係度左禁右禁 又係咁笑
好想知佢同邊個傾計耶
我地就笑言話佢同條仔傾
好快謎底就揭開啦....
鋒打比我 知咩事啦....
之後佢2個又撞到
仲打埋比我「訴苦」
一個話比人硬拉黎
一個話佢見到靚女自己黎
2個我都唔多信 我想講既係...
你唔想黎又邊會有人請得郁你?!
不過我話佢地玩我就真=.=
唔比我收線 唉=.="

返到屋企 沖完涼
打掃埋之後
開始刨資料 估唔到會考完仲要刨野=.=
無計啦....為左自己既前途 唉...........
點知一睇...咩面試技巧黎架=.=
竟然會問你「請你用一分鐘介紹自己」
　　　　　「你有什麼優點/缺點?」
　　　　　「請你評價下現今中六生 點樣既中六生才算是恰如其分?」............
寫晒問題 又唔教人點答=.=
我又唔曉呢d野 點算丫 救命丫 有冇人可以教我丫=.=
慘啦............................

>>August 9, 2004 at 11:09:27 AM GMT+8

2004 年 8 月 7 日 星期六 【陰】

倒數～仲有四日！
好興奮丫＞～＜
但唔代表我信心十足實升到喎＝＝”
只係好想見下自己的成績姐～
升又好ｒｅ又好　我已作最壞打算
畢竟～自問自己未有盡全力．．．＝＝
不過我緊希望我同埋班ｆｄ可以齊齊升上中六啦！！！
大家要為我祝福丫～～～
聽日返學～唔知會點呢～～
好耐冇見班ｆｄ啦　好掛住你地丫︿︿

>>August 8, 2004 at 7:55:10 AM GMT+8

2004 年 8 月 6 日 星期五 【酷熱】

好耐冇打日記LU
因為呢幾日都冇乜特別 日復日都係過規律性生活
SO....都唔知打乜=.=
而今日嘛....同老豆去買"送"
我係萬分不願意 因當時做緊我想睇既卡通片=.="
但我都係同佢去囉.......
下午老豆煮飯 佢丫...終於煲少左飯
D瓜又煮"淋"左.....
這都是因我前天向老爸發脾四的「意見」...
佢竟然一一記下 仲改埋煮法
我.....應當反省吧.......

>>August 7, 2004 at 6:07:57 AM GMT+8

2004 年 8 月 3 日 星期二 【晴】

說不出的矛盾
老豆今日又返工........

>>August 4, 2004 at 11:15:49 AM GMT+8

2004 年 8 月 2 日 星期一 【晴】

大佬 咁耐之前既野問返我我點記得丫=.="

>>August 3, 2004 at 4:19:57 PM GMT+8

2004 年 8 月 1 日 星期日 【晴】

人老先窮 可憐
所以呢~無錢係萬萬不能
要努力讀書 努力搵錢 世界就係咁現實
邊個都靠唔住......
我唔係話想發達 能糊口就足夠
但要做到呢個目標 亦不是一件容易既事.......

>>August 2, 2004 at 11:29:17 AM GMT+8

2004 年 7 月 31 日 星期六 【晴】

老豆起碼要靜養成個月..今個暑假冇囉....
都唔明老豆行幾步路都係咁喘氣仲要去散步架喎?!
今日我陪佢去愉景新城 行得咁苦都要去 唉...
去左ella買左對拖鞋啦^^老豆送@@..............
終於唔駛比細佬話我著佢對拖鞋.....
之後又去m記食左大餐
就咁過左一日

>>August 1, 2004 at 12:38:59 PM GMT+8