2004 年 6 月 20 日 星期日 【清涼】

我真係好掛住一個人，我最唔想既係當我講左出黎會令到佢會唔知有咩反感，
這是我最唔希望見到的，
但係....心裏面既說話唔講出黎真係好唔舒服，
更可況 ...... 唔好講我，我理解得到愛一個人而不能愛的感受，
對唔住，我可能講得嚴重左0的 。
Sorry

>>June 21, 2004 at 1:43:22 PM GMT+8

2004 年 6 月 20 日 星期日 【清涼】

特然感到一點點的孤單，好想有人陪下我 。

明天返早

>>June 21, 2004 at 12:25:26 PM GMT+8

2004 年 6 月 19 日 星期六 【清涼】

我深信世上還有好的父親 。
父親節快樂


明天返早

>>June 20, 2004 at 12:38:29 PM GMT+8

2004 年 6 月 19 日 星期六 【清涼】

公主整蛋糕呀 ，檸檬芝士蛋糕呀 ，
我靜靜話俾大家知丫 ，我食過 ，好難食 ，真架 !
講笑0者 ，我都希望我有機會可以品嚐一下 。
Kiss you

希望以後，我可以聽多0的您既笑容，
想像下都好 。 ^ ^

明天返早

>>June 19, 2004 at 4:53:02 PM GMT+8

2004 年 6 月 17 日 星期四 【清涼】

我仲聽媽咪講過，當年我係屋企既時候，
爸爸既行為會比較收歛，最起碼佢好少會大發雷霆，
講落又好似係喎，但當我返工離開左屋企既時候，
佢就不斷迫媽咪既錢，Tina同秀麗仍然係屋企，
那時候我在GP工作，而您就離開左，
那段時期，財務公司不停打電話黎公司搵我，
我當時真係好驚好驚，我唔知點樣去面對我從未遇過既問題，
而且當期時我既恐懼感己經完完全全蓋括左自己，
返工驚收到呢0的電話，我無知點樣同佢地講，
我唔識，我靜係識得點樣去驚，
返到屋企又驚0的收數既人黎屋企嘈亂巴閉，
返屋企 ?! 返工 ?! 當時......我唔知 ......我真係唔知，
我唔知自己可以去邊 ? ? ?
又聽媽咪講過，妹妹而家成日唔返屋企同當年係有關連的，
記得媽咪講過，每當Tina見到爸爸既行為，
她只懂哭，和媽媽一同地哭，好難想像當期時她所乘受既恐懼，
或許比我更甚。
爸爸離開左屋企己有一段時間，似乎各有各生活，
他在外工作對媽咪黎講或者未尚唔係一件好事，
最起碼，媽咪唔洗日日夜夜對住個咁既人，
但係成頭家，我夠膽講，呢幾年爸爸佢係無理度屋企，
成頭家都係媽咪一手一腳咁去維繫。
聽過媽咪講，當年爸爸點樣點樣去追媽咪，
講起上黎，似乎一切也是注定下來，
聽媽咪講過，當年有好多有錢有地位既男人黎追媽咪，
但係媽咪最終都係無選擇佢地，而爸爸和媽咪的結識和婚姻，
全都在親戚等人中，0個天未免對媽咪唔公平左0的，
我們做兒女的，唔洗我多講有心人都知應該點做。

我心想....每個家也有他們的難言之隱吧 ! ! !

明天返夜

>>June 18, 2004 at 11:53:21 AM GMT+8

2004 年 6 月 16 日 星期三 【清涼】

秀麗佢好似時好時唔好咁既，下午媽咪打電話係公司搵我，
話秀麗食左0的藥，個心好唔舒服。
( 其實秀麗佢初初出世既時候0個段日子，我記得媽咪講過係最辛苦既日子，
而且秀麗佢一出世就做左個大手術，"心流 " 。)
所以媽咪有時候度哭訴，秀麗當初為媽咪帶來既苦況 。
當其時正直係黃金時期，媽咪0個陣時仲後生，有氣有力，
佢又要兼顧生意 ( 也是小販 買菜 ) ，而且又唔可以忽略對秀麗既特別照顧，
記得媽咪講過，0個陣時係八十年代 ( 0個陣時您同我都仲好細個 )，
爸爸當然無理到秀麗佢，佢出世0個陣時佢當然唔在場啦，
之後翼都無去睇過佢，佢當然成日去賭啦，
咩都唔理，輸左錢番黎屋企就搵媽咪黎出氣，
媽咪講多兩句公道說話，佢就反面，
佢既出發點永遠都係錢，返到屋企就攞哂媽咪辛辛苦苦賺番黎既錢，
媽咪曾經提出離婚，佢咪話錢，又要唔知幾多萬唔知幾多千。
唉 ..... 爸爸都唔係完完全全衰得哂既，佢從來唔打媽咪攞，
對於一0的無良心既丈夫，成日搵太太黎出氣，
或許這己好得多，或許我應該這樣想吧 !
媽咪同我講佢既過去，媽咪同我講 ： " 我同你講唔係叫你去嬲你爸爸 "
我最記得呢句 。


最近公司多左好多新人，有男有女，
其中一個今日離職，最初我覺得佢對工作抱有熱誠，
而且我覺得佢係對自己行為付責任既人，
對咁多新人黎講，我對佢期望最大，
我也放了不少時間在他身上，
不過可惜，佢對工作既熱誠一日比一日減退，
而且唔返工都唔講聲，我有0的失望，
甚至乎，我同佢講我唔想浪費時間係你身上 ( 我有冇過份左0的呢 ) 。

明天放假

>>June 17, 2004 at 4:16:01 PM GMT+8

2004 年 6 月 16 日 星期三 【陰】

有些說話很想說出來，只想愛人知道，
但我不想很像刻意強調似的 。


秀麗佢今早又發過燒，好彩媽咪今朝帶左佢去睇醫生，
病情都好番好多，頭先係公司打電話俾秀麗，
叫我買野食俾佢喎 ，我話你未好番，佢話無事啦喎，
哈哈，咁我就如佢所願啦 。

呢排成日聽0的同事講波，我知道您細佬一向都好鐘意踢波，
我想問......佢有無買波呀 ?

明天返夜

>>June 16, 2004 at 4:15:52 PM GMT+8

2004 年 6 月 15 日 星期二 【陰】

早上10時左右，爸爸來電......佢問我發生咩事，
咁我就照直講，講完之後佢話.....無事既，佢地做唔到0的咩野，叫我唔洗驚，
咁我.....為有答 " 哦 " ，我仲可以講0的咩野。
我寧願佢唔打呢個電話黎，仲好過我而家係度諗佢打電話黎究竟係左為佢自己，
定係擔心呢個家 。
媽咪就另一個面孔，咁完全可以理解既 ...... 。
可恨我自己不夠成熟，處理不到問題 。

如果我升職能夠帶俾我開心，我會義不容辭，
不過...........。或許我想得太過複雜了 。

>>June 16, 2004 at 4:18:05 AM GMT+8

2004 年 6 月 14 日 星期一 【颱風】

唉......頭先媽咪開住度門，唔記得鎖番，剛剛好追數的人上門，
起初無諗住認門，但聽到佢們說咩 ......唔好扮無人啦，
媽咪就入左房，咁無辦法唔理佢地，
兩個男人，搵爸爸，我當然話佢唔係度啦，
咁佢問我係邊個 ?我當然唔會答佢啦，咁我就問番佢地係邊個，
佢地話唔知咩，我都唔記得，跟住佢地就話，點都有得傾，逃避唔係辦法，
咁佢地又講到似層層咁，好聲好氣，唉......
爸爸給我的陰影真係好大，係公司有送貨工人黎敲寫字樓門，
我第一個反應係縮一縮，之後就好驚好驚......
任何時候我聽到有敲門聲，我的心一下只沈了下去。
我係咪欠左爸爸0的咩野，如果係既話，唔該一次過還，
唔好再係咁，我真係會受唔住。

公主 ......

>>June 15, 2004 at 3:48:04 PM GMT+8

2004 年 6 月 14 日 星期一 【颱風】

我唔想升職，唔想背負住咁多野，只係好想做一個普普通通既綠衫。

明天返夜

>>June 15, 2004 at 2:30:57 PM GMT+8