2006 年 5 月 28 日 星期日 【暴雨】

今天還是很無聊啊~

相熟的朋友都了解我是個怎樣的人,不會讓自己閑著兩個月。
但最近有朋友說了些話,......早就有凖備聽這些話,但沒想過是出自朋友之口........
他們太不了解我了.....有點點失望......
不過,由他們愛什麼說都好,我知道自己在幹什麼就可以了~^^

http://www.youtough.com/hkpolice/
係其中一張相,好似見到阿哥.......這正是我很欣賞他的其中一個原因....^^


>>May 29, 2006 at 3:50:10 PM GMT+8

2006 年 5 月 27 日 星期六 【雨】

早上六時多,聽著鳥聲伴我入睡,真陰公~
原本好喜歡清晨陰陰涼涼,好寧靜咁,只有天籟.....但失眠時,會變得很吵耳~:p

十二時多,哥就帶了爸媽和我北上尋歡~~~~^^
很愛按摩,我的肩膀和雙腿,因早前胡亂操練而常常酸痛。
今天得到解脫了........呵,很舒服啊~
但給別人左按按,右按按,還是不習慣...

之後好像去了間叫北京餃子樓的餐館,人家介紹的,但普通,沒什麼特別。

為了過關時,不再因為回鄉證上相差十年的照片而被抽查,
未過期,我也特意去換了回鄉咭,結果還是幸運地被特別抽查。
我再登記自動過關時,已看到另有關員走來"迎接"我了,
若不是媽來找我,我想我不只被調查分多鐘就可以離去.......=.="

向關員查問,何以每次也抽查我,第三次了,他們說笑:"你好彩嘛/你靚女嘛/才一分鐘,很快的/可以去買六合彩了~"
他們都沒有解釋.....是同名同姓的問題嗎?
今天我確實特別為三千多萬獎金,而叫爸替我買了六合彩,也許我真的會中....哈!XD

回來還趕得給很電視,good~





>>May 29, 2006 at 3:23:09 PM GMT+8

2006 年 5 月 27 日 星期六 【晴】

係例湯到偷的~:p

1. 你中文名好唔好聽? =細個好唔鍾意,成日想轉,大過左就唔錯呀,好親切~又易寫~
2. 你英文名邊個同你改? =自己
3. 你呢個電話號碼用左幾耐? = >6-7yrs
4 你唔想轉電話號碼? =唔想
5. 你幾耐換一次電話? =唔用到用唔到,除非seafood痕,唔係應該都唔會換~
6. 你個mp3有幾多首歌，你最鍾意邊一首? =0, 但阿菲d歌都鍾意~
7. 你用緊咩電話繩? =兩條親朋好友送的,一個日本女孩,一隻貓
8. 你有冇耳洞，仲想唔想啪? = 有,唔想。
9. 你留唔留指甲? = 睇心情
10. 你鍾唔鍾意自己個髮型? = ok?,係有dd開始散亂~
11. 你而家戴緊咩飾物? = 無
12. 你有冇化妝? 你會唔會化妝? = 間中。
13. 你有冇近視?有冇戴眼鏡? = 有。
14. 你出街有d咩一定要帶? = 無野話一定要帶....出街跑步時,眼鏡有時都唔戴。
15. 你有咩最近唔見左然後好唔開心? = 肥仔
16. 你最近收到咩禮物? = 今日過兩關,係送自己最好的禮物
17. 你有咩最想要? = 尋晚係健康,今晚想要一份好工
18. 你最近買左咩係用得最多錢? = 牙箍 + service盛惠二萬大洋...
19. 有冇d咩想要但冇$買? = 好想要ge野,我一定會儲到錢買~但呢刻無特別想買ge野。

20. 想要d咩係有錢但買唔到? = 太多.....
21. 你拍過幾多次拖? = 0囉~
22. 你初吻比左邊個? = 一個滿臉口水鼻涕,當時年僅3-4歲ge堂細佬~印象難忘耶....
23. 你岩岩男/女朋友同你拍拖幾耐? =n/a
24. 你會唔會一腳踏兩船? = 有可能,但機會好微
25. 你會唔會搶人地男/女朋友? = 我唔鍾意搶野果喎.....我鍾意等人地個男友黎搶我多d~XD
26. 如果比人搶男/女朋友會點? = 知GE,緊係唔俾機會佢攝位啦,但男友變左心,死拉住都無用
27. 你有冇邊一段戀情想返番轉頭? = N/A
28. 咁你仲有冇同果個人聯絡? = N/A
29. 咁你地而家咩關係? = N/A
30. 佢有咩令你印象最深刻? = N/A
31. 有d咩地方你去過最鍾意?. = 屋企
32. 一個最有回憶既地方? = 屋企
33. 最鍾意邊個假期? = 農曆新年
34. 假期裡面有無邊一刻係最想留住? = 諗唔起
35. 呢個假期有咩係你第一次見到? = 好多......去見工都可以咁黑暗,自己多左個箍個樣...
36. 有咩係假期後令你改變? = 心境GE,無乜
37. 有咩你假期前唔會做假期後變得會做? = 返工
38. 咁呢個假期有無唔開心既時候? = 有
39. 問多你一次有冇d特別野你係未做過而呢個假期做左? = 落箍
40. 你對上一次假期係幾時? = 唔記得
41. 最鍾意咩玩具? = 可以一堆人一齊玩GE
42. 而家想要d咩新野? = 新銀紙
43. 買得最貴既一件衫? = 褸?...
44. 買得最貴既一對鞋? = 波鞋
45. 買得最貴既一個袋? = 買俾阿媽用果D...
46. 有幾個多件tee? =唔知
47. 有幾多對converse? = 1-2
48. 有幾多對波鞋? =2
49. 有幾多個袋? = 我都唔知
50. 最鍾意既牌子? = 諗唔到
51. 岩岩對上食左咩? = 蛋
52. 對上拍過拖既男/女人? = (=.=)??
53. 岩岩打比邊個? = 好似係NICOLE
54. 岩岩對上接邊個電話? = CONNIE
55. 岩岩係icq/msn同邊個傾計? =CONNIE
56. 岩岩send sms比邊個? = 我哥
57. 岩岩收邊個sms? = 我哥
58. 岩岩對上睇咩戲? = 唔記得
59. 岩岩聽首咩歌? = Country road,take me home
60. 岩岩對上搭咩車番屋企? = mtr
61. 岩岩對上一次邊個上過你屋企? = 阿哥個老死,呢刻坐係到喎~(自己老友就應該係例湯)
62. 岩岩對上一次邊個拖你手仔? = 今日其中一個候選人
63. 岩岩對上一次邊個同你影相? = ada,例湯,阿靜
64. 岩岩對上一之同邊個傾long distance? = 表哥
65. 岩岩對上一次暗戀既人? = xxx(年幾前?...)
66. 岩岩對上一次講大話呃邊個? = 唔記得
67. 講大話係因為咩事? = 多數都係不損人不利己ge事
68. 岩岩對上一次發脾氣係因為邊個? = 阿媽
69. 發脾氣係因為咩事? = 有時好煩
70. 岩岩對上一次喊係幾時? = 前晚訓緊果陣
71. 幾耐洗一次頭? =每天或隔天
72. 幾耐沖一次涼? =每天
73. 出門口要準備幾耐? = 睇情況
74. 幾耐洗一次牛仔褲? = 勁耐
75. 收過花未? = 收過
76. 送過花未? = 送過

77. 有冇比人批評過? 幾時? 佢話你咩? = 有,經常,俾人話未訓醒,樣串,唔批錢俾佢,濫用職權...
78. 有咩理想? = 做好自己
79. 鍾意讀書定返工? = 返工
80. 內向定外向? = 一時時
81. 邊一個同你最老友? = 我d朋友都好young~~XD
82. 邊個人你最掛住? = 肥仔
83. 邊個朋友嚮外地? = 好似三,四個...定四五個呢...
84. 你電話save左幾多個電話no.? 好似二百幾個
85. 你電話save左幾多個sms? =15
86. 邊個打得最多比你? =阿媽
87. 邊個send得最多sms比你? = connie
88. 你想唔想換個新環境生活? =想又唔想咁囉
89. 你而家最想打比邊個? = 無喎(0115打俾邊個?~)
90. 最想去邊? = um.....無必到真係特別好想去
91. 如果你而家大嗌，你會嗌d咩? = 哈哈哈
92. 答上面問題時有冇講大話? =應該無


2006/05/25

>>May 27, 2006 at 7:52:29 PM GMT+8

2006 年 5 月 26 日 星期五 【雨】

今日,兩位好朋友生日ge日子......同往年一樣,
另一位已經好像不再與我有關連般........曾經,我們多麼多麼的好。
我最好的朋友,每個朋友都不能比較,也不能代替。
她,的確待我很好,確實沒有人比得上,年少時的真摯.......多麼的珍貴,但過去了,就得讓它過去,
世界每天也在變,未來會怎樣,不知道.......但願大家都過得好。

上次2nd in後,擔心人家姐姐不聘請我,我打給阿蘇,會令她尷尬,
也覺得,上次面試,表現不好,一直還未有機會見她。
阿蘇今天致電給我,告訴我,原來有九個人去面試,只有我一個不是大學生,
但她姐姐覺得我表現得比他們好,(好開心呀~~~~~~)
但office只有四女兩男,炒了個男的,其他同事非常反對聘請我,
覺得我無男仔咁做得野......所以請了一個男的,下星期上班。

現在,她想再炒另一個男的,透過阿蘇問我找到工作沒有,
但表示,其他的同事十分抗拒我,尤其上次面試見過的一位,
說我太年輕,一定不能到貨倉去跟貨倉的職員交涉....
阿蘇好堅咁鬧佢家姐,叫佢搞好d人事關係,杜絕佢地話我係靠關係而入,
先好叫我入去做.......唔想我入到去俾人跣到趴地....

然後問我,想做公務員吖,還是hr,佢同anise都係咁將未post出ge政府工,send俾我....
叫我考慮後,再覆佢........um..........這階段,我想找part-time job,
方便我睇醫生.......但佢份工,條件又優厚,心大心細又想做政府工,我咁難先拎半張入場卷....
入到,我應該會做,做個零月走人,又好衰女.....

現階段,我想要錢,但信義,又唔想無...難諗...

是夜幾近六國大封相,人言可畏呢~

我快成為訓導老師......
那有一個家庭係個女教阿媽道理?
那有人細妹教訓阿哥?
真係......我會變成二佬咁樣,口水婆....長氣長氣~

哥有超強的交際手腕,工作真係令人成長,轉彎與否,我已沒那麼執著,
唯願我保持到個heart......學習與人相處,我一世都未學夠。

為肥仔"搬家",要開始籌謀了~


>>May 27, 2006 at 7:49:39 PM GMT+8

2006 年 5 月 25 日 星期四 【晴】

是夜去左大懶新家採貓....出門前望過地圖,記得晒,
但去到都搵唔到路,不過路在口邊,我最在行........但最恐佈ge係,係個屋苑附近問路,
個個都答未聽過or無呢個地方.....(=o=)"
係附近兜左十幾廿分鐘都搵唔到,跟住撞見救星拉生,即刻仆左埋去,
可能嚇親佢,我只見過佢幾次.....:p
原來我一直係門口走過........方向感惡劣!!!!!!!

隔左大半年去,d貓貓都大隻左好多,隻隻都好乖,任抱,會爬背脊~^^
肥vo簡直令我愛不釋手~^3^
再次係貓友家吃飯,其實都係未習慣,加上無牙咬,越來越似阿婆~
返屋企仲發現個箍同我攝左兩條菜係到........救命!希望無人睇到啦......

以為陶瓷箍會好d啦,但係假象黎ge,飛滋已經開始出現,刮損個口,
玩漱口水時,真夠要命~~

阿媽越來越了解我,知我已經變成夜鬼,烚定糉叫我凌晨兩點熄火.....^^

3,4點去訓,訓唔著.....今日抱貓抱得太開心喇,好耐無咁接觸過貓,
諗起好多好多肥仔.......喊到訓唔到.....過多十幾日,一年了...
時間點解沖唔淡傷痛ge?仍舊覺得你仲係我身邊,果晚,就好似前一晚咁發生........
心情好差好差好差........好耐無因為你而喊到收唔到聲.......唉.....


>>May 27, 2006 at 7:02:07 PM GMT+8

2006 年 5 月 24 日 星期三 【酷熱】

藥力關係,醒左個腦都有d實.....都仲係緊緊張張咁~

入到赤柱,早左d,職員介紹我去博物館入面睇下。
遇到幾個考生,一齊傾下計,有個退休職員做義工,知我地係考生,又教下d基本常識。
叫唔好大動作,要有膽,大聲,有禮,唔好吹,唔好誇,唔好笑。

跟住另一個職員,見我地坐晒係到,咁橋有高層來訪,所以話會教路點考,
叫我地跟佢出去.....又係教左d common sense~
d職員同考官都超級好禮貌,同pc差好遠,起碼,佢有待人應有ge態度。

同場16個女仔,有個金毛,超in咁look,未考俾人叫走左,唔知係身體有事or個look問題....

全場人,只有一兩個比我細,年過三十 ge都有兩位,一見到我未係智能id card,將我年齡提左好多次,
講左好多次,我考到都會因為係我後生.......其實我欣賞佢地比我大,但係大部份係考係考過兩次,三次。
d考生都好nice下,有部份係真心,有部份係假假地,但無所謂了,只是遊戲一場,
起碼比上次果d好,競爭啫,又唔係仇人~

sit up,係屋企頂盡廿幾下,去到,死撐有三十幾下,其實仲有時間,但無力了,比預期多兩分,開心到爆~
穿梭跑,唔知時間,但覺得跑得幾慢下。
執豆袋,一時俾madam話個pat高左,又窒一下,個袋放歪左,跌落黎,又扣一下,
大力地返落地,madam only聽聲,以為我扔落地,扣左兩下...4下就扣左兩分....
跳高,第一下怕撞牆,企得遠,跳得矮,madam唔想好似教路咁,但又忍唔住講:"喂,你企入d跳啦!",
即刻跳返正常高度,真係同pc一個天,一個地......pc理得你屎....無諗過d madam咁好心地~^^
不過多0.5mm ge話,就可以多一分.....真係唔爭氣~:p

跟住跑圈,驚唔夠時間,一開始就係咁搏晒命咁衝,但其實我係一路帶緊頭,
遠遠咁拋離左同組ge人,咁大個女,第一似跑到帶頭咋~XD
其他人其實係留力,跟住我到第四個圈已經無力了,係到行,開始俾人過頭,
兩個阿sir跑向我問:"你有無事?",想答佢[我無事架,你唔好扔我走],
但無氣答佢,只揮了下手,繼續行,其中一個阿sir好心d提:"你睇住時間呀~",
考到係到行,我諗都無咩人咁頹,一聽到呢句,屎都用埋最後啖氣黎衝啦,
跑到近終點,阿sir話:"仲有一個圈~",真係想即刻暈,我以為last一圈........=.="

係咁同自己講,一個圈咋,一個圈咋,跑埋就入到架喇,入到架喇....
到終點時,阿sir會提衝刺喇,聽到呢句更加腳都放軟埋,無力了,行過終點,
俾阿sir窒左兩句,話從未見過一個人係行過終點......:p

果下真係想屎,成世女都未跑過咁辛苦,為自己爭一啖氣,為自己搵份好工,
原來真係要付出咁多.......跑完,其他人都好攰,但得我一個樣樣衰衰咁坐左係地下,
因為我無力行到去櫈仔果邊了~即時俾其他考官投以鄙視ge目光.....>o<
長跑,篩走埋最後一個女仔,一輪體能後,淨底8個女仔就去換衫,攤屍左係人地宿舍張床~

路經見到學院地下放有貓糧,我即時覺得,呢一份,係一份好工,入面一定有好人....哈~

係waiting room坐左幾分鐘,都係唔多妥,去洗手間嘔左兩啖水,舒服晒~
真係跑到嘔,好羞家!!!!(=.=)"
之後有兩個女仔都好辛苦,但嘔唔到,要扣喉.....

其中一個女仔,感覺好似吳凱儀呢,好親切,同佢傾計好舒服,佢仲教我最後兩關係點考,
我見其他有經驗ge人都完全唔教其他人,但佢就係咁教我,問佢點解考左三次,
都仲咁有恆心考,佢好坦白咁講:"呢家搵工,全部得幾千蚊,點辛苦都要考啦!",
佢大過我,今年ive就畢業,聽完......原本好緊張ge我,輕鬆左好多.....
我,都係為份工啫~
我,都係第一次黎考啫~
我,仲好後生啫~
輸,我輸得起,點解要驚?
好多謝呢個女仔,但我連名都唔記得問下佢.....生命中的一個過客,希望可以一齊入到,同佢做過好朋友~^^

入去見3個官,例牌,一個好,一個中立,一個扮惡,
但我跑完腳軟,仲著高踭,對腳震得好勁,用手都襟唔住,扮惡阿sir直頭掘住我對震腳好耐....
問題比想像中 & 道聽途說ge易好多,佢地都無乜兇我,maybe相對pt,佢地好客氣添~
而且,連例牌ge自我介紹都無叫我講,係優待/唔想浪費時間聽呢~=.=?

我個自我介紹亦寫得好劣,唔使講,慳返~
d問題仲咁橋match到,所以直頭分拆個自我介紹黎答問題~
有條我自己理解錯,個阿sir好好咁再轉另一種方式黎再問.....

問我...個職位職能啦~
點去處理d問題犯?不同方式問左幾條類似~
點解想做?憑咩覺得我要請你?你體能成績都好差下,合格多一分咋喎,你知入到黎仲要操練嘛?
(人地30歲,有23分呀,25分滿分....)
半夜三更,你管緊個犯失戀要生要屎,你點?
d犯係要玩你?兇你,又點?你知唔知我地成個部門有d咩要做?
你入到黎要背好多法律,監獄例,要開夜車到四點,你覺得你得咩?而你又識幾多?
你又細粒,又斯文,唔係好得喎~
比頭兩個in得快,唔知係咪阿sir趕收工,或者唔要我~

好人阿sir就成日幫我兜,又讚我有進修,一畢業又做野,
一聽到對上份工,佢地都好感興趣,好滿意咁,幾意外~
一條時事都無問我....枉我咪左咁多....三司十一局,我識架喇....

全程,答得中規中距,其實可以答得再好d,但自己一見工就會好老實,唔吹水,
又覺得答得夠架喇.....硬係覺得一吹就好似呃人份工咁.....死症!!!
但我唔笑好唔掂,所以全程都微笑~:p
阿sir讚我答得全面,佢要求ge都答到,話好滿意,
仲有兩關,我有份入ge,下月中會有信,唔入ge....慢慢等信~

但已經超級開心,我pass到體能,體能呀,諗都無諗過自己都得,雖然我嘔~:p
返屋企路途,一路偷笑...........心情好到無得頂呀~

屎唔斷氣咁細說面試經過俾爸媽聽,因為我太高興了,阿媽仲話要慶祝...哈~不用了!
唔係份工ge關係,而係我真係好努力付出過,我拎到半張入場卷,
二佬未知我有嘔過前,對我ge認同......嘩,我超級高興!!!!!
朋友,很想你們都能分享到我的喜愉!

今日係失控ge..........哈~~





>>May 27, 2006 at 6:41:54 PM GMT+8

2006 年 5 月 23 日 星期二 【晴】

係咁咪書,記下d資料,希望聽日面試ok啦!但唔係幾記得入腦。
睇左d日去面試問乜,但好似誇張左d......問得咁x鑽ge...
http://www7.discuss.com.hk/viewthread.php?tid=1486601&extra=page%3D4

兩日都無去操過,條腰練sit up練到個肚好痛呀~

好緊張!好緊張!!好緊張呀!!!!

我估今晚實訓唔著,今晚一定唔可以再天光先訓,
唯有食粒藥,好訓d啦~
真係唔想靠佢......



>>May 27, 2006 at 12:07:37 PM GMT+8

2006 年 5 月 22 日 星期一 【雨】

仲有兩日...

找咭數,超級肉尺....畢業之後,做左兩年半野,
賺到ge錢,除左自己使費,家用,學費之外,通通都儲起晒,
預備用黎俾手術費用.....呢刻開始要支付了,篤幾下手指,
存款數字就唔見左一大忽.......
我一定會搵返好多好多倍返黎!

以為可以提早claim返d學費,空歡喜一場~:p

嚴重失眠,我太緊張了,一訓低,好多野諗.....





>>May 27, 2006 at 12:03:36 PM GMT+8

2006 年 5 月 21 日 星期日 【雨】

嗯.......好似好多野諗咁~

今日屋企坐成十幾個師奶............超級熱鬧........
d馬荳糕好受歡迎咁喎~
其實我唔覺意地落多左糖~:p

今日太大雨了,運吉了一轉~
對波鞋遇水會跣到pk.......到時跑柚地板,隨時撻到攤攤腰~
唯由換返對舊鞋,呢排無再喪跑,應該無問題~^^


>>May 22, 2006 at 2:07:48 PM GMT+8

2006 年 5 月 20 日 星期六 【雨】

探病,淋雨,借書,寶奀,青衣城,馬荳糕.................又一天了~

腳上次扭了一下後,跑時用不到力,走路也痛痛的,
寶奀教了我一個好狠的方法........回家嘗試,狠狠的"打"下去,
但還是沒有瘀,只有紅紅一遍.....>o<

尋晚發神經,點幾鐘睇唔順眼洗手間d磚有d霉菌,用漂白水將佢漂到白白淨~
搞搞下3點幾先訓~~~~~:p

>>May 21, 2006 at 2:58:59 PM GMT+8