2005 年 2 月 4 日 星期五 【陰】

電視佬上黎整一整
就咁2粒鐘 收左我地6舊水=.=...........

係咁幫老豆清潔
勁疲.....
之後做功課--痴左....

唔知打乜啦
頭仔痛=,=

>>February 6, 2005 at 2:50:59 AM GMT+8

2005 年 2 月 3 日 星期四 【微冷】

放假啦~yeah>"<
不過竟然咁多功課=.=........

朝早返學 瑩同紙巾見到我細佬喎
瑩就話:你細佬同你一樣咁白既~
我心諗咁大獲?!
我辛苦幫細佬經營 但都敵不過遺傳= ="
細細個~已察覺細佬白白
我諗諗下唔對路 男仔咁白唔掂
之後極力誘導佢曬黑
(我呢個家姐....當左細佬係試驗品=.="硬把自己個套塞比細佬....)
咁岩個時佢d fd好鍾意打波 久而久之咪黑左囉
點知...............日積月累之洗滴下
幾年後----白返~"~
唉.....其實我都唔應該咁既....覺得自己有d似希特拉添=.=
中晒西屎毒=.=........
而家會點?唔理佢lu~邊有時間理丫
雖然..我始終覺得細佬黑d比較好=.="......

17號返去補課?!
睬你都傻啦!
比林文輝叮上左....真大獲=.=
唔止我 仲有敏同雯.....堂堂比佢輪流問書="=
今日好不幸 又比佢叮上左=.=........
答左 佢又冇反應 之後又係咁玩我=.=
搞到我鬼咁緊張 面都紅晒 仲要語無倫次 繼而傻笑一餐=.=""
次次比佢問親 我都會成為大家笑柄(我係咁認為囉)>"<
真係激死我>"<
我唔會去補課架!
一黎晒時間二黎我唔想又比你玩~!哼>"<

青e城彷彿成為我同婷談天的好地方~
次次同婷坐係個度~都會高談闊論一番
因為唔駛怕會唔會有老師同學出現丫嘛....
大談都冇有怕@@
不斷的談論 此地已成我倆申訴的好地方

老豆自從食左幾包旺旺之後....
竟然係百佳買左兩大經濟包之旺旺~.~
我數過啦....大約有一百六十包旺旺到....
旺旺有冇咁好食丫~.~
不過咁多包都係買左廿四蚊咋喎~都幾抵下

好壞唔壞....
部電視竟然係臨近新年先壞=.=
平面電視真係冇好野
之前部老爺機用左幾廿年都冇樹
呢部?已經壞左2次啦
老豆話聽日搵人黎睇下 若然整唔好就大獲
家下買都買唔切 冇人送貨丫@@
仲有丫....樓下個整機佬上一上黎要5舊水架~!
唔好去搶~!~!不過長發又得佢一個識整=.=
細佬竟然話:呢d野你情我願姐 冇人叫你搵佢整
真係大言不慚="=.....

ps:會考唔駛驚架 愈驚愈亂
充足的準備 就有十足的信心>"<
記緊握實每分每秒
英文呢家野...我都唔知點講啦 我都衰過嘛
只可以同你講:小心選題 盡量避免寫story之類的topic
皆因...我就係咁而衰左.......

>>February 4, 2005 at 3:33:49 PM GMT+8

2005 年 2 月 1 日 星期二 【乍雨乍晴】

好耐冇打日記囉@@
皆因最近冇咩特別事~~

阿秀無啦啦問我點PLAN會考時間
令我好驚訝 可能因為個日我係度抄筆記....

LINLIN竟然主動搵我地食飯@@
唔想同佢食哦~.~"
我地咪同佢「耍太極」囉~keke

希望maywong聽日帶隊..
希望maywong聽日帶隊..
希望maywong聽日帶隊..
希望maywong聽日帶隊..
咁我地就唔駛上pe= =+

仲有兩日>"<......
係假期打埋文學筆記
咁我就咩科都做晒筆記啦~!~~!!
kakaka~~~~

>>February 2, 2005 at 12:19:56 PM GMT+8

2005 年 1 月 29 日 星期六 【陰】

一大清早比鬧鐘嘈醒
之後又頭痛.....
緊係比人激成咁=.=
尋晚比細佬用粗口鬧="=
唔幫咪唔幫囉 為左cs唔幫我=.=.........
但都唔駛咁丫?!
之後又比老豆剷我=.=
今日又大把野做 加埋尋日單野
心情唔好囉>"<

有時都覺得細佬幾慘
可能因為我會考衰左啦
我平日成績都好過細佬 但咪又衰左
自此對細佬更加嚴 係唔係都要佢溫豬=.="
日鬧夜鬧 搞到我都好煩
知道睇人唔可以睇表面
不過細佬比我感覺係 臨急抱佛腳(同我一樣=.=")
曾經有個fd同我講 佢個時都係咁
大大下就會玩厭d game 之後就會生性架啦
唔知係咪呢........
雖然我擔心佢
不過講都尾我依然好唔妥我細佬=.=

妖>"<老豆仲未戒到煙
成日賴咩心癮起
早排又賴政府話唔比賣煙咪好囉
你無心戒 即使唔比賣你都會去搵門路買煙仔食啦
真係激死我="=

ps:個2句係原文解讓中國的醜陋暴露
教人認識它的醜惡 使它加倍腐敗
乃至滅亡 即係置之死地而後生
將個概念代入hello kitty到 咁你就會明

>>January 30, 2005 at 9:28:56 AM GMT+8

2005 年 1 月 28 日 星期五 【陰】

尋日lunch個時
在回校途中 如常有講有笑
突然 婷向後一望
我同卿卿跟住望
發覺陳蛇係我地後便@-@
我當時嚇左一跳 心想:你幾時係我地後便架
佢見我地望佢 又開始發表佢既言論 .....
我一見佢 就拉埋卿卿一齊行
我真係唔想對住佢=o=
我咁做係咪好顯眼呢=o="
可憐婷就要不斷敷衍佢....
我就連望都冇望佢=.=
究竟佢係我地後便幾耐 又啤左我地幾耐呢= =+
真係神出鬼沒 好彩婷發現左佢....
唔係因間咁岩講佢壞話咪c=.=

今日補佢堂 死陳蛇無啦啦加鐘
又要聽佢講多廢話成個鐘=.=
加時期間 萳萳就係咁鬧佢~.~"
不過都人之常情姐

返到屋企一食完野就冇停過
係咁清潔.......個下晝咁就冇左....
仲要大把功課 hist筆記又未抄完
聽日好似話又要清潔=.=
跟手沖完涼之後仲要頭痛>"<
冇晒精神做野
慘囉...........
都係去眠眠算

>>January 29, 2005 at 11:56:35 AM GMT+8

2005 年 1 月 26 日 星期三 【微雨】

你睇我日記唔到 你睇我日記唔到.....(汗)

什麼小說比賽??
冇時間寫呢d野啦 雖然d獎品都幾吸引
自問自己冇寫作天賦 加上我作文巧慢嘛~
雯佢一聽到就寫緊~仲諗住去投稿
聽佢講個故仔幾吸引 唔知佢寫唔寫到呢
係到祝佢成功啦~!~!~!

西屎堂我地幾個坐埋係角落傾計~上堂
好開心呢 有點覺得似專屬我們的角落
與世隔離 對我來說 呢刻簡直係世外桃源(好似誇左d...哈哈)
不過真係好開心 好多笑話傾
尤其係阿咩食個青bb的包時
萳同雯不約而同話:食鴨屎包丫佢
笑到我地丫~~kakakakaka
我仲瞥見到佢望我地 緊係我地笑得太勁啦
我諗佢永遠都估唔到我地講緊佢 kaka

估唔到呢班除左同學仔鍾意卡通人物外
連班主任亦是!!
早知我就唔寫咁既野係週記到 搞到佢貼張咁既hello kitty貼紙
我都唔鍾意hello kitty 貼pooh比我咪好囉>"<不過亦因為咁先知佢竟然鍾意kitty..........
萳萳佢地知道左後 當然係咁笑 之後就提議齊齊寫憎kitty
一個寫好憎hello kitty
一個寫勁憎hello kitty
一個寫爆憎hello kitty
用層遞方式諷刺佢..........哈哈~~
雯寫得比較婉轉些少....
粉紅色代表發浪
蝴蝶代表白痴
貓代表......(唔記得左-.-")
之後再引用死水一課的句子...
「不如讓結醜惡來開墾 看他造出個什麼世界」
讀過死水都會明白是什麼的一回事
用呢2句簡直又文雅又暗諷 哈哈~~~~

>>January 27, 2005 at 9:11:15 AM GMT+8

2005 年 1 月 25 日 星期二 【陰】

諗住尋日個音樂比賽係定悶死
點知又唔係喎 幾好笑~
個陳蛇唱上隱添 我地練佢又唱埋一份
文清係窗外望住佢個下先好笑~哈哈
之後仲話同埋我地一齊上台
以為佢講笑 點知黎真喎
仲要問人借校褸著扮學生 諗住矇混過關
點知一上台就比人認出啦
佢著校褸真係又核突又好笑
但始終覺得佢影衰晒 本來已經冇心唱 加埋佢就真係.....=.=

又開始討厭上學
上堂真係好無聊
聽日又要上我最憎的數學
仲有三堂西屎 姐話要對住陳蛇三堂=.=
.....................................
快d放新年假啦>"<

乜b班逼人去飯敘架
好彩我地冇姐 不過我諗lee係知我地幾個實唔去嘛...
所以冇係班上咁講
卿卿咁樣就要去參加lu.......但碧玲好似同佢同桌
咁應該唔會悶 咁聽日得我同婷食lunch囉@.@

ps:你間學校校風良好姐...
我地學校 唉
我好彩唔見廿幾咋 人地試過唔見百幾蚊丫
之後係咁喊 但都無補於事囉.......
都係個句啦──防人之心不可無

>>January 27, 2005 at 8:32:30 AM GMT+8

2005 年 1 月 24 日 星期一 【晴】

lunch比人打劫@@
事緣發生係上星期五
見到我地學校+埋八三學生上左警車
後尾先知比人打劫
聽細佬講~話個日佢見到4個金毛係後樓梯
緊係見細佬佢地冇錢又冇手機先唔打劫佢
皆因事後話好似比金毛劫財
好彩我地學校後梯封左~冇咩偏僻地方
不過我地學校學生都比人劫喎= ="
睇死都係劫手機架啦 返學都帶仲要比人see到
財不可露眼耶~~

不過有口話人 自己又唔識do喎=.=
結果今日就破財啦=.=
上comm堂 諗住個銀包擺落個bag到冇事
個bad咁長咁深 加上又自己班房上堂 雖然坐唔同位姐....
但我諗唔到個八婆咁猖狂 竟然開我個bag仲偷我錢!
正一死八婆="=
俊鋒見到佢搵我野都借故喝住佢
點知轉手又黎過
唉.....只怪自己銀包唔跟身>"<
當買個教訓>"<
差d唔記得除左呢個隔離班「扒手世家」外...
我地班都有個底幾花下........
小心為上........

>>January 25, 2005 at 12:22:04 PM GMT+8

2005 年 1 月 23 日 星期日 【微冷】

今日好魚又好傻丫~.~
坐坐下失重心搞到扒街= ="
只怪自己搖凳囉.........

卿卿三思丫~
唔敢話ive一定會差過升中六
不過始終升中六比較是正路一點....

一齊已準備就緒
只等待新年假的來臨

原來我細個發生左咁多野.....
原來我有兩張出世紙
原來我同細佬成日比人輪流照顧
原來細個時比賓賓照顧簡直如同比人虐待
原來個賓賓照顧我地唔夠半年就比父母炒左
原來細佬細個曾經有哮喘
原來我細個已經咁叻女~識講「呢到剩係有得睇風景 冇玩具玩 我要返屋企o.o」
原來...........
原來....................
原來阿媽仲記得咁多野...............

>>January 24, 2005 at 1:42:39 PM GMT+8

2005 年 1 月 22 日 星期六 【微冷】

唉...抄左咁耐先抄完一本
仲有一本未抄丫@@
救命.......手斷啦~!~!
但要係放假前比返萳萳的喔
因此.......要繼續抄抄抄o.o

以為自己家境可憐
其實我不知幸福幾多~
從老爹口中得知個親戚有cancer
佢d仔女又細 家下又冇得返工 都唔知點算
唔怪得我尋日撞到佢個時 佢一臉垂頭喪氣咁啦
當老豆有病之後 才始覺不少親戚境況亦不為人道
一個人風光時 身邊事物亦變得美好 所知道的也是盡是風光一面
一旦衰落 身邊朋友 事物便正正相反 知道的就是最真實一面
這便是什麼同病相憐嗎??
總覺得如請客一課中一樣 有著一種不良風氣似的

ps:我好多野打咩?!
咁岩姐~有時日日打得一兩行
呢d野~當日有感而發咪up多d囉
其實你睇真d 我成日都係日記發"勞蘇"姐= ="

>>January 23, 2005 at 7:34:15 AM GMT+8