2006 年 3 月 10 日 星期五 【晴】

在元朗某處看到很多家居擺設,幻想自己擁有一家居,佈置得簡樸舒適~
與靜傾談時,也大有此意。好,一同努力,做同居密友~^^

尋遍不獲的趣緻倒模,無意間就買到了~
又可炮製可愛的甜品~

兇手呀兇手,你又在看嗎?
這裏看不到你的命運,自己去照照鏡,把自己的心拿出來看看,
看看你的所作所為,你就會看到你的報應,你懂嗎?



>>March 14, 2006 at 10:55:42 AM GMT+8

2006 年 3 月 9 日 星期四 【晴】

老闆尋日開會,講左我做埋呢個月~
社們係要請食飯,但根本我返工係得閒,無野做,
所以我先成日搵野做,而唔係[心地好]幫佢地做野,受之有愧呀~

朋友的反應,....怪~
發生左咩事?

無左msn,斷了小玲最大的溝通途徑~:p

原來住緊ge屋邨,7,8點會有好多街貓catwalk~^3^


>>March 11, 2006 at 1:26:44 AM GMT+8

2006 年 3 月 8 日 星期三 【晴】

沒有做過什麼,醫局卻贈送現金卷予員工,慰勞在WTO時緊守崗位,
諷刺的是,與韓農"肉搏"的哥,好像什麼都沒有,難怪醫局財赤.....

等候朋友時,頓足在每日路經,但又不曾留意看一眼的球場,
竟有一隻大眼睛看著我,細看之下是一隻很漂亮的貓,
對我不揪不啋,但對我的接近卻沒有躲避,只定著眼看....
回到家後才想,是肥仔嗎?
癡人說夢話....


>>March 10, 2006 at 1:08:38 AM GMT+8

2006 年 3 月 7 日 星期二 【晴】

D同事好搞笑,逐個約我去晚飯,一餐過會唔會好d呢??
有d社工,根本都唔熟,單對單食飯無計傾,奇怪左D,唔想去呀...

訂左好多護膚品,今日收貨時,好開心~~XD
手多多,亂咁剔...遺忘左屋企仲有好多....連磨砂都有成800ml....會用到幾時呢~
趁空閒,打理下惡劣ge皮膚~:p

阿yan叫我同佢&佢蝦子餅一齊去旅行.....心思思~^^

望住d工....但一d都唔著急搵工....懶~

邊增肥,邊操fit。



>>March 9, 2006 at 8:54:58 AM GMT+8

2006 年 3 月 6 日 星期一 【晴】

今日比較好d,算係有野忙下....但都可以不停咁上下網....:p
Anise放假幾日,小玲悶足幾日.....
其他同事真係好好好好悶......日日都係重複咁做同樣ge野,
對咩事物都無興趣,六年都只幫趁canteen,幾年都無去睇戲,唱k......
公務員生活真係咁枯燥無味??
悶屎喎喇~~~~



poster中,特別鮮明的3隻貓貓,小玲都有幸見過真身....=w=)v

>>March 7, 2006 at 9:22:11 AM GMT+8

2006 年 3 月 6 日 星期一 【晴】

sasa,

我都係....XD~

>>March 7, 2006 at 9:20:18 AM GMT+8

2006 年 3 月 5 日 星期日 【晴】

雖 掛 主 人 聯 絡 電 話 　 辯 稱 無 法 埋 身
愛 護 動 物 會 胡 亂 殺 家 貓

【本 報 訊 】 一 直 標 榜 不 殺 生 ， 宣 揚 愛 護 動 物 精 神 的 愛 護 動 物 協 會 ， 被 指 無 理 人 道 毀 滅一 隻 只 有 一 歲 多 的 已 報 失 家 貓 ， 貓 主 指 其 愛 貓 掛 上 刻 有 主 人 聯 絡 電 話 的 名 牌 ， 她 批評 愛 協 未 追 查 清 楚 便 人 道 毀 滅 其 愛 貓 ， 感 到 十 分 憤 怒 。
被 愛 協 人 道 毀 滅 的 家貓 叫 Athos ， 其 主 人 陳 小 姐 稱 ， 牠 於 一 月 十 二 日 失 去 蹤 影 ， 她 便 立 刻 向 漁 農 自 然 護理 署 報 失 ， 直 至 上 月 初 得 悉 該 署 早 於 一 月 十 六 日 已 將 Athos 轉 送 愛 協 ， 但 愛 協 人 員向 陳 小 姐 表 示 已 將 Athos 人 道 毀 滅 ， 但 並 無 交 代 詳 情 ， 只 稱 該 貓 具 攻 擊 性 ， 愛 協 並無 該 貓 報 失 紀 錄 ， 故 把 牠 人 道 毀 滅 。
陳 小 姐 指 ， Athos 為 一 隻 已 絕 育 的 雄 性 家 貓 ， 其 頸 掛 有 刻 上 主 人 聯 絡 電 話 的 名 牌 ， 她 不 明 白 為 何 愛 協 不 主 動 聯 絡 追 查 有 關 資 料 。

「 埋 唔 到 身 咁 點 打 毒 針 」

她 憤 慨 地 說 ： 「 如 果 話 埋 唔 到 佢 身 ， 咁 點 解 又 可 以 幫 佢 打 毒 針 ？ 愛 協 獸 醫 都 係 處 理 動 物 專 家 ， 點 會 唔 識 安 撫 一 隻 貓 ？ 如 果 佢 稍 為 有 愛 心 ， 可 以 幫 隻 貓 打 輕 劑 量 麻 醉 針 ， 咁 就 可 以 睇 到 名 牌 資 料 ， 搵 我 。 」 她 批 評 愛 協 有 關 制 度 有 問 題 ， 並 投 訴 處 理 事 件 的 愛 協 人 員 態 度 不 友 善 。
愛護 動 物 協 會 發 言 人 回 應 稱 ， 這 是 一 宗 不 幸 事 件 ， 因 為 Athos 主 人 並 無 向 愛 協 及 警 方報 失 ， 而 且 貓 隻 毋 須 植 入 晶 片 ， 加 上 該 貓 當 時 情 緒 非 常 激 動 ， 具 攻 擊 性 ， 愛 協 人 員一 直 無 法 「 埋 身 」 ， 最 後 惟 有 把 牠 人 道 毀 滅 ， 愛 協 提 醒 遺 失 寵 物 的 主 人 應 立 刻 向 愛協 、 警 方 及 漁 護 署 報 失 ， 愛 協 一 般 只 會 保 留 有 關 動 物 四 日 ， 若 無 人 認 領 ， 該 協 會 惟有 人 道 毀 滅 。


Athos's album: http://www.imagestation.com/album/?id=2108586091

>>March 7, 2006 at 9:46:26 AM GMT+8

2006 年 3 月 5 日 星期日 【晴】

平日遲到廿分鐘,今日更過份....半個鐘....但仍舊無事.....
同事們如發現我遲到,就會包庇我;
老闆發現我就隻眼開隻眼閉;
病人們唔趕時間的話,就會對我有所忌諱唔鬧我........
返工等放工,空閒到可以係office踱步~(=.=)"
點解我返工唔似返工???

msn 傻左,再install都係咁....減少左好多上網時間,
可以繼續努力!今個星期內可唔可以交到karen手上呢?!
但有點眼花花了~

是夜,睇十點幾一套講狗仔ge節目.......感觸.....
想起肥仔,多種的感覺湧上心頭....哭著入夢....



>>March 7, 2006 at 9:14:16 AM GMT+8

2006 年 3 月 5 日 星期日 【晴】

蘋果日報 2006年03月05日

--------------------------------------------------------------------------------

有 禽 流 鳥 ， 就 有 禽 流 人 ， 禽 流 人 一 個 一 個 死 了 ， 死 了 這 麼
多 禽 流 人 ， 才 死 一 隻 德 國 禽 流 貓 ， 根 本 不 是 什 麼 新 聞 ， 不
值 得 對 貓 有 什 麼 忌 憚 。 我 們 養 貓 的 ， 習 慣 把 貓 當 家 一 員 ；
事 實 上 ， 跟 貓 相 處 久 了 ， 自 會 發 現 ： 貓 ， 比 人 ， 往 往 還 有
人 性 。
一 個 雞 場 ， 有 一 隻 雞 染 了 禽 流 感 ， 整 座 雞 場 ， 以 至 整 條
村 ， 整 個 縣 的 雞 ， 都 得 「 銷 毀 」 。 為 什 麼 一 個 小 孩 染 病
了 ， 不 把 他 的 家 人 ， 他 的 鄉 里 ， 他 那 一 座 城 的 人 ， 照 樣
「 銷 毀 」 ？ 因 為 那 是 人 啊 ， 是 有 靈 性 的 啊 ， 是 跟 其 他 人 住
在 屋 子 的 啊 。 你 聽 到 德 國 有 小 孩 染 了 禽 流 感 ， 你 不 會 把 家
小 孩 送 到 毒 氣 室 人 道 毀 滅 ， 當 然 ， 也 不 會 因 為 一 隻 德 國 禽
流 貓 而 亂 了 陣 腳 。
傳 媒 ， 遇 事 習 慣 找 「 專 家 」 問 意 見 ， 這 些 「 專 家 」 ， 多 食
屎 屙 飯 ， 像 一 個 當 醫 生 的 ， 麥 克 風 伸 過 去 ， 他 就 張 嘴 放 屁
： 「 不 要 餵 野 貓 ， 因 為 家 鴉 會 和 野 貓 爭 食 ， 交 叉 感 染 ， 增
加 貓 感 染 禽 流 感 的 機 會 。 」 食 屎 醫 生 說 。 不 餵 野 貓 ， 野 貓
豈 不 會 餓 死 ？ 貓 不 想 餓 死 ， 會 不 會 去 逮 鳥 ？ 貓 沒 人 餵 飼 ，
去 捕 鳥 ， 去 吃 死 鳥 ， 就 不 會 增 加 染 病 的 機 會 ？ 鳥 ， 大 概 包
括 家 鴉 ， 最 怕 貓 ， 貓 見 了 鳥 ， 天 生 會 去 攫 獵 ， 除 了 這 種 食
屎 醫 生 ， 誰 見 過 貓 和 鳥 一 起 進 餐 ？

拉 出 「 專 業 意 見 」 ， 要 人 不 要 跟 貓 同 睡 ， 也 多 餘 ， 而 且 脫
離 現 實 。 居 住 環 境 夠 乾 淨 ， 吃 乾 糧 的 家 貓 ， 比 人 還 乾 淨 ；
貓 ， 不 喜 外 遊 ， 絕 不 會 騙 了 綜 援 ， 十 個 月 去 九 次 旅 行 ； 一
隻 天 天 窩 在 家 ， 吃 罐 頭 魚 的 貓 ， 屋 主 不 感 染 他 ， 他 拿 什 麼
去 感 染 這 個 同 床 的 屋 主 ？ 這 幾 天 ， 天 氣 變 冷 ， 大 白 燦 上 了
床 ， 還 會 自 己 蓋 被 。 我 絕 不 會 因 為 德 國 有 一 隻 野 貓 ， 因 為
沒 人 餵 養 ， 吃 了 死 鳥 ， 就 去 聽 這 種 食 屎 醫 生 「 忠 告 」 ， 趕
這 隻 自 閉 貓 下 床 。 不 過 ， 我 會 讓 這 隻 仍 在 享 福 的 貓 明 白 ，
他 的 同 類 ， 在 未 來 的 日 子 ， 將 會 活 得 越 來 越 悲 慘 ， 他 們 會
不 斷 被 遺 棄 ， 被 虐 待 ， 被 「 銷 毀 」 ； 然 而 ， 這 只 是 一 個 開
始 ， 沒 多 久 ， 狗 就 會 有 同 樣 的 命 運 ， 豬 牛 羊 … … 大 概 也 會
有 同 樣 的 命 運 。
別 那 麼 冷 血 ， 讓 貓 有 一 個 避 難 所 ， 有 一 盤 貓 糧 ， 他 們 就 不
會 去 吃 死 鳥 ； 家 鴉 這 種 東 西 ， 送 給 「 專 家 」 們 去 吃 吧 。

鍾偉民
_________________

>>March 6, 2006 at 2:56:56 AM GMT+8

2006 年 3 月 4 日 星期六 【晴】

今日做左好多野,但又好似乜都無做過~


對腳同肩膀都開始活動自如,開始做運動~go!go!go!
投出ge申請表,有通知....但應該一個月後先會有機會in~
明天都應該動手搵搵工~


媽問我今早發咩噩夢,即時意會到我又發開口夢,
但我起床時,已經忘了,最好不要記住~~
點樣先可以發噩夢時唔好怪叫?唔係會嚇親人........=.="


好怕同d溝通唔到但又要溝通ge人講野,
返工對住果d,就話身心問題,這能理解,也較能接受....

最怕身邊有個你講東,佢說西,似明非明,似懂非懂,打個比喻會當係真,
講真時又當你比喻,說話有聽到,但會曲解意思,倒轉黎講...
完全唔到point/get唔到人地個point......
發表個人意見,就會話你主觀,同佢拗.....

傾談啫,唔係拗,唔接受/唔認同意見,唔一定係拗..
有咁ge一個,著實令人頭痛~
極無奈~=.="


>>March 5, 2006 at 5:15:59 PM GMT+8