2008 年 4 月 4 日 星期五 【晴】

First time web-caming for both sides yesterday night, and now I understand why the mic was "not functioning" before... we need to turn on the web-cams together for real-time voice tranmission (applicable to my mic only...) @_@... This was the first time that things worked out properly, we could talk more interactively instead of ME using the recording function and send my voice clips to him, much more fun! ^^ I love this, really really love this stuff, but Ray was too busy to spend time on it... needa stop and spare RAM for his notebook for data collection of his project. Maybe we can play more later~ ^_^

Today is a very relaxing day. Woke up at noon, ate up a DIY sandwitch (bread + cheese...) and then tested the wii games that were newly burned. 2 out of 6 got problems and "hang" the wii player, have to burn the CDs again later on. Then went to have tea with Dad and Mum at 3pm in a restaurant. I paid the bill for Mum helped me earn some money from the stock market few days ago, ^_^. And then went back home and life became boring again, didn't bother Ray as he was doing revision on MCSA... he's busy busy busy, but I was bored bored bored... -_-

So, this is today. ;)

>>April 6, 2008 at 5:25:31 AM GMT+8

2008 年 3 月 31 日 星期一 【晴】

愚人節中招, 被學生打破了眼鏡... =_=! 出o黎做o野原來爛得最多o既係眼鏡.. -_- 自己試過唔小心跌崩一次 (少少o地, 冇再配過)、打破一次, 俾學生試過跌崩一次、打破兩次(計埋今次)... 都係o個兩個學生做的好事...

初初都好唔開心, 但反而因為今次事件, 我下定決心想提早做激光矯視! 原本計劃下年做的, 其實有心做我應該一早做o左, 但始終過唔到個心理關口... 驚驚~~ 但今日睇返多o的資料、問多o的做o左o既朋友o既意見, 似乎又冇咁得人驚. 所以我冇專登去花錢配過副眼鏡/鏡片了, 我配o的鏡片要特別再超薄... 又貴o的, 不如慳返筆, 用返副舊眼鏡和餘下約 30 對 one-day con 捱埋呢幾個月佢. 所以反而個人雀躍和起勁o左~~

另一方面, 似乎自己都要檢討一下, 我有時真係處理唔到某o的學生o既行為問題... -_- 家長會同我講佢o既仔女欺善怕惡, 叫我可以惡o的; 我嘛, 我唔善, 但事實我又真係惡唔起囉... 我對住我男朋友先係最惡, hahahahaha~~~ (此"惡"... 野蠻也~ :p)

>>April 3, 2008 at 3:30:53 PM GMT+8

2008 年 3 月 30 日 星期日 【晴】

股票有賺.... *0*

我什麼都不曉得, 只知媽媽話幫我和家姐夾份買了「聯想」, 總之佢話放了賺了錢, 遲些會入落我戶口度... *0*

錢不多, 和家姐平分返都不夠一次台灣遊的旅費, 但第一次有賺倒很開心! ^0^ 初初出o黎做第一年o野, 儲到少少錢, 俾o左媽咪幫我買股票. 記得那時她幫我買o左什麼 TVB 股, 沒賺啊, 只係收返幾百蚊息.. 之後第二年做o野收到信要開始還大學學費, 咁佢幫我一筆過還晒先, 我慢慢還返俾佢 (唔洗俾人食我咁多息... 我係借 non-means 的 x_x), 那時我就將呢筆錢就當還學費俾o左佢了, 所以o個次賺到的息我唔當有賺囉.. 所以覺得今次係第一次賺呢! :DDD 佢話第日同我賺夠一個台灣旅費俾我, 我卻希望好似之前佢幫家姐買咁, 賺到一筆長線團旅費啊~!! XDDD

怪不得咁多人買股票, 對我o黎講呢o的係不勞而獲的收獲... 而我呢o的對股票一竅不通的人, 直頭乜都唔洗做、連股票巿場係升係跌都唔洗理, 都可以翹起雙手等收錢, hahahahaha~~~ 真係要多謝媽咪, 我將來可以再儲多幾多錢唔多唔少都要靠佢了~~ XDDD

>>March 31, 2008 at 3:30:26 PM GMT+8

2008 年 3 月 29 日 星期六 【晴】

25.3.2008 ~ 29.3.2008 台灣環島 5 天之旅 (高雄、台中、日月潭、台北)

昨晚歸來了. 其實台北感覺上都有少少內地feel, 去完台中、高雄, 已經係台灣第二三大城市, 感覺很是落後..... 除o左高雄個 dream mall + sanrio 摩天輪. 我第日未必會重遊了.. 再環島的話會考慮去東部, 即係花蓮台東果邊, 睇o下大自然境色, 仲有南面既墾丁 @@. 去埋呢o的地方可能都未必會再重遊, 咁第日就齋玩台北算了, 台北真係好玩好多呢~

以往去旅行, 去到中途會開始倒數仲可以玩多幾多日... 會唔想返香港; 響呢個旅程其間, 我都有倒數, 但反而係倒數著可以幾時返香港... 係因為呢個旅程比較悶冇咩睇? 還是掛住佢? 另一方面又唔想咁快返香港... 因為佢sms報告我知, 小學和幼稚園星期一復課了! 唔想咁快返工呀~~ ><

>>March 30, 2008 at 3:32:18 PM GMT+8

2008 年 3 月 22 日 星期六 【晴】

21.3.2008 ~ 23.3.2008 廣州櫻花節、澳門、長隆大馬戲三天之旅

他這陣子工作、學業壓力很大, 很渴望可以去玩玩輕鬆一下. 適逢數天復活節紅日, 就去玩o下啦~ 知道他要忙著寫 program 和趕 report, 不能去得久, 所以選擇了三天遊. 自助遊澳門 package 呢幾日都很貴, 所以都係跟團了. 原本報o左麻麻地旅遊去紹關丹霞山看風景, 點知早前因為雪災, 紹關一段高速公路封了還未開, 為安全計, 旅行社取消了這個團. 咁當然我o地都唔會再揀其他旅行社的紹關團啦, 但廣東省好多地方都去過, 又要抽起唔揀溫泉團, 結果都係冇咩成團機會大的團好揀... 響冇咩好揀的情況之下就揀o左去廣州睇首屆櫻花節, 反正團費也不貴.

說到那兒的櫻花, 有點令人失望~ 一早唔會 expect 好似日本櫻花開得咁靚, 但都冇諗過真係稀疏得咁緊要... 不過以另一個角度睇, 可以好悠閒咁當係逛逛一個好大的公園, 也是一件賞心樂事. ^^

第二日去澳門... 上星期才去過, 也預o左旅行團唔會俾好多時間我地自己遊澳門. 得o個三個鐘, 響關閘放o左我o地一班團友, 我和他又唔想咁趕去食餐飯, 於是我o地只係去o左幾間賭場見識見識; 然後去了上星期食過覺得很不錯的「補之林」- 好欣賞和回味它的水蟹粥! 男朋友未去過 venetian, 將來必有機會跟他自助遊去一趟!

至於長隆大馬戲, 要自費 RMB120, 06年暑假和同事去過, 沒什麼驚喜. 不過空中飛人冇再失手了, 可能因為難度低o左. 另外也有加加減減些少表演咁. 今次看沒有興緻去拍照了.

由於係平平的團, 少不免要去很多回佣購物店. 整體上今次行程一般, 不過本身的期望不高, 所以感覺冇咩話好唔好, 反正志不在旅遊 - 一心只想跟他離開香港相處數天. 這陣子他忙了, 實在見少o左... :( 其後他sms給我說, 雖然沒什麼行程, 但只要跟我一起便覺幸福快樂. 很窩心的說話.... :)

>>March 30, 2008 at 3:32:58 PM GMT+8

2008 年 3 月 17 日 星期一 【晴】

今朝凌晨爸媽、愛姨從馬來西亞回來, 今天中午佢o地三個特登來我學校附近一起飲茶. 學生放假的日子, 的確悠閒好多, 至少食個 lunch 都可以慢慢食. ^^

飲完茶, 佢o地即刻出旺角銀行中心, 睇o下有咩團可以轉. 佢o地今次逗留o左好耐, 問過好多間旅行社、好多團, 好多都 full o左, 剩下的不多; 偏偏爸媽都遊過唔少內地地方, 剩下的亦冇乜好揀. 原本想轉北京團, 多年前去過一次都唔係問題, 今次當重遊一次囉. 但因為男朋友勁想去北京, 我唔想重遊第三次.. 所以今次我說不想揀北京. 剩下青島團和台灣環島遊, 原本都揀o架喇, 點知問多兩問, 佢o地返返轉再想報返新華青島團, 點知旅行社截o左報名了, 可能因為航空公司要出機票了... 連星晨台灣團都截埋!! >_< 幸而最後找到永安仲有 25/3 出發的台灣環島遊... 唔理喇, 即報!! 再拖驚住又冇位/截喇... ~_~

就是這個團喇:

《高雄(佛光山、六合夜市)、台中(日月潭、九族文化機動樂園)、台北(故宮博物館、北投椰林露天溫泉、101購物中心、九份) 五天環島好玩團》 (TKH05N)

http://www.wingontravel.com/chi/tours/new_detail.asp?country=tw&city=&tc=TKH05N&tn=&year=2008&month=3&day=18&price=0-999999&pax=2

今日報名, 聽日開茶會了 @_@. 終於轉到團, 取了的年假有著落, 安落晒~ ^^

上次自助遊台北, 已經盤算著下次o黎個環島自助遊. 不過和爸媽去便一定要跟團, 而跟團就一定係精華遊, 都冇所謂啦~ 我好珍惜同佢地旅遊的日子, 去邊都冇所謂. 今次當係預先去到"視察場地", 我第日仍想來一次自助環島遊的!! XDDD

>>March 20, 2008 at 3:32:01 AM GMT+8

2008 年 3 月 15 日 星期六 【晴】

15.3.2008 ~ 16.3.2008 澳門之旅

冇乜事先 plan 的情況之下, 我和 Avis、Oling、珊就去o左澳門玩兩天. 星期六搭 7:45am 船出發, 回程星期日搭 10:45pm 船返香港. 我o地去o左威尼斯人、官也街、住宅博物館、大三巴、奧運展覽館、主教山(??)、東望洋燈塔(咁辛苦上到去, 竟然關門了... 纜車都停駛了 -_-)、新舊葡京、金沙賭場、漁人碼頭... 夜晚住駿景酒店. 我o地都食o左唔少o野, 也買了些手信~ 第一次咁行澳門法... 尤其係第二日真係行山咁行, 好鬼累~~~ 不過真係好好玩, 影o左好多低能相... 哈哈哈哈哈!!!

唔知幾時又再一班人去玩/去旅行呢? ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

去o左澳門期間, 知道o左華東七天團真係唔成團啊 ><. 爸媽又去o左馬來西亞旅行, 要等佢o地星期二零晨返香港, 最快星期二下午才可以轉團了... 都好急, 恐怕到時冇乜團揀了 -_- (full 晒/太急報唔切)

>>March 30, 2008 at 3:42:39 PM GMT+8

2008 年 3 月 12 日 星期三 【晴】

為o左避免流感蔓延, 加上好多校長和家長擔心, 所以昨晚教育局突然宣佈停課... @_@. 不過我都係要返工o既, 但唔洗上堂囉.

同事們一時興起.. 問我星期六日去不去澳門玩. 我呆一呆... 星期六喎, 咪即係後日!?? @_@ 好急喎~ 不過我還是答應了, 難得可以約埋一齊去玩呀~~ ^^ 於是乎就放工走o左去觀塘麻麻地旅遊買 package... 點知太趕, 冇得揀新渡輪, 咁就俾貴少少搭 Turbo Jet 啦~ :)

真係未試過咁匆忙就決定一個旅程... hahahaha~~

>>March 18, 2008 at 4:32:35 AM GMT+8

2008 年 3 月 2 日 星期日 【晴】

之前 update 日記比較密, 但都忍住口唔話俾某人知, 睇佢幾時會出聲談及我的日記, 就測試到佢會幾耐睇我的日記一次~~ 點知佢到而家都冇出過聲... 唔開心呀~~ 唔關心我呀~~ 唔留意我o的o野呀~~ (女人, 係多心的動物...)

正當我想在日記中大呻有人從不看我日記的同時, 在電話中我終於忍不住問他對上一次係幾時睇我的日記.... 才知道原來佢有成日留意住我幾時 update o架~~ 佢話會成日對住部電腦狂按 F5 喎, 低能~~~!! XDDDDDDDD

不過我唔天真我唔傻, 緊係唔會信啦哈哈!! 知你忙, 一星期睇到 2 次也很不錯 ^_^!

又一次証明, 女人真係好多心, 一件小事係可以諗到好多o野、化到好大o架~~~ XDDD

~~~~~~~~~~~~~~~~~~~~~~~~~~~~~~~~~~~~~~~~~~~~

呢排佢好忙, 就快要交 project, 迫住見少o的了. 以前一星期見足3-5日, 而家 reduced to 1日... :( 沒法子啦, 想你多留在家專心做o野啊, 想見我就快o的寫好個 program 佢啦 heehee :p. 我什麼都幫你不到, 只能叫你陪我少o的 spare 返o的時間出o黎去做o野... 同埋遲o的等你寫埋份 report, 最多我幫你改英文同埋作長o的囉~ :p

>>March 4, 2008 at 11:38:58 AM GMT+8

2008 年 3 月 2 日 星期日 【晴】

很久沒寫日記... 學生放完農曆年假之後一路都忙忙忙~~~ 一忙就心情不佳, 直至今天稍為舒緩... 好唔鐘意攪跨學科 (玩就好玩, 但我一o的都唔享受準備的過程~~ +_+), 好憎做校慶.... 仲要做埋組長, 心理壓力忽然大o左... 我份人就係咁 -_-, 自己對自己有要求, 往往俾自已有壓力. 好在 ST 冇職位好升, 有得升都唔想升, 個個月做得開開心心賺份糧夠洗就好了, 好過升o左職又要承受壓力, 又會做得唔開心...

入職以來, 最大壓力都係做資源中心. 今年唔大攪, 對我o黎講真係輕鬆o左好多. 有同事話唔做落去(唔申請ED筆錢)好似浪費o左之前一番苦心.. 我覺得兩睇啦, 我有出去ED度開會, 我最清楚係咩一回事... 同事們都落o左唔少力, 但講到攪得大, 大把學校攪得大過我o地好過我o地, 我們下的功夫對 ED 的人o黎講只係雞毛蒜皮, 唉... 最重要o既係, 攪資源中心真係睇唔到前路. 早幾年有學校做資源中心先驅, 之後 ED 又要十幾廿間齊齊去做資源中心, 做極都係 pilot scheme, 忽然間又話唔再係 pilot scheme 時, 另一頭又發展 professional school (這點早2-3年前學校前 EP 陳姑娘都同我談及過... 資源中心前景成疑), 咁資源中心由始至終究竟係咩角色呢?? (以上純粹個人意見, 不過亦係好多校長提出過的質詢...)

不過算了, 脫離o左 ED funding 下的資源中心行列, 而家發展成點一概不知, 都唔理了, 做好自己本份算.

好想快o的放復活節假~~ 又報o左個三天團呢, 近近地去廣州散o下心... :p

>>March 4, 2008 at 11:37:58 AM GMT+8