2015 年 3 月 9 日 星期一 【晴】

Point at us~



哈哈哈，好嘈呀

>>October 24, 2006 at 3:55:22 PM GMT+8

2010 年 4 月 11 日 星期日 【晴】

I miss you, yet, i fear of you

>>April 11, 2010 at 5:30:34 PM GMT+8

2006 年 10 月 8 日 星期日 【晴】

"Successful is the happy feeling you get between the time you do something and the time you tell a woman what you did."

>>October 9, 2006 at 6:34:20 AM GMT+8

2006 年 8 月 4 日 星期五 【晴】

尋晚 closing 撞爆左隻手指，今日做做下 counter 傷口又滲血。

妖，我好唔滿意新o個個 CSA，好奸！成個 CSA team 都唔鍾意佢。佢次次都過 break，我叫佢落返去，佢仲話：「夠鐘喇咩？」la_la：「你頭先話自己搭二上黎，而家過左搭八喇」奸精：「係咩？我搭二上黎咩」佢仲要唔比其他人落去，以免比人發現佢自己過 break。

學清洗消毒新地奶昔機，好 q 煩！今日返 3 pm - 4:30 am，痴 x 線！我覺得公司一次又一次咁呃人！大 b：「我一向最留意女仔，點解我留意唔到你o既？」

>>August 6, 2006 at 5:43:24 AM GMT+8

2006 年 7 月 28 日 星期五 【晴】

明明三十一號放假，又要我返去開會。我要同 Tommy 餞行呀！我好唔開心！
檸檬話為左補償我，聽日比我去 My Place - McDonald's Crew Club 睇恵蘭唱歌
-_-，我一 d 興趣都無，淨係想三十一日可以好好咁放日假。難道上天注定 McDonald's 會破壞我地？上次又係因為 interview 而唔去 Tommy 佢地個 concert。我憎死檸檬 -_-

今日學整 飯 tastic，十分簡單。又可以做返廚房，好開心。佢地係咁玩 caller (殺人鯨)，明明無 call，Yau Yau 就整九個孖芝出去，咁 caller 唔知，call 六個孖芝，佢又照出，激死殺人鯨。明明 call 一個烤餅，佢地問 "四餅要咩？"，嚇死殺人鯨，又摺 d 空烤餅盒出去呃 caller。

放工，同 d crew 鋤 2，有舖出埋 d 奸招都輸。XD

今日做 MDP，檸檬話我o既適應能力同吸收能力比佢想像中強，而且好欣賞我好主動學習，同埋話我有良好o既工作態度。佢話好 outstanding o既 MT 可以o係 四個月就升職，如果我趕得切學晒 d 野，有能力報到十月o既 training course，就有機會成為呢 d 好 outstanding o既人。我喎....(知唔知下一句係乜丫？)唔係唔得呀？

>>August 3, 2006 at 5:38:46 AM GMT+8

2006 年 7 月 26 日 星期三 【晴】

今日唔洗 morning call 余美玲，因為佢真係唔再返 opening -_-
之前一星期都行返工，趁清晨呼吸下清新空氣嘛，不過今朝大雨到 pk，落樓下截的士已經全身濕左大半，我有帶遮架，仲好大添。又係上次個女司機，佢又想o係富豪酒店後面放低我 -_-，好在佢見大雨，開前少少，o係轉左彎先放低我，如果唔係我就等同游水返工。

我o既第一次竟然今日比左個陌生男子......Simon 掛住食野，叫我簽名收貨，係我第一次以經理身份簽野。

好記得尋日做做下 counter MeeLing 過黎同我講：「Angela，我覺得你o既工作態度唔o岩。」我本身已經因為自己成日做錯而好灰心，一聽佢咁講，我呼吸都差 d 停埋，我問點解，因為我自問已經好用心學，好努力咁維持我覺得自豪o既服務態度，點解？MeeLing：「你太緊張喇，頭先你點解要問我五號餐係咩？你明明知架，我都無答你，你自己都執左。你唔應該咁緊張，你睇 Keris，hea 下 hea 下咁做，就做左咁耐喇。」

剎那間比佢點醒左，我之前做 St Etoile 夠勁多野記啦，我學得慢，不過之後不知做得幾快。所以，我要克服自己o既心理障礙！我 final interview o既時候，OC 問：「你覺得你做左呢份工之後會遇到乜野困難呢？你打算點處理？」我當時好自信咁同兩個 OC 講：「我覺得我會遇到............不過我相信憑住我對呢份工作o既熱誠，我可以慢慢克服所有o既困難。」試問佢地點可以唔請我丫 ？XD 所有人聽到都悔恨自己無做生意無得請我。我心中團火又加左燃料喇！la_la 一定得。我喎，唔係唔得呀？

結果我叫 MeeLing 幫我影(相)左個收銀機o既 interface，尋晚返屋企背。我今日已經可以獨立處理大多數 order 同備膳喇，覺得自己好叻~不過都無人鼓勵下我o既，所以我好厚顏咁同 MeeLing 講：「你覺唔覺我今日進步左好多呀？你我都唔讚下我o既？」MeeLing：「我係唔會讚你架，你一陣又會好囂張。」
la_la：「咩呀？我向來都好謙卑，我從來都唔囂張，我係自信，哈哈哈」
MeeLing：「你唔囂張？你次次整親新地筒都話自己整得靚....」cher，咁係因為我真係整得靚。XD

其實我尋晚好攰，想早 d 訓，不過我口口聲聲話：「你一陣影比我，我聽日就熟晒....」咁大言不慚，梗係要背啦！唔知點解今日好幸運，有客想換 Kitty Brick，我同 Keris 嘗試 sell 佢全套，佢最後真係買左。Suggest selling 成功率都 ok 喎，d 客人又好友善，我又無做錯野。

最近我癲左，唔開心又狂買野，開心又狂買野，繼尋日件 puma 外套之後，我今日又買左條 Puma 褲喇。尋日先買左個 puma 袋，今日又好想買個 le coq sportif 袋，咁真係好鍾意丫嘛，不過理志話我知我已經過左火。我仲睇中左個電話 -_-，不過我個電話正職其實只係鬧鐘，成日都無人打比我o既，所以唔準買。

下個月頭一個禮拜返 opening，之前三個禮拜返 closing，慘了，收兩點。

>>August 3, 2006 at 5:36:45 AM GMT+8

2006 年 7 月 25 日 星期二 【晴】

五點九返到公司竟然無人返左，crew room 未開燈，我又唔知去邊開，所以唔敢入。企o係 crew room 門口等，熱到爆炸！

又 morning call 唔醒余美玲，可惡！佢同肥霖講左佢唔再返 opening -_-，乜可以咁架？

做 counter 做到好灰心，不過連 form 3 d 小妹妹都做到，我點會唔得？以為自己蠢，原來 Ivan So 都覺得難，好在。佢話已經有 MT resign 左，我好型咁話：「我未到絕望都會做落去。」，嘩，我覺得自己真係好型，共勉之。

我要你們從我眼中看出我不屈服於困難的堅毅！(不過這一刻我眼中只有睡意 z_z ，係時候訓喇 11:42 pm)

>>August 3, 2006 at 5:33:59 AM GMT+8

2006 年 7 月 23 日 星期日 【晴】

又破左自己踩地雷紀錄，184 秒。

無心機...好想改變下，想剪短 d 頭髮。長直髮真係好悶，雖然只係 keep 左半年。

Tommy 聽日返黎喇，唔知買左咩手信比我呢？咁耐無見，好想見下佢。一星期之後佢又走 lu，今次一走就五年。我好似一直都無乜點做過心理準備，好似無乜感覺咁，不過o個日睇左《假如我們原諒上帝 - 我沒有被遺棄》其中一個故事，覺得好傷感。雖然好唔捨得，不過我唔會講架，因為佢都無講過。

好彩佢上機o個日我要去寫字樓 orientation，我咁大個都未試過送機架。唉，無心機。 算啦，我寄情工作。

聽日返 opening，6-4，希望今晚唔好訓唔著啦。電話都係信唔過，遲 d 要買個鬧鐘，因為今朝起身發覺個電話 hang 左，好彩放假。

應承左人o既野做唔到唔一定係唔守信；不過做唔到又唔主動向人交代，就一定係無責任感。

>>August 3, 2006 at 5:30:59 AM GMT+8

2006 年 7 月 22 日 星期六 【晴】

星期日做 lobby 真係好攞命，每一個角落都係人，係咁有人倒瀉野，無人走但不斷有人入黎。d 人癲到買完企o係垃圾桶隔離食，雖然我愛公司，都不禁問句：「洗唔洗呀？」
雖然肥霖交帶落唔洗我倒垃圾，又叫兩個 lobby 員工唔好叫我倒垃圾，不過今日實在太忙，我身為未來領導人一份子，我要同佢地共渡時艱。連我自己都做唔到，我點叫 d 同事做呀？不過都係覺得好污糟，所以係咁消毒對手。

其實我係做緊 CSA，所以我又要企o係 lobby 入口不停、甚至 simultaneously 咁講：
「Hello, welcome」
「你好，歡迎光臨」
「多謝晒，拜拜，歡迎下次再黎」
雖然好悶，不過我每次講都有笑架，不知幾專業。另外又要同 d 小朋友傾計，唔得意o個 d 係假小朋友黎架，應該係大人或者豺狼扮o既，所以我唔理佢地。我隻紫色 Kitty Brick 真係好靚，戴住做野好開心。CSA 或者經理先有架，我係 CSA 臨記所以有。

Ivan 每次出 lobby，我每次入廚房，我地都會發生激鬥，我地對望o個剎那會產生火光。朱寶偷左我杯橙汁 -_-，扯甩我頂帽 -_-，死仔，我記住你！

今日咁多人黎麥當勞，肯定係為左見我，我隨機抽左兩個出黎問佢地都係咁講，仲唔係？一定係！佢地就係黃美華同朱比比。市場研究報告指出，100% 受訪者係為左見 Angela 而去 028 麥當勞。

>>August 3, 2006 at 5:30:01 AM GMT+8