2008 年 5 月 24 日 星期六 【晴】

今日去o左搭昂平 360、睇大佛、行心經簡林. 又係早就想去的了, 終於等到今日去o左喇~ 搭昂平去到一處好大霧, 睇唔到前面的境象, 白朦朦... o個刻感覺都幾得人驚~~ 大佛前的樓梯原來都唔係咁長, 好快就上到去了~ 大佛也沒有想像般咁大. 今日天氣很潮濕, 大佛被大霧遮蔽了... 幾乎上到頂才看到佢o既 "真身". 然後去了心經簡林, o的木又比想像中高啊~ 很特別! 回程搭昂平 360 時, 有人係咁中眼訓... 訓著了... 証明今日 360 行駛得幾穩定~ XDDD (鬼叫有人波癮大, 去玩之前仲係要去打波~ :p)

返到東涌站時間尚早, 逛了東薈城. Outlet 唔再似以前的 outlet了, o的o野都比起前貴o左/冇以前咁抵買, 有o的o野 even 昨天去的 sogo (thankful week)賣得仲平, 所以沒有收獲. 行到咁上o下就出發去尖沙咀金田, 和阿強等一行 8 人來一個生日飯局, 吃得很飽! ^^

很充實的一天~~~ :D

>>May 25, 2008 at 3:48:39 PM GMT+8

2008 年 5 月 21 日 星期三 【晴】

從未試過咁唔期待暑假的旅程... 未 plan, 未 search 資料, 未去過旅行社問... 若果買暑假 package, 照計而家係時候要買了... 但郁都未郁過, 暫時一o的行動都未有. 超 sir 已經取了七月假期, 我必定會同 Jess 和他去玩 5 日, 但我今次唔似得以前咁期待去旅行了... :-O

除非你 confirm 到你都去到啦. :(

>>May 22, 2008 at 10:25:29 AM GMT+8

2008 年 5 月 19 日 星期一 【晴】

為了平息家姐和爸爸之前對於屋企部 HP ink jet 墨水價錢和質素之爭拗, 今天我和男朋友就去o左旺電幫爸爸買o左部 HP laser jet... o_O 希望佢o地之間的爭拗可以從此平息... 佢o地兩個響我在場的情況之下只係爭拗過一次, 但我都已經覺得好煩 -_-...

我已經成日響佢o地之間做o左電腦問題的中間人 (但偏偏我的電腦知識都好有限 -_-), 一個會打俾我問我電腦點解又開唔到機, 唔知呀爸又攪o左o的乜云云... 另一個又會成日打俾我問我又係點解開唔到機, 唔知家姐之前會唔會郁過o的乜... 一.一|| (最後我都係叫佢o地熄電源待一陣再開過, 唔知點解又 work 喎 @_@) 以前爸爸成日打俾我問我o的中文字點打, 一隻字打o黎一次, 一晚可以接好多個電話... 於是索性買個手寫板俾佢好了. 而家又成日係 boot 機問題.. 我提議媽咪買部 notebook 俾呀爸私人用啦, 再唔係俾我大埔家部 notebook 佢用啦... 媽咪又覺得爸爸少用, 用不著買多部, 又唔想我返大埔家時冇電腦用... 等我之前仲叫男朋友諗定點樣響屋企整 wireless 上網和用 printer, 諗埋咩 notebook 呀爸o岩用... o_o

我都明... 我o地以前三兄妹 share 一部電腦用, 家姐少用, 我和哥因為學業/工作上成日需要用電腦, 試過大家爭電腦用; 或者唔知大家裝o左o的咩軟件、中毒等問題, 又會令大家有所爭拗攪到大家好唔開心... 呢個情況直到升 U 用優惠價錢買o左部 notebook 才平息. 始終我覺得一人一機會好o的... @@ 但冇諗過連 printer 墨水都可以拗一餐 -_-...

不過今次我撐呀爸~ 佢o既出發點係好, 唔想家姐成日咁貴去買墨. 家姐又係 HP 擁護者, 買 ink jet printer 死都要買返 HP, 又死都唔肯買代用墨/打針墨. 我自己以前買 ink jet 打死都唔買 HP 囉, 要連埋墨頭買墨o既, 咁緊係貴啦~ 我買 printer 至少都會諗o下第日用墨量同埋價錢囉... -__- 同埋係咪真係需要咁高打印質素呢?? 反正我o地又唔會 print 相... (我反而係 Canon 擁護者 ^^ 至緊要~~~ 平! 印功課和教材洗鬼咁靚咁精緻... 睇到咪得囉)

>>May 22, 2008 at 11:22:34 AM GMT+8

2008 年 5 月 17 日 星期六 【晴】

17/5 男朋友生日, 買o左 package 去海泉灣玩兩日. Package 包括來回香港及九洲港船飛、來回酒店及碼頭旅遊巴接送、住宿海泉灣維景大酒店(天王星)、海洋溫泉 2 次, 另外補錢買o左 2 張神秘島門卷. Package 的確幾貴, 但生日係一個好大的藉口玩豪o的... hahahaha~~ 酒店好舒服, 浸溫泉好正, 神秘島就麻麻地了, 機動遊戲勁o個o的唔o岩我玩, 唔勁o個o的又低能無聊得濟... 同埋起o左只係 1 年多, 點解感覺上o的設施咁殘舊o既?? @@ 好明顯神秘島o既保養係比起酒店、溫泉設施和漁人碼頭差好多... 總括o黎講, 海泉灣真係好大, 兩日自助遊咁玩法都可以消磨到時間而不悶~ :) o個度有好多間食巿, 食o既o野又有平有貴, 任君選擇.

估唔到星期六日去都係咁少人, 係第一晚浸溫泉就多少少人氣, 但第二朝再浸時, 真係好多吉o既溫泉池.. @@" 兩年前曾經跟旅行社去玩兩三日, 2006 年被領隊稱為「海泉灣年」, 估唔到個氣勢咁快淡.

以前買過 package 去御溫泉、跟過團去肇慶燕峰溫泉, 下個目標係古兜溫泉!! 可以買 package 去呢. 另外仲想去聚龍灣、御臨門... 呢o的冇 package 要跟團去了. 不過男朋友 5 月尾要開始逢星期六下午要上 course, 短期內都唔可以再去玩兩天... 只能約埋o的 friend 去深圳 dup o下骨消閒一下... @@

>>May 19, 2008 at 11:19:12 AM GMT+8

2008 年 5 月 15 日 星期四 【晴】

近日有太多令人心 "up" 的消息.

早前的西貢嚴重車禍.

還有四川大地震...

但願死者早日安息, 受困者早日獲救, 受傷者早日康復, 幸存者早日回復正常生活, 勇於面對將來.

>>May 16, 2008 at 1:38:46 PM GMT+8

2008 年 5 月 9 日 星期五 【晴】

今天上午幫男朋友去沙田第一城郵局取張電腦証書, 因為佢要返工拎唔到. 跟住佢都差不多時間放工了, 我o地去o左筲箕灣的海防博物館參觀~ 冇乜人, 幾好行, 響o個度竟然可以磨到 2.5 小時, 不過有半個鐘係我行得累了要休息, 搵個室內地方坐底伏響佢度訓著o左... :p 走o既時候才四點幾, 一齊再去銅鑼灣逛逛~~ 逛到差不多 7pm, 佢送我到保良局總局個牌坊度就離開了. 之後我o既工作就係響總局幫「星光熠熠耀保良」接捐款電話. @@

上一次幫手接電話係 4 年前了~ 那時新入職, 例牌新o黎新豬肉係要幫手的. 那次接了幾個怪電話, 今年冇喎~ 但係細路打o黎玩電話o既就有唔少. 上次我走時返油麻地, 要聽到 11 點幾 12 點先走得, 同幾個唔識既保良局特殊學校同事坐的士走. 今次因為我要返大埔, 所以 10:30pm 就走得了~ 自行乘車回家, 剛好 12am 返到屋企. :)

>>May 12, 2008 at 4:24:58 AM GMT+8

2008 年 5 月 8 日 星期四 【晴】

今日放工同男朋友去o左九龍公園泳池游水. 平日冇做開運動, 游兩游就累了~ 都係浸水多, 同埋... 我覺得o的水頗凍... o_O

>>May 11, 2008 at 3:04:45 PM GMT+8

2008 年 5 月 2 日 星期五 【晴】

終於等到今日!! 男朋友 5pm 完成 demo 了!!! 早幾日佢仲繼續努力中, 整 ppt.和 abstract, 我都只係幫佢改改英文和俾些唔知o岩唔o岩用的意見. 昨天至今天都好緊張啊, 明明係佢o既事, 都攪到我有點緊張... 今日我 4pm 去了 Poly U 找他, 主要係因為佢今晚要出席阿嬌結婚擺酒, 唔方便拎埋個 demo 用的 notebook 去, 咁我就幫佢拎去我鑽石山家提供"暫托服務"~ :p 佢 demo 前無聊同佢影幾張相, 佢好緊張, 似乎唔得閒理我 XD 我坐在 canteen 等他、幫佢看管住o的o野, 等佢 demo 後返o黎再影, 真係好大分別, 佢興奮到呢~~ XDDD 真係希望呢個 demo 可以 "平平安安 大步檻過", 如無意外, 今日真係可以同個 degree 講 bye bye 了~~ ^__^ 咁就三年喇... part-time 同 full-time 學生讀o既o野係一樣的 o_o, 半工讀真係好辛苦 :(

之後我o地行o左陣 sogo, 6 點幾佢送我去地鐵站我就走了. 你袋o野... notebook + 西裝外套和 tie + 雜物... 好鬼重呀, 拎死我!! >__<

之後佢就出屯門出席阿嬌婚禮晚宴. 雖然我地三個以前o係百周年係同事, 不過我同阿嬌唔算好熟, 所以佢冇請我去飲. 身邊好多差不多年紀的人都陸續結婚, 都開始成日有舊同學、同事或朋友問我幾時輪到我. 未呀~~ 未有計劃呀! :p

>>May 3, 2008 at 2:42:48 PM GMT+8

2008 年 4 月 25 日 星期五 【晴】

早兩日同 bf 行荷里活買o左對 crocs... 預o左要二百幾蚊對. 但我個碼要買童裝碼喎! 九折後百幾蚊就買到真係好開心~~ hahaha! 買o左 cotton candy 色, 呢隻色 marathon全線冇晒我個碼了, 運動家就得返坑口分店有, 等佢送過o黎荷里活先有得拎了~ 大力慫恿 bf 都買一對, 佢揀o左 chocolate 色, 夏天閒時可以o黎個情侶裝呢 hohoho~~ XD 雖然 crocs 個款樣衰衰咁, 不過又真係著得幾舒服, 怪不得響街見有咁多人著, 連學校玲姐都買o左對o黎著! ^^

早幾日 Jess 提起不如暑假去陽光與海灘的地方玩. 好呀! 今日同佢同亞超響大埔食 lunch, 議定去沙巴. 但返家後我上網 check o的 4 day package, 預佢o地要住得好一點 (5星之中又最平的...), 補多一晚房錢 + air ticket 和房的 旺季 surcharge + oil.... 計計埋埋好鬼貴, 要成六千幾蚊... 當唱 $2500 去洗咪成九千蚊?! 咁我唔制呀~~ bf 話九千蚊不如去九寨溝... 我就話九千蚊不如去日本, 或者俾多幾千蚊去歐洲都得啦! 響 facebook 同佢o地兩個提出了意見, 睇佢o地兩位有錢人點睇... -_- 我真係寧煩跟團去 sabah 或 langkawi 了.... -_- 另一個問題係, bf 近排開始搵工想轉工, 到時真係未必去到... :( 好想佢都去到一齊玩呀! ><

似乎今年暑假不是我們的旅遊日子. 先係我要上 course + 想做 lasik, 其次係家姐讀緊個 course 原來要 31/7 才修完... 似乎她還是要放棄大假了, 或者要用大假o黎溫書了. 今年暑假學校又要大裝修, 真係唔多想返去... 到時做完 lasik 多數都會吽在家了...

>>April 27, 2008 at 4:27:38 AM GMT+8

2008 年 4 月 15 日 星期二 【晴】

bf 終於交o左份 fyp 了!! 雖然係明天才 deadline, 但佢明天放工一定趕唔切o黎交, 所以要今日交o左佢. 齊齊將厚厚的一份文件掉入個箱度, 你當時有咩感覺?? 我o個刻簡直係想盡快掉佢入去消失於眼前, 呢一刻我等o左幾鬼耐, 眼冤啊~ XDDD 不過交o左未代表完結, 仲要等你 3/5 demo 完、考埋o的電腦試先可以回復以前的日子... 去玩!! >0<

>>April 27, 2008 at 4:25:21 AM GMT+8