2002 年 5 月 25 日 星期六 【晴】

整project又用左一日,坐到pet都痛!!test又未溫,聽日仲考oral,死喇,好驚呀~~最鬼驚oral….口震就肉酸死啦~~~

>>May 31, 2002 at 1:06:03 PM GMT+8

2002 年 5 月 24 日 星期五 【晴】

點解阿祖無打俾我叫我去ge??但佢有叫其他人去woo…唔通真係生疏左??
其實幾唔得閒,我都會去同你慶祝,但自己出聲話去又好似…算啦~~奮力做project,project,project,project,project……
種左幾個月,剛有一個小花蕾的盆栽,因為2日唔記得澆水,個花蕾就咁斷左,嗚…嗚…
隻手個印退左好多law…yeah~~
睇睇電話,原來小芝昨晚send了一個我在今天也想send給她的message,真搞笑(但我不用你拔草給我吃呀)除了小芝,其他的朋友仔,除了有特別事情外,也好像很久沒聯絡,我真失敗耶……不過一收到message呀,email呀,都會好開心,但sms快滿了,又唔想delete左去,點好呢??


>>May 31, 2002 at 1:04:59 PM GMT+8

2002 年 5 月 23 日 星期四 【晴】

可以拆紗布law,無腫到,但有個印,陰公~~
咁大個都未如此黑過,我居然跌晒d $,搞到無$搭車返屋企,仲要攬住一大疊書,好彩衰極仲係青衣,仲有個電話係身,最終要勞煩Miss Wong落樓救命,真羞家…
但今日問佢project點做時,佢又好鬼坦白咁答我”話俾你知咪即係一樣”(真係情願佢答我話唔識),好想問佢,朋友重要定係project重要,但有時佢又肯幫人woo,究竟佢係好人定係唔好呢??!
小芝好醒呀,搵到工,得閒過去探班,探班!!


>>May 31, 2002 at 1:02:21 PM GMT+8

2002 年 5 月 22 日 星期三 【晴】

仲有4堂就唔使補,小休一個月先!!不過就lai 考oral,好驚…
阿哥d脾氣越來越怪,少野為妙~~
朋友經常不坦白,有點點兒心淡…..
近期諗野又好悲,d人個個都好似好多缺點咁,即使對人幾好,人地都係咁,係我要求高,抑或d人真係唔好呢….??好可怕呀...唔可以咁諗野…係時候要學習下去喜歡多d人先……
青青今日係咁望住人地….(手上ge鎖匙)上堂woo,哈哈~~~~


>>May 31, 2002 at 12:45:34 PM GMT+8

2002 年 5 月 21 日 星期二 【晴】

尋晚做左成晚先完成左一半ge econ project,因為阿sir失憶,終於可以有2日抖抖氣…
隻手無乜腫law,不過有d紅斑,好難睇….
空堂用左lai玩波子棋,原來Miss Hui好醒ga~~~


>>May 31, 2002 at 12:43:29 PM GMT+8

2002 年 5 月 20 日 星期一 【晴】

今日帶隻豬手返學,好肉酸啊~~不過呢家無咁腫,但出左d紅斑,天呀~~~~~有無搞錯!!!
好’魏’焗呀今日…真辛苦!!
曾sir今日賣大包,幫我做左半份test,太好人喇~~~
我要奮力做埋個project先….!!
孫sir無返,唔使test,正~~~~
肥仔好似好耐無沖涼呢….仲跟住我訓…唉,我張床真乾淨.
Man wai 仔送ge”家有小熊”好受歡迎啊~~


>>May 31, 2002 at 12:42:52 PM GMT+8

2002 年 5 月 19 日 星期日 【晴】

成日都用lai做功課,too bad….
隻手腫到豬頭咁,仲痺痺地,好恐怖呀!聽日點帶佢返學呀……聽日仲有2個test,到呢家都未溫過,一陣阿sir又以為我走佬,打死都要返,哼哼哼…


>>May 31, 2002 at 12:41:07 PM GMT+8

2002 年 5 月 18 日 星期六 【晴】

回鄉第三天終於都要走喇!好唔捨得,心情好抑鬱……飲完茶,我地幾個同言承旭唱歌呀(唱k),玩得好開心!見落大雨仲同阿媽爭持遲一日返HK(連Monday要補習都唔記得,樂極忘形),不過最終都係失敗!!搭車走ge時候,我好唔捨得,但都忍住無喊到,去到車站,上左車,我又係喊左出lai,不過依舊扮訓覺……唔知幾時先再有時間返去….
屋企個個都唔同左,個個都大左好多,遠城醒目左,斯楠&斯琪高左好多,由bb仔變到咁,原來都成十幾年law,斯楠仲生性到夾野俾我食(不過佢地都俾志華荼毒,迷上左Kelly)……曉霖女仔左,不過都係好靜…..阿’女麻’,阿伯都無咩點變,細姑瘦左,2個阿姨都差唔多,巧雲大左好多咁,好似少左傾計,生疏左……阿女麻仲特登帶我睇佢種ge鐵樹開花tim呀~~~~
唯一無變0既就係夜晚個星空,同我10年前睇到ge一樣咁靚……..好多星!!
見到個個都咁好,真係好開心,真係唔想走,可以永遠都係咁就好喇~~~~
臨走ge時候,佢地個個都一包二包咁拎俾我地,全部都係佢地ge心意,雖然好重,不過個心好甜…..
我仲係屋企將細姑套<貧窮貴公子>偷運左過關啊~~不過有排都無時間睇……我d功課,project,書,咪都未掂過……..
臨返HK俾隻毒到唔毒ge衰蚊咬左一啖,返到HK腫到雞蛋咁,癡線ga!!!!!!!!!



>>May 31, 2002 at 12:36:56 PM GMT+8

2002 年 5 月 17 日 星期五 【晴】

回鄉第二天
一朝早去0左間茶樓飲茶,入面居然有間快餐叫”麥當樂”,d野食仲貴過M記,不過我無膽一試d味道!!
之後去左飲,好耐都無同阿姨食過飯….下午跟阿媽去探契婆,起初唔多想去,怕溝通唔到,去到之後發現契公,契婆都好好人,好親切,真係好似自己0既阿婆!佢第一次見我,所以將一封利是掛左係我條頸….(雖然老土,不過我鍾意呀)!我仲見到佢將我&阿媽&阿哥0既相鑲起左!唔知點解,我覺得佢好重視我地…..下次再返去,我一定會好乖咁去探佢地!!同巧珊0既朋友(阿霞)好似有d一見如故咁,好好傾,個人又乖,又好,家陣好似都無乜咁順品0既女仔~~巧珊都變左好多,有性格左,不過好有志華0既影子…..
我地之後去左算命,個阿叔話我有82歲命,死左會成仙(但我呢世女都無做過d咩好事…)一生有食有著,名聲好,人聰明,無偏財,無貴人,好似有4,5 個仔女,…仲有句好衰ge,聽完想打佢….都係唔好信,0厄人ge…..
夜晚,我用左4個鐘去搞個頭,坐到pet都痛,連巧春同幾個細ge都要呆等我,最終個頭都係咁,仲要剪短左!!唔知係我髮質差,定係真係做左白老鼠…仲俾佢坐地起價,點解我唔識鬧佢,我真係cheap~~~~~~不過個個都話剪得靚….算啦~~又係阿媽俾$(我越來越似飯來張口,$來伸手ge廢人),整到十一點幾,仲要姑丈送返屋企,真失禮…….


>>May 31, 2002 at 12:02:48 PM GMT+8

2002 年 5 月 17 日 星期五 【晴】

回鄉第二天一朝早去0左間茶樓飲茶,入面居然有間快餐叫”麥當樂”,d野食仲貴過M記,不過我無膽一試d味道!!
之後去左飲,好耐都無同阿姨食過飯….下午跟阿媽去探契婆,起初唔多想去,怕溝通唔到,去到之後發現契公,契婆都好好人,好親切,真係好似自己0既阿婆!佢第一次見我,所以將一封利是掛左係我條頸….(雖然老土,不過我鍾意呀)!我仲見到佢將我&阿媽&阿哥0既相鑲起左!唔知點解,我覺得佢好重視我地…..下次再返去,

>>May 31, 2002 at 11:49:29 AM GMT+8