2008 年 6 月 29 日 星期日 【晴】

放工和 Ray 一齊 book o左做激光矯視嚕... 考慮到我兩個朋友分別在兩間中心做 lasik 的經驗、我們的近視度數、揀用第幾代技術、價錢、心理狀況、對激光矯視中心的信心等問題 (我再加埋呀媽o既意見+些少贊助, hahahahaha~~), 我同 Ray 將會分開兩間中心度做. 無o野o既, 約埋同一日差唔多時間做 lasik 咪得囉, 之後搵人(暫定係家姐, 因為做o個日爸媽去了旅行~) call 的士接我o地回家休息~ :) 我o地都係首選九龍區的激光矯視中心, 我去o個間o係尖沙咀, 佢去o個間o係佐敦. :)

不過始終都要等做埋個詳細o既驗眼才知係咪真係適合做, 暫時只係響聽講座前 check 過有幾多度近視和眼角膜有幾厚. 不過我同佢都夠厚, 仲係好厚添 (much above the mean), 我厚過佢~~~ heeheehee! :p 我比較擔心到時 check 到淚水唔夠或眼球形狀問題唔適合做, 有晒心理準備去做時才知道唔做得, 咁就o徒鬼氣~ -__-

>>July 2, 2008 at 11:38:15 AM GMT+8

2008 年 6 月 21 日 星期六 【晴】

之前 Jess 唔舒服, 深圳之行取消了, 於是就改o左呢兩日去玩~ 星期六下午才去, 先在關口買o左張一咭一號的大陸電話咭用 (平過漫遊好多呢), 然後逛逛書城、萬象城, 夜晚去食「譚魚頭」. 麻麻地, 服務較差, o野食款式又少, 仲要都唔平, 平均每人都要 RMB 90幾蚊, 都係「小肥羊」多o野食又抵食得多 (只限深圳), 之前四人份量平均都係五十幾六十蚊人民幣. 然後就按摩overnight~

星期日訓到 12pm, 食埋按摩中心個麵才走. 原本有考慮去歡樂谷, 不過實在太熱太曬, 我唔想被蒸熟, 於是整天主要都係逛商場, 又去o左華強北那間「雄牛保齡球中心」打保齡球 (原本想去「球王保齡球中心」, 但搵o左好耐都搵唔到, 又曬又熱, 改去在附近的「雄牛」). 第一次碌齡, 好玩呀! 不過玩兩局手已經累了~ 好抵玩, $15/人 一局, 另外租鞋要 $5 (一定要租佢指定的鞋去踩佢塊木板地). 碌完齡就去食「中森名菜」, 就響 Ray 公司的深圳分公司樓下. 食的是日本料理, RMB13 一大煲粥好味飽肚又超抵食! 另外叫了一盤 sushi 拼盤 (RMB49)、蟹籽手卷 (RMB18), 竟然食唔晒, 放棄o左冇食超巨型芒果砂冰... :( (RMB20 only!!!) 我下次要食到!!! >0<

食到 8:30pm 就走了, 返到鑽石山家 10pm 了, 此行好開心~~ :)

>>June 23, 2008 at 3:06:55 PM GMT+8

2008 年 6 月 14 日 星期六 【晴】

沒有上深圳, 就同 Ray 去o左旅遊展. 拎o左o的旅遊資料, 當然都有o的贈品, 同埋一o的旅行社o既行程 + coupon, 唔知爸媽或者我遲o的o岩唔o岩用呢, 不過要 30/6 或之前報團先可以用.

行o左一陣收到呀哥電話, 話有免費 Kelly 演唱會飛送!! 幾歹都去啦~~~~ 佢 total 有 7 張, 係佢朋友要散飛出去, 留兩張俾我. 但佢返緊工, 要去斧山道泳池搵佢... 最後行到 4pm 我叫 Ray 去 PolyU 等我, 我先返鑽石山家放低旅遊展o的o野先, 然後 6:25pm 等呀哥食飯時間約佢響彩虹地鐵站俾我. 拎到 2 張飛, 真係貼住「贈品(非賣品)」喎, 但貼紙底下透到光竟然只係賣 $20/張... @_@ 難道 Kelly o的演唱會飛真係咁慘賣唔出要賤賣、賤賣都賣唔出最後要送飛??

就係咁, 我同 Ray 就忽然去o左紅館聽 concert. 預o左係山頂位, 但又不至於好"山頂"喎~ ^^ 聽到 11:15pm 左右未 encore 完就走了, 反正 Kelly 不是我們至愛, 我o地又唔想散場時同人一齊迫出去, 再加上我唔想佢送我返屋企之後冇通宵車搭 or 太夜返... :)

p.s. 坐我o地附近o既應該都係免費飛, 見到好多一家大細啦~ 仲有老人家啦~ 走o個時都有少少人同我o地一樣咁早走, 多數都係中年人或老人家.

p.p.s. 真係服o左你, 演唱會唱快歌夠晒嘈, 你都可以訓得著... o_O 真係懷疑你有渴睡症!!

>>June 18, 2008 at 10:28:40 AM GMT+8

2008 年 6 月 13 日 星期五 【晴】

漫長的全年檢討及周年計劃會議... 某組開足三個鐘, 創出史上最長記錄, 實在經典~ 開得長唔緊要, 但係咪開得有價值呢~

之後原本 plan 好同 Jess、超、Ray 上深圳玩, 點知 Jess 肚子唔舒服, 取消了~

>>June 18, 2008 at 10:24:24 AM GMT+8

2008 年 6 月 6 日 星期五 【颱風】

今朝 7:20am 媽咪打電話俾我..

媽咪: "喂? 呀妹呀? 而家黑雨喎, 我驚你唔知所以叫呀爸 7am 打返o黎提我打俾你. 今朝落雨落得好犀利呀, 六點幾已經掛黑雨, 成晚冇停過... (下刪數十字)"

君君: "哦, 哦, 哦, 係呀?.... 不過今日係星期六喎... z_z"

媽咪: "嗄, 乜今日係星期六咩?? 呀sorli sorli..."

君君: "拜拜 z_z"

醒o左之後, 到我驚男朋友唔知.. 佢今日長週要返工, 於是到我打俾佢. 佢真係唔知呀, 適逢收音機未換電所以冇開, 佢正準備出門口. 佢真係要多謝我媽咪了~ :p

>>July 2, 2008 at 11:28:15 AM GMT+8

2008 年 6 月 5 日 星期四 【晴】

今日去o左買網球拍, 遲o的去學打網球~~ ^o^ Year 1時都 take 過 beginner course, 但臨尾學發球時成日過唔到網 (唔夠力, 亦可能那時個拍太重?), 所以冇上 intermediate course. 今日買的拍應該夠輕了, 希望學有所成, 遲o的一行四人齊齊上埋進階~ 同埋想有自己塊拍後第日可以多o的 book 場玩o下. :)

~~~~~~

男朋友出o左 final year project 成績喇~~!! 比預期高分啊, 佢好開心!! 三年o既努力呀, 真係"嘔茄"呀, 我都好惡頂啊 XDDD 終於都可以真正來個了結~~ 個 FYP 有半個 grade 係我o既, 應該都有零點一二個 GPA 係我o既, 快o的報答我!! XDDD

>>June 6, 2008 at 5:47:39 PM GMT+8

2008 年 6 月 3 日 星期二 【晴】

早前暴脹o左好幾磅, 又俾好多人話我肥o左. 以往俾人話我肥o左係一件好事, 因為我好難肥, 以前太瘦了. 但自從冇o左讀書的壓力 + 拍拖之後, 開始肥到了, 但最近有少少失控, 體重標升至人生最高點, 肚腩亦前所未見的大... 為免發展至一發不可收拾之地步, 再加上暑假去浮羅交怡要著泳衣見人, 我首次展開廿幾年o黎o既第一次"keep fit"計劃...!!!

所謂o既 "keep fit", well... 其實都只係食返少o的o野 @@. 我平日其實正餐唔食得多, 尤其早餐和 lunch (但現在的我其實比讀書時已經食多了很多, 可能食大o左個胃?!); 晚餐同男朋友出街食多了, 應該係致肥原因~ 加上 keep 住食雜糧 (因為正餐食得唔多...), 肥開有個譜. 暫時所實行的方法係三餐食返少o的, 同埋戒食雜糧 (即係順便戒埋宵夜). 幸好我仍算係易瘦, 個幾兩個星期已經輕返幾磅, 但肚腩仍在... 男朋友呼籲我要做運動先減到肚腩, 又話食少o的o野唔會減到... 但我真係冇乜運動細胞啊 -_-"...

以前係易瘦難肥, 而家係易瘦易肥, 希望唔會變成易肥難瘦啦... -____-

p.s. 佢一向都話要 keep fit, 但好似冇乜成效~ o_O 男仔又唔可以食少o的o野, 佢已經唔算食得多了... 佢真係要好大運動量先可以減到. 佢一做 gym, 老鼠仔即出, keep 住做一排可以減到些少; 奈何我冇 join Physical 後成日同佢去街, 攪到佢成日冇時間做 gym... 我的而且確係佢致肥元兇啊 -_-

>>June 6, 2008 at 5:34:53 PM GMT+8

2008 年 6 月 2 日 星期一 【晴】

最後都係決定去報團! 其實 Ray 仲未 confirm 去唔去到, 不過買東瀛遊的保險, 可以有 90 日保留團費轉團保障. 雖然係迫住買, 但呢百幾蚊搏得過~ (一向我去旅行買開平平的教協保險, 佢賣o既招商局保險真係好鬼抵~) 始終最怕係到佢 confirm 到可以報時就冇位了... 又唔知到時加價會加幾多呢~

好開心好開心好開心~~ 當o左佢一定去到咁... 我真係當你會去到o架喇!! XDDD

之後我o地同埋 Jess 去o左花園餐廳食扒. 我o既湯呀、大蝦呀、雞扒呀、薯條呀... 邊食邊分o左部份/一半俾佢, 可能我一向都係佢致肥的元兇~~

>>June 6, 2008 at 5:29:48 PM GMT+8

2008 年 5 月 29 日 星期四 【晴】

※無聊對話※

今天返大埔家, 媽咪話佢買o左個新微波爐俾我, 星期三送貨.


君君: 好地地做乜換過個新o既??

媽咪: 唉, 你呀哥整爛o左佢o個個, o個日佢同我上去你度, 佢話你個微波爐個 size o岩佢, 咁不如俾個舊o既佢啦~ 咪買個新o既俾你囉.

(呀哥住o個度, 佢自己好地地走去整個架放微波爐, 冇落爆炸螺絲唔穩... 成個微波爐跌o左落地壞o左... 一﹏一)

君君: 咁呀哥仲有咩想要? (佢要o左我o的o野, 咁我又有新既用, kekeke~~ XDDD)

媽咪: 佢? 佢想要o左你成間屋!

君君: 好o丫, 咁我想要星河明居! XDDD

(爸媽一陣大笑) 媽咪: 你都幾識揀~

XDDDD~~

>>May 30, 2008 at 1:17:19 PM GMT+8

2008 年 5 月 28 日 星期三 【晴】

煩惱中... 最近東x遊出o左個浮羅交怡暑期加班直航團好抵, Jess 和超都覺得個團 ok, 好想報, 但男朋友而家又勁想轉工, 未能 confirm 去唔去到... 好想佢去到, 好想等佢 confirm o左先報名. 佢叫我o地報住先, 但我又驚我o地報o左先o既話, 萬一遲o的佢 confirm 去到但個團又 full o左, 咁就弊了 :( 想報與唔想報之間.... 心大心細中, 又驚齊齊遲o的報 full o左就大家都報唔到....

唉~ :( 算啦, 至少等到 1/6 阿超睇o下拎唔拎到o個幾日假先啦, 原本佢拎o既年假係早o的o既, 但呢段日子冇呢個團出... 我又 keep 住 "monitor" 住個團收剩幾多個位(已經成o左團的), 睇o下可唔可以等到六月中啦... 我計過最快六月中男朋友都應該 confirm 到了... v_v

我知佢都好矛盾, 既想同我o地一齊去玩, 但又唔想咁遲先轉工... 佢不再留戀佢公司了~

>>May 30, 2008 at 1:10:13 PM GMT+8