2004 年 5 月 15 日 星期六 【酷熱】

阿妹返教會
我同阿爸阿媽去左行旺角
同埋拎部手提去Nokia部門整
剩係整果螢幕鏡要收 $150 (銀包痛…)

之後阿爸好難得走入鴻福堂飲野
我都係鍾意前面果間許留山多d!!
>< 柑桔蜜… 好鬼難飲… 嘔

經過一輪 shopping 後，我同阿媽都有收獲
哈哈，難為阿爸要陪我地行街街
所以孝敬左佢去食野
上左１間好似好高雅ge餐廳
點解會加個「好似」呢２個字呢？
因為佢裝飾得真係好高雅
不過請埋ｄ大陸喱做侍應生 (反應遲鈍，態度差!!)
不過好在ｄ食物質素５錯!

夜晚去左海港食飯
哈哈，講講下阿爸講返我細個ｄ白痴野
原來我幼稚園時，正義感已經咁強!!

話說我屋企望落去就有個噴水池
阿爸話我見到有班細路走入噴水池度玩
我不停話危險，仲連續打左幾次去９９９度「報警」!
跟住有個警察姐姐打電話同我阿媽講５知咩後
阿媽就５俾我打電話...　去９９９ lu!　
我打電話去９９９果時，竟然阿媽都５知wor!!
╮（╯﹏╰）╭ 　無計，睇得警訊多~

>>May 17, 2004 at 1:54:37 PM GMT+8

2004 年 5 月 14 日 星期五 【酷熱】

對於我黎講，今日係１個悲喜交集的日子
我又同大家宣佈，依家有２個消息
１個好，１個壞，你想聽邊樣先呢？
抱歉，今次你亦都無選擇權！
我今次想講好消息先…


好消息係… ＡＹＰ果野外鍛鍊我 pass 左喇!!!
等我快手ｄ完成埋其他３ parts，咁就搞掂銅章
我會考銀章ge！　我５怕辛苦！！　目標係金章！　Ｙｅｓ！

---------------------------------------------------------------------------------

壞消息…　非常之壞ge一個消息…　就係…
我跌爛左部手提啊！！
＞＜我最鍾意果個 keroppi ge 機殼啊！
如果買第２部就無得用個 keroppi 殼 ga 喇！！
我５想啊！！　點會好地地跌落地ga…　心痛死我喇！！

>>May 15, 2004 at 5:41:34 PM GMT+8

2004 年 5 月 13 日 星期四 【乍寒還暖】

今早去了間老人院參觀，試後我們一班義工會到來做活動
這間老人院給我感覺很好！
面積大，設施好，環境好，服務好

他們有項設施頗有趣，就是有流動超市！
由位婆婆負責，推著流動超市給行動不便的老人買東西

那裡的老人家有些很健談，主動和我們聊天
有位婆婆告訴我：我住左o係度五十幾年喇！我依家九十幾歲！
（之後又掩著口偷偷地向我說：我爭一歲先到九十架咋）
哈哈，不過後來負責人說起，該院舍只得２１年…
婆婆又何來在這裡住５０幾年呢？！ 婆婆真有趣！

之後更學了推輪椅的技巧，方便下次我們帶他們出街街
大佬平和弗弗還模擬一場實習
大佬平扮老人坐在輪椅上，弗弗負責推
哈哈，看他們的模擬真教人啼笑皆非
弗弗推輪椅像駕車，風馳電掣；大佬平這老人卻非常頑皮！
～期待著活動該天～

>>May 14, 2004 at 6:19:08 PM GMT+8

2004 年 5 月 12 日 星期三 【晴】

今日第１屆水運會，幾好玩丫，熱左ｄ之嘛！

今次好醒目咁報左做工作人員，
因為做觀眾係好鬼死悶ｇｅ！

今日負責召集ａ！
同ｂｏ，小筠，阿冼，壽司，何烷薇一齊
召集果３個崗位，今日我做過晒喇！
初頭要行黎行去，因為要拎資料去司令台
跟住去左玩開咪！　好好玩！　我好鬼鍾意開咪嗌人！
後尾我帶左一場男子友校ｇｅ上線，有個ｂｏｙ幾好傾ｇａ！

余ｓｉｒ啊！！　好可惡ａ！！　＞＜
佢拎水林我ａ！！　ｏ係頭度林．．　搞到濕晒．．．

成日ｄ賽事，我覺得最好睇都係友校果幾場
女子組果時，救恩同恩主教都旗鼓相當，爭到好激烈
男子組，冠亞季，分別係救恩，莫壽增，鄉中校友隊
班際實，都好好睇，Ｍｉｓｓ江知道３Ａ第１，開心到嗌

哈哈，有１個救生員後面睇勁似我地個校工
我地仲話，校工帶金鏈咁豪？！
呵呵，擰返個頭黎望下先知，認...錯...人...

最尾結幕禮，校長講訓詞果時，救生員聽到笑！
頒獎俾泳池負責人果陣，有個女人跑出黎接！
跟住有ｄ清潔嬸嬸o係我地面前行過果陣，
學果女人跑喎！　笑到我地死！！

>>May 13, 2004 at 12:51:17 PM GMT+8

2004 年 5 月 10 日 星期一 【晴】

食完 lunch 又成班人玩數字球
次次都愈玩愈多人，好開心
不過打完鐘之後有ｄ野就... 無野講

太好喇~~~!!! 世史堂終於都有得同 Kingson 坐喇!!
舒服幾多!!

放學同 恩恩 & C婷 & 珊 幫 Flora 整攤位既野
Kevin 既數學補習班上得半堂

死喇!! 我 d 時間又開始５夠用喇!
本來星期５要補習，
點知 Ada 果個老人採訪撞左期
星期６又要去上堂...
唉啊!! 有無人救下我?? 教我點分配時間啊???

５知點解呢排心情好似怪怪地...
一時會好５想講野... 一時會好想同人傾計...
５會係思覺失調下化?!

>>May 11, 2004 at 1:37:12 PM GMT+8

2004 年 5 月 9 日 星期日 【晴】

今日ｃｈｅｍ　ｓｉｒ又走堂
所以我地又有３堂家政上
ｔｏｄａｙ整蛋糕．．
ｏｋ啦，原來好容易整！

嘩．．　上回去寧寧屋企整ｃ婷果蛋糕．．．
０丹用左２３隻雞蛋整蛋糕．．
一聽就知會失敗啦．．．
食一啖蛋糕都會膽固醇高到壓親人．．

>>May 10, 2004 at 12:23:49 PM GMT+8

2004 年 5 月 8 日 星期六 【晴】

今日是母親節亦是我媽媽的生日!!
自己早已在日曆裡寫了〔媽媽的生日〕，
竟還可忘記，覺得自己真可惡!!

不過幸好事先已經預備好今天的行程，算是將功補改吧!
我和妹妹先送花和禮物給媽媽後，一家人便出發上街了~

首先我們去了星光大道（因媽媽說過想去看看）
不過其實是很無聊的
比較矚目的是有１個巨大的奧斯卡獎上的女郎
和地上的手印供遊人觀賞
很好笑，有些小朋友會放自己的手掌在手印上比較，
然後告訴父母，我的手很小啊!!
之後我們還在海旁拍了幾張全家幅^^
（很困難地找到幾名香港人幫忙攝影的，因路上充斥著大量的大陸喱）

第２站去了小熊國!!!
嘩，有許多非常可愛的小熊啊!!
忍不住拍了很多照片!!
還做了１個刻字的木牌呢!!

８時許才回大埔，之後去了吃晚飯
我和妹妹玩包剪鎚，輸了要吃東西

就是這樣過了愉快的一天~

>>May 9, 2004 at 3:47:49 PM GMT+8

2004 年 5 月 7 日 星期五 【晴】

人生苦短，變幻無常
生離死別，在所難免
珍惜身邊人，因為你５知道幾時有人會離開你

本來滿懷高興地去啤啤果板板度
點知原來佢發生左件好５開心ge事
睇到佢自己果個留言，睇到我喊

啤啤我會為你禱告，神會對你有安排
放心將自己交給神，神會指引你方向

失去最親的人，一定很難過，不是我們能領略得到
放縱自己去傷心，不要抑壓，在適當時候要收拾心情


你令我領略到生命ge可貴，
你令我知道我要更加要珍惜身邊ge人
因為我５知道幾時佢地會離我而去
藉他們還在我身邊時，我要報答他們，不想令自己有遺憾
我會更加珍惜我爸爸，我媽媽，我妹妹
我明白知足常樂
所以我覺得自己是很幸福的

我有１個健康快樂的家庭
我有愛我的爸爸，媽媽，妹妹
我有溫暖的家
我能每天溫飽，不用擔心兩餐不計
我能上學，吸取智識，不是文盲，沒有文化水平的人
我能幸運地認識神，成為神的兒女
能每天睡醒睜開眼睛，知道自己能生存多一天，我知道是幸福的
能有健康的身體，健全的四肢，正常地生活，我知道是幸福的



明天是母親節
兒女應做點事來報答媽咪
不要以為送東西或弄驚喜是象徵式的事情
其實母親是很受落，畢竟母親也是人，人是喜歡被哄的
縱使是一句“我愛你”或是一個擁抱，請也不要吝嗇

>>May 8, 2004 at 5:44:35 PM GMT+8

2004 年 5 月 6 日 星期四 【晴】

人生的十個秘密

1. 當你愛上一個人而不被對方所愛，是一件很傷害的事。
但最痛苦的莫過於你愛一個人卻沒有勇氣讓他知道你的感受。


2. 最好的朋友是那一種，能夠讓你坐在鞦韆上，不發一言，
然後靜靜地一起離開，感覺就是從未有過最好的對話。

3. 這是真實的～你永遠不知道你得到了什麼，直到你失去的時候。
而更加真實的是，你永遠不會知道自己失去了什麼，直到他到達的時候。

4. 要遇上一個人，只要用一分鐘的時間；
要喜歡上一個人只要用一句話的時間。
要愛上一個人，只要用一天的時間；
但要忘記一個人，卻要用上一生的時間。

5. 為自己的夢想而去想，到自己想到的地方，做自己想做的事。
因為你只有一次的人生及一次的機會去做這全部的事。

6. 嘗試把自己放在對方的立場，當你感覺受到傷害時，很有可能他也是被傷害。

7.最快樂的人並沒有需要擁有世上所有最好的事，
而只需要令到大部份的事能沿著自己的人生而來。

8.人生中一件傷心的事，是當你遇見一個對你充滿意義的人，但你卻是最後才發現。

9. 一句不小心說的說話，會令一場罵戰展開，
一句殘酷的句子，會摧毀你一生，一句愛的句子，卻會是無限的喜悅和祝福。

10. 愛由一個笑容開始，用一個吻來成長，用一滴眼淚來結束。
當你出生時，你一個人在哭，而所有的人在旁的人在笑。
因此請活出你的生命，當你死的時候，圍繞你的人在哭而你便是唯一一個在笑。

生命是寶貴的，千萬別讓它流走

時間..之所以會救愛....

是因為..只有時間..能肯定..愛的存在.....

>>May 7, 2004 at 10:50:26 AM GMT+8

2004 年 5 月 1 日 星期六 【晴】

今日出左藍田婆婆度，公公婆婆下星期又返大陸住喇！！
（至從佢地大陸間屋裝潢完後，就成日都返上去住…）
話時話，我都好耐無出藍田！
之前大舅母o係度住，我５鍾意見到佢，所以愈來愈少出去
依家佢都搬走左，當堂覺得吸啖氣都清新ｄ架！！
今日出去ｇｅ目的係同婆婆慶祝母親節
o係婆婆屋企食左餐好豐富好好味又好開心ｇｅ飯！
好難得咁人齊食飯！　舅父仔同公公同枱食飯ａ！　願望成真喇！

公公真係變左好多，記得我細個果陣，佢真係好惡死…
我食剩左少少飯，就俾佢鬧到狗血淋頭，總之就惡死爛登啦！
不過公公在我的童年記憶裡，又不只只有惡的一面~
我的第１個中秋節就是公公陪我一起過的！
兒時住在觀塘，我和公公拿著藍罐曲奇的餅盒在露台點立燭玩！
第１次「玩火」，哈哈，感覺特別，又害怕又興奮！

公公轉變很大，不再是以前的臭脾氣，惡死，固執！
現在的他面上常掛著笑容，明顯的仁慈了許多
信教令人改變，雖然我非常希望他選擇成為基督徒
不過佢選擇的是佛教…
宗教是人的一種心靈慰藉，精神寄託
無論如何，只要他的改變是好的，是從善的，這是我極為樂意接受

>>May 2, 2004 at 3:16:13 PM GMT+8