2008 年 8 月 24 日 星期日 【晴】

世界真細小呀~~ 響 facebook 放了一些相, 有些是爸媽的相片, 有個現任永安旅行社o既中學同學認得我爸媽係永安熟客, 俾爸媽看他的相, 原來幾年前係佢帶佢o地參加的俄羅斯團呢! 由於爸媽常常外遊, 一個月 2-3 次長短線團不等, 我早就覺得總有一次會遇中我呢個舊同學的... ^^

爸媽跟永安好幾年了, 好多時去旅行社會有o的領隊認得佢o地, 以前又同大埔個永安經理好熟, 有時會打俾媽咪介紹團俾佢, 可惜佢而家已經調走o左去馬鞍山分行了. 不過而家爸媽有些變心喇, 以前只對永安有信心, 次選才到康泰, 間中短線(東南亞)會跟o下新華. 但自從佢o地放擔跟過一些小型o的o既旅行社去長線團後 (e.g. 早前跟美麗華去印度), 覺得其實服務都好好, 所以俾自己多o左好多選擇, 對永安唔再忠心了... ^^ 始終永安都係貴o的呢.

>>August 27, 2008 at 3:15:36 AM GMT+8

2008 年 8 月 21 日 星期四 【寒冷】

昨晚本來仲好失望, 因為臨訓前天文台仲係話清晨改掛 8 號風球機會不大, 預料今日下午至夜晚颱風「鸚鵡」最接近香港. 一心諗住始終都係要返工, 最多下午改掛 8 號提早收工啦~ 今朝 6:30am 醒一醒, 見仲好風平浪靜, 諗住都係要起身返工了... 點知媽咪 7:15am 打俾我, 原來今朝清晨時份天文台已經話預料 8am 前改掛 8 號, 我不知幾開心, 有覺好訓喇~ 不過媽咪叫我不如起身返大埔... @_@

咁好啦, 打完電話俾呀 Ray 之後 7:25am 就起身梳洗. 開住電視機, 仲未換好衫, 7:40am 就改掛 8 號了! 由於驚好快冇巴士搭, 乍乍臨換好衫即刻出門口, 去到荷里活一見到 74x 就即上! (平日我好少搭 74x, 因為要在大埔中心下車, 再行一段路先返到屋企; 75x 就可以響屋企樓下落車) 一路上天黑黑有o的風, 但又冇乜雨. 落o左車仲去「裕記」同爸爸會合, 因為媽咪叫佢落樓買o的生果. 回家途中見到有棵樹倒了, 才驚覺之前原來有幾大風~

之後變o左 9 號風球, 我o地仲落樓去飲茶, haha~ 落到樓下冇乜風冇乜雨, 但其實o係屋企真係超級大風, 吹到廚房個抽氣線瘋狂地轉到o胡o胡聲, 幾驚佢會唔會飛埋出o黎呀~~~ 可能因為住得高, 食晒風.....

>>August 22, 2008 at 8:51:08 AM GMT+8

2008 年 8 月 17 日 星期日 【晴】

15.8.2008 ~ 18.8.2008 沖繩島 世界遺產「首里城」、守禮門、沖繩文化王國村、玉泉鐘乳洞名景萬座毛、海洋博水族館之「世界第一」、最大的鯨鯊水中表演、國際通購物開心玩樂 4 天團

(個團名長成咁.......)

旅行社: 新華旅遊
航空公司: 香港快運航空 (直航)
團費: $5399 + 651 tax

今次和爸媽去~ 原本報o左團去清邁 5 天, 點知唔成團, 出發前 2 星期去旅行社問, 唔理去邊度, 總之未去過又成o左團就報啦~ 本來想轉濟州, 但 14/8 or 15/8 冇一間旅行社的濟州成到團啊, 所以改o左去沖繩. 好耐冇去日本喇, 上次係 2004 年暑假去北海道, 真係一直冇諗過今年會去, 因為成日覺得去日本貴呢~

沖繩係個好曬好熱的地方, 好多人聽到呢個名就諗起陽光與海灘, 我都冇諗過 4 天團係唔會去玩水喎, 主要睇境多, 和認識o下沖繩的歷史和文化. 佢係日本的一個鄉下地方, 所以文風純樸得多了, 但又唔會落後. 佢亦都係日本唯一一個地方仲有美軍駐守, 所以去到有得遠望美國空軍基地, 同埋某些地區會成日見到鬼佬. 亦因為咁, 呢度有部份日本人英文會好少少 (雖然都唔好得去邊...) 亦因為以前受中國文化影響過, 所以有些老人家會講少少國語, 同埋一些建築帶點中國色彩.

沖繩好近台灣, 機程只不過係 1 hr 15 mins, 但飛去東京卻要 2 hrs 30 mins, 所以佢受台灣文化影響多o的. o個度o既生活令人覺得好舒服, 唔似得東京咁生活好急促, 有時會令人喘不過氣. 日本o的女人一出街就化晒妝, 沖繩o的女人又唔會喎~ 只係見過幾丁個女人化淡妝咋~

旅程中都好開心. 同爸媽去玩係靜態o的, 同朋友去玩就動態o的, 各有各開心~ 唯一覺得媽咪實在太鐘意食o野了, 去到邊食到邊, 我就相反... 我本身食o野唔多又易飽, 好怕飽o既時候又話要去食o野... +_+" 好在佢o地冇迫我食, 我反而擔心佢o地好多時要食埋我o個o的, 仲整肥佢o地害o左佢o地....

我已經害o左某個人喇!! hahahahahaha~~ XDDD

>>August 21, 2008 at 12:53:04 PM GMT+8

2008 年 8 月 13 日 星期三 【晴】

又 join 返 Physical, 陪太子做 gym. 我都停o左超過一年冇 join, 今次佢簽 36 個月約, 送o個 18 個月就轉俾我. 都抵玩, 平均一個月都唔洗 $180!

希望我去到又唔會好似以前咁, 只係上o下 yoga 堂、睇o下雜誌和沖涼、食住糖睇住電視咁踩單車啦~ 你要多o的 "鞭策" 我至少跑o下步, 做多o的運動始終對身體好... :p

>>August 14, 2008 at 5:57:41 AM GMT+8

2008 年 8 月 5 日 星期二 【驟雨】

人o地放假佢就打風... :( 仲要累我今日覆唔到診. 不過對眼冇乜事, 遲o的覆都冇問題.

下午就收到激光矯視中心打俾我, 改明天 12pm 覆診. 時間剛剛好, 覆診完就可以返工, 我本身係聽日上午 AL 下午返工~

>>August 6, 2008 at 11:24:48 AM GMT+8

2008 年 8 月 2 日 星期六 【晴】

做完 lasik 後....

- 出街戴黑超: 一來遮遮陽光令自己舒服o的, 二來有個 protection... 純粹心理作用大o的.
- 去到人迫的地方/迫車迫lift時突然會緊張起來: 係我o者, 身高問題, 好驚人o地既手"爭"郁一郁會撞到我隻眼. 呢個唔會係呀志的問題... -_-
- 小心冷氣機滴水!
- 唔希望會落雨
- 要成日記住時間滴眼藥水: 尤其我左眼有發炎跡象, 左右眼滴的藥水時間不同, 要用記事簿 mark 低... @_@
- 明知唔可以捽眼, 但仍有 2 次唔覺意差o的捽o左落去... 險!

做完 lasik 須付出的代價...
- $$$ (呢點唔洗講啦...)
- 想去o下動漫展、美食博覽, 但通通都要放棄: 我要避免人多擠迫的地方 @@
- 成個月唔打得波唔游得水: 呢個問題對呀志影響大o的
- 朝朝要多花時間用棉花抹眼睛
- 晚晚要多花時間痴膠紙戴住個眼罩訓覺

要待一個月後就可以回復以往正常的生活了.... :)

>>August 2, 2008 at 6:07:09 PM GMT+8

2008 年 8 月 1 日 星期五 【晴】

昨天做了 lasik, 事前 & 過程中真係緊張死了, 不過原來我都已經算係最鎮定的一個... 做的時候只係覺得俾工具撐大對眼唔係好舒服, 俾激光打落o黎時完全沒有感覺沒有痛, 臨尾做完滴o左隻眼藥水好"拿"囉, 其餘乜事都冇. 做完之後和返到屋企都係正正常常咁... 訓o左一陣實在太悶了, 走o左出廳食o野和睇電視, 不過睇 15 mins 後眼又乾又要休息. 我係極端地冇乜感覺的, 我之後做的 2 個女仔/女人都話有感覺有o野打落對眼度, 其中一個直頭話好痛... 今日覆診一個對眼腫晒, 一個腫腫地 + 係咁標眼水, 而我... 只係紅o左和覺得眼乾, 我真的很幸運... :)

昨天做完睇o野有一層霧氣, 而家睇o野仲有輕微的霞氣, 呢個要等傷口慢慢復完便會消失. 不過夜晚望o的街燈係差o左, 好似有好勁的散光咁, 呢個係 lasik 唯一最大的後遺症, 叫眩光, 不過我覺得還可以接受既~ Anyway, 而家訓醒一起身就睇o野好清楚, 感覺真係好 amazing! 以後唔洗再戴眼鏡, 唔洗再煩戴con戴得耐會眼乾又要除, 真係好好好好好開心呀!! 手術係就係貴o的, 但我覺得好值得做, 當去少轉長線旅遊... :p 而且可以免息分 24 期付款, 每個月只係俾幾百蚊出o黎, so good~ ^_^ 我會大力支持有近視既人去做 lasik 的!! :DDD

P.S. 謝謝你整天的照顧! ^3^ 難得今日到我照顧返你, 有好滿足感, 哇哈哈~~~ XD

>>August 3, 2008 at 6:26:59 AM GMT+8

2008 年 7 月 30 日 星期三 【晴】

26.7.2008~30.7.2008 【香港快運航空直航專機】暑假浮羅交怡加班團
好玩動感紅樹林、奇幻海底世界(包門票)、360度環迴觀景台(包纜車) 五天超值團 MLUA05

旅行社: 東瀛遊
團費: $3688 (有 coupon 再減 $100) ← 出發前團費加至 $5788 :p

Day 1 --- 4:25pm 飛, 去到已經 8:20pm, 只係食o左個海鮮 dinner.

Day 2 --- 去紅樹林, 其實冇乜特別, 坐快艇好刺激. 可惜當日大浪睇唔到蝙蝠洞... 孕婦島只係遠觀. 沒有游水, 但自費玩了水上單車.

Day 3 --- 最好玩係呢日, 去珊瑚島! 可以玩浮潛, 可惜我耳仔問題唔浸得水, 所以我只有「浮」而沒有「潛」:p. 個海有好多魚啊, 餵魚食麵包好好玩, 未試過有咁多魚包圍住自己係咁衝埋o黎食麵包, hahahaha~~ 阿志和阿超自費玩埋潛水, 佢o地玩完都話正~ ^_^ 夜晚自費晚餐, 我o地一於豪o的揀o左去「燈籠館」食海鮮, 叫o既時候係咁揀, 未見過o的老虎蝦和瀨尿蝦可以咁大隻...!!! 到埋單時就好笑了~~ out 晒 budget, 四個人夾埋 over HKD1000, 剛向導遊再唱過的錢一筆過又清晒, 不過真係好好味, 食得好開心! ^_^

Day 4 --- 自由活動時間, 我o地去了 beach 玩水、玩 go-kart, Jess 和阿超 夜晚去埋做 spa, 又係開心的一日~~ :)

Day 5 --- 跟團去了 Underwater World、土特產中心、搭360度 cable car 去觀景台 (上o左去 Langkawi 最高處... 其實都只係有 710m... @@)、神鷹廣場, 食埋 dinner. 夜晚 9:05pm 飛返香港了~

Day 6 --- 1:05am 落機, 好在 Jess 有朋友渣車接機, 順道載我一程, 唔洗 1 hr 返到鑽石山家~ ^o^

呢個旅程真係好好玩~~~ 個團其實幾 hea, 好多自由時間. 我o地返到酒店一係玩 UNO, 一係玩 NDS 炸彈人, 玩到笑爆嘴 XDDD 不過 Langkawi 其實係一個好細的島, 乜都玩勻晒咁濟了~ 影o左好多相, 之前在旅遊展 $230 (原價 $280) 買的相機防水袋今次大派用場, 影o左好多玩水的相和水底的魚魚 (但不可落低過 5m), 抵玩~ ^_^ 另外防曬衣非常有用, 冇搽防曬都冇曬黑, 反而手背搽o左防曬都黑o左少少, 不過係我冇補防曬o者... :p

唔知幾時可以再約埋一齊去玩呢~ 似乎陽光與海灘幾o岩大家玩喎. ^__^

>>August 1, 2008 at 2:24:08 AM GMT+8

2008 年 7 月 22 日 星期二 【晴】

今天去o左做 lasik 前的詳細眼睛檢查, 結果如下:


- 近視深, 鴛鴦眼
- 角膜夠厚
- 視網膜正常 (因為近視深, 我最驚自己會有視網膜脫落的問題...)
- 眼壓偏高 (正常係 20 units 以下, 我已達 19... @@ 要小心如果過高就可能會有青光眼)
- 輕微斜視/弱視, 原來我係習慣用左眼 (近視較淺) 作為主眼去睇o野. 但實在好輕微, 冇乜逗雞眼, 可以不理
- 左眼較乾, 如果係今日咁o既狀態就不適宜做手術, 不過唔係嚴重, 係好 borderline

醫生開o左眼藥水俾我, 叫我今日開始每 2 個鐘滴一次眼藥水, 一日要滴 8 次... @@ 好在我 book 做 lasik o既期係較後, 有足夠日子俾我滴, 等隻眼做 lasik o個日唔好咁乾. 雖然只係左眼乾, 但o個o的只係人工淚液, 佢叫我兩隻都滴都冇壞o既~ 不過麻煩在要成日記住滴, 同埋遲o的去旅行都要帶埋去滴囉...

今日檢查費 $500, 遲o的做分期俾 lasik 錢時可以 waive 返, 另外眼藥水承惠 $100... @@ 去屈人錢和萬寧 check 過, 其實都要 $99 o既~ 咁佢都只係賺我批發價和巿價的差額, 都好合理~

>>July 23, 2008 at 4:53:36 PM GMT+8

2008 年 7 月 6 日 星期日 【晴】

《The Memory Keeper's Daughter》 by Kim Edwards

"... what would happen if you lost your child and she grew up without you? In 1964, when a blizzard forces Dr. David Henry to deliver his own twins, he immediately recognizes that one of them has Down Syndrome and makes a split-second decision that will haunt all their lives forever. He asks his nurse to take the baby away to an institution and to keep her birth a secret. Instead, she disappears into another city to raise the child as her own. Compulsively readable and deeply moving, The Memory Keeper's Daughter is an astonishing tale of redemptive love."

Movie: http://www.mylifetime.com/on-tv/movies/memory-keepers-daughter?page=1

I finished reading this book several days ago. Highly recommended. But be prepared that this is a sad story, from the beginning till the end. And the ending is not really good at all. Anyway, do read it!

>>July 6, 2008 at 4:36:51 PM GMT+8