2004 年 9 月 26 日 星期日 【酷熱】

連雯雯都話唔習慣peat的生活
而我...?仍舊帶點茫然的態度過活....

琴晚瑩係QQ同我講的一番話真係令我好感動...
但而家我真係冇野架啦 不用擔心喔>.<
今朝瑩同我講佢琴晚夜訓皆因睇我的日記至深夜@@"
有點愕然 自問文筆差 內容又冇咩特別..
但瑩竟說睇到有d想喊 而且一口氣睇左成廿幾板@@""
瑩仲講~真係估唔到「死人」「shit」都出自我口中...
我諗諗下 可能因為我平時都唔多出聲嘛~
而我係日記中會毫無保留的講!講!講!
所以都有為數不少的人會看我的日記吧@@

講起我鬧人的口頭蟬「死人」
我今日真係好嬲
個死人林文輝又叫我="=
自從開學後 每逢有文學堂 佢緊係叫我 第一堂已經係咁...
我諗呢班入便每個同學都一早熟悉我的名字=.=......
這都要「歸功」於林蛇=.=
有fd答問題 我都好自然會望佢
做乜今日話我啤婷喎="=
哼...
都唔知係咪因為係貴州個時得罪左佢搞成咁=.=唉

math派卷 我唔合格
比阿lee怒啤="=.........
睇黎我係lee的印象會愈黎愈差啦...
之前已經成日唔記得帶野令她留下壞印象
又試過係早會做功課結果比佢話
今朝仲因冇帶張國歌紙比佢省=.=
我次次唔記得帶d野都係d咩體溫紙丫 歌紙丫d咁既白痴野=.=
但係佢眼中...樣樣份量都好重
家下fail 佢一入黎已經指桑罵槐咁鬧人
聽得出佢鬧repeater 姐我啦=.="
咁我中四開始無論大大少少既測驗都唔合格架嘛>"<
而且我考個日仲唔舒服 係咁流鼻水
個時我顧得份卷黎又顧唔到d鼻水 顧到d鼻水黎又顧唔到份卷=.=
派卷個陣 lee係咁左睇右睇好似唔想比份卷我咁
繼而仲啤到我行一行 真係頂你="=
唔合格我想既咩?!家下好似我錯晒咁
不過考得一課都只得十幾分 好似又真係我錯= ="""
咁人地係數學白痴黎架嘛 分分鐘一加一都計錯啦=.="
駛唔駛咁先?!?!?!?!?!
唉.....要補測...仲要冇分加 兼測到合格為止...變態=.=
家下好掛住文清丫>.<
至少我跟唔上個進度都唔會比人怒啤先="=

嬲嬲的一天>.<
REPEAT真係好難過活!!!

相叔今日送左個寬頻電話黎
佢話用唔著喎 咁岩我地屋企電話又shortshort地
不過遲下電訊都話會送hand-free黎 因為我地係老顧客緣故~
我地咩都冇申請 要個寬頻電話都唔知做乜
唔好話短訊啦 3line 來電都冇申請到
呢個電話係我地屋企真係有d大材小用.....

>>September 27, 2004 at 11:02:17 AM GMT+8

2004 年 9 月 25 日 星期六 【晴】

仲忙丫今日~!

>>September 26, 2004 at 10:02:51 AM GMT+8

2004 年 9 月 24 日 星期五 【晴】

好忙丫好忙丫~!~!

>>September 25, 2004 at 7:26:51 AM GMT+8

2004 年 9 月 23 日 星期四 【陰】

今日幾乎堂堂訓
好好睡意喔~.~

死人林文輝
明知我唔舒服
係咁叫我個名做咩丫="=
係你堂我又冇訓覺="=
好彩冇叫我答問題姐 把聲沙成咁 答乜="=

估唔到雯雯竟然借格林童話初板比我喎@@
之前聽佢講幾恐怖 搞到我都有d想睇
不過我唔知佢家姐有 而且佢仲帶埋返黎借比我@@?!
唔講真係唔知 家下既格林童話係經過多番刪除同美化
原本的係非常恐怖與血腥......
好似白雪公主個故仔咁
邊有小矮人幫佢架
原本個故仔係小矮人點白雪做野架 當佢阿四咁
大家有興趣都不仿借黎睇下~~

放學同婷傾左好多野呢~
佢睇過我日記 擔心我搵我傾呢~
不過我都睇得好開 我明白架
結果婷佢話我大個女喎@@仲話唔知係佢安慰我定我安慰佢咁^^"'
大個女 成熟左?可能~我自己都唔清楚
自問同屋企人冇個似 基本上我地成屋人都唔似
但脾四就一模一樣
大家有咩都收收埋埋 唔想人擔心.....
我很感激婷同我分享的一切
尤其係對待媽子的經驗分享...

係自修室竟然見到鄧志昂....
一個令我不太相信的事實.....

PS:大佬我知架啦~唔好怒氣下~我知你緊我架^^""
家下我已經睇左醫生 好返好多囉~~
我會鍚住自己 唔會再"臨" 大把野等我處理嘛..
有野會黎煩下你架啦~呵呵~~

>>September 24, 2004 at 11:23:58 AM GMT+8

2004 年 9 月 22 日 星期三 【晴】

朝早起身聲都失埋
變左把男人聲=.=
幾驚講唔到野丫....

商業開學後第一次測驗...
但我竟然唔識....
肯定唔合格今次...
死啦 對唔住李蛇丫>"<
oh my god~!~!

陳蛇見上我地成3堂
緊係唔想上 成日"踏"波鐘
又上又落 最尾個堂仲話要去禮堂
成堂冇上 但一打鐘又死返黎
仲唔係唔想教書?!

放學返到屋企
老豆同我講定左時間做啦..
29號入院...見佢雙眼通紅...
仲要擔心媽子 媽子又係神經質d既....
老豆都黎唔切諗下自己 仲要擔心媽子
唉....我就更要遏力作出輕鬆的微笑
大家都在焦慮 所以我一定要cool down>"<
唔可以再流淚(係唔係都喊定先既我= =")

>>September 23, 2004 at 10:53:52 AM GMT+8

2004 年 9 月 21 日 星期二 【晴】

尋日晚終於頂唔順
去左睇醫生
醫生竟然同我講...
「你疲勞過渡 加上睡眠不足
身子虛弱 所以一冷親就咁辛苦」
比醫生嚇死我....=.="
都唔知係咪因為咁
開埋晒d安眠藥過我
搞到我朝早食完藥
返到學校整天想覺覺豬
睡眼惺忪的我 今日就係咁中頭獎
比個個老師都問我問題=.="
幸好 全部識答= =+
有賴我隔離的軍師= =+
我病左 連萳萳都叫雯雯唔好玩我
仲問我要唔要紙巾冷衫
萳萳好關心我耶@@
當然仲有好多好多既fdfd都好關心我啦
頗感動的一天^^~

>>September 23, 2004 at 10:38:05 AM GMT+8

2004 年 9 月 20 日 星期一 【晴】

有口話人冇口話自己
說來容易做時難 唉
成日話我地不孝 你究竟知唔知咩原因丫
一返黎就鬧人 叫我點關心佢丫

今年仲多野做過上年
好忙喔...
但發覺屋企D野仲更多要我做=.=

唔舒服唔睇醫生
唔係因為我怕藥苦 係因為次次食西藥都會令我冇胃口
加上我知道屋企既問題
唔想成日花錢
不過我的無知 我所謂的體諒偉大
只會苦了自己.....

連婷都話我上年冇咁身子弱
今年就唔多掂囉
再冇藉口比我推啦...
有時間就要跑步囉
不過我知婷為我好既
好似自從比佢拉左去行路歸家
我跑九分鐘之後就再冇腳痛LU~

恒都會睇我日記?!?!
有點驚訝...YET~又好開心
因為又多一個人會睇
比我更多的推動力繼續打下去!

>>September 21, 2004 at 11:20:08 AM GMT+8

2004 年 9 月 19 日 星期日 【晴】

朝早起身 睇黎個病仲未好
頭仲痛
之後又啪藥
d成藥都冇鬼用既 但我又唔想睇醫生....
下午參觀金管局
頗無聊下....
跟住頭冇咁痛
不過聲就沙晒...........
5點幾先返到屋企
個miss lee見我地參觀又比n題數我地做=.=
咁多功課 聽日仲測驗
想拎左我條命嗎T.T?!?!

>>September 20, 2004 at 9:57:54 AM GMT+8

2004 年 9 月 18 日 星期六 【晴】

尋日因唔舒服
結果一堆堆的功課郁都未郁過
今日個病都仲未好
但為趕起 都要死撐
只不過今個禮拜辛苦左d姐
就咁就病左= ="
牛高馬大 但就成個藥灌子咁=.=
唉

大佬話我d係babyfat 遲下就好
不過我都就十八啦 冇得發育架啦啵
加上我塊面不嬲都肥 成個包包咁架啦~.~"
冇得變架啦
話時話 咩叫babyfat~.~?

入夜on左個查日本名既網站
幾得意架~~
我打中文就叫滕原久美子(有點老土...=.=)
英文呢~就叫秋本步
點解差咁遠既~.~"

>>September 20, 2004 at 9:50:02 AM GMT+8

2004 年 9 月 17 日 星期五 【晴】

尋晚細佬係咁煲機搞到我成12點幾先訓
結果 一朝早個頭勁痛對眼爆痛
冇精神上堂
返到屋企做呢樣做個樣
最終 我發現自己發燒了.....

黃昏掃地時 竟覺地上有蟻群
嚇到我唔知點好= ="
繼而記起媽子話有殺虫水
隨手拎起就噴!
一段時間後 點解d蟻仲郁既....
又聞到一陣香味
此時我回一回神 望下支野
原來我噴的是空氣清新劑....
比人老點了= =

>>September 20, 2004 at 9:38:47 AM GMT+8