2010 年 11 月 4 日 星期四 【暴雨】

-1~~~~~~~~~

>>November 5, 2010 at 11:15:00 AM GMT+8

2010 年 6 月 24 日 星期四 【晴】

http://the-sun.on.cc/cnt/finance/20100623/00436_009.html?pubdate=20100623

‧世紀21富山地產何美英表示，樂富康強苑中層1室，面積862方呎，獲綠表買家以270萬元購入，呎價為3,132元。據了解，原業主於九九年以162萬元購入，帳面獲利108萬元。

>>June 25, 2010 at 6:43:10 AM GMT+8

2010 年 3 月 10 日 星期三 【晴】

55555555555555~~~~

5周年喇!! 可惜今年不能一起慶祝呢...

>>March 11, 2010 at 5:15:39 PM GMT+8

2010 年 3 月 9 日 星期二 【晴】

之前為著去留問題, 心情壞透了. 哭也哭過很多次, 獨自在家對著電腦和四面牆, 常常想得很負面... 很怕, 很怕轉新環境, 很怕在新地方做得不好. 應該留, 還是走? 決定走了, 被大力挽留; 決定留了, 最後還是要走. 決定走了, 又鑽入人生另一低潮, 晚上睡不著, 哭著問自己是否揀錯了路?? 明明睡著了, 半夜醒來又弄濕枕頭. 有offer但又怕做preschool, 未有school offer仍然情緒低落... 直到在北京真係收到 2 間學校的電話, 總算鬆一口氣; 2 間都請, 卻又煩著去邊間好...

人總在不同階段遇上不同的煩惱, 我的卻是用錯放大鏡去看. 到了今天, 終於有定案了.

一場人為錯誤而造成的鬧劇, 害我的損失已經沒有再計了. 或許應該正面些去看 --- 感謝她的失誤, 令我終於願意放手, 離開一個工作得悶了、心理上累了的地方, 開展人生新的一頁, 面對新的挑戰! :)

故事還未完結, 局勢還未穩定, 展望 6-8 月吧~ :D

~~~~~~~~~~~~~~~~~~~~~~~~~~~~~~~~

經歷了一場大風浪, 回頭一看原來只是人生裡其中一個小風波. 今天知道一個消息, 鬧劇可能再引申出另一個問題, 自己可能受影響, 亦可能不受影響, 還未知道結果如何, 但隨緣吧~~ 不理結果如何了, 當係得啖笑. :D 人總是從經歷中學習, 沒有昨天的自己, 今天自己面對這新問題或許不能看得那麼正面. :)

充滿正能量~~~~~~~~ 要 keep 住呀!!! ^___^

>>March 11, 2010 at 5:16:37 PM GMT+8

2010 年 1 月 3 日 星期日 【晴】

心情不佳. 男朋友入o左學堂, 冇得傾訴, 只能 send email 發洩, 等佢 weekend 得閒睇返 (佢 weekend 都未必有時間睇). 一向的我過得平凡快樂, 從不愛管別人的事、別人做得好不好, 只管自己有冇做好本份. 要干涉別人的工作的職位, 我從來沒興趣做, 半隻腳趾尾都不想踩入, 我唔想知唔想理, 唔好迫我去知去理去干預... 仲要係背後要夾好計仔咁, 然後開會企埋某一方去 support 佢o地, 點解要控制我o既想法?! 人o地做得好唔好, 我自己有眼睇, 睇完我有我想法, 點解硬要我去企埋你o個邊? 點解我唔可以站在中立位置?? 工作不算忙碌, 但心理上的壓迫感實在不好受. 可唔可以唔好迫我去諗埋o的咩方法去迫人o地做o野, 我唔想再做夾心人, 唔好成日搵我o黎攪... 我想做返個開開心心的職員仔, 日日對住o的仔開開心心又一日...

但係, 我而家對住o的仔, 竟然笑唔出... 我也是個從不反抗的人, 常常逆來順受. 要我做什麼, 我還是會照做, 也會盡我所能去做, 我不會跟任何人抗衡, 只是背後只有自己暗自咒罵... 只因我視之為"工作". "工作", 還是應該要有責任感地盡力完成, "想做"和"要做"永遠都係兩碼子的事.

唔想返工, 唔係一般假期後遺症o個種, 而係真係唔想返唔想面對.... 話者係話, 唔想返呢份工... 唔好再迫我...

~~~~~~~~~~~~~~~~~~~~~~~

打完個日記, 剛好男朋友打來. 雖然只能講兩句, 但感覺已經好好多...

>>January 4, 2010 at 11:43:01 AM GMT+8

2009 年 11 月 6 日 星期五 【晴】

在學校工作了數年, 一直都平平安安. 開學不久, 一場在學校生涯裡最荒謬的事發生在我身上.... 經過情節如過山車般上落的一個星期, 當老細以為事件已經 settle down 時, 一個月後的今日, 我的心還未 settle down....

現在還沒得選擇, 我還是要走已被安排好了的路, 即管順勢而行, 學習隨遇而安.

>>November 7, 2009 at 3:48:15 AM GMT+8

2009 年 9 月 9 日 星期三 【晴】

有人話我成日唔 update 個 diary, 咁我 update 下啦~


Updated.



hahahahahaha~~~~~

>>September 10, 2009 at 11:39:53 AM GMT+8

2009 年 6 月 10 日 星期三 【晴】

由香港第一宗 H1N1 swine flu 至今個多月, 最終因為有本土個案而要停課了~ 由明天開始至 25/6, 共 14 日.

>>June 11, 2009 at 10:30:47 AM GMT+8

2009 年 5 月 10 日 星期日 【晴】

*****對話一則*****

星期五晚上, Ray和我去 Physical 做完 gym, 從Sheraton酒店步行出來...

K (忽發奇想): "你估會唔會咁o岩有一日我o地係呢間 Physical 做過 gym, 之後發現喜來登有住客染上H1N1, 然後封鎖酒店, 仲要追蹤返呢幾日去過 Physical 的人都要被隔離, 跟住我o地就俾人捉返酒店, 要被隔離 7 日?"

R (笑): "咪傻啦, 你咁好想像力."

K: "咁真係有咁o既可能性嘛~ 其實隔離幾好o丫, 7 日被迫唔洗返工... hahahaha"

R: "o係咁o既時勢仲要俾人隔離 7 日, 跟住又冇糧出!"

K: "嗄?! 點會冇糧出呀, 我係被迫隔離喎!"

R: "呢o的o野話唔埋o架嘛"

K: "如果真係咁, 我o地唔會冇糧出o既, 不過到時校長可能迫我呢 7 日裡面放年假囉..."

R: "最大好處咪免費住酒店囉"

K: "咪係囉! 5星酒店喎! 跟住又有人送雜誌o黎、送飯食, 生活好悠閒 XD"

到o左星期六夜晚, 我還沒看過最新新聞, 忽然收到 Ray 的 sms, 內容大致話我有把烏鴉口, 喜來登真係有住客要被送院... 之後我o地o既 sms 的對話大致係: 驗到個住客有 H1N1 → 追查曾到酒店的客人, 包括去 Physical 做過 gym 的人 → 我o地俾人查到星期五晚曾到 Physical 做 gym → 我o地隨時俾人捉去隔離.... etc. etc.

不過那位住客其實只係同個確診日本病人坐過同一班機, 最後驗到佢冇事! ^^

p.s. 我們就是常常這樣好想像力地娛樂對方~ XDDD

>>May 11, 2009 at 2:30:16 PM GMT+8

2009 年 1 月 21 日 星期三 【晴】

查實一月中開始, 心情已經相當靚和輕鬆~~ ^o^ 攪掂o左部份工作, 個人開心o左好多, 係咁約人食飯和四圍去, 忙到冇時間寫日記 haha~~ 或許往往只是自己俾自己太大壓力, 也俾自己不必要/無謂的壓力, 但呢個性格改唔到, 多年來都係咁. 改唔到就無謂免強自己嚕, 咪當係一種美德囉... 睇我幾咁重視我o既工作呢~~ 一.一|| (但我絕對唔係一個工作狂!! 我都不知幾想唔洗撈呀~~~)

學生的聖誕及新年假期, 我於一月頭去o左 5 日北京. 不過唔係去得特別開心, 成日心掛掛未完成的工作, 天氣又太凍, 成日唔願影相... 而且行程趕得好辛苦, 冇乜時間休息, 返香港第二日就開學... 第日都係唔好咁樣安排, 寧願安排返o黎起碼放多一日假, 至少都要係學生唔洗返學o既, 工作時間冇咁 tight.

剛過了生日. 人大o左就唔鐘意生日, 又老一歲了~~ -___- 收到禮物、食o下飯都好開心. 今年適逢生日當日係家長日補假, 原本打算拎 AL 去玩 1-2 日, 但之前忙緊o個陣驚仲有好多o野要做所以冇拎... 之後後悔囉~~ 到當日我要做o既o野都完成得八八九九了, o個日返工無無聊聊的, 早知拎假去玩o下慶祝o下啦.... -___- 結果將個慶祝活動延至農曆新年, 諗住又去幾日內地散o下心, 但冇o左"慶生"的意思 lu, 變o左純粹普通放假去旅行咁囉.

好想快o的到農曆新年假期, 難得我可以留在大埔連續好幾天~~ 對上一次可以留到 3 日或以上, 已經係 8 月時的事了... 那時剛做完 lasik 呀, 手術後要抖抖. (其實都唔洗抖好耐, 基本上手術後第二日就要覆診, 第三日我已經戴住副黑超日日落街同爸媽去飲茶, 一星期後就去o左沖繩旅行... ^^ 做完都唔覺有咩需要要休息.) 下次唔知會到幾時呢?

>>January 22, 2009 at 4:41:53 AM GMT+8