2004 年 9 月 5 日 星期日 【酷熱】

今日派左math et卷
我竟然有42分丫@@
好開心丫~~~~上年我d卷至高都係得32>"<
進步左冇比老師印印仔>"<
HAPPY@@(得42都大爆出黎 仲咁開心...哈哈)

聽日SIX FOUR同修PE都有得去睇國家隊!!!
我又想去丫>.<
田亮 晶晶 劉翱....嗚嗚....唔制丫>.<
紙巾仲係度曬命 哼>.<

終於拎到貴州隻碟啦!!!
我滿懷興奮諗住睇相相 點知?!?!?!
屋企部機CHEAP得濟 LOAD唔到!!!!!!!!
唔制丫 我要睇相丫!!!!嗚嗚...............

>>September 6, 2004 at 12:34:38 PM GMT+8

2004 年 9 月 4 日 星期六 【酷熱】

有冇搞錯丫 你買簿要我出錢>"<
都唔關我事 但要我破費!!!

>>September 5, 2004 at 5:30:52 AM GMT+8

2004 年 9 月 3 日 星期五 【酷熱】

勤．勤．力．力
　　永．不．言．敗

>>September 4, 2004 at 6:30:32 AM GMT+8

2004 年 9 月 2 日 星期四 【酷熱】

仲未習慣課堂
總覺喘不過氣來>"<
就咁又一日....

點解今日咁多人同我講早晨~.~
樂文係咁 俊峰又係咁
無論幾點都係早晨~.~"

中五 真係要孤身走我路?!
同班six真係傾唔到計啦..
雖然以前一班我都係唔出聲一個=.="
但起碼我聽得明 家下佢地講班既野 我就似被遺棄的一個>.<
唉 終於明白之前婷對我所講既野啦.....

今日時運好高丫我*-*
回家路上 樹上既果實無啦啦跌落黎
咁岩跌係我隔離 仲要連跌2個都冇中我頭獎@@
行行下路中頭獎既話 我真係唔敢想像 個頭肯定污到咩咁.....仲分分鐘比人拿黎做笑柄=.=
好lucky丫我*-*

>>September 3, 2004 at 8:44:22 AM GMT+8

2004 年 9 月 1 日 星期三 【酷熱】

本來仲好mind...
但經過今晚 我想我真係通啦
煩左我咁耐 今晚一定好好訓!

peat既壓力 我終於真正感受到
好多老師係新任教 我已經唔係好慣
miss lee既效率 陳蛇既下馬威
連林蛇曾經教過 今年佢竟然改晒作風
真係頂唔順...
一踏入一個陌生既班房 我個心胸就有憋住的感覺..
心理作用?!我唔知道...
總之就係唔想上堂
尤其領教過陳蛇既下馬威後...
一黎就鬧人 對我地repeater更要求就甚高
我地第一次比你教 唔熟你規矩緊正常架
唔聽你講野 問返你問乜就起駛鬧人!
人地係女仔黎添架 雯雯真係可憐>.<
咩係陳唔係黃 你根本就係在意我地比較
我地夠知家下係你教啦 咪針對我地好喎
上第一堂姐 比人地適應下都得丫?!
變態...
我份et冇做第一題 都知肯定肥架啦
估唔到陳蛇會質問...
行出去個刻都心知不妙..
幾驚丫我 好怕比人鬧架嘛我
因間喊左會好魚架>"<
好彩 急中生智...
話我以為只係考必讀剛目
所以咪唔識囉
我最估唔到佢竟然信到十足
仲話我理由充足=.="
點都好 總算過骨=.=

入夜 終於流淚
但卻感到舒暢

大佬 我好開心你留言比我耶
你知唔知丫 我睇完之後有想喊既衝動(唔知點解~.~)
不過你d話又真係....土左少少...哈哈~講笑咋
早一點懂得放開
早一點懂得成熟
呢2句幾正..我覺得@@"

>>September 2, 2004 at 3:45:55 PM GMT+8

2004 年 8 月 31 日 星期二 【晴】

心 有點酸溜溜的>.<
因為..因為...d歌歌囉>.<
點解最近d歌詞都咁架 不過又好好聽喎>.<"
「景因情生」同樣道理 我查實咪又係咁...唉

miss lee好有效率
亦都好好人耶
不過佢做野咁快...有d唔係咁適應
聽日就要開始上課啦@@

>>September 1, 2004 at 11:55:23 AM GMT+8

2004 年 8 月 30 日 星期一 【綿綿細雨】

個人諗通左 舒服了不少
人嘛~要面對現實
釋懷是必須的.......
仲有好多重要既事擺係面前
我一定要努力>"<

又返我舊帳=.=...
你估唔到我夠估唔到啦!
我唔想合格咩
哼>.<

>>August 31, 2004 at 11:13:12 AM GMT+8

2004 年 8 月 30 日 星期一 【綿綿細雨】

今早看到一篇很有意思的文章
現轉貼如下 與大家分享

How To Love

How to love，我一直在想，我一直在想，
現在的人是不是都太軟弱了呢？
不想寂寞，卻也不敢付出，更不敢去追求。
我們常常懷疑自己，明明條件不差，為什麼偏偏沒有另一半？
那些不那麼漂亮、不那麼可愛、不那麼幽默的人，
反而擁有令人羨慕的感情，為什麼呢？

我想，是因為我們都太小心、太謹慎、太不敢去愛了吧？
我們將自己的感情包裝的好好的，不讓對方發現，為了所謂的矜持與害怕。
選擇等待 ... ...
選擇放棄 ... ...
選擇錯過 ... ...
偶爾我也會為獨自一人的日子感到空虛，
雖然身邊同性或異性的好朋友總是支持著自己，
卻有種模糊不清的不安全感與不確定感，我真的夠好嗎?
有時我不禁自我懷疑，面對愛情，處於被動一向是種最安全的方式。
而且 ... 輕鬆 ... 於是為了寂寞為了尋求陪伴，
我們不免會考慮起那些有勇氣對自己表白，先付出心意的人，
無論結局是好是壞，對自己的傷害都不那麼大，
因為「是對方追我的」，「我沒有像他喜歡我那麼深」。

被愛很幸福，可以接受、可以拒絕、可以有面子，
於是我們總是等著人家來愛，但是 ... ...
當我們發現沒辦法愛上對方時呢？又或是我愛的人永遠都不說愛我呢？
我該接受那段不期盼的感情，還是勇於追求自己的幸福呢？
想著過去感情生活的空白，我發現那時的自己，既不敢接受愛我的人的情感 ，
也不肯去追求心動的對象，只是偷偷希望對方能主動，難怪 ...
我會這麼的寂寞，這是因為，我不給別人也不給自己任何的機會。


「現在的男孩不是騎士，女孩也不是灰姑娘」當我翻起自己高中時代寫的日記時，
心中突然湧起好多的感觸，過去的傲氣消逝的同時，有些事卻不曾改變 。
現在的男孩確實不一定有勇氣追求自己喜歡的女孩，
現在的女孩也不一定需要等待白馬王子的邀約，
在若有若無的暗示中，期盼對方的回應 ... ...

我承認我是這樣的，但這樣會錯失多少可能的幸福呢？
很羨慕很佩服，那些勇敢坦率說出自己的心意表現自己的情感的人。
不管是男孩對女孩或是女孩對男孩，他們都對自己誠實的好可愛，
或許會為了愛情而興奮得整夜難以成眠，或許會傷心得淚流滿面。
然而，比一再的遺憾，來得精彩吧！


我想我們都應該更勇敢些，更堅強點，不能因為害怕傷害就乾脆不去愛了。
喜歡一個人，何必在意先說出口。想跟一個人牽著手一直一直走下去，
分享自己的喜怒哀愁，這樣美麗的心情，難得一見 。


我們都要學著更溫柔，對愛我們或我們愛的人，認真接受、認真付出 。
遺憾與後悔，比什麼都讓人難過。
別讓幸福，又由身邊流失了。
我要，更珍惜所有的一切。

伯爵語錄：生死一線間，珍惜愛你的人及你愛的人吧！

>>August 31, 2004 at 2:50:05 AM GMT+8

2004 年 8 月 29 日 星期日 【雨】

無可救藥

你最在乎的不再是我　為什麼我要告訴你
最愛還是你　 一次又一次
聽說那個女生又再撲到你懷裡
她什麼名宇　有什麼了不起
那所謂愛情的美好　我一直在尋找
是成長的代價　失去了你
我的天空也快塌下
怎麼趕不走失戀的苦惱　我知道我無可救藥
你說過會保持聯絡　你跑到那處了
我不可以再陪你到老　如果你傷了就回來
我在祈禱　別忘了我的電話號碼　不要把情書燒掉

我什麼都不想要　思念好像苦藥竟如此難熬
你也無法自拔　只為追求　最新最刺激的戀愛

請不要笑我傻　難道你不知道
除了你　沒有別的人教我煩惱

一廂情願?傻得很吧..
點解要比我知道...或許...
係個天想我快點清醒!!!
～～～～～～～～～～～～～～～～～～～～～～～～～～
今日２科都唔係好識....
心情又差得很="=

都係miss lee好人
講我地係「新生」
其他?好自然係講「repeater」...
心緊有點酸
什麼「特登留個位比你架!」
你地究竟咩意思 又做乜要笑...
不過一年 好快過姐...別的不要想得太多
我要讀好書 誓上中六之位

>>August 30, 2004 at 10:45:40 AM GMT+8

2004 年 8 月 28 日 星期六 【雨】

比老媽子一搞．．
我個斜髮莊變左平頭莊．．．
碎就碎啦．．但都係個句：感覺怪怪的＞＜”

>>August 29, 2004 at 5:58:01 AM GMT+8