2003 年 7 月 23 日 星期三 【陰】

今日發生d事總是有反常態咁～
好似我一早７點起身～發覺掛８號～！
緊係欣喜若狂～即刻開機掛網～！
咁早ｏｎ不但組頻冇人講野～ｉｃｑ亦當然冇人ｏｎ啦～
對住個ｐｃ好悶～但我竟然可以無所事事咁上網上足２個鐘＝＝
直至９點細佬醒左咪要比佢玩囉～
之後眼訓去左覺覺豬～
一訓就訓到１２點．．．最奇既係阿爸唔叫我醒　由得我訓啵＠＠
到左下晏細佬又主動叫我打機＠＠
平時三吹四請都唔比．．．今日都唔知咩事．．．
而我又好早寫日記喎今日．．
奇奇怪怪的一天．．
-----------------------------------------------------------------------------------------------------------------------------
ＰＳ：
＠＠～
你兩個搞乜丫～我睇到一頭冒水啦～﹏～
搵人講比我知啦＞＜
唔通你地鬧左交＠＠？

>>July 24, 2003 at 7:43:07 AM GMT+8

2003 年 7 月 22 日 星期二 【雨】

好眼訓丫....
琴日成2點先訓...最衰都係個兩篇論文="=
今早風和日麗~但阿爸叫我帶遮遮~
雖然唔係咁願意但都帶囉
上上下堂~無啦啦「特別宣佈」!!!!!!!
跟住我地個個都以為掛8號啦~!~!
點知....竟然話因有工程進行...後樓梯將會封閉=.=
唉.....最後...咪死下死下咁上堂直至放學=.=
放學個時有少少雨~但都不以為然
但係到左搭巴巴途中....突然風雲變色~!~!
d雨簡直大得恐怖~!~!
個時仲要風勢強勁~搞到個巴巴搖搖下添丫~!~!~!~!
咁大既巴巴都被吹得左右搖擺..幾驚架巴會返丫~!~!~!
之後仲要大塞車........
原來前面有架van仔抄車仲要凹左@.@
所以淨番單線行-----塞車囉
真係好彩有聽阿爸話帶遮遮~如果唔係...............

>>July 23, 2003 at 10:40:04 AM GMT+8

2003 年 7 月 21 日 星期一 【晴】

　
↓今日所學↓
　
智者不惑 ，
仁者不憂，
勇者不懼，
內省不咎，
乎何憂何懼？

昨天－被註銷的支票
明天－未到期的支票
今天－隨時可用的現金

吾日三省吾身
忠、信、習

居處恭
執事敬
與人忠

己所不欲，勿施於人
在邦無怨，在家無怨

聽珊珊講～佢陪玲買禮物～
玲竟買左９２大元的姆明一族的東東＠＠
珊話佢平時咁吝嗇都落咁重本～
緊係想補償～心中有愧啦～
我都幾認同丫～～
死啦～咁我買咩好丫＞＜
頭痛頭痛頭痛＞＜

今朝丫～我整左尋日係九仔ｄｏｗｎ既相相放係桌布到～
細佬一睇！「嘩～！做乜整隻豬係度！！」
「下．．豬？！睇真ｄ？！」
佢最後先覺係隻狗＊－＊
哈哈～～笑左我成朝～
跟手我仲幫隻狗改左名．．．
叫做．．．
「豬仔狗～！」哈哈～～～～～～～～～～～
－－－－－－－－－－－－－－－－－－－－－－－－－－－－－－－－－－－－－－－－－
ｐｓ：你兩個．．．
唔好死丫＞＜
死左邊有人陪我傾計丫～！～！～！～！
咪死丫＞”＜
銘．．你真係好好運囉～．～（仲未死～”～）
九仔．．月有陰晴圓缺，此事古難全。
睇開ｄ啦．．．．．

>>July 22, 2003 at 11:18:31 AM GMT+8

2003 年 7 月 20 日 星期日 【晴】

尋日細佬無啦啦買金庸返黎玩....
裝左之後驚覺.......我個ac竟然仲係度@"@
嘩...三萬血丫~.~
跟住仲發現.....我個老朋友卓聖仲玩緊金庸@"@(幾乎玩左2 3年啦@.@?)
實在太耐冇玩....差d連點樣密人都唔記得=.="
之後又發覺...........dc好似係我冇玩之後入過我ac............
一想之下...鼻子一酸...兩眼不禁泛起珠兒....
結果整晚也無法安眠....

今朝起床當然「飄飄然」...腳步浮浮...
臨出門時仲要肚痛="=
上堂個時miss d催眠大法又鬼咁厲害
惡頂的一個朝早=.="

*點解好似寫親日記都係寫尋日~"~
可能係時間關係
加上我打機時間不定.....=.="

PS:九仔...我幾時有鬧你丫>o<

>>July 21, 2003 at 7:50:10 AM GMT+8

2003 年 7 月 19 日 星期六 【晴】

冇咩特別事 零舍覺得特別悶
好似日日都過d咁既日子
訓覺=>補課=>打機=>食mum mum-------循環不息=.=
做咩會過得有意義?溫書?做功課?做義工?
樣樣都唔想做啵=.=
唉.....悶死=.="
-----------------------------------------------------------------------------------------------------------------------------
PS:
　九仔
唔知你打個D係乜=.=
睇極都唔明=.=
指點一下小妹啦=.="

　希
無野好同你講="=

　銘
你識月下獨酌?!
不過好似識D唔識D啵....
你漏左「醒時同交歡 醉後各分散」兩句丫=.=


>>July 20, 2003 at 7:43:05 AM GMT+8

2003 年 7 月 18 日 星期五 【晴】

　
今日所感..........
　
吸煙等於服食慢性毒品
嚴重足以致命~!~!~!~!~!~!

知福福常來,
有緣緣隨來。

人生得一知己死而無憾
可惜知己並不易覓
所謂人心隔肚皮
防人之心不可無
害人之心不可有
既無伴 那何不如李白般
暫伴月將影 行樂須及春
我歌月徘徊 我舞影零亂
永結無情遊 相約邈雲漢

>>July 19, 2003 at 10:49:10 AM GMT+8

2003 年 7 月 17 日 星期四 【晴】

出外活動都要做report...匯報....
有冇搞錯....已經好嬲架啦=.=
今日要匯報但我個組2個拍擋竟然唔黎......
我簡直怒上心頭="=
我嬲當然係因為佢地唔黎
不過最主要原因係佢地事前唔講我知="=
你地唔想黎 我明白
如果直接講我知既話 我可能唔會嬲
不過你地卻冇做到.....
好彩我下晏打電話比你地....先知唔黎....
如果我唔係打電話問 你地根本冇心講
話唔得閒?!究竟係唔係 心照啦!!!!
根本你地諗住放飛機 淨得我同蘇係度
有冇搞錯丫?!咁仲算係fd ma?!
(亦因為得2個人匯報..竟然拎左最有誠意大獎=.=")

仲有我發覺.....我好似又高左=.="
死啦...點算=.=
上次度已經16x cm架啦......唔知而家幾高添丫=.=
千其唔好高過170丫>"<嗚嗚...拜托拜托...>"<
-----------------------------------------------------------------------------------------------------------------------------
PS:九仔...銘.....
你兩個係度...幾乎已成為我每日日記既必然內容@.@
你地黎留言我當然開心
不過你地都唔好為難我丫=.="
咩挫銳氣....咩閉門一家親....又外人咁...我好難做架=.="
九仔...你想要電話就問銘
如果佢唔比咁你就黎問我啦=.="
企係中間...真係左右做人難.....唉~"~

>>July 18, 2003 at 9:32:07 AM GMT+8

2003 年 7 月 16 日 星期三 【晴】

尋日同阿妹傾左好耐...可能佢係女仔啦...
好多心事都講左出黎...好舒服...
我比人飛左?!我真係唔清楚...
有阿妹安慰我...已經足夠
唔諗呢d野啦!繼續努力讀書吧啦!
-----------------------------------------------------------------------------------------------------------------------------PS:銘~原來我誤會左你丫@.@
有你留言我個日記又真係增添不少色彩既^^"
悄悄話...你估係留言板咩=.="
冇計啦...我轉數慢嘛..
同我傾計緊係冇咩話題=.="
你見我個日記寫咁多野.....
其實我諗左好耐架=.="
每次寫日記我都諗過度過=.=(係咪字字珠璣先-.-?!)
所以寫親日記....慢則個幾鐘..快都至少要半個鐘丫=.=
咁睇落緊係好多野講啦我=.=

九仔..你一係唔黎....一黎就整篇咁既野比我@@
好彩....我d文學修養都唔差c.c
李白既<宣州謝朓樓餞別校書叔雲 >丫嘛~~(有冇記錯@@?!)
昨日的確是不可留,留;則煩己。
今日的煩憂又是另一種執著。
詩中描寫的人生既不如意，
那何不學野人, 披散頭髮,無拘無束,乘一葉扁舟,浪遊山水?!
*曾經己成為過去,現在己不再是現在。

不過...如果斷章取義或從另一個角度睇...就唔係咁解....
皆因亦可以睇成係情詩.....
古人曾經用呢首詩篇為曲──鴛鴦蝴蝶夢
比作為好多情愛既故事啵~

*咁其實你想用e篇野表達d乜架???
*係咪好似我開頭咁解?黎安慰我?安慰銘?講出自己意願?定係講開於情情愛愛既東東?
(如果我解錯唔該單聲...因為我根本冇讀過呢首詩= =+)

>>July 17, 2003 at 8:49:42 AM GMT+8

2003 年 7 月 15 日 星期二 【晴】

最近好多icq既fd都send左好多網比我
有祝福朋友~戀愛咒語~心理測驗等等....
我本身唔信e d野架
但係次次人地send黎我都會去玩去試= ="
查實...唔通我不知不覺間開始相信呢d玩意@.@?!
不過每次玩完轉頭又唔記左喎= ="
哈哈...唔知自己諗乜...= =+
-----------------------------------------------------------------------------------------------------------------------------
PS:銘....我發覺....
你好似當左我個留言list係你既日記= =+
哈哈~~~不過冇所謂啦~
我都好歡迎架~
都係個句啦
記住向好個面看待事物!!

>>July 16, 2003 at 9:23:18 AM GMT+8

2003 年 7 月 14 日 星期一 【晴】

原來我有好多fd都用緊e個網寫日記架@.@
見到佢地個日記五光十色..令我有些許自卑/.\
佢地o個個真係好靚架><
我就咩都冇......
其實我想整架><
不過...對於我呢個電腦百痴...呢d看似咁簡單既野....
我當然束手無策=.="
唉....唔該搵人教下我><"
嗚嗚.........../-\

PS:銘..天下無不散之延席~
有離就有合~離別就是等待下一次的重逢丫~
仲有...凡事有好有壞~所以呢...
我地應該向好個面睇!!
你個妹間學校未必差既...
如果你個妹入左間好勁既~佢可能壓力好大~可能會有反效果!!!
就好似我咁 我間野都唔係好得去邊
但係就因為差 跟住好似顯得我成績好好咁=.=
亦因此我冇乜壓力 相對輕鬆左
作為阿哥既你 好好勸個妹啦
其實讀邊間都好 只要你努力上進就得啦 係咪?!

>>July 16, 2003 at 9:12:35 AM GMT+8