2007 年 4 月 12 日 星期四 【晴】

起身回公司....返到公司之後....就即係觀塘...
因為今日約左個客...咁我就回公司...即刻拿曬d 野出門口...
去到觀塘見有d 時間...就去左食野先...
食完野先慢慢行去個客到...而老闆佢o地已經一早入左去...
不過我就唔係遲好多...最多都係一班電梯...
而我o地被安排左係度呎房....
一款一款傾.....而我今日係冇咩發言權o既...
因為根本上都未到我出聲....
好彩最後都攪好曬d 問題....叫做ok ....
就大家一同回公司....回公司又要計飛....
攪完就出左去食野.....就係葵芳行左一陣.....再食完個車仔麵...
再回公司做野.....再攪其他野....
依家係公司真係勁充實.....成日都唔停...
真係冇咩時間hea....攪完呢樣....又攪那樣...
唉.....最後攪到放工....就回元朗....
去食味千啦....因為今日約左阿田...佢比返d 野我..
咁只好順便食o米野啦....不過味千就真係唔好坐...
又小位....又多人....又要食得快...好似...好困局咁...
食完野就回家....打下機...休息下啦...

>>April 16, 2007 at 2:25:54 PM GMT+8

2007 年 4 月 11 日 星期三 【晴】

今日起身...就要返工...不過今日就好好彩...
一到巴士站就有車...好快就去到公司樓下...
其實回去就唔計遲到o既...
不過我又想食完野先回公司...
咁只好食好早餐先.....食完野就回公司...
計下飛仔......訂下料....
攪完呢d 野都十一點幾啦...唉....
再睇下perry ellis d 野....攪攪下都一點食野啦...
不過今日就去左ive 還書.....之後就去左老麥食野...
食完野又要回公司做野...
而今日做o既野...都真係勁多....
主要都係要預備聽日上perry ellis o既野...
因為都唔想再衰啦....聽日有咩事...我死緊啦....
而今日攪完d 野就走啦..因為要去荃灣上堂....
唉....今日係part 3 o既最後一堂...所以就要考試啦...
不過我睇都未睇過.....識幾多...定左嫁啦...
是但考好佢就算啦....做完份卷...足足可以早一個鐘回家...
好野......可以做下自己野啦...

>>April 12, 2007 at 3:07:48 PM GMT+8

2007 年 4 月 10 日 星期二 【晴】

起身那時...都九點啦,....不過今日因為要入荃灣...
所以可以遲小小起身....而我起身之後...
就出左去榮興食粥....食完野先慢慢去坐西鐵....
入到荃灣....又係企係門口等...
好彩有份報紙係手....唔係真係悶死....
而且勁內急.....攪到就賴....
好彩都等到佢o地回來先去....
去完之後就搵架電話hea 下.....hea完先可以慢慢做野...
不過今日主要都係試布.....攪隻唔知咩成份o既布...
做左幾次test ....終於都做到...不過都唔理想嫁....
做完野又回公司...那時都就食飲啦.....
不過都要計下飛......執下野.....先食野....
食完野就訓下.....下午再做野......
唉......做做做...d 野都好似做唔完咁....
依家又多左訂野.....計飛....又要做返本身要做o既野...
攪到日日d 野...都係成桌子都係....
真係一d 都唔hea....唉....最灰係....老闆成日指我做野慢...
send e mail 比客又唔喳主意...攪到d 野...攪得勁慢...
唉......算數.....由佢啦.....放工...之後比老闆講幾句...
就閃人啦.......回家可以做其他野....
不過阿mike 就冇啦啦搵我食野....咁我只好去啦...
難得佢搵o米bobo 同阿田....咁我只好去啦.....
好彩等位都唔係好耐......而我o地今日食日本野...
食住吹水...講下生仔, 搵工, 前途丫咁.....
食完野....十一點就回家...再做自己野啦...

>>April 12, 2007 at 3:46:28 PM GMT+8

2007 年 4 月 9 日 星期一 【晴】

今日因為有d 野要去荃灣印...
咁就要起身食完早餐先慢慢去啦...
點知去到荃灣都九點八嫁啦....
當奴比我更慢.....我又用新電話...
冇入佢o地電話入去...攪到企左係門口等左成半小時...
唉...不過算啦...都係公司時間.....
而我見到佢o地就開始入去hea...
再研究下d 領點印...做返好個圖...
攪好曬d 野之後...就回公司啦...
不過那時都十二點半啦.....幫許生...攪左個手寫版都浪費曬我d 時間...
攪到食完野兩點先開始做野....
又要訂野....又要計飛....又要出糧....
又要呢樣....又要那樣.....幾百樣野做......
攪到勁煩.最慘之後老闆指我做perry ellis d 野進度十分慢...
比佢話左幾句....唉........算啦.....
d 野都做唔曬.......聽日先做啦....
七點就閃.....再回家食飯....食完野再做自己野....
研究下早前係書城買回來o既光碟.....一玩就可以夠鐘訓啦...

>>April 11, 2007 at 5:40:52 AM GMT+8

2007 年 4 月 8 日 星期日 【晴】

今日係anna 走左之後o既第一個工作日,
起身那時都差唔多九點....就好快執好野回公司...
食完早餐之後就回公司做野.....
不過桌子上都係d 不知名的東西.....
因為兩個工作日冇返公司...就多左勁多野係桌上...
事關公司係放勞工假期....唔會同全世界一齊放復活節假....
要返工o既.....咁我回公司...睇左一陣報紙...
就開始計下飛仔....培哥又要我訂野...
師傅又要我訂野...攪左呢樣又攪唔到那樣...
又要計清楚工人出糧o既野....攪左成日都係做anna 那d 工作範圍...
到四點先做我本身要做o既野....就係講perry eills 件版...
就已經可以講到放工.....
都未有時間睇我自己那d 物料點訂.....
咁多野攪.....比幾多時間我都攪唔曬啦.....
六點半就閃左去幫方生手.....是關呢條友...
早上八點係我坐緊巴士返公司那時已經阻住我訓覺....
都要我放工幫佢手....一日打十幾次電話來....
驚死我唔到幫佢....好似唔幫佢佢要跳樓咁....
唉....佢d 野咁易....又唔用個腦諗...唉.....
做完佢d 野都八點半...回家啦....食下飯...
睇下報紙...咁樣又一日啦....

>>April 9, 2007 at 3:26:41 PM GMT+8

2007 年 4 月 7 日 星期六 【晴】

地獄之旅 第四篇 走向天堂

今日係最後一日地獄之旅.....路線由萬丈布...去到東涌....
而我們昨夜訓之前傾好左四點半起身......
咁就係那個時間起身啦....當然佢o地未受過訓練...
永遠執野都真係好慢......攪左勁耐先可以執曬自己訓o既範圍....
就係咁....我可以訓多20分鐘....差唔多五點先起身....
好快攪好曬d 野出營行下......再叫曬佢o地快d 行出來啦...
今日zoe 情況好左好多.......比昨天快左好多出營啦....
咁當奴就整野食.....我同阿東就好快收好d 營.....
到我執好曬袋...剛好可以食野.....食完野...去完廁所...
就可以行....啦......先上靈會山......
其實由頭到尾都係睇柱行.....睇住條路係咁上.....
都真係好灰.....而今日明顯最好情況係我.....所以好多時間都放頭...
而最慢o既都係zoe.....路上....都係上山為主....
而今日非常大霧又非常大風....如果唔行...
就一定會好凍.....所以都要keep walking....
就係因為咁.....成日都要等埋大家.....而且路上係勁難搵位...
上完靈會山....再過姜山....再過觀音山....
情況都係一樣....大霧加大風.......而當中行行下都有小插曲...
就係有十幾隻牛係條路到....阻住曬囉.....
最後行到去馬路就好好多啦......冇曬霧.....小左風....
好似兩個世界咁..........而由姜山路行上昂平那條路...
一路都好平o既....只係到最後勁上樓梯....行到勁灰....
上到昂平見到勁多人囉.......攪到勁似旺角.....
而我o地四個食完野又再行啦........因為離行昂平之後...
就可以慢慢下山啦.....不過先要去郊遊徑行去昂平360條徑...
路上見到好多人上山......一路行先知.....呢條路...
雖然係好靚...冇泥地....冇草叢.....只係石頭同木頭路...
但是條路好斜....而且勁多石級.....一路下山....
隻腳都好痛.....唉........不過都好......見到好多野...
因為條路都好獨特.....其他地方搵唔到....不過石級就多d 囉....
最後下到山都差唔多四點啦......又要去搵古蹟....
攪到五點幾先完到....同導師終於都見到面....
攪好曬d 野...就大家去食左kfc 慶祝回到市區啦....
食完野...分好曬d 野....就各自閃啦.....我就回家啦....
洗完白白...食完野...就執返好自己d 野....
今日好早就訓左啦.....聽日又要返工啦....唉...

>>April 11, 2007 at 5:55:52 AM GMT+8

2007 年 4 月 6 日 星期五 【晴】

地獄之旅 第三日 繞道行

今日起身...都係四點鐘....
都係辛苦嫁啦......不過都要起....都係要行...
因為大家都想完成個金章....同時...大家都想快d 行完....
所以只好咁早起身....而今日唔知點解...
zoe比平時用左更多時間係營到唔知攪咩...
真係比佢激死.....最後都好o既...叫做同原地時間差唔多出發啦...
收完營...食完野...執好野...就見到其他oa o既金章人...
出左黎搵我o地吹水....佢o地指佢o地九點先起行.....應該會係分流見到喎...
因為佢o地o既路線大致同我o地一樣....不過唔會繞路....又只會行到大澳...
唉....佢咁講.....攪到我o地好似好慘咁....因為我o地辛苦佢咁多...
冇計啦...同人唔同命.....都要行.....
而我o地別了其他ayp 人之後...就上山啦€......先要行出石門山一帶....
只係要繞著石門山的山腰行...好快就會入到東灣....
雖然係咁...呢條路都係幾長嫁....不過沿路都係望海...
叫做可以心情好小小囉.....不過攪笑係....當奴一有feel...
就叫我o地把風...呵野囉...去到東灣都唔係好晚...都係八點左右....
之後我o地就要行一大段石屎路上水壩......經過左石壁之後就係大段石屎路...
不過我o地就唔可以由頭行到分流......只可以係中途上山....下山去分流...
呢段山路....足足....用多三小時....如果行石屎路就最多都係一小時左右....
唉....冇計....行得pa..就預左比其他人命苦.....而我o地只好分路上山...
唉....呢段路都真係唔係講笑...上山上山上山....都真係勁辛苦...
而且又係大霧...又大風.....最慘係...勁辛苦.....對比起行石屎路....
不過係中途下山那時...又比我o地見到d ayp 銅章上山喎....
睇到佢o地明顯都係好少行山經驗...因為都唔係好難行o既山...
都可以行得好慢.....不過算啦...大家鼓勵下....就各閃啦...
呢幾日真係好覺...成山都係ayp 人呢...唉....
好啦.....幾經辛苦就行返d 原路....叫做平坦啦....可以慢慢行入分流....
點知我o地行左入沙灘...搵唔到個砲台...就跟d 人行上另一邊山...
又比我o地見到另一組ayp金章人....即係大華一隊....又係今日講九點半行o既一隊...
明顯...佢o地行石屎路係快好多o既....因為佢o地勁有心情到處影囉...
我o地就係那到...又係大風之下...食完我o地o既午餐...
又要行過.....去到個分流砲台....真係好大.....
影左幾張相之後...都閃啦....直去分流村......行過分流西灣....就上山...
不遠都到左煎魚灣營地啦......不過可惜我o地唔係係呢到訓丫....
又要再行去二澳....不過因為我之前未行過.....完全唔會知.....
條路會係咁o既....唉....因為政府唔會係私人地方做建設喎...
攪到成段路都要穿林....而且有d 位都幾密....真係灰爆.....
離開二澳o既穿林路...又好似雨過天晴咁......成大段都係石屎路...
而且沿海灣行.....勁開心...因為一路到大澳條路都係咁....正...
基本上都唔洗睇圖.....而大華一組....今夜就會係鷹牙角camp 囉...
真係好開心呢....咁快可以休息.....
而我o地就要慢慢行去萬丈布....而且唔可以直去....只係繞路行...
如果直去....一早就到啦.....唔洗行咁多路添...
不過旅程需要ma....而我o地去到大澳時間都不早啦...
就想快d 行到營地....點知....那一條上山路真係勁斜....
應該多過60度啦....而且條路...成條都係青台.....
真係比佢玩死....明明唔係好長o既路....都可以行左好耐....
最神奇係....會有人係上面落山.....唔係講笑...
上都斜啦....落唔係更利害咩....不過上到山腰o既亭之後...
路就好好多啦...最少...唔會咁斜....好快..我o地就可以去到萬丈布啦...
可以休息下啦.....

>>May 6, 2007 at 4:53:18 PM GMT+8

2007 年 4 月 5 日 星期四 【晴】

地獄之旅 第二日 挑戰大東

今日起身那時...四點幾....太陽就唔知係邊...
只知道...要快...要早d 走...唔係咁早起身行就浪費左啦...
起身之後...好快有人整野食...我就執好曬d 野...
放曬出營....可能我d 野...一早set左一份份...
比起勁亂o既佢o地...我明顯係快好多嫁.....
而我就可以搵小小時間...去洗一洗身...
再回來收營....而阿東同zoe 就整野食...
我同當奴就收野.....大家合作之下...好快d 野就做好曬...
同之前plan o既時間差少少....慢左半小時到啦...
不過都要走...因為今日d 時間好急.....因為我o地離開南山之後...
好快就要行上大東山....呢條路真係唔係講笑.....
離開營地之後....只知道...只有上....唔會落....
一直行到上大東山.....而我o地只知o既...就係要上大約500米到上到山頂囉...
想起都灰......不過只到目標都總比不知道好...
一路上天一路朦...而且很大霧...咁都好...最少...睇唔到山頂...
唔知向上望打擊自信心....幾經辛苦先行到上山頂附近o既營地...
點知那到會有人喎....而且我咕係一個團體book曬d 營啦....
因為那到都成五十幾人到.....去到那時...佢o地正係到圍圈聚會...
應該係教會人呢......佢o地咁多人都真係幾有心情....行咁高上到黎宿營...
我o地都唔理佢o地....只係一路想....快一點下山...可以行到伯公坳....
而一路上...都會見到人上山...而且當中都有好多ayp 人...因為一組組行..
會有傾幾句....所以知道都係ayp 人囉...大家鼓勵下就各閃啦...
而我o地比plan 慢左小小先到達伯公坳.....休息那時....
又見到兩隊ayp 人...而且佢o地又同我o地一樣係金章....
不過佢o地好好多....因為佢o地只係跟總會行....只係行六十公里...
可以十點先行.....四點之前點都會到營地.....唉.....佢o地金章...
我o地都係金章...點解佢o地幸福咁多o既....唉....
想起都真係勁灰心....不過都要行....行去下個地點...地塘仔...
而呢條路都唔係好辛苦....因為我o地唔係上鳳凰山....
好快就去到地塘仔...係那到食完野...先慢慢行上昂平....
雖然路係石屎路為主....不過好多位都係上斜位....
上都好辛苦....好就好在...到處都係佛寺...叫有d 人氣....
都唔係好孤單......去到昂平那時....真係勁凍....因為唔知點...
只好唔點休息...就行啦....行左一個圈彌勒山郊遊徑...回到原處...
再行去鳳凰觀日位....點知那到旺到好似旺角咁....不過我o地都唔理得咁多...
因為都四點啦...我o地要快d 行...唔係好遲先入到營地...
搵到條路下山....咁就行快d 啦...希望可以用更少時間...
去到搵古蹟.......因為都要做旅程目的呢....做完旅程目的那時...
都入黑啦...我o地就沿引水道行.....去搵山路下山...
點知係那個時間.....天開始黑...我o地應該就行得好小心o既...
點知....大家都好驚...因為條路....無論點行....都好易見到金塔及不同大小o既墓地...
最灰係...成地都係奚錢.....所以....應該行半個小時o既下山路...
我o地只係十分鐘就行曬....大家係那時...
都唔理腳痛...唔理傷勢...由快行...變急行...再跑....
去到馬路...叫做可以回下氣.....之後跟馬路行...
行過水口村.....再入籮箕灣營地.....足足用多一個小時....
馬路都唔係講笑.....又長...又斜....去到營地...
幾多ayp 人囉....而且人多到...冇位起營....
係條路到起....阻住曬d 人囉.....咩都唔理...食完野..就訓....

>>May 6, 2007 at 4:05:09 PM GMT+8

2007 年 4 月 4 日 星期三 【晴】

地獄之旅 第一日 走入地獄

今日起身那時....明明係六點幾...
執好d 野之後....check好左就出去...
點知一上巴士..先發覺...唔記得拿相機...
就係咁搵d 組員...問佢o地...有冇相機啦...
點知....唉....個個都冇...咁我只好回家拿啦...
唉...一來一回...浪費左成個鐘.....又浪費左成20蚊...
唉....最灰係...拿住個背包...行來行去....浪費曬d 力...
唉....去到東涌...上左巴士...只係得企位....
唉....幾百萬人上下車...又落下車....
我企左勁耐....最後去到見到d 組員...足足遲左半小時...
雖然有原因....不過都係遲左....點知原來zeo都係唔記得拿野...
又坐左遲一班船...不過佢就快過我囉.....
見到大家...講左幾句...就開始行啦....
雖然大家都指今日係最好行o既一日..
不過都係辛苦....因為今日背包係最重o既....唉....
今日目的地係南山營地....而我o地今日最灰都芝麻灣環島郊遊徑...
那條死人野....成十八公里咁長....
您話冇野係背後就話ja....成50幾60磅野係身....
行咩路都死啦.....而且又要上那個老人山....唉....
行到勁灰.....成四百幾米高....真係要了我條命....
唉......行出條郊遊徑.....都已經成六點幾......再要浪費個幾鐘之後...
先慢慢行到去南山營地......唉......幾經辛苦先到....
而且又要落大斜....先見到gary....那時都就八點啦...
今次金章....應該最好係今日呢個營地啦......
食完野....執好曬d 野....就即訓啦...

>>April 18, 2007 at 2:05:25 PM GMT+8

2007 年 4 月 3 日 星期二 【晴】

今日返工...知道對面口黑面黑o既anna會走啦...
想起都開心....不過算啦....
佢d 野雖然都係要我做....不過唔洗見到佢...
d 野做快好多.......
回公司之前係快加好食左個米粉先回公司...
不過公司今日就好少人....因為老闆一早出左去開會...
而工場基本上都冇人係到...得幾個工人做野...
而我就好快做好d飛仔比左佢ｏ地．．．
再走去做其他野....而等到anna 十一點慢慢行回公司之後....
諗住問佢野....點知又係無功而還....
佢指.....唔係等美寶返來先咩.....您唔係要我講多次丫...
咁我就真係唔知講咩....您唔做...
您大曬...我可以講咩丫.....算數.....
而之後佢又扮曬d 比d label 我對....
佢就咩都唔做.....ok 啦..您最後一日...您大曬....
之後食完野....比美寶捉左我聽anna 講佢d 工作...
唉...聽咩丫....我都唔想聽...我又唔想做...
唉....攪咩丫....我都唔想做佢d 野...又要迫人o地做...
唉...聽完...就算....記到就記啦....
之後我又要做其他野....最灰係perry eills那到件衫要去拿...
又咁趕搵唔到人收回來...聽日又假期...
只好自己去啦.....又美寶知道我去之後...
就比左d 野我出jv...等到五點半先有得出公司...
唉.....人人都放工....我就係咁做....
真係好唔想攪....唉....不過都要做....算啦...由佢啦.....
去完九龍灣再去觀塘...又再回公司....
再回家.....唉......走那時都八點幾啦.....又陪唔到弟兄姊妹食野啦....
返到元朗都九點幾啦...佢o地都就散水啦....唉...
回家食自己囉.....

>>April 9, 2007 at 3:50:05 PM GMT+8