2007 年 5 月 5 日 星期六 【晴】

今日....一起身....一睇鐘...
都知死火啦....因為起身那時都一點三啦....
唉....唔洗返聚會啦....都遲曬啦....唉....
咁我就係家中食完野先....
睇左一陣報紙...搵左一陣d 歐洲料...
兩點幾就出左旺角....因為要同大家去book 機位...
而去到...齊人...先係銀行中心....行左一圈....
睇完好似冇咩心水....就去左搵昨天報左價o既公司啦....
不過我o地就等左都幾耐....因為有人傾緊....
而且人手唔多啦...等左足足20分鐘到先到我o地...
不過我o地呢......成個過程...不斷叫那個鄧生搵呢樣...
搵那樣...最後先搵到一個機位....
唔知點啦....因為聽完個價之後......wilson 同fino 都好似唔想咁...
只好我同阿田book左先啦...其他野....遲d 先算...
之後傾好曬d 細節之後...我o地就走左啦...
幾個人去左吉野家食野....食住傾下大家想點....
而我o地......盡量遊說佢o地一齊去啦...
佢o地好似有d 心動....不過唔知想點....三心兩意咁...
算啦......我就同阿田去搵左d書店...睇下有冇咩書可以睇下參考一下...
再去左老麥飲住野傾....睇下可以做咩....
最後圈左十幾個城市...希望去睇一次o既...
不過我咕都冇咩機會去曬嫁啦....叫做睇下邊個大家想去囉....
而之後有小小成果之後...就各閃啦....
而我就回家食左晚餐....再做其他野...
唔知間野會唔會厄我o地呢.....我o地比左訂啦...希望冇咩事...

>>May 6, 2007 at 3:31:36 PM GMT+8

2007 年 5 月 4 日 星期五 【晴】

今日返工呢....唔知點解屯門公路又塞車...
攪到我勁遲先返到公司...
算啦....一日半日就算啦....
回到公司...成台都係野/....唉....
日日都係咁....都星期六嫁啦....應該係最少野做先係...
雖然我遲左成個小時先回到公司....
計計下飛仔....美寶又叫我今日之內要出曬訂版o既物料...
冇啦啦師傅又叫我去拿布.....
大佬d 布鬼死咁多.....攪到依家都唔知做得邊樣好....
咁我就攪左d 布先啦.....唉....
好搵唔搵....搵o米d 布係曬底.....用左幾多力先抽到出來...
又要防止d布井唔會有事......真係勁頂引....
咁又浪費左我成個鐘......咁我就唔計飛住啦...
只好出左d 版單物料先............唉.....攪左一輪....又要計返飛...
我要趕係一點前計好曬....因為d 工人要食野...
我又要一點收工....只好快d 做好曬d 野....快d 走...
而老闆今日又同我講幾時走o既問題.....
今次我決定左....唔做啦.....講多次比佢知啦....
之後我又要做野.....唉...攪到一點半就走啦...
而我今日都推左阿君食野o既要求.....回左元朗...
去醫務所拿回個報告.........點知.........勁肥喎...
而且醫務人員講.....個心好似大左d 喎...唔知有冇問題....
算啦...拿完野就搵阿田...因為佢想傾下歐洲d 野....
咁我o地行左去食完野先傾....不過主要都係佢搵機位...
因為主要都係要搵機位......
佢又成日指我咩都唔人喎.......
之後佢回家之後...我就做其他野啦....
又要上網搵野.....又要做o米個ayp report 喎....
攪到勁夜....搵左d 航班資料...聽日....去搵機位...應該方便d...

>>May 6, 2007 at 3:22:58 PM GMT+8

2007 年 5 月 3 日 星期四 【暴雨】

今日起身那時....一睇...九點九...
心想....死火了....不過我都不以為然...
洗完白白....再洗完會頭...先打回公司...
講比d 同事知...我遲左起身...
回到公司...剛好十點半左右....
he....都冇人話我.....算啦...回自己個位就做野啦...
而我今日回到去...就即刻...計好曬d 工人人工...
比左阿邦出糧就完成一個工作啦...
攪完先計飛仔....再做其他野....
check 下d 物料.....而今日收埋anna 最後訂o既野之後...
呢...anna 就永遠成為大通o既歷史啦....
而我就代替佢...繼續幫公司行啦....
因為今日太遲返工...所以 d時間好似好快到食飯啦...
而我今日就先去左圖書館先...因為昨天去唔到...
今日有開就...即刻行去...
借曬d 歐洲旅行o既書先....攪完先行返新都會食野....
不過今日想極都唔知食咩好...
最後都係食左老麥....食完打完簿就回公司啦...
下午又要做其他野...而主要呢...就係check 好曬d 物料...
攪好下午就同許生出荃灣....
再做領...而我又要執下雞仔d 色.....
我就做我野...而當奴呢....就幫許生手做野....
我就好多時間都係到執色....攪左勁耐....
做完野就算啦...不過那時都六點半...好彩...佢o地今日有客...
要遲收工...唔係我一早比人踢走啦....回公司之後...
攪好曬d 野..check 好曬d email....
就閃人啦....今夜約好曬d 弟兄食野...
不過我入到屯門都八點半.....基本上佢o地都食曬野啦...
唉....留低d 送尾比我食....真係好灰....
不過都算啦...叫做好過冇啦....唉...
坐左係到吹到十點左右...大家都閃啦.....雖然今日十個人...
不過有兩個唔識未見過.....加o米有四個我唔知佢o地叫咩名...
而我講來講去都係同穎祺及阿馬講野...因為地方所限...
算啦食完野就回家啦......不過回家之前去左hsbc 入好錢...
回家..check好曬hsbc d 收費.....睇下信用卡回收錢....
之後ayp d 組員要我交野啦....點算...

>>May 4, 2007 at 5:20:50 PM GMT+8

2007 年 5 月 2 日 星期三 【晴】

今日又要開工...唉...日日都係咁...
真係好唔想返....而昨天老闆又唔比我辭職...
d 野都係要做...由佢啦...
let it be 啦...回公司都係要計飛仔....
工人越多...我就越慘....工人少都好d ...
不過工人少...又代表公司冇野做....又係死...
唉....有時返工就係咁矛盾嫁啦....
除左做呢d 野...我又要做制單....又要成日想下有咩未做...
有咩做好...有咩要等....有咩攪到邊...進度係點...
每一分鐘...都要度下做咩..未做咩...
成日就係咁run 呢個情況幾百次......
如果有人排好曬比我知...要做d 咩就好啦...
唔洗想得咁辛苦......唔洗怕做錯野...
漏左做咩野.....唔....有時都幾慘....而我食野那時...
本來就係想去圖書館借書o既...
點知...今日休息冇開到./....攪到白行左....
之後就行返街市....食完d 野....就再行左一陣...
睇下大眾有冇想要o既書....
睇下新都會有咩睇...之後就回公司...
再做公司野.....只anna 走左之後...我就冇咩時間hea 啦...
唉....真係辛苦.....好慘丫....最慘依家多左個許生...
攪到依家我本來都多野做嫁啦....又成日比佢捉左去做野...
唉...有時都真係買佢怕嫁啦...不過野都係做嫁啦...
而我今日因為要上堂...所以就係荃灣走左啦....
唔返公司....都係第一次咁做....而許生就回公司做野...
o.....之後我做好曬d 領...就同佢o地一同收工...我就行左去食麵再回去學校...
不過當然都唔會有好多同學一早到啦...我係第三個...
回到去...咩都冇帶....攪到上堂...唔知講咩....
好彩之後,....有半堂時間...攪下d 手作仔....
唔係真係悶死....不過呢d 手作仔都唔係易野....要好用心做呢...
而我...最灰係冇咩時間做....放學回家都十一點啦...
想做d 咩都冇咩時間.....攪一陣野就要訓啦....好冇引呢...

>>May 4, 2007 at 5:31:51 PM GMT+8

2007 年 5 月 1 日 星期二 【晴】

今日回公司....當然都係冇咩野...
同平時一樣....攪同樣o既...
不過今日唔同o既就係...
要計下工人o既人工...唉....雖然日日都有計...
不過當一次過做那時....就好煩啦...
因為一總結就唔可以錯...
so....月結真係好煩....不過唔做又唔得....
其實我有時都想.....點解咁少人工都做呢...
雖然您o地都上曬年紀....不過真係好唔同...
做咩會做呢.....算啦....唔理啦...人各有志ma...
ok.....攪完d 野之後呢.....那時都就中午啦...
又係時間出去食野....不過今日去kfc 見唔係好多人...
就食左先算....用o米最後那兩張禮卷....
就可以同kfc 分手啦....唔....
其實有時都想......食左咁多次...
都好似冇咩新意咁o既.....不過好多時人都冇新意啦...
何妨係公司.....講到尾...冇咩人喜歡改變o既....
就算....d 野....365日都一樣.....往往午餐時間都係勁多人排隊o既...
真係唔明....食完野..行左一陣...就回公司啦...
回公司....又係要對住d 唔想對o既野....不過...
d 野都係要做......好就好在...下午...許生比老闆捉左出去...
咁我就可以做多d 自己野啦......當然自己野o既意思係...
手上要做o既公司野啦....因為真係太多....攪都攪唔到...
好彩...感謝主啦...唔洗出去....唔係八點都唔洗走丫...
今日好o既就係...六點半做好曬d 野...就收工回家....
回家之前就行下書店....睇下有冇d 咩歐遊o既書...
不過冇咩收獲...再打左陣機....就再搵下資料...
就訓啦.....而我今日比老闆推左唔比辭工.....
幾日之後再試一次....he...

>>May 4, 2007 at 5:46:48 PM GMT+8

2007 年 4 月 30 日 星期一 【晴】

因為昨天同井水加文生去吹水...
吹左好夜....所以今日就勁晚都唔起身...
因為今日係放假....真係咩都唔想做..
只係想hea下....唉.....返工太辛苦啦...
真係難得偷到一日假...真係咩都唔想做...
唉.....不過講唔想做都要做...
下午...用左幾個小時時間去做ayp o既report...
不過都係資料上o既野...講到打字...
真係好懶.....同o米除左等組員做曬d 野之外...
and 打字o既部份....都做曬嫁啦....
即係做好左一半啦應該.....做完野..就同阿田去左食糖水...
再去行書店....之後就同佢去坐車..我回家打左陣機...
到夜晚....先覺得時間過得太快...
好想hea多日呢.....
假期丫....您做咩走咁快丫....
聽日啦.....又要返工咩....唉....

>>May 4, 2007 at 5:53:39 PM GMT+8

2007 年 4 月 29 日 星期日 【晴】

今日呢....雖然係星期一...
不過就算唔開心都好....
一想到聽日又可以放假...就算數啦...
回到公司都差唔多十點啦...
咁就只好快手做好曬d野啦...
1. 要計好曬d 飛仔..
2. 要畫好曬d 卡...因為都五月啦..
3. 打好張辭職信
4. 訂好曬jv d 物料
5. 攪好曬d 製單..
雖然係知道要做呢d 野....
不過忽然都會有好多其他野做嫁...如冇啦啦有人送貨又要點貨...
又要執野上大陸....而我食野那時....
阿珊講我知佢去歐洲四國丫...真係開心死人啦...
聽到之後都好想去丫......回家plan 下先...
食完野回公司...執好曬d 貨...就要同許生出去行一轉啦...
講到尾...佢搵我陪佢過去...o米又係點我做野....
我過去都有野做嫁...大佬...點理得您咁多...
由佢啦...唉.....好多野...係咁嫁啦...如我所料...
因為個阿叔唔識用電腦.....咁就真係咩都做唔到...
只係坐係我隔離睇囉....我就只好幫佢攪左先...
有佢係左近....明明可以好快做完o既野...都要做好耐....
而且佢又唔知想點....忽然又想改....唉....攪到咩都好似冇做到咁...
最慘...攪到我本身要做o既野...都做得勁慢...唉....
之後回公司都六點八啦....唉...
一見成台都係野o既時候...我就知我有排攪啦...
結果......八點半先走...回元朗再搵文生食左個刀麵之後...
食住吹水等井水.....而之後再同井水去飲野....
行左去一間cafe shop.....一吹就吹到一點幾...
最開心係...井水講請我.....明顯係比自己那份....文生比o米o既...
我就回家啦....之後都兩點幾啦....

>>May 1, 2007 at 8:57:45 AM GMT+8

2007 年 4 月 28 日 星期六 【晴】

今日我24啦....快d 恭喜我啦....
雖然今日係生日....不過其實都係咩都唔想做....
因為今日係星期日....所以想hea下...
而我今日當然都係好似平時咁...訓到好晚啦...
又係今日訓到十二點幾...再回教會聚會...
可能因為好多弟兄姐妹都係唔係好熟o既關係...
所以鮮有機會收到弟兄姊妹o既禮物...
而今年係信主七年中收到最少o既....
我相信....收到o既野多與少....同心靈好唔好...
係有好大o既關係o既....不過算啦.....
完左聚會...就同弟兄們食野.....
因為人多...分開左台食野....
我就同阿強哥同子棋一台....雖然同強哥唔係好熟...
不過係短短半小時...叫做知道大約情況啦....
而我食完野就回家啦....因為要做其他野....
就係係家中...休息一下囉........成晚係家中hea 左好耐...
直到十一點幾...中學同學們搵我出去...
而我又唔怕丫....有人比錢....食完糖水....吹左一陣..
點幾都回家啦...聽日又要返工啦....唉...

>>May 6, 2007 at 3:38:26 PM GMT+8

2007 年 4 月 25 日 星期三 【晴】

今日起身.....因為太心急回公司....
開電腦睇下隻新股幾多錢....
所以呢..今日就冇去食早餐就..直接回公司...
之後一睇....嘩...
高左成66%丫....真係比佢嚇一嚇....
之後心大心細咁....最後一開市...
趺左少少....最後係10.9 放左啦...
叫做有小小執到啦....
so....今日心情勁好....
之後就開始做野啦.....慢慢計下d 飛仔...
再做下d 制單....再攪其他野....
睇下d 物料咁...呢d 野...日日都做啦...
真係幾悶呢.....工作日日都一樣....
放工我就好快就走啦...因為今日又要返荃灣上堂，
雖然有好多野都知係咩...不過都要聽的...
今日回去......冇啦啦派返之前o既成績....
雖然都係合格...不過唔係最好囉.....叫做有d 位可以努力....
放學就回家....休息一下啦..

>>May 1, 2007 at 8:40:19 AM GMT+8

2007 年 4 月 23 日 星期一 【晴】

今日起身那時呢....就又係要返工...
只係今日老媽捉左我去陪佢提款....我初初都唔明點解..
去到就知啦....原來老媽張咭係英文介面o既...
佢一定唔識睇啦...so...叫我幫佢提囉...
不過都係唔知點解都係攪唔到....
之後就各閃啦....我就去搵洗手間.....
不過最後都係要行返屋企囉...
唉...最後回公司就緊係遲啦....
不過都係要食完早餐先.....
再回公司做野....計下飛丫...
而美寶就一定要我今日訂曬d 物料佢....
咁我就只好做好曬d 野先啦....
而放工都好準時走.....回家食完飯...
hea一陣...就睇返一隻好耐之前o既變型金剛呢...

>>April 26, 2007 at 6:22:16 AM GMT+8