2007 年 4 月 22 日 星期日 【晴】

今日唔知點解起身那時好似有雨....
又冇下雨o既情況下返工....
星期一....明顯係好唔想返工o既....
唉.....雖然日日都好唔想返工....由佢啦....
邊個叫您收人人工丫......唔通可以唔做咩....
回公司之前....食完野之後....再回公司慢慢做野...
而今日工場開返...咁我就出左d 支票比d 工人先...
再攪其他野....雖然來來去去都係做那d 野....
係好無聊o既....計下飛丫....睇下訂左d 咩丫...
追返d 咩丫.....而又收到雞仔o既call.....再做個圖...
而老闆又叫我搵布比日本仔.....唉...幾百樣野....
真係好煩呢....而我食野那時就出左去老麥hea....
食完野又要真係好唔開心咁回公司做野...唉.....
下午主要都係睇返有d 咩訂左....又未訂o既咁....
好多野都唔知做左未....又以為自己做左o既野....
幾經辛苦先到放工....就走啦....
回家可以hea 下啦....不過唔知做咩好...回到家...咩都唔想做..

>>April 23, 2007 at 1:18:46 PM GMT+8

2007 年 4 月 21 日 星期六 【晴】

因為昨夜打機都打到好夜....
所以今日明顯係訓多左d 時間嫁....
成十一點幾先起身....咁就洗下頭...
洗下白白咁再出去......
今日又有聚會返啦....唔.....
而聚會都係遲左....是但搵個位坐.....
完左聚會先搵返d 弟兄食野....
雖然今日都好多弟兄姊妹.....不過食完野都走左好多啦...
而下午聚會...弟兄真係一隻手掌數得曬.....
教會極端兩性分布.....就更加強烈啦.....
可能大家都返工.....辛苦ma.....我都冇咩資格講人啦...
新家族成立咁耐....都係第一次下午留低聚會....
好多弟兄姊妹都唔知佢叫咩名.....都唔知可以同邊個傾計...
完左個生日會....都閃啦家啦....回家第一件事....
都係訓覺......因為都想休息下....
訓醒再起身食飯再洗碗....再打機......而呢兩日因為老哥唔係家中...
所以係可以係佢房打三國志嫁....hehe....

>>April 23, 2007 at 5:21:02 AM GMT+8

2007 年 4 月 20 日 星期五 【晴】

今日病o既情況好左好多啦....
昨夜都訓得好好....真係成個星期都好少咁...
聽唔到狗吠聲...冇小提琴聲...
又唔覺有蚊咬.....訓醒又回到現實....
係要返工o既.....真係悶都悶死.....
回公司之前都係例牌食下野先....
食完野先回公司做野....而今日....因為冇客回公司...
咁就check 下訂左d 咩...有咩未訂...
再整理一下...因為訂錯野都好煩....
算啦...做完野...一點即閃....回家訓一訓先....
不過回到家又冇走去訓喎...
反而一次過睇曬成個星期報紙...
又打下機....攪到四點幾....先出去食午餐...
食完野...再去買d 野...先去剪頭髮...
攪完回家洗白白...先再同阿田去食野....
食完野先回家訓啦.....

>>April 23, 2007 at 1:28:26 PM GMT+8

2007 年 4 月 19 日 星期四 【晴】

起身....刷牙....洗頭....出門口....上巴士...
食早餐....回公司....計飛仔....訂物料...
比人鬧....發呆...去廁所....搵野食....
好似成為我日常生活....
其實日日咁做....真係幾悶嫁....
好似日日都唔係為自己而活咁....
一份沒有前途o既工作....
一份為人努力搵錢...而自己唔會有咩得益o既工作...
真係好悶....好冇意思....
唉....不過最好o既...都可以日日聽收音機...
好似有個人同您講野咁.....
都叫做唔係好悶....
所以....最開心o既都係那一個小時o既食飯時間...
因為都可以出去公司...見下d 唔同o既人...
雖然大家都唔識....不過都好多人同我一樣...
返緊一份唔知為咩o既工....
so....叫做安慰一點.....放工....可以回家....
叫做最好o既禮物啦...

>>April 23, 2007 at 1:40:01 PM GMT+8

2007 年 4 月 18 日 星期三 【晴】

今日病完....又要返工....
其實昨夜都係係咁肚呵....只係好左...
昨日訓左都幾多時間....夜晚係咁呵...
一早都唔係好眼訓.....
係公司呆下呆下....做下呢樣那樣...
唔知自己做左d 咩情況下....
就可以食飯啦....不過食咩都冇咩心情...
今日一個麵都食唔曬.....就叫左食左d 野...
就搵個時間休息下.....
訓左一陣....兩點幾又要整理一下...d 野...
又要做野啦....唉...
病病地都要做野....真係好慘....
由佢啦...放工就即刻閃人啦....因為夜晚又要入荃灣....
因為今日又要上堂....唉....好彩上堂那時冇呵喳...
唔係都唔知點算...

>>April 23, 2007 at 1:24:14 PM GMT+8

2007 年 4 月 17 日 星期二 【晴】

由零晨三點起....不斷咁起身...去廁所...
事關唔知點解...係咁呵....
想訓多一陣都唔得....
一訓低...就想係到呵.....成晚都冇覺好訓...
好似昨夜咁....今日又冇得好訓...
唉......呵到八點幾......終於叫做好d...
打左回公司...請左個病假....
咁就再訓過....起身那時都十一點半啦...
咁我就先去左西鐵站...攪回八達通d 野...
足足等左十八日...先攪好.....終於可以拿返張咭啦...
之後就去惠康check 下d 日日賞積分啦....
咁之後就去睇醫生啦......醫生指我又腸胃炎喎....
咁我呢幾日都係要食粥囉....別了醫生...
食完粥就回家啦....點知食完藥之後...就係咁嘔...
唉....都唔知食唔食多次藥好....
嘔完上下網之後...五點幾又開始肚呵啦....唔知係唔係醫生比o既藥...
藥力過左呢.....唉......攪到我又呵左幾次....唉...
雖然唔係好痛....不過....真係好辛苦....久唔久又起身呵一次...
唉......真係好慘.....而且訓又訓唔到....
唉....夜晚飯又唔到....攪到幾down....幾時先可以病完呢..

>>April 18, 2007 at 1:40:36 PM GMT+8

2007 年 4 月 16 日 星期一 【晴】

今日起身就勁唔舒服....
不過都係要返工....而今日係餐廳食野那時...
唔知點解又冇咩胃口....
勁難先食完碗通粉.....食左勁耐....
之後回到公司...做野勁慢.....而且好冇心機...
不過好多野都要做....回到公司...剪曬d 布版...
攪曬d 野....計o米d 飛.....燙左一陣...底褲....
訂曬物料.....之後...食飯時間就勁訓....咩都唔食...
下午就執左之後要訂o既物料......
睇曬jv d 野...計曬d 用數...攪完都放工...
六點就走啦...回到家...去圖書館還書之後...
回家就訓...八點食完野又再訓......
訓到三點..開始肚嘔啦...

>>April 18, 2007 at 7:18:38 AM GMT+8

2007 年 4 月 15 日 星期日 【晴】

今日起身...係勁唔想返工嫁....
不過都係要返....因為公司都有好多野等住我做...
唉.....上左困車回公司....係公司下面食完野之後先回公司...
回公司....就要計出糧那d 野....
都唔知係好事or 唔好事...咁快又出糧比d 工人....
......慢慢做慢慢做啦...........不過唔快d做呢...
又幾百樣野要我做....又要點物料....
又要寄d 野上大陸.....唉....又要燙雞仔d 野....
攪到勁煩....勁多野做.....唉.....今日之後勁想唔做囉....
應該比d 決心...回家打信啦.....
咩野都叫我做....而許生又叫我執圖....好彩我想到可以比當奴做呢...
就叫左佢搵當奴....如果唔係呢...我就有排攪啦....
計完d 糧....又要燙label....又要執物料...
又要訂野...唉....幾百樣野做.....最後老闆又要我剪布過fine tech...
唉...做到七點半先走...再回家....勁疲倦...
回家問媽媽供股d 野....最後.....知道自己真係冇啦啦又跌左兩萬蚊...
勁冇心機...唉...

>>April 16, 2007 at 1:34:51 PM GMT+8

2007 年 4 月 14 日 星期六 【晴】

今日起身那時都就十二點啦....
而阿mike 又打比我叫我一同回聚會...
我洗完個行山背包之後....就回聚會啦...
見到阿mike 之後....一齊企係最後排....
等聚會完左之後....同弟兄姊妹傾左幾句之後...
之後就走啦...因為今日答應左pa 去幫手...
咁我只好完左聚會就去....上左巴士....
去到青衣...等o米阿田之後....
就一齊買完野食..行過去pa....
雖然去到遲到....不過d 內地朋友都未到...
點知當我o地見到佢o地之後...先知道原來...
佢o地全都係大學講師.....見到之後...就真係好似比人厄左咁...
唉....不過算啦...都黎左啦....我都唔知可以點...
不過如彩o既係....今日主要o既工作都係吹水...
而且係等大會...慢慢介紹完各會o既情況....
餘下半小時先係到吹下水....而其他時間呢...就會係帶佢o地行下...
咁樣....就完左我o地o既要做o既野....好似浪費左三小時咁...
咁我就....同raymund 阿田行回青衣城.....再去搵野食....
食完野之後....就各自回家啦...我回家之後真係勁眼訓...
未到十一點就訓左啦...

>>April 16, 2007 at 1:59:28 PM GMT+8

2007 年 4 月 13 日 星期五 【晴】

今日大部分時間...都係公司燙野...
因為雞仔嘜d 野....要慢慢燙d label...
不過我就唔知點做....做得好鬼慢...
而且又要做其他野....攪到兩邊唔到岸....
唉....成日都好似唔知做咩.....又要訂野...
又要呢樣....又要那樣....唉....
最後咩都唔理...一點就閃啦.....
回家之後....就要去睇醫生....因為要做身體檢查...
唉......又唔可以食野.....去到又要比錢....勁貴...
而且又唔知佢攪幾耐..足足係那到坐左成個鐘....
檢查完之後...就係元朗行左一陣...搵左d 野食...
食完野之後...就回家啦....
回家咩都唔諗就訓左覺啦....
等到八點又再起身食晚餐.....之後打下機...
做下野就再訓啦.....那時都兩三點啦...
有時想知....知咁多野黎做咩丫...真煩...

>>April 16, 2007 at 2:08:32 PM GMT+8