2007 年 1 月 20 日 星期六 【晴】

20.1.2007 ~ 21.1.2007
澳門兩天自助遊美食之旅

~~~~~~~~~~~~~~~~~~~~~~~~~~~~~~~~~~~~~
油麻地旅遊澳門 package

新渡輪來回船票 (7:30am 去, 9:30pm 返)
觀光塔入場卷 + 21/1 旋轉餐廳自助晚餐
駿景酒店一晚
送鉅記手信店 9 折 coupon 連迷你禮品一份

合共 $16xx
~~~~~~~~~~~~~~~~~~~~~~~~~~~~~~~~~~~~~

去o左澳門玩o左兩日, 係補祝生日之旅~ ^_^ 算係第一次拎住旅遊書同埋地圖自助遊 (之前就算買 package 去珠海御溫泉, 都有專車送到你去酒店門口, 所有活動都係留在酒店進行.. 係之後稍稍自已逛過拱北兩三個鐘). 澳門地方細細好易行, 通常都可以自己搭巴士, 係遇過三次搵唔到o岩o既巴士就搭的士去目的地. 玩得好開心呀, 食o左好多o野~~ 不過都逛到很累...

兩日內都去晒澳門主要的境點了, 連冇plan去的幾個地方都去埋了~ 橫街窄巷又冇咩好行, 又冇乜興趣去o的博物館參觀. 今次去完, 唔知幾時會再去呢?

>>January 21, 2007 at 4:34:33 PM GMT+8

2007 年 1 月 18 日 星期四 【晴】

生日正日要考手力急救.. 冇得去慶祝~ @_@ 算啦, pass o左安落晒, 唔洗再溫書, 得閒有時間又可以睇返旅遊雜誌同埋打o下 NDS~ :p

>>January 21, 2007 at 4:19:01 PM GMT+8

2006 年 12 月 28 日 星期四 【晴】

6 天的中原古都之旅完結了, 今日中午返到香港! ^^

好橋呀, 同團遇到上次去海南島的舊團友!! 佢o地係係爸媽和年約三歲的小妹妹一家三口, 世界真細小呢~~~ 不過上次佢地帶埋個工人去. 冇o左工人響度, 完全睇得出父母唔識湊小朋友.. 尤其係個媽媽 @_@ 不過相信小妹妹將來會變得幾獨立.

呢個旅團去o左睇人人期待的西安兵馬俑!! 一號坑是最大的, 有 2 個足球場咁大. 呢個坑最多野睇, 另外 2、3 號坑細好多, 同埋好多都未被發掘. 不過去睇的時候, 走進 1 號坑的一個感覺係: "乜就係咁咋?" 可能因為個設計係好 open 咁, 一走入去就係個館, 兵馬俑就全在眼前.. 唔係想像中的要過三關咁先走到入去; 其次係因為之前看過太多雜誌、電視的介紹, 早已經知道係咩一回事, 而導遊所講的, 之前看 U Travel 都知道了, 所以看到兵馬俑時缺少o左份震撼感..

第四日簡直係一個難忘的經歷... 本來係從西安返洛陽, 一如之前 2 天晨咁早 6am morning call, 食埋早餐 7:30am 開車出發. 呢日本來係搭 4 個鐘車出洛陽, 但因大霧同埋關口問題, 在高速公路上交通幾乎癱瘓... 中途只係去過一間絲綢館同埋去食 lunch, 全日留在車上, 行o下停o下行o下停o下... 司機熄車匙等o既時間多... 我o地都要迫住在公路旁小便 @__@ (女團友互相幫忙下, 開遮遮住大家解決生理需要...) 沿途都有人發牢騷, 但當時情況實在不能進、不能退, 咁可以點呢? 到夜晚 8 點幾, 終於可以由幾近癱瘓的高速公路轉入小路, 但轉入去都係一樣塞車, 有團友已經打算開 "gip" 取糧食, 但又即刻通返車. 到通返時, 才知道轉一轉入小路要成幾個鐘先返到洛陽.. 哇, 咪成凌先返到去?? 難道真係要在旅遊車上過夜!? 到夜晚約 11:15pm, 車子仍在行使中, 團友們都睡著了... 那時被領隊叫醒了, 話因為大霧, 能見度只得 2 米, 司機已經幾龜速咁慢慢轉來轉去... 為著大家的安全著想, 司機提議不如留在靈寶過一晚夜, 明天再上路. 大家當然贊成, 住四星酒店好過響車上過夜.. 咁既情況之下開車又危險呢! 到o左第二日, 天氣已經變得不錯, 太陽終於出來了, 旅遊巴順利開出, 但我地仲要坐兩個幾鐘頭車先返到洛陽啊~

而呢一日本來有四個境點, 但有兩個因之前有鬆動時間又順路, 所以先去了~ 另外兩個去唔到的境點包括 三門峽 和 虢國車馬坑博物館, 回返 RMB15 俾每個團友. 後來聽領隊講, 本來果夜在洛陽住的 5 星酒店最後 charge 了 星晨 50%.

好耐冇試過冬天去長線團~ 想記錄返一o的資料 for 第日的 reference:

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

禦寒衣物

衣服方面, 我以防萬一, 帶多o左件羊毛底衫去, 結果無需要著呢~ 我係保暖底衫+樽領衫+面衫+羽絨+goretex已經足夠. 至於對腳, 我著了厚襪褲 (either 70 或 85 針)+保暖/羊毛長襪+長襪+運動褲, 在 5-7 度的氣溫下勉強頂得到, 會覺得對腳涼涼地. 但若氣溫再低o的時就覺得有點凍了~ 不過好矛盾, 搭長途車時開了暖氣, 對腳就會覺得熱. 第日如果去o的更凍的地方, 或許會考慮買條羽絨褲或雪褲, 我上網見o的人話可以穿在面褲之外, 上車時可以除返低... 另外, 我原本諗住著兩對襪, 因為我係著波鞋, 驚腳板底會凍. 但可能因為我已經著了襪褲+襪, 響幾度的溫度下, 都無需要再著多對襪了~

我帶去的頸巾冇用過, 因為件羽絨+goretex已經包到條頸實一實 ^^ fleece手套都ok夠, 但仍 feel 到涼涼地, 如果再凍d, 可能真係要買返對滑雪手套~ 帽都好重要, 可以令個頭冇咁凍! 我今次o個頂size剛剛好, 如果再鬆d會好d, 因為佢會向上滑, 而大少少的 size 又可以包晒成對耳仔都得. "耳筒" 在今個旅程唔係好用得著, 有時係搵佢o黎幫我 lup 住頂帽, 等頂帽唔會向上滑XDDD

好在早知道著長身羽絨唔方便, 尤其返大陸去果d超污糟廁所時.. 件 goretex 好好用, 擋到風, 著響短身的羽絨面, 污糟o左都唔怕, 起碼件 goretex 可以掉入洗衣機洗~

仲有.. 我好主張著運動褲去, 因為著咁多衫, 去廁所以就咁"丘"上條褲就得, 又可以包多d衫... 所以即使我帶去的 3 條運動褲之中, 其中兩條係人地夏天著、通爽的 dry-fit (!!!), 我都堅持帶去著...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

>>December 30, 2006 at 4:20:49 PM GMT+8

2006 年 12 月 21 日 星期四 【晴】

爸爸架的士, 就係俾隻麻鷹撞爛了~ @_@ 司機(租客)也受了傷...

http://appledaily.atnext.com/template/apple/art_main.cfm?iss_id=20061222&sec_id=4104&subsec_id=11867&art_id=6645681

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

一 隻 麻 鷹 釀 兩 車 互 撼

【 本 報 訊 】 沙 田 大 老 山 公 路 T6 橋 昨 日 發 生 罕 見 交 通 意 外 ，
一 隻 麻 鷹 突 然 低 飛 掠 過 一 輛 市 區 的 士 車 頭 ， 司 機 緊 急 煞 掣 ，
但 仍 然 將 麻 鷹 當 場 撞 死 ； 尾 隨 一 輛 新 界 的 士 卻 收 掣 不 及 ，
猛 然 撞 向 前 車 ， 車 上 一 名 乘 客 疑 未 有 佩 戴 安 全 帶 ， 整 個 人
撞 向 車 頭 擋 風 玻 璃 ， 當 場 頭 破 血 流 重 傷 。 意 外 中 ， 兩 名 的 士
司 機 亦 告 受 傷 ， 三 名 傷 者 事 後 被 送 院 治 理 。

事 發 於 昨 晨 11 時 半 ， 53 歲 姓 曾 司 機 駕 駛 市 區 的 士 ， 沿 沙 田
大 老 山 公 路 經 T6 橋 快 線 ， 向 吐 露 港 公 路 行 駛 ， 當 時 ， 另 一 輛
新 界 的 士 由 63 歲 姓 劉 司 機 駕 駛 ， 載 17 歲 姓 黃 男 乘 客 ， 尾 隨
市 區 的 士 而 行 ， 當 駛 至 近 沙 田 污 水 處 理 廠 時 發 生 意 外 。


的 士 男 乘 客 頭 破 血 流

據 市 區 的 士 司 機 事 後 向 警 方 表 示 ， 當 時 突 然 見 到 一 條 約 兩 呎
長 的 黑 影 撲 向 他 駕 駛 的 士 擋 風 玻 璃 ， 事 後 才 知 是 一 隻 低 飛 的
麻 鷹 ， 他 下 意 識 緊 急 煞 掣 ， 但 仍 將 麻 鷹 撞 個 正 ， 麻 鷹 當 場 被
撞 死 ， 橫 屍 路 上 。

此 時 ， 尾 隨 的 新 界 的 士 卻 收 掣 不 及 ， 狂 撼 向 市 區 的 士 車 尾 。
兩 車 相 撞 後 ， 市 區 的 士 被 撞 至 180 度 打 轉 ， 而 後 面 的 新 界 的 士
則 失 控 越 線 ， 撞 向 左 邊 的 天 橋 石 壆 後 ， 再 反 彈 回 原 線 的 石 壆 停 下 。

意 外 發 生 時 ， 坐 在 新 界 的 士 後 座 左 邊 位 的 男 乘 客 ， 由 於 沒 有 佩 戴
安 全 帶 ， 整 個 人 飛 撞 向 前 面 的 座 位 ， 將 座 位 壓 下 之 後 ， 頭 部 衝 向
擋 風 玻 璃 ， 當 場 將 擋 風 玻 璃 撞 裂 ， 事 主 頭 破 血 流 反 彈 回 座 位 上 。

意 外 後 ， 兩 車 司 機 和 唯 一 的 男 乘 客 均 告 受 傷 被 困 ， 消 防 員 事 後
到 場 將 三 人 救 出 送 院 ， 其 中 男 乘 客 情 況 嚴 重 ， 兩 名 司 機 則 情 況 穩 定 。


撞 及 七 類 動 物 須 停 車

香 港 汽 車 工 業 學 會 副 會 長 李 耀 培 指 ， 司 機 駕 駛 期 間 如 發 現 前 方 有
障 礙 物 ， 應 先 看 倒 後 鏡 及 側 鏡 ， 視 察 交 通 情 況 ， 並 留 在 原 有 行 車
線 ， 將 車 煞 停 及 亮 死 火 燈 ， 但 他 強 調 最 好 不 要 「 踩 死 煞 車 掣 」 。

至 於 駕 車 撞 傷 或 撞 死 禽 鳥 或 動 物 ， 是 否 需 要 通 知 警 方 ？ 根 據 《 道
路 交 通 條 例 》 第 374 章 第 56 條 規 定 ， 凡 因 車 輛 在 道 路 上 撞 及 七 類 動
物 ， 包 括 馬 、 牛 、 驢 、 騾 、 綿 羊 、 豬 及 山 羊 ， 都 需 要 停 車 及 通 知
警 方 。 但 今 次 撞 死 的 麻 鷹 則 不 受 限 制 。 違 者 可 處 罰 款 10,000 元 及 監
禁 12 個 月 。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

>>December 29, 2006 at 11:48:52 AM GMT+8

2006 年 11 月 27 日 星期一 【晴】

去唔成韓國唔緊要... 我要去西安睇兵馬俑, 我要去洛陽睇龍門石窟, 我要去嵩山少林寺睇武術表演...!!!


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
【中原古都】6 天超值團

暢遊：鄭州、登封、靈寶、西安、三門峽、洛陽

星晨旅遊, 24/12 保証成團, $3499
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日報o左團喇... ^o^~~

>>November 30, 2006 at 12:31:39 PM GMT+8

2006 年 11 月 24 日 星期五 【晴】

佢今日覆診, 預計 12 月尾手指都未好返, 醫生話唔好搏, 聖誕冇得去韓國滑雪了... >_<

>>November 25, 2006 at 1:57:06 PM GMT+8

2006 年 11 月 16 日 星期四 【晴】

今日佢又入o左醫院做手術.. 因為上次個手術失敗了 :(

希望今次真係得啦~ 要快o的好返呀, 聖誕節要去玩呀~~

>>November 17, 2006 at 4:24:05 PM GMT+8

2006 年 11 月 4 日 星期六 【晴】

土耳其片段~ 家姐玩陶泥

http://www.youtube.com/watch?v=u5q4r-Akayk&feature=PlayList&p=D0C80BA7FD6E34BF&index=0&playnext=1

共有 8 段片~ 我幫佢拍o架, 佢自己放上網.
好攪笑架, 去睇o下啦~ XDDDDD

>>November 5, 2006 at 3:26:08 PM GMT+8

2006 年 10 月 28 日 星期六 【晴】

今晚又去飲 - Serena's wedding! 竟然響酒店撞到表姐夫, 原來佢係新郎哥的同事!

因為撞到佢, 所以去完飲有專車接送我回家... ^^

>>October 30, 2006 at 3:37:07 PM GMT+8

2006 年 10 月 12 日 星期四 【晴】

佢出o左院喇, 冇乜事了~ 不過要慢慢等隻手指好返呀, 起碼 2 個月...

>>October 13, 2006 at 3:12:19 PM GMT+8