2004 年 10 月 10 日 星期日 【晴】

個mon壞左...
有排冇電腦用lu..

>>October 11, 2004 at 11:01:11 AM GMT+8

2004 年 10 月 4 日 星期一 【晴】

紫瑩篇------



"鈴...鈴...鈴..."

天...駛唔駛響咁耐...
我俾呢一連串既電話響聲嘈醒左,
好唔想落床聽電話,邊個咁蠢架,唔打我手機.

睇睇部手機,真係呆左...有成十幾接近廿個...
未接來電~!呢次大獲喇...我先醒起今日要返學...

"大佬,識醒泥聽電話喇?...@#$%^&*(*&$!"

對於一個離校大半年,日日訓到黃朝白晏既我泥講,
訓唔醒絕對係正常既,反正大部份雙失青年同我既生活,
大致上應該一樣掛;衰就衰在,當呢d生活一過得耐,咁就會
覺得悶喇,所以可能會去搵野做...當然我有做過喇,不過真係
做埋d辛苦工,之前做過侍應同sales,不過都係頂唔住,做左兩
日就冇做喇.

所以呢我就想去讀返書,係前排睇電視見到"剪翅"開始收生,
雖然好多讀過"剪翅"既人都話唔好讀,但係以我既學歷,想讀
書係得"剪翅"所以我搵左一個我既好朋友----少白,一齊返...
我當然唔會一個人去返學喇,除左返工之外,因為一諗到一個人
返學,做乜都一個人既時候,我真係會驚,可能未成熟喇...

"!@#$%^&...快d落泥呀,我俾多三個字妳!重有今日早餐妳架~!"
少白好火咁鬧,諗唔到佢咁識敲竹槓...

"好好好~妳再講我又遲d架喇,重有等埋我先好返去呀,記住呀!"
我又再提佢...

放底電話,先見到成十點鐘,有冇搞錯;叫少白佢八點打泥,佢十點
先打?"剪翅返九點...第一日就遲到,真係唔敢想像以為會點,不過
好在,上堂個度就係我樓下,我一出電梯就到...

我用左三個字時間搞掂晒所有野,火速落到樓下.
一出電梯就見到少白一臉怒氣咁啤住我.

"唔好嬲喇,又唔早d打泥..."

"妳肯聽電話先得架,我一起身就打俾妳喇,唔信妳自己check下妳部
手機喇,枉我由慈雲山衝落泥..."少白重未嬲完咁.

"係我唔岩喇,去食早餐喇,今餐我既~!"

"真係去食?遲到喇播...唔係咁好咁."少白瞪大眼話.

"反正都遲到喇,怕咩喎,遲一個鐘係遲,兩個鍾都係遲o者;唔食早餐我會
胃痛架,妳又會暈,唔好講喇,一陣重遲d呀."講完之後,少白就俾我拉左
出大閘.

一出閘門,就對住一個公園仔既,不過平時呢個公園仔係一朝早,應該一個
人都冇既,但係今日竟然有5個人坐係公園入面,我同少白一出現,佢地5個
同一時間望左過泥,呢d可能係男人既本能喇;呢d咁既情況,我通常都會急
急腳走人...

"靚女~!"佢地其中一個大大聲咁叫.係咪白痴架,真係...

"唔好傻喇...快d call阿x..."另外一個咁講,但係我已經行遠左,聽唔到
佢講咩喇.拉住少白走左去街市下底一間茶餐廳.

一坐底即刻點左兩個早餐,好順手咁係白色既YSL煙包入面抽左一支煙,順手
拎多左支俾少白.好快咁抽左幾下...見到隔離無幾遠,一個阿伯用d奇異既
眼光望住我同少白,跟住一面寧頭一面飲佢杯奶茶;嘿,呢d咁既情竟我見過
好多次,可能佢地覺得女仔唔應該抽煙吧~!

"喂,妳頭先有冇望到個幾條仔?靚唔靚仔架?"少白問左呢兩個我預左佢會問既
問題.

"我都冇望清楚..."我好隨意咁答.

"佢地會唔會都係"剪翅"架,坐係個附近..."

"有機喎..."呢個時候早餐到,咁就食野冇傾到.

"一陣返去就知喇...妳睇妳食到,幾日冇食野呀?"

"肚餓呀,妳食慢再d我食埋妳個份呀..."我唔客氣咁講.

食完之後,又抽左支煙先斯斯然咁離開.行返到去我樓下個時,我重見到個5隻
雄性動物重係公園入面;見到佢地高矮肥瘦齊晒.但係我都係急急腳拉左少白
入中心.係入面問完一輪之後,就去左間課室度,一望入去...真係好細,入面應
該坐左廿個人度.

"唔好意思呀,我地遲到..."我真係衷心咁講架.

"唔緊要...妳地咩名?或者妳地自己簽返到先喇..."一個幾靚女既miss,一面講
一面拎左張點名紙俾我.

呢個miss俾我既感覺好好人,聽佢講佢會負責我地呢個單元,重要睇住我地半年,
不過冇所謂喇,我既直覺,佢係一個唔錯既miss.

"有d小食呀,你地食d喇..."

重要有野食!呢個miss真係抵讚."早知唔食早餐喇"我望住少白講.

坐係度聽佢講左冇來野,之前見到個幾個男仔入左泥...

"佢地真係係度讀架..."少白細細聲同我講.

鬼唔知咩真係!

帶頭一個金毛仔,之前未見過既,佢地可能就係等佢喇.

"我地泥上堂架,不過就遲左少少,係咪要點名架?"金毛仔問.

"係呀,你地就係一次過有成幾個一齊報名個幾個?簽到喇你地..."

"冇我名喎,miss..我加落去喇..."金毛仔真係寫落去.

"哈~~~~~"我不自覺咁笑左出泥.

"喂,幫我點埋呀..."一把之前聽過既聲音話.原來係之前話佢d朋友個個.(未完成)

>>October 7, 2004 at 7:37:49 AM GMT+8

2004 年 10 月 2 日 星期六 【颳風】

記得冇幾耐之前...
先話到夏天喇...勁熱...
但係林唔到咁快到秋天...
涼左好多...我都要加緊搵工...
到左冬天就死喇...

>>October 3, 2004 at 7:13:12 PM GMT+8

2004 年 9 月 27 日 星期一 【晴】

今日係中秋佳節...
不過呢...我林我會求求其其...
咁過左去算喇...想去點下立祝...
但係就冇人陪...唉....算吧喇都係...

>>September 28, 2004 at 7:35:01 AM GMT+8

2004 年 9 月 21 日 星期二 【微冷】

我係最後...都係堅持唔到...
返唔到一個月工既...
我都係算喇...

日日都好俾心機咁搵另一份工...

算喇...個份工...唔返好過返...

>>September 22, 2004 at 6:40:52 PM GMT+8

2004 年 9 月 14 日 星期二 【炎熱】

今日返工...返到麻木左...
累又唔太累...有時心林佢地...
做咁快做咩...慢少少要死咩...
搞到我都快埋一份...

>>September 15, 2004 at 6:10:27 PM GMT+8

2004 年 9 月 13 日 星期一 【酷熱】

今日第一日返工...
成日冇得停...忙到d時間...
過得好快...不過佢第一日...
就俾我出去做...搞到...亂晒...

後悔...今日冇去見ua份工...

>>September 14, 2004 at 5:53:56 PM GMT+8

2004 年 9 月 12 日 星期日 【酷熱】

林唔到...咁快有好運...
今日有份工搵我返工...
又有一份工聽日去見...
今日重走左去買六合彩...
嘻嘻~


聽日要早d起身返工~!

>>September 13, 2004 at 5:08:42 PM GMT+8

2004 年 9 月 11 日 星期六 【酷熱】

今日唱完k...
俾vivia拉左我同呂...
去左黃大仙求簽...結果...
俾我求到第一簽~!

靈簽求淂第一枝
龍虎風雲際會時
一旦凌霄揚自樂
任君來往赴瑤池

唔係好明點解...其實唔係下簽都算好喇...
其實細個都試過求到第一簽...不過...唔知點解...
只係覺得細個咩都唔識個時...以為中左獎...不過...
真係開心架...係今日又中左...係開心架...
但係呢份開心...同當年比起泥...
好唔同...今次既開心...
可以話係"雪中送炭"...

>>September 12, 2004 at 2:33:38 PM GMT+8

2004 年 9 月 10 日 星期五 【颳風】

琴日到今日既3點幾...
我先食野...足廿五個鐘冇食野...
係街度重要咁大風...好似想吹走我...

我呢個所謂既家...
我都唔知係咪"家"...
個個都勢利到死...
對自己所謂既"家人"...
見高就拜...見低就踩...
最慘就係...教埋d細既都係咁...
呢個"家"...我剩係對我細佬...
呢個小學3年班既細佬有d留戀...
但係呢份留戀...隨住佢越泥越大...
同埋佢學埋我老豆老母個d勢利既野...
變得越泥越少...到最後...可能好似我對...
其他既屋企人咁...

有時...聽到朋友話佢同佢d...
家姐阿哥細佬妹點好點好...
有時幾羨慕...不過...呢d羨慕...
都不過係一剎那...感情好係由...
細個開始累積既...不過種種因由...
令到呢一種感情...無辦法係我身上出現...

我寧願...係一個得我一個既家庭出世...

>>September 11, 2004 at 8:13:53 PM GMT+8