2008 年 12 月 29 日 星期一 【晴】

好耐冇寫日記. 呢排有點鬱悶, 成日唔開心, 但又未至於好 down. 往往唔開心都會同自己講, 唔開心既事會好快過, 但呢次真係耐o左o的. 本來好地地的, 但試過沖沖o下涼 / 訓唔著無端端喊o左出o黎... 可能心裡積壓o左o的o野, 剎那間忽然 depressed.... 至憎自己成日唔知自己為咩事唔開心, 為咩事喊, 其實我應該係知既, 只係唔肯定係咪主因. 情緒反反覆覆, 離開香港旅遊是最佳治療良方, 可以(暫時)把一切拋諸腦後... 返到香港都還ok, 但每每返工就好唔開心, 又再失眠. 工作多, 但又未至於係排山倒海, 其實physically我係應付到, 但係 mentally 不好過, 很氣餒, 心淡了. 今年在學校工作第 6 年了, 除o左頭頭縮班殺校熱潮驚要轉工之外, 份工都好穩穩定定. 近呢幾日開始有個念頭... 有o的想走... 不是因為近來工作忙而想走, 而是心態上累了, 我已經冇o左以前o個份衝勁. 以前放完假都可以一鼓作氣, 臨"竭"之前 / 開始"竭"時剛好又係時候放假了. 今個聖誕假, 放到尾聲了, 發覺心理上仍未"竭"完... 累了, 真的累了. 工作上是不是都有"七年之癢"? 不過算吧, 我心知肚明, 我係一個 A 女, 最怕環境上的轉變, 呻o下好了. 男朋友聽我呻得最多, 其次是母親大人, 相信你o地耳仔要繼續受罪好一陣子了... 我冇乜朋友, 交心的 = 0, 除o左你o地, 我冇對象可以呻. 成日諗, 點解自己冇乜朋友? 又是心知肚明吧... 人太靜了, 又不喜歡 / 擅長埋堆. 還記得小時候倒有知心友, 人大了反而沒有了... 或許我喜歡的是小時候與朋友之間的一顆純真的心. 人漸長, 人心複雜了, 自己也越收埋自己了. 老是覺得人人都有一塊假面具, 我自己也有一塊面具. 心裡受住沉重的壓力時, 外表看來還可以是平平靜靜的, 可能是讀社會大學時不自覺地學返來的. 我知道, 工作上人人只會看事件出來的成果有幾好, 唔會理會你背後受著幾大壓力、付出幾多既努力才會有咁既果.

~~~~~~~~~~~~~~~~~

一口氣打了大篇文字, 總算向空氣吐了些苦水.
但工作仍然要繼續, 日子仍然是這樣過.
幸而我還有幸福的家庭, 有愛錫我的家人和男朋友.
日子暫時難捱了一點, 但有他們的支持, 我的人生路走得一點也不獨單.

>>December 30, 2008 at 1:56:28 AM GMT+8

2008 年 12 月 4 日 星期四 【晴】

好耐冇打日記... 呢排比較忙. 不過早幾日趕起成績表就好好多~

多事之秋... ST同事禍不單行, 傷了腳又再遇上車禍, 真係好陰功... +__+ 祝佢早日康復, 最緊要唔好有咩後遺症啦! 一世架喇.........

我同校運會MC位真係無緣, 今年可能係唯一一年有機會做, 好少病o既我正正呢個時候o黎失聲... @_@ 不過唔洗做, 我壓力反而冇咁大~ 好怕做呢個位... 都係帶學生去比賽輕鬆o的! ^^

早前去了一個 BBQ 聚會, 首次和男朋友的同事會面. 原來大家背後都很留意我, 咁查實我去BBQ前亦已經好留意佢o地每一個人... (through facebook), haha~ 發覺男朋友比起以前唔同晒, 以前在學校, 同我一樣唔多出聲. 幾年o黎我冇乜變過, 反而佢在另一間公司做o野, 原來同同事都咁多o野講、好玩得.... 點解變化咁大o既?? @_@

HKU實習學生出完 placement, 很驚訝收到佢一份禮物, 是Crabtree的 handcream, 好o岩用! ^^ 仲有一張 thank you card... 睇完佢寫o既o野都很感動, 真係唔知原來自己做o野(主要係ST方面)在別人眼中的睇法, 謝謝! ^^ 不過我帶過幾個學生之中, 佢的確係比較 competent 的一個. :)

呢排聽o野又有少少撞聾喇, 都估到中耳又積返水. 今日覆診, 如我所料啦~ 本來已經準備排期入QEH 做手術(全身麻醉), 點知醫生忽然改變主意, 建議我唔好做... 我都想觀察一排先, 呢排耳仔多事幹, 好煩人... 也想抖抖啦, 暫時唔想任何人再掂我隻耳仔 =_= 半年後先再覆診~

>>December 5, 2008 at 10:48:28 AM GMT+8

2008 年 11 月 13 日 星期四 【晴】

昨天又去陪太子做gym. 最後結論係, 我 join 呢個 18 個月 gym 都係 waste $$$ o既.... 3 分鐘熱度 -_-, 去到只係 hea, 冇心機做...

正當我認為自己呢排已經食多o左o野o既時候, 昨天著住對波鞋上 Physical 個磅首次去唔到 9 字頭... 又輕o左少少 -_- 即係我仲要食多o的o野先得!! 唔洗驚, 遲o的會再食一轉 buffet, 又有好多蟹蟹蟹~~ ^o^ 另外仲有幾轉BBQ! 一係約極都約唔到人去, 一係突然幾個 parties 都計劃去, 謝謝某人特意安排, 我要食食食~~~~

做gym前行過 7-11, 發現又出o左 5 隻別注版大想頭... 攪錯呀, 仲以為已經儲晒... 呢 5 隻仲要咁得意咁特別! 我們已經花o左唔少錢去儲之前o個 7 隻了, 我真係從未試過咁經常性幫趁 Seven... 呢次佢換購的叮噹大想頭真係害o左唔少人, 包括我~~~~~~~~

仲有個幾月先到聖誕假期, 但而已經日日期待住... 好似好耐冇去旅行咁! 我又會有好多節目!! ^o^

>>November 14, 2008 at 9:17:55 AM GMT+8

2008 年 11 月 4 日 星期二 【晴】

今日上午ENT覆診, 耳仔冇乜事喇~ 耳膜仍然有個小洞, 一個月後覆診. 相信覆埋呢次, 第日又會 keep 返半年睇一次~

中午去了旺角食 lunch, 順道去了銀行中心各旅行社逛逛. 聖誕假期旅行有著落! ^o^

下午到對眼覆診. 今日驗眼, 左眼冇近視冇散光, 右眼冇近視、50度散光, 很不錯!!

之後返屋企休息, 訓o左一陣. 夜晚同男朋友會合, 齊齊去學煲冬瓜!

~~~~~~~~~~~~~~~~~~~~~~~~~~~

神手!!! 神手!!! 某人有一對神手!!!
我去 7-11 換幾次大想頭都只係換到 阿褔 x2、技安 x3 和 大雄 x1,
佢第一次同我換就中o左叮嚀!! 今日第二次同我換, 中埋叮噹!!! 好開心呀~~~~~~
叮噹同埋叮嚀係較少有的!!!
計埋佢之前幫我同佢同事交換的技蘭, 同埋遲o的同 Venus 交換靜香,
終於儲齊喇 yeah~~~~~~~~!!! ^o^~~~

>>November 5, 2008 at 4:17:15 PM GMT+8

2008 年 11 月 1 日 星期六 【晴】

一停藥, everything becomes fine... so good~ :) 雖然可能係心理作用, 但真係唔同晒喎, 耳仔又冇再流o野... ^o^

昨晚同呀康、Gloria、Ray去報o左個兩天團. 之後去了旺角打邊爐, 好好胃口, 不過而家有少少喉嚨痛... :( 打完邊爐又去o左食糖水... 飽死我!!!

呢排繼續努力儲 7-11 叮噹印花換大想頭. 不過最落力儲o個個唔係我自己喎... hahahaha~~ 最開心都係見到佢咁落力幫我儲, 又幫公司買雜誌、又買香口膠、又買某o的o野可以送多個印花咁, 最熟都係佢! 仲同我問同事交換多出的公仔! 錫晒你啦~ ^3^

>>November 2, 2008 at 5:10:09 AM GMT+8

2008 年 10 月 31 日 星期五 【晴】

From 1/11/2008《Appledaily》


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
打 瞌 睡 　 的 士 鏟 入 貨 車 底
女 司 機 差 半 吋 冇 命

【本 報 訊 】 北 大 嶼 山 公 路 昨 晨 發 生 嚴 重 車 禍 ， 一 名 的 士 女 司
機 懷 疑 行 車 途 中 「 打 瞌 睡」 ， 猛 撞 前 面 貨 車 車 尾 揳 入 車 底 卡
住 。 貨 車 司 機 誤 以 為 爆 胎 ， 結 果 拖 行 的 士 20 米才 停 在 路 肩 ，
貨 車 司 機 落 車 查 看 方 發 現 的 士 插 車 底 毀 爛 不 堪 ， 只 差 半 吋
便 壓 著 女 司 機 。 貨 車 司 機 慌 忙 安 慰 女 傷 者 並 致 電 報 警 ， 由 趕
至 消 防 員 將 她 救 出 送 院 搶 救 。

貨 車 司 機 以 為 爆 胎

肇事 女 司 機 姓 李 （ 53 歲 ） ， 衣 衫 胸 前 留 下 大 灘 鮮 血 ， 她 頭 、
頸 及 右 腳 受 傷 ， 送 院 搶救 後 情 況 嚴 重 ， 暫 時 不 適 宜 進 行 酒 精
測 試 。 警 方 初 步 不 排 除 她 行 駛 途 中 打 瞌 睡 ， 但真 正 原 因 仍 在
調 查 。 另 一 部 涉 事 的 24 噸 空 載 密 斗 貨 車 ， 司 機 姓 陳 （ 59
歲 ） ， 準 備往 機 場 提 貨 ， 他 事 後 通 過 酒 精 測 試 。
事 發 於 昨 清 晨 6 時 許 ， 陳 駕 貨 車 沿 北 大嶼 山 快 速 公 路 慢 線 入
機 場 ， 駛 至 小 蠔 灣 附 近 時 ， 車 尾 突 然 傳 來 「 砰 」 聲 巨 響 ，
他 望倒 後 鏡 並 不 見 有 異 物 ， 還 以 為 是 爆 胎 ， 於 是 駛 到 20 米 外
左 邊 的 路 肩 停 下 查 看 。 不料 原 來 一 輛 的 士 正 正 插 在 貨 車 車
尾 ， 車 頭 捲 曲 機 件 外 露 ， 擋 風 玻 璃 碎 裂 ， 車 頭 揳 在 車 底 卡
住 ， 只 差 毫 釐 便 壓 落 司 機 位 。
當 時 的 士 女 司 機 仍 然 清 醒 ， 陳 即 安 慰 對 方 說 ： 「 唔 使 驚 ，
我 會 報 警 ， 撐 住 呀 ！ 」 並 鼓 勵 女 傷 者 ， 「 有 警 察 唻 緊 喇 ， 頂
住 呀 ！ 」 稍 後 大 批 消 防 員 趕 至 ， 用 工 具 撬 開 車 門 救 出 女 司
機 ， 只 見 她 上 半身 染 血 ， 神 志 迷 糊 立 即 送 院 搶 救 ， 警 方 事 後
將 兩 車 拖 走 檢 驗 調 查 肇 禍 原 因 。
有的 士 商 會 人 士 指 出 ， 來 往 機 場 的 高 速 公 路 「 太 靚 」 ， 大 直
路 兼 清 晨 車 輛 流 量 少 ， 部份 司 機 在 同 類 型 路 面 駕 駛 ， 會 不 知
不 覺 打 瞌 睡 。 他 提 醒 同 業 應 留 意 休 息 和 工 作 時 間， 要 是 駕 駛
途 中 太 疲 倦 ， 最 安 全 做 法 是 即 時 停 止 駕 駛 ， 停 在 安 全 的 地
方 稍 事 休 息 ，或 是 開 車 窗 吹 風 提 神 ， 以 免 因 疲 倦 打 瞌 睡 引 致
意 外 。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

個女司機本來入o左深切治療部, 爸媽初時未能接觸她....
幸好醒返之後冇事, 只是額頭被玻璃撞破了, 咁o既意外算是傷得輕了~
不過架的士就傷得重喇... 有排整....
聽家姐講, 有記者昨晚上o左屋企... o的記者真係好堅, 咁都搵到 -_-||

>>November 2, 2008 at 5:22:00 AM GMT+8

2008 年 10 月 30 日 星期四 【晴】

唔妥... 近來真係覺得唔係好妥...

食o野胃口仍然一般... 昨天去 Physical 磅, 90.2lb, 還好... bye bye 8 字頭... 但冇心機做 gym, 真係純粹陪太子去, 我連"夾大脾機"都唔想夾, 因為大脾肌肉有點痛... 但我之前都冇做過劇烈運動....

晚晚都訓得唔好... 耳仔晚晚有o野流出o黎, 應該係藥水來的... 但無論我夜晚幾點滴耳仔, 半夜都係要流返o的出o黎... 痕到我醒. 昨晚開始用棉花塞住耳仔訓, 至少唔洗半夜搵紙巾索, 一於繼續訓唔理佢... 今朝見棉花有少少淺啡、黃黃地色的... 係咪真係藥水o黎o架??? 唉... -_- 要等我滴晒o的藥水, 睇佢仲流唔流o野才能求證...

晚晚訓得唔好, 日日放工都累爆... 個人冇乜心機, 又影響食慾....

個幾星期前有感冒徵狀, 而家好似仲未清晒... 鼻腔成日積住o的鼻涕...

今日放工搭 10 號巴士, 十多分鐘的車程, 坐o左五分鐘竟然想嘔.... 咩事呀... 覺得喉嚨有o野想吐出o黎, 好在頂到落車, 返屋企即刻飲水、訓o左陣... 諗o黎諗去, 我由 lunch 到 5:30pm 離開學校, 只係 4 點幾食o左粒抗生素... 我可以吐到o的咩出o黎呢?? 亦冇理由粒藥成個鐘仲未落格留o左響喉嚨度... 好在小睡片刻又冇乜事.

還有... 排泄系統好像有些問題, 跟以往不一樣... 天天都是爛爛的... 怎麼攪的....

不過樣樣都係小問題, 又不至於要去睇醫生. 就算睇醫生, 我都講唔出邊度真係唔妥啦... 我凝住係o的藥攪到我咁, 今日食埋最後一粒抗生素, 耳仔藥水應該滴到星期三覆診日剛好滴完, 停晒藥之後我諗我會好返o的... 至少訓得好o的, 各方面都應該會有所改善...

>>October 31, 2008 at 12:40:47 PM GMT+8

2008 年 10 月 28 日 星期二 【晴】

昨天ENT覆診. 原來之前 QEH 個 ENT 醫生唔係放o左條白色粗管入我耳仔, 而係一條棉芯, 今日個 ENT 醫生同我抆返出o黎o個時... 我見到成條棉脹晒, 索滿藥水 =_=.... 怪不得塞住我耳仔聽o野咁差啦~ 不過醫生話冇理由條 T-tube 會甩到出o黎... 佢話因為 T-tube 有隻腳抓住個耳膜, 照理係應該要動手術先拎到出o黎的. 但入急症o個日個 ENT 醫生真係好輕易就幫我抆到出o黎, 似真係甩o左囉... 令人費解 o_O"....

而家耳膜有個洞, 下星期再覆診, 醫生要我再返返去睇o下耳膜的情況. 由於本身我下星期三下午對眼做完 lasik 夠 3 個月要覆診, 所以特登安排 ENT 覆診o係星期三上午, 同一日一次過攪掂晒~

本來覆診後聽o野清楚晒, 好開心~ 點知昨晚訓覺前滴o左耳仔藥水, 已經等佢流返出o黎先去訓, 但今朝耳仔入面痕到我醒~~~~ 真係好痕好痕... 但又 "R" 唔到... ~_~ 感覺似係有o的液體響中耳入面緩慢流動... 起床後用紙巾只係索到極少量液體 (藥水?), 但係聽o野又有少少塞... ~_~

>>October 29, 2008 at 8:50:22 AM GMT+8

2008 年 10 月 25 日 星期六 【晴】

上星期五晚入o左急症室........

話說臨放工 4 點幾左耳無端端聽o野塞o左, 我都冇為意, 因為以前都試過, 諗住因為條 T-tube 壽終正寢了, 所以會咁. 點知 5mins 後開始流血!!! 我都嚇一嚇, 從未試過... 即刻走去搵校護求救, 嚇死佢.... 叫我即刻入急症...

由於我睇開 QEH 的 ENT, 所以堅持一定要入返 QEH 急症... 由助教英姐姐陪同... 去到被分流到「次緊急」, 比起「非緊急」都快o的見到醫生... 冇耐爸媽來了接替英姐姐, 估唔到呀哥都o黎埋, 原來佢剛找爸爸知道我入急症.... 等o左個幾兩個鐘, 終於有得見 A&E 醫生, 當然係攪唔掂啦... 即時 refer 我去 4/F ENT ward 度, 好在 call 到個 ENT 醫生返上 ward 見我 (ENT ward 早已關門大吉)...

佢睇返電腦我的 history, 知道我睇開 QEH / YMT 的 ENT... 就開始動手.... 用 sucker 吸o的血出o黎, 再用鉗拎返那條 dislodged T-tube, 之後再用 sucker suck suck suck... suck 埋中耳入面o的血 (耳膜有 hole)... 過程緊係痛到 pk.... 直到我話頭暈佢先停手 =_=, 之後放o左條頗大條的管入去, 穿過耳膜的 hole.... 呢下我真係痛到想叫救命 >_<, 再用針打o左兩o野抗生素入條管度(流入中耳)... 大功告成...

醫生話我隻耳仔發炎, 所以流血 ~_~. 可能之前耳仔入o左水, 或者早兩日我作感冒可能都有o的關係. 但隻耳仔咁細, 何來咁多血呢? 佢話發炎會令入面o的微絲血管膨脹, 所以爆到咁多血... 安排了星期二覆診, 到時要抆返條白色管出o黎喎... ~____~

拎o左大包藥回家, 整晚前後待了三個鐘, 算係快... 食o左o的藥訓死o左, 我呢個 weekend 就係訓和食咁過... -_-

>>October 26, 2008 at 6:31:10 AM GMT+8

2008 年 10 月 17 日 星期五 【晴】

昨晚同男朋友去 PolyU 拎畢業袍, 今日同佢再去 PolyU 影相~~ 鳴請家姐出動佢部單面反光機幫我o地影o左唔少相!

辛苦o左 3 年, 終於等到今日喇~ ^o^

>>October 18, 2008 at 9:31:20 AM GMT+8